Morgunblaðið - 24.10.1978, Blaðsíða 19

MORGUNBLAÐIÐ. ÞRIÐJUDAGUR 24. OKTÓBER 1978
19
„Ljósin í
bcenum” í MH
„LJÓSIN í bænum" nefnist
nýstofnuð hljómsveit, sem kemur í
fyrsta skipti fram opinberlega í
Menntaskólanum við Hamrahlíð í
kvöld, þriðjudag, klukkan 20.30.
Mun hljómsveitin flytja lög af
breiðskífu Stefáns S. Stefánsson-
ar, höfuðpaurs hljómsveitarinnar,
en breiðskífan er vætanleg á
markaðinn innan skamms. Hljóm-
sveitarmeðlimir eru sex og eru
allir vel þekk'tir tónlistarmenn en
hljómleikarnir í kvöld verða í
hátíðarsal menntaskólans.
„Ár barnsins”
Kvenfélagasamband Kópavogs
heldur sinn árlega haustfund í
kvöld að Hamraborg 1. Fundarefni
að þessu sinni verður „Ar barns-
ins“, og flytja framsöguerindi um
það Hulda Jensdóttir forstöðukona
og Kristján Guðmundsson félags-
málastjóri.
Eftir framsöguerindin verða
frjálsar umræður og er fundurinn
sem hefst klukkan 20.30 öllum
opinn.
Basar kven-
félags Odda-
kirkju í dag
ÁRLEGUR basar kvenfélags
Oddakirkju verður í Hellubíói í
dag, þriðjudag. Þar verður að
venju margt góðra muna. Öllum
ágóða verður varið til kaupa á
tækjum til krabbameinsskoðunar í
heilsugæzlustöðinni á Hellu. Áður
hefur félagið varið fjármunum til
dvalarheimilisins Lundar og
Oddakirkju. Þá áformar félagið að
gangast fyrir spilakvöldum á
næstunni.
Litla leik-
félagið kynn-
ir verk
Jóhanns
Jónssonar
Garði. 23. október. — Á þriðju-
dagskvöld verður kynningarkvöld
á verkum Jóhanns Jónssonar í
•samkomuhúsinu á vegum Litla
leikfélagsins. Verður þar flutt
leikrit eftir Jóhann, lesin upp ljóð
og sungin lög eftir hann. Þá mun
höfundurinn syngja gamanmál.
Segja má, að Jóhann Jónsson sé
eins konar hirðskáld Garðsins.
Hann hefir samið meira og minna
gamanmál fyrir allar stærri
skemmtanir í Garðinum um ára
bil.
Mikil gróska er í starfi Litla
leikfélagsins. Hafnar eru æfingar
á Deleríum Búbónis, leikriti
Jónasar og Jóns Múla Árnasona og
eru æfingar á hverjum degi, en
áætlaö er að sýna leikritið eftir 3
vikur. Leikstjóri er Flosi Ólafsson.
Þá ætlar félagið að taka annað
verk til sýningar eftir áramótin. —
Fréttaritari.
Leiðrétting
í FRÉTT í Mbl. á laugardaginn er
greint frá hversu mikið af síld hafi
verið fryst og saltað hjá Söltunar-
stöð Stemmu, Fiskimjölsverk-
smiðjunni og Kaupfélagi A-Skaft-
fellinga á Höfn í Hornafirði.
Ónákvæmni gætir í fréttinni og í
tölum sem þar koma fram er átt
við innvegið magn af hráefni en
ekki unna vöru. Er beðist velvirð-
ingar á þessu.
MARAí>ONDANSKEPPNIN í KLÚBBNUM:
Ragna Sigursteinsdóttir og Hjalti Jensson sigruðu í maraþondanskeppninni og hér sjást þau með verðlaunabikar sinn, sæl en þreytt eftir 13
klukkustunda dans.
8pördönsuðu
í 13 tíma, en
Ragna og
Hjalti sigruðu
Það var mikið dansað í
Klúbbnum á sunnudag, en
veitingahúsið gekkst þá fyrir
maraþondanskeppni. Hófst
keppnin klukkan 12 á hádegi
og lauk klukkan eitt eftir
miðnætti. Alls voru það 15 pör,
sem hófu maraþondansinn, en
aðeins átta luku honum. Sigur-
vegari í keppninni urðu Ragna
Sigursteinsdóttir og Hjalti
Jensson, en í öðru sæti urðu
Anna M. Guðmundsdóttir og
Ilörður Harðarson og í þriðja
sæti urðu Guðrún Bernharðs og
Haukur Harðarson. Þess má
geta að Hörður og Haukur eru
tvíburabræður. En það var
ekki aðeins að lengi hafi verið
dansað, því plötusnúður þessa
13 klukkutíma var Vilhjálmur
Ástráðsson og setti hann með
þessu nýtt íslandsmet í sinni
grein. Gamla metið var níu
klukkustundir.
Sem fyrr segir hófu 15 pör
danskeppnina og framan af
leit út fyrir að þau myndu öll
halda hana út. Má til marks
um það hafa að klukkan sex
hafði enginn keppendanna
brugðið sér neitt frá, en það
var að sjálfsögðu leyfilegt.
Heiðar Ástvaldsson, dans-
kennari, sem átti sæti í
dómnefnd keppninnar, sagði
að fyrirfram hefði verið búizt
við því að keppendurnir tínd-
ust af dansgólfinu einn af
öðrum, þegar líða tæki á
dansinn og var talið að
stúlkurnar yrðu fljótar að
þreytast. En reyndin varð
önnur og fyrstu pörin, sem
hættu keppni, hættu vegna
þreytu herranna. Heiðar
sagði, að dómnefndin hefði
haft í huga frammistöðu kepp-
enda allan daginn og hefði
verið ýtt við þeim, sem dóm-
nefnd taldi vera að spara sig
fyrir kvöldið. Um kvöldið hefði
öðru máli gilt og var þá látið
afskiptalaust þótt keppendur
dönsuðu ekki af jafnmiklum
krafti og fyrr, enda þá aug-
Ljóst að þreyta væri farinn að
segja til sín. Sjálfur kvaðst
Heiðar hafa verið hrifinn af
keppninni og þótt hún
skemmtileg. Þótti honum mik-
ill kraftur hafa verið í öllum
þátttakendunum og undraðist
hann nokkuð hvernig þeir
hefðu getað haldið út í allan
þennan tíma. En það var ekki
nóg að dansa í 13 klukku-
stundir, dómnefndin tók einn-
ig tillit til þess, hversu vel
keppendurnir dönsuðu otf í
lokin var dómnefndin einróma
sammála um að par númer 4,
Ragna og Hjalti, hefði orðið
númer eitt.
Þau pör, sem höfnuðu í
þremur fyrstu sætunum,
fengu í sigurlaun vegleg verð-
laun, eða allar þær hljómplöt-
ur, sem Hljómplötuútgáfan
mun gefa út fyrir jól, en það
munu alls vera 20 plötur og
hafa 16 komið út, en fjórar eru
væntanlegar. Þá veitti dans-
skóli Heiðars Ástvaldssonar
þremur efstu pörunum
danskennslu í vetur í verðlaun
og auk þess bauð Klúbburinn
öllum keppendunum í kvöld-
verð í Klúbbnum næstkom-
andi sunnudagskvöld.
Stöðugur straumur fólks var
á keppnina allan þann tíma,
sem hún stóð yfir og lætur
nærri að 3.000 manns muni
hafa komið á maraþonkeppn-
ina. Eðlilega var mest um
manninn er líða tók á keppn-
ina og var þröng á þingi í
Klúbbnum um eitt-leytið. Mik-
il spenna lá í loftinu, þá er
úrslitin voru kunngerð og var
augsýnilegt að áhorfendur
voru sammála dómnefndinni
um úrslit keppninnar, því þeir
fögnuðu sigurvegurunum með
lófataki og miklum fagnaðar-
látum. Er búið var að afhenda
sigurlaunin, stigu þrjú efstu
pörin á ný út á dansgólfið og
dönsuðu sigurdans. Var þá
leikið sama lagið og í upphafi
keppninnar, 13 klukkutímum
áður.
Maraþondanskeppnin þótti í
alla staði takast með ágætum
og vel má vera að Klúbburinn
efni til annarrar síðar, en það
verður tíminn að leiða í ljós.
Dansararnir hvfla sig, meðan beðið var eftir úrslitum
maraþonkeppninnar.
( i -
Áhorfendur studdu vel við bakið á sínum „mönnum" og fögnuðu
þeim lengi og innilega að keppni lokinni.