Morgunblaðið - 28.10.1978, Blaðsíða 39

MORGUNBLAÐIÐ, LAUGARDAGUR 28. OKTÓBER 1978
39
seinna heimsstríð og allt fram til
þess dags, að dauðinn nam hann á
brott úr augsýn okkar — um sinn.
Þaö eru fáir menn, sem ég hefi
kynnst um dagana, er verið hafa
jafn-fjölþættum hæfileikum búnir
og Adolf Karlsson. Allt lék bók-
staflega í hendi hans. Hann hafði
frábæra skipulags- og forystu-
hæfileika. Vandvirkni hans og
snyrtimennska var slík að til
fyrirmyndar var. Þetta eru engar
ýkjur. Allir, sem þekktu Adolf
vita, að þetta er satt. Það er hreint
út talað þjóðfélagslegt tjón að
missa svona samvizkusaman og
góðan stjórnanda úr atvinnulífinu,
einkum þegar tillit er tekið til
þess, að hann hefði aldursins
vegna getað sinnt störfum mörg ár
enn. En það þýðir ekki að deila við
dómarann. Þegar stundin stóra
rennur upp, erum við ekki spurð
neins.
Adolf Karlsson var maður hæg-
látur í framkomu, en hann var
einnig mjög gamansamur og átti
mikið af skemmtilegum bröndur-
um í fórum sínum. Hann var
fróðleiksfús og mikill tungumála-
garpur. T.d. var hann mjög vel fær
í spænsku. Tungumálakunnáttan
kom sér vel fyrir hann, þegar hann
sótti ráðstefnur erlendis fyrir
hönd fyrirtækis síns.
Adolf hafði mikla ánægju af að
taka ljósmyndir, og sumar Ijós-
myndir hans fengu verðlaun í
keppni, sem erlend ljósmyndarit
héldu fyrir áhugamenn*
Það var alveg sama hvað Adolf
snerti á. Það var aldrei hálfkák í
neinu. Mér er vel kunnugt um það,
að hann bar hag fyrirtækis þess,
sem hann vann hjá síðustu árin
(og raunar allra, sem hann starf-
aði hjá um ævina), mjög fyrir
brjósti. Samvizkusemi og vahd-
virkni voru leiðarstjörnur hans.
Ég veit, að eigendur fyrirtækisins
og samstarfsfólk hans, sakna hans
þegar hartn er horfinn af sviðinu,
því að enda þótt maður komi
manns í stað, finnast afbragðs-
menn ekki á hverju strái.
Adolf var einlægur trúmaður og
óvíða leið honum betur en við
guðsþjónustu í kirkjunni sinni.
Hann átti sæti í stjórn St.
Jósepsspítalans og lét sér mjög
annt um félagsstarf kaþólskra
leikmanna.
Það er bjargföst trú mín, að
hann hafi fengið góðar móttökur á
æðra tilverusviði og í þeirri vissu
kveð ég þennan gamla og góða vin
með virðingu og þökk.
Ég sendi systkinum Adolfs
Karlssonar, og heitmey hans, Erlu
Einarsdóttur svo og öðrum vanda-
mönnum mínar innilegustu sam-
úðarkveðjur. Blessuð sé minning
hans.
Magnús Guðbjörnsson
Okkur langar til að minnast
örfáum orðum góðs vinar og félaga
Adolfs Karlssonar sem nú hefur
kvatt okkur. Adolf Karlsson fædd-
ist í Reykjavík þann 15.4 1916, þar
sem hann ólst upp. Æviatriði hans
munum við ekki rekja hér í
smáatriðum, til þess verða sjálf-
sagt aðrir. Við kynntumst Adolf
fyrst að ráði þegar hann kom til
starfa í fyrirtæki Hans Petersen
h/f þann 1. júní 1974. Hann var
æskuvinur Hans P. Petersen og
hafði í mörg ár verið í tengslum
við fyrirtækið, uns hann var
ráðinn framkvæmdastjóri árið
1974.
Adolf var mjög nákvæmur og
reglusamur maður. Aldrei fór
hann svo heim að kvöldi að ekki
væru öll mál dagsins frágengin og
allt í röð og reglu. Hann hafði
mikinn persónuleika og var skap-
stór maður sem sagði ávallt
meiningu sína, en var jafnframt
reiðubúinn að hlusta á skoðanir
annarra og virða þær.
Adolf var mikill ferðamaður, og
ferðaðist jafnt innanlands sem
utan. Ótaldar eru þær ferðir sem
hann hélt á vit íslenskrar náttúru,
upp á fjöll og jökla, og var þá
myndavélin jafnan með í ferðinni.
Hann hafði sérlega næmt auga
fyrir mótífum, og mun mynda-
fjöldinn sem hann tók skipta
þúsundum. Utanlandsferðir fór
hann margar og stórar, ferðaðist
hann þá mikið á viðkomandi
stöðum og gerði sér jafnan far um
að kynnast fólkinu á staðnum til
þess að skilja menningu þess og
mannlíf. Það var mjög gaman að
hlusta á lýsingar hans af ferðalög-
um sínum, þær voru lifandi og
fullar áhuga. Við áttum báðar því
láni að fagna að ferðast með Adolf
erlendis. Var hann sérlega góður
ferðafélagi, skemmtilegur og glað-
vær. Var þá oft hlegið dátt, því að
hann hafði alveg einstakt lag á að
komast skemmtilega að orði og
gera hversdagslega hluti spaugi-
lega. Minnumst við þessara ferða
með þakklæti og ánægju.
