Morgunblaðið - 24.10.1978, Blaðsíða 5
MORGUNBLAÐIÐ, ÞRIÐJUDAGUR 24. OKTÓBER 1978
5
Bjarni Jónsson myndlistarmaður (t.v.) og Stefán Rafn, annar eiganda Húsgagnaverzlunar
Hafnarfjarðar á sýningunni. Ljósm. Mbi Kristján
25% kjörsókn í 1. des. kosningunum í HÍ:
Verðandi sigraði og
mun sjá um hátíða-
höldin að þessu sinni
VERÐANDI. félají róttækra stú-
denta í Háskóla Islands sigraði í
kosningunum tii 1. des. nefndar,
sem fram fóru á laugardaginn.
Hlaut Verðandi 371 atkvæði, eða
57% giidra atkvæða, en Vaka.
félag lýðræðissinnaðra stúdenta
hlaut 276 atkvæði, eða 43% gildra
atkvæða. Auðir seðlar voru 25, og
ógildir 1. Samtals greiddu því 673
stúdentar atkvæði, eða um 25%
þeirra sem eru á kjörskrá.
Vaka bauð að þessu sinni fram
efnið, „1984, hvað verður ekki
bannað?", en Verðandi „Háskólinn í
auðvaldsþjóðfélagi".
Verðandi mun því sjá um hátíða-
höld stúdenta hinn 1. desember að
þessu sinni, og verður athöfninni úr
Háskólabíói útvarpað að venju.
11. des. kosningunum í fyrra hlaut
Vaka 42,8% atkvæða, en Verðandi
57,2%. Kjörsókn þá var 29%.
I kosningum til stúdentaráðs í vor
fékk Vaka 42,36% atkvæða, en
Verðandi 57,64%. Kjörsókn þá var
54%.
Málverka- og húsgagna
sgning í Hafnarfiröi
MÁLVERKA- og húsgagnasýn-
ing stendur nú yfir í húsakynnum
Húsgagnaverzlunar Hafnarfjarð-
ar að Reykjavíkurvegi 64. Þarna
eru sýnd margs konar húsgögn
bæði frá innlendum framleiðend-
um og innflutt og Bjarni Jónsson
myndlistarmaður sýnir á sama
stað myndir sínar, sem eru flestar
málaðar á síðastliðnu ári.
Bjarni sagði í samtali við Mbl.
að þarna væru aðallega um að
ræða olíumálverk, en einnig
pastelmyndir og teikningar. Þetta
er 18. einkasýning Bjarna en hann
hefur sýnt bæði í Reykjavík og úti
á landi auk þess sem hann hefur
tekið þátt í samsýningum heima
og erlendis. Bjarni hefur einnig
fengist mikið við bókateikningar.
Bæði myndir Bjarna og húsgögnin
á sýningunni eru til sölu.
Sýningin opnaði sl. laugardag en
er opin alla virka daga frá kl.
10—22 en um helgar frá kl. 14—22.
Sýningunni lýkur nk. sunnudags-
kvöld nema aðsókn verði svo mikil
að ástæða þyki til að framlengja
sýninguna, en aðsókn fram til
þessa hefur verið mjög góð.
Fulltrúar BFÖ taka þátt
í góðakstri í Englandi
Bindindisfélag ökumanna gekkst
sl. laugardag fyrir góðaksturs-
keppni fyrir ökumenn á aldrinum
18—25 ára, en hún er haldin í beinu
framhaldi af keppnum sem haldnar
voru á liðnu sumri á 9 stöðum.
Keppendurnir á laugardaginn
voru 15 og eru það þcir úr hópi
ökumanna í efstu sætum frá
keppnunum í sumar á þessum aldri
og verða sigurvegararnir tveir
sendir til Englands í sams konar
góðakstur og fram fór hér, en þar
er um að ræða keppni fulltrúa frá
Svíþjóð, Noregi, Finnlandl og
Bretlandi.
Sigurvegari á laugardaginn varð
Einar Guðmundsson sem varð í 2.
sæti í keppni Reykjavíkur og í öðru
sæti varð Guðmundur Salómonsson
sem varð nr. tvö í keppni í Húsavík.
Munu þeir dvelja í Englandi vikuna
13.—19. nóvember og taka þar þátt í
fyrrgreindri keppni, en það er í.boði
Svíþjóðar og Noregs sem Islendingar
taka nú þátt í henni í fyrsta sinn, en
Ábyrgð greiðir ferðakostnað. Auk
keppninnar munu þeir fara í
skoðunarferðir, en keppnin fer fram
í Luton, skammt frá London.
í keppninni á laugardaginn var
notaður bíll af gerðinni Vauxhall
Chevette, sem Véladeild SÍS lánaði
til hennar, en keppt verður á sams
konar bíl í Englandi, en keppnin þar
fer fram undir handarjaðri GM.
Upphaf þessa boðs frá Noregi og
Svíþjóð er aukið samstarf milii BFÖ
og systurfélaga þess á Norður-
Sigurvegarar í góðakstri BFÖi
Guðmundur Salómonsson t.v. sem
varð í 2. sæti og Einar Guðmunds-
son sem varð í 1. sæti.
löndunum og voru nokkrir fulltrúar
norrænu félaganna á fundi í Reykja-
vík í byrjun mánaðarins. Hafa
félögin alls innan sinna vébanda um
það bil 200 þúsund meðlimi. Á
fundinum á dögunum var rætt um
löggjöf á Norðurlöndunum um
áfengismál og umferð og greindu
erlendu fulltrúarnir frá löggjöf í
sínum heimalöndum og fram fóru
umræður.
TlZKUVERZLUN UNGA FÓLKSINS
Wkarnabær
Laugaveg 20 Laugaveg 66 Austurstræti 22. Glæsibæ Simi 28155
bolir með myndum
prentuóum á staðnum
WARS
byssur
STAR
WARS .
merki
2 stærðir
Keppnin gerði einkum kröfur til hæfni bílstjóranna og tilfinningu þeirra
fyrir bílnum.