Morgunblaðið - 24.10.1978, Qupperneq 47

MORGUNBLAÐIÐ, ÞRIÐJUDAGUR 24. OKTÓBER 1978
27
• Úr leik ÍBV og Slask á Melavellinum á laugardaginn. Eyjamennirnir Karl og Sigurlás dökkir eítir góðar
vikur í Spánarsól. en Pólverjarnir kuidalegir í nepjunni og í æfingabuxum innan undir stuttbuxunum.
(Ljósm. Mbl. Emilía).
Póllandsferðin varla
annað en dýrt forms-
atriði fyrir ÍBV-liðið
VESTMANNEYINGARK töpuðu 0i2 fyrir pólska liðinu Slask frá Wrocklaw í UEFA-keppninni á gamla
(góða) Melavellinum á laugardaginn. Síðari Ieikur liðanna er að vísu eftir, en hann er varla annað en dýrt
formsatriði fyrir Eyjamennina. Enginn reiknar með því að ÍBV vinni á útivelli upp forskot Pólverjanna og
þátttöku íslenzku liðanna í Evrópumótunum þremur lýkur því með leiknum í Póllandi. Ekki verður annað
sagt en árangur liðanna hafi verið góður á þessu hausti. Valur og Akranes léku gegn mjög sterkum
andstæöingum og stóðu sig mjög vel og Vestmannacyingar komust í aðra umferð. Sennilega betri árangur
hjá íslandi í Evrópumótunum en nokkru sinni áður. þó svo að staðnæmst sé í 2. umferð eins ög áður. en
ekkert íslenzkt lið hefur komist í þriðju umferð.
Leikur ÍBV og Slask á laugar-
daginn fór fram við erfiðar
aðstæður. Hávaðarok var og kalt í
veðri, enda bauð Baldur Jónsson
vallarstjóri hina 850 áhorfendur
velkomna til vetrarleiks er hann
kynnti liðin í upphafi. Melavöllur-
inn var enn einu sinni orðinn
vettvangur stórleiks og þó svo að
Pólverjarmir segðu að þeir hefðu
aldrei áður séð malarvöll voru þeir
þó furðu fljótir að átta sig á
aðstæðunum.
Vestmanneyingar léku undan
vindi í fyrri hálfleik og sóttu þá
meira án þess að þeim tækist að
skora. Litlu munaði þó á 20. mín.
leiksins er Örn Óskarsson átti
þrumuskot úr aukaspyrnu rétt
utan vítateigs. Kalinowski mark-
vörður Slask sýndi snilldartakta
er hann sveif eins og köttur upp í
samskeytin og náði að blaka
knettinum í horn. Það vakti
athygli að Örn Óskarsson lék í
stöðu bakvarðar allan þennan leik.
Trúlega hefði verið viturlegra hjá
Sigmari Pálmasyni, þjálfara ÍBV,
aö nota Örn framar á vellinum í
fyrri hálfleiknum þegar Eyjamenn
höfðu vindinn með sér. Framar á
vellinum vantaði einmitt meiri
baráttu og vinnslu og Örn hefði
einmitt verið maðurinn til að gera
Pólverjunum lífið leitt. Þess má
geta til gamans að þetta var
níundi leikur ÍBV í Evrópukeppni
og í þeim hefur Eyjaliðið gert tvö
mörk og Örn Óskarsson verið að
verki í bæði skiptin.
I fyrri hálfleiknum náðu Pól-
verjanir nokkrum sinnum
skemmtilega uppbyggðum sóknar-
lotum og voru óheppnir að skora
ekki mark í hálfleiknum þó þeir
væru í heildina minna með knött-
inn þá. I öll skiptin er Pólverjarnir
ógnuðu í hálfleiknum var það hinn
lágvaxni Sybis, sem var upphafs-
maðurinn, stórskemmtilegur leik-
maður, sem á 6 landsleiki að baki.
í seinni hálfleiknum snerist
gangur leiksins Eyjamönnum í
óhag. Fyrra markið kom á 61. mín.
leiksins. Há sending var gefin inn í
vítateig ÍBV. Bæði Friðfinnur
Finnbogason og Páll Pálmason
hefðu átt að geta náð knettinum,
en þeir hreyfðu hvorki legg né lið,
frosnir í kuldanum, og Kwiat-
kowski stakk sér á milli þeirra og
renndi knettinum í netið. Síðara
mark Slask var síðan enn sorg-
legra. Knötturinn var gefinn fyrir
mark ÍBV á 71. mínútu en engin
hætta var á ferðum. Þórður
Hallgrímsson ætlaði að senda
knöttinn á Pál markvörð, en ekki
tókst betur til en svo að boltinn fór
yfir Pál, í þverslá og inn, 2:0.
I seinni hálfleiknum átti ÍBV
gott færi er Karl Sveinsson skaut
beint á markmann af stuttu færi
eftir að Eyjamenn höfðu leikið sig
laglega í gegn. Beztir í liði ÍBV í
þessum leik voru Sveinn Sveinsson
og Örn Óskarsson, en miklu meiri
áhuga og kraft vantaði í ÍBV-liðið
að þessu sini. I pólska liðinu eru
nokkrir skemmtilegir leikmenn, en
í heildina er liðið ekki sterkt.
Beztir voru Zmuda, sem minnti
mjog á Ellert Schram, formann
KSÍ, bæði í útliti og öllum leik
sínum. Einnig voru þeir Sybis og
Pawcowski mjög góðir. Ágætur
dómari þessa leiks var Byrne frá
Irlandi.
- áij.
1. deild kvenna
FH átti í basli
með Breiðablik
FH átti í hinu mesta basli með Breiðablik í 1. deild kvenna í Hafnarfirði á
laugardaginn en Breiðablik kom upp úr 2. deild s.l. vor. FH vann reyndar
leikinn 14:10 en tvö siðustu mörk
sekúndur voru eftir.
Leikurinn á laugardaginn var
afspyrnuslakur. FH-stúlkurnar hafa
verið í fremsfu röð í kvennahand-
knattieiknum undanfarin ár en þær
virðast ekki eins frískar núna hvað
svo sem síðar kann að verða.
Greinilegt er að hinn pólski þjálfari
stúlknanna ætlar að leggja áherslu á
hraðaupphlaup í vetur en gallinn er
bara sá aö stúlkurnar ráöa alls ekki
við þau ennþá og misheppnuðust
þau flest.
FH-stúlkurnar náðu yfirburöastöðu
í byrjun, komust í 5:1 og síðan í 6:2
en í leikhléi hafði Breiðabliki tekist að
minnka muninn í 9:6. í seinni hálfleik
var ákaflega lítið skorað og var
munurinn yfirleitt tvö mörk á liðunum
liðsins voru skoruö pegar nokkrar
en undir lokin skoraði FH tvö mörk
og tryggði sér sigurinn.
Hjá FH voru þær beztar Katrín,
Svanhvít og Kristjana en hjá Breiða-
blik var Magnea Magnúsdóttir lang-
bezt og jafnframt bezt á vellinum.
Magnea er reyndar landsliðsmark-
vörður og lék í fyrra með Ármanni.
Hulda Halldórsdóttir skoraði megnið
af mörkum Breiðabliks en hún skaut
líka óhemju mikið.
Mörk FH: Kristjana Aradóttir 5,
Svanhvít Magnúsdóttir 3, Katrín
Danivalsdóttir 3, Hildur Harðardóttir
2, Margrét Brandsdóttir 1 mark.
Mörk Breiöabliks: Hulda Halldórs-
dóttir 5. Sigurborg Daðadóttir 2,
Rósa Valdimarsdóttir 1 og Ásta
Reynisdóttir 1 mark. — SS.
r
fltakalaus sigur Fram
HAUKAR eygðu aldrei smugu á að vinna stig gegn tiði Fram.er félögin léku
sinn fyrsta leik í islandsmótinu í handbolta um helgina. Haukar náðu aðeins
einu sinni forystunni og pað var pegar liðið komst í 1—0 á fyrstu mínútunni.
Eftir Þaö kafsigldi Fram-liðið Hauka með góðum leik í fyrri hálfleik, staðan
varð 7—2. í síðari hálfleik réð leikleysan ríkjum, pannig aö úrslitunum varð
ekki breytt lokatölurnar urðu 12—5 Fram í vil.
Þaö er engum blöðum um það að
fletta, að lið Fram er mjög sterkt og
verður vafalaust í fremstu röð í vetur
sem fyrr. En liðið verður ekki dæmt
til hlítar af leiknum gegn Haukum, til
þess voru mótherjarnir of slakir. Ef
draga má ályktun af leik þessum, rís
varla nokkur úr Haukaliðinu upp úr
meðalmennskunni, liðið er mjög jafnt
á þann hátt, þó varöi Sóley vel í s.h.
Hjá Fram hafa flestar stúlkurnar
sennilega leikið betur í annan tíma,
en þó má hæla þeim Sigrunu
Blomsterberg og Jóhönnu Halldórs-
dóttur fyrir framgönguna.
Mörk Fram: Sigrún 4, Jóhanna og
Oddný 3 hvor, Erla og Guðríður
Guðjónsdóttir eitt hvor.
Mörk Hauka: Sjöfn Hauksdóttir 2,
Guörún Gunnarsdóttir, Björg Jóna-
tansdóttir og Margrét Theódórsdóttir
eitt hver.
— 99
• Hart barist í leik Fram og Hauka í Höllinni. Og Fram haíði
betur. Ljósm. RAX
„En sannleikurinn er sá...“
Stutt athugasemd frá handknattleiksdeild Víkings
MBL. IIEFUR borizt eftirfarandi
athugasemd frá handknattleiks-
deild Víkings vegna viðtals við
Úlfar Steindórsson, formann
Ilandknattleiksráðs Reykjavíkur,
í bjaðinu s.l. laugardag.
Á íþróttasíðu Mbl. síðastliðinn
laugardag er viðtal við formann
HKRR, þar sem hann fullyrðir að
Víkingur hafi hleypt upp verð-
launaafhendingu Reykjavíkur-
mótsins í handknattleik.
I byrjun greinarinnar lýsir
formaður HKRR allri ábyrgð á
þeim mistökum, sem áttu sér stað,
á hendur sér. Síðan heldur hann
áfram og segir: „en sannleikurinn
er sá ...“, hér verða veruleg
þáttaskil í orðum formannsins
þegar hann byrjar að rtota sann-
leikann sinn. Hann segir frá fundi
kvöldið fyrir leikinn þar sem rætt
hafi verið um að markahlutfall
réði úrslitum og nafngreinir
undirritaðan sem fulltrúa Víkings-
liðsins á fundinum. Það er
skemmst frá að segja, að undirrit-
aður var ekki staddur á fundi
þessum, sem formaður HKRR
hefur væntanlega setið og stýrt.
I ljósi þessarar staðreyndar,
ætti mönnum að vera ljóst, að
lýsing hans á atvikum þeim, sem
áttu sér stað í Laugardalshöll
getur ekki verið marktæk, vegna
þess, að til viðbótar því hvernig
hann meðhöndlar sannleikann, var
hann ekki á staðnum.
Okkur Víkingum var hins vegar
alveg ljóst að 2ja marka tap okkar
þýddi það að Valur yrði Reykja-
víkurmeistari og í samræmi við
það óskuðu leikmenn Víkings
leikmönnum Vals til hamingju
með titilinn og gengu síðan til
búningsklefa eins og venja er í
slíkum tilvikum.
Hins vegar hefur fulltrúi
HKRR, sem afhenda átti sigur-
launin, ekki verið eins viss í sinni
sök, heldur orðið hikandi þegar
upp komu ýmis sjónarmið margra
manna úr öllum félögum á staðn-
um, um það hvort Valur væri
Reykjavíkurmeistari eða hvort
leika bæri nýjan leik. I þessum
umræðum tóku hvorki þátt leik-
menn okkar né heldur stjórnar-
menn og vísum við því algjörlega á
bug að hafa hleypt upp verðlauna-
afhendingunni. Það vantaði ein-
ungis framtak framkvæmdaaðila
mótsins, HKRR, til þess að
afhenda sigurlaun til þess félags,
sem við bárum aldrei brigður á að
hefði unnið, þ.e. Vals.
Okkur þykir leitt að hafa orðið
fyrir þessu aðkasti frá formanni
HKRR og skiljum ekki hvatir hans
til þess eða tilgang.
Ennfremur þykir okkur miður
að Reykjavíkurmeistarar Vals,
sem með harðri baráttu voru
ótvíræðir sigurvegarar þessa móts,
skyldu ekki fá afhent sín sigurlaun
á viðeigandi hátt og vonum að úr
því verði bætt og óskum þeim til
hamingju með titilinn.
Ilandknattleiksdeild Víkings
Rósmundur Jónsson