Adolf var mjög víðlesinn og
spannaði lestraráhugi hans yfir
vítt svið. Hann var mjög trúaður
og var trúarstyrkur hans mikill.
Ekki hefði okkur órað fyrir því
fyrir örfáum vikum að í dag væri
hann allur. En enginn fær örlög
sín umflúið, eða eins og hann
sjálfur sagði eitt sinn: Maður
skildi aldrei geyma til morguns að
gera það sem hægt er að gera í
dag, því enginn veit hvenær kallið
kemur. Og þegar kallið kemur með
svo skjótum hætti sem nú hefur
orðið, stöndum við eftir hugsi og
orðvana.
Allt starfsfólk Hans Petersen
h/f vottar ástvinum hans og
ættingjum dýpstu samúð. Við
þökkum stutta og góða samfylgd
og biðjum þeim styrk guðs er
sárast trega.
Guð blessi minningu Adolfs
Karlssonar.
Hildur Petersen
Ragnhildur Ásmunds-
dóttir
í dag kveðjum við vin okkar,
Adolf Karlsson, sem lést í Land-
spítalanum snemma morguns
laugardaginn 21. október. Þar
hafði hann um tveggja mánaða
skeið háð harða baráttu við þann
sjúkdóm, sem varð honum að
aldurtila, æðrulaus og stilltur eins
og hans var vandi.
Adolf var fæddur 15. apríl 1916,
sonur hjónanna Carls Lárussonar
kaupmanns og Maríu Thejll og
voru systkinin 9 talsins. Þegar
Adolf var 6 ára, andaðist móðir
hans og fluttist hann þá til Óskars
Lárussonar, föðurbróður síns.
Þegar Adolf eltist, hóf hann
nám við Verslunarskóla íslands og
lauk þaðan prófi 1935. Að því
loknu vann hann við skrifstofu-
störf, lengi hjá Skóverslun Lárus-
ar G. Lúðvíkssonar, þá hjá
Magnúsi Kjaran, síðar hjá Ölgerð-
inni Egill Skallagrímsson og
síðustu árin var hann fram-
kvæmdastjóri hjá Hans Petersen
h.f. Var það starf í góðu samræmi
við aðaláhugamál hans, sem var
ljósmyndun. Hann var afburða
snjall ljósmyndari og átti geysi-
fjölbreytt safn mynda sem hann
hafði tekið bæði innanlands og
utan, enda var þekking hans á öllu
sem þar að laut frábær.
Adolf kvæntist ekki en fyrir
nokkrum árum bast hann vinýttu-
böndum við Erlu Einarsdóttur og
ætluðu þau að ganga í hjónaband á
þessu ári. Var það samband þeirra
okkur vinum þeirra mikið gleði-
efni því að við þekktum þau bæði
að góðu, en sínum hinsta degi fær
enginn ráðið.
Adolf gekk í kaþólsku kirkjuna
1962 og þar hófust kynni okkar,
sem jukust við það að við sóttum
báðir Sundlaug Vesturbæjar á
morgnana um árabil. Adolf var
nokkuð hlédrægur og tók því lítinn
þátt í félagslífi kaþólska safnaðar-
ins í fyrstu, en þegar leitað var til
hans um liðveislu, var hann boðinn
og búinn til þess og gegndi starfi í
stjórn Félags kaþólskra leikmanna
til dauðadags. Allt starf hans þar
bar vott um þá einstöku snyrti-
mennsku sem einkenndi hann,
hann annaðist reikninga félagsins
og jafnvel rithönd hans var eins og
annað, fínleg og hreinleg. Við
vorum því mjög fegin að fá svo
ágætan dreng til samstarfs við
okkur og okkur er ljóst að það
skarð, sem hann lét eftir sig, muni
verða vandfyllt.
Ég veit að ég mæli fyrir hönd
allra safnaðarsystkina okkar
þegar ég votta systkinum Adolfs
innilegustu samúð vegna brott-
kvaðningar hans af þessum heimi.
Við þökkum Guði fyrir þær
stundir sem við fengum að njóta
samvista við hann og vonum að
hitta hann aftur þegar að okkur
kemur að flytja í annað ljós.
Friður Drottins sé með sál hans.
Torfi Ólafsson.
E]E]E]G]G]G]B]G]B]B]E]E]E]E]G]E]E]E]E]E]Q1
ATHYGLI skal vakin á því, að afmælis- og
minningargreinar verða að berast blaðinu með
góðum fyrirvara. Þannig verður grein, sem birtast
á í miðvikudagsblaði, að berast í síðasta lagi fyrir
hádegi á mánudag og hliðstætt með greinar aðra
daga. Greinar mega ekki vera í sendibréfsformi eða
bundnu máli. Þær þurfa að vera vélritaðar og með
góðu línubili.
Leikhúskjallarinn
Leikhúsgestir,
byrjiö
leikhúsferöina
hjé okkur.
Kvöldveröur frá kl.
18.
Boröpantanir
í síma 19636.
101
Ql
01
01
01
01
0]
SSgtún
Bingó kl. 3 laugardag
Aðalvinningur vöruúttekt fyrir kr. 40.000.-.
01
01
01
01
01
01
01
G]E]E]E]E]E]E]E]G]G]E]E]E]E]E]E]E]E]E]010]
Félag
járniðnaðarmanna
FELAGSFUNDUR
verður haldinn mánudaginn 30. okt. 1978, kl.
8.30 e.h. að Hótel Esju, 2. hæð.
Dagskrá:
1. Félagsmál.
2. Erindi: Um heilbrigöiseftirlit vinnