Morgunblaðið - 24.10.1978, Síða 1

48 SIÐUR MEÐ 8 SIÐNA IÞROTTABLAÐI
242. tbl. 66. árg.
ÞRIÐJUDAGUR 24. OKTÓBER 1978
Prentsmiðja Morgunblaðsins.
Líkur á endanlegu samkomu-
lagi ísraelsmanna og Egypta
Jersúsalem, Kaíró, Washington,
23. október. Reuter. AP.
STJÓRN ísraels kom saman til
fundar í kvöld til að fjalla um
samningsdröK þau sem fulltrúar
landsins komu með heim eftir 10
daga langar viðræður við Egypta
í Washington. Talið er að þeir
Dayan utanríkisráðherra og
Weizman varnarmálaráðherra
muni þurfa að hafa sig alla við að
sannfæra ihaldssamari hluta
stjórnarinnar um ágæti
samningsins, en hægri öflin í
stjórn Begins eru sögð óttast
mjög að of langt hafi verið gengið
í undanlátssemi í samningunum.
Orðrómur hefur verið á kreiki
um það í Kaíró undanfarna daga
að Egyptar hafi hafnað
samningsdrögunum, en forsætis-
ráðherra landsins. Mustafa
khalil. sagði í dag að það væri
hin mesta fjarstæða. Sagði ráð-
herrann að stjórn lands síns hefði
einungis ákveðið að vísa tveimur
minni háttar tæknilegum atrið-
um aftur til umfjöllunar í við-
ræðunefndunum, en því færi
fjarri að samkomulaginu hefði
þar með verið vísað á bug.
Að því er heimildir í
Washington hermdu í dag hafa
einkum tvo atriði verið ásteyting-
arsteinar í þessari síðustu umferð
friðarviðræðnanna. Annars vegar
er um það að ræða að Egyptar
vilja að í samningnum verði
ákvæði þar sem tekiö verði fram
að samkomulag þetta sé nátengt
semningum um frelsun annarra
hertekinna arabískra landsvæða
úr höndum ísraelsmanna. Hins
vegar hefur verið deilt um með
hvaða hætti full diplómatísk
viðurkénning Egypta á Ísraelsríki
skuli koma til.
Allar horfur eru nú taldar á að
búið sé að hrinda þessum hindrun-
um úr vegi og að endanlegir
samningar verði undirritaðir
bráðlega. Sjálft samkomulagið
hefur ekki enn verið birt opinber-
lega.
Jóhannes Páll páfi 2. heldur á loft hinni helgu bók við
embættistöku sína si. sunnudag. Með honum á myndinni er
Virgilio Noe siðameistari Páfagarðs. — Sjá frétt á bls. 47.
Nýtt SALT-samkomu-
lag dregst á langinn
Moskvu. 23. okt. AP — Reuter
UTANRÍKISRÁÐHERRAR
Bandaríkjanna og Sovétríkjanna
luku í dag tveggja daga viðra'ð-
um um nýjan samning um tak-
mörkun framleiðslu gereyðingar-
vopna, svokallaðan SALT-2
samning. Ekki náðist endanlegt
samkomulag eins og bjartsýnustu
menn höfðu vonað. en Gromyko
utanrikisráðherra Sovétríkjanna
sagði í dag að þörf væri fyrir
a.m.k. einn fund til viðbótar.
Bandaríski utanríkisráðherrann,
Cyrus Vance, sagði í dag við
fréttamenn. að gerð samnings af
þessu tagi tæki langan tíma og
samkomulag næðist með þolin-
mæði og í litlum skrefum.
Brezhnev forseti Sovétríkjanna
og leiðtogi kommúnistaflokksins
tók þátt í viðræðunum á síðustu
stigum þeirra í dag. Brezhnev
benti að sögn á það í viðræðunum,
að sambúð Sovétríkjanna og
Bandaríkjanna hefði farið versn-
andi undanfarið og nýr
SALT-sáttmáli myndi koma
báðum þjóðum að góðu gagni. Að
sögn talsmanns Bandaríkja-
manna, var á fundunum ekkert
íjallað urn það hvort stefna ætti að
fundi Brezhnevs og Carters
Bandaríkjaforseta á næstunni til
að reka endahnútinn á samning-
ana.
Mikið mannfall í
innrásinni í Zambíu
Zambíustjóm hefur 18 útlendinga í haldi
Lusaka, Salishury,
23. október. AP. Reuter.
KENNETH KAUNDA forseti Zambíu sagði í dag að hermenn sínir
hefðu tekið til fanga 18 útlendinga og væri þeim gefið að sök að hafa
aðstoðað Rhódesíuher í árás hans gegn búðum skæruliða í landinu sl.
fimmtudag. Kaunda vildi ekki láta uppi við fréttamenn í dag hverjir
þessir menn væru né hverrar þjóðar þeir væru, en sagðist ekki mundu
láta undan neins konar þrýstingi til þess að fá þá látna lausa. Kaunda
fordæmdi árásina harðlega og sagði að Ian Smith forsætisráðherra
Rhódesíu hefði gefið fyrirmæli um árásina á meðan hann var í
Bandaríkjunum.
Yfirmaður rhódesíska hersins
sagði í dag að aðgerðir hersins í
Zambíu í síðustu viku hefðu
heppnast mjög vel, en hann varaði
landsmenn jafnframt viö því að
búast mætti við gagnárásum
skæruliða á næstunni. Sumar
heimildir telja að Rhódesíumenn
hafi drepið um 1500 skæruliða í
árás sinni og jafnframt eyðilagt
mikið af skotvopnum og birgðum
skæruliða. Er talið að Smith hafi
með þessum aðgerðum mjög styrkt
stöðu sína heima fyrir og í
væntanlegum samningaviðræðum
um framtíð landsins, en að skæru-
liðaforinginn Nkomo, sem hefur
algerlega tekið fyrir neinar við-
ræður af nokkru tagi við Smith,
geti nú neyðzt til þátttöku í
viðræðunum.
Nkomo var um helgina mjög
harðorður um árás Rhódesíuhers á
búðir manna sinna. Sakaði hann
Rhódesíumenn um að hafa myrt
110 ungar stúlkur, sem hlotið hafi
þjálfun sem lögregluþjónar,
sjúkraliðar og í fleiri borgaraleg-
um störfum.
Teng Hsiao-Ping á
fund Japanskeisara
Tókfó, 23. október. AP. Reuter.
IIINAR fornu fjandþjóðir, Kín-
verjar og Japanir, undirrituðu í
dag formlegan friðarsamning.
sem talinn er mjög mikilvægur
fyrir þróun mála í þessum
heimshluta. Kínverski aðstoðar-
forsætisráðherrann, Teng Hsiao-
Ping, sagði við þetta tækifæri að
samningurinn stuðlaði að vináttu
þjóðanna um langa framtíð. Nú
eru liðin 33 ár frá því endi var
bundinn á átök Kínverja og
Japana í si'ðari heimsstyrjöldinni,
en friðarsamningur hefur ckki
fyrr verið gerður og lengst af á
þessum tíma hafa miklir fáleikar
verið með rikjunum.
Stjórnmálasamband hefur verið
milli Kína og Japans frá árinu
1972 og viðskipti landanna hafa
mjög farið vaxandi undanfarin ár.
Hins vegar reyndist erfiðleikum
bundið að ná samkomulagi um
formlegan friðarsamning vegna
stöðu Formósu, sem hægri menn í
Japan vilja ekki slíta sambandi
við, og vegna þess að Japanir hafa
viljað komast hjá því að reita
Sovétmenn til reiði. Ráðamenn í
Kreml telja þó að samkomulagínu
sé gegn sér beint og hafa harðlega
fordæmt það.
Að lokinni undirrituninni í dag
gengu Teng Hsiao-Ping og aðrir í
kínversku sendinefndinni á fund
Hirohitos Japanskeisara. Teng er
fyrsti kínverski leiðtoginn, sem
keisarinn hittir. Aðeins eru liðin
átta ár frá því að málgögn
kínversku stjórnarinnar sökuðu
Hirohito uni að vera stríðsglæpa-
mann.
P riðarsamningar í Tókíó — Teng Ilsiao-Ping varaforsætisráðherra
Kína og Takeo Fukuda forsætisráðherra Japans kanna heiðursvörð í
Tókíó eftir að formlega var gengið frá samkomulagi ríkjanna um að
binda enda á alda gamlar erjur, scm síðast blossuðu upp í
heimsstyrjöldinni síðari.
Skipuleggjanda
olympíumótsins í
Argentínu rænt
Buenon Aires, 23. október. AP. Reuter.
Aðalskipuleggjandi olympfu-
skákmótsins í Argentínu, mað-
ur að nafni Rudolfo E. Zalungo,
er horfinn og er talið að honum
hafi verið rænt. Kona mannsins
tilkynnti fyrir helgi að hann
hefði horfið sl. miðvikudag.
Starfsmenn skáksambandsins f
Argentfnu segja að hvarf
mannsins muni ekki hafa áhrif
á skákmótið sem á að hefjast f
Buenos Aires á fimmtudag.
Lögreglan í Argentínu hefur
litlar frekari upplýsingar gefið
um hvarf Zalungos, en hann sást
síðast fara inn í bíl með
nokkrum fleiri mönnum. Kona
hans segir að hann hafi fengið
hótanir um að sér yrði rænt ef
skákmótinu yrði ekki aflýst.
Mjög mikið hefur verið um
mannrán í Argentínu undanfar-
in ár og hafa verið þar á ferðinni
ýmsir hópar skæruliða. Hafa
þeir einkum beint skeytum
sínum að fulltrúum erlendra
stórfyrirtækja í iandinu og
innlendum stjórnmála- og em-
bættismönnum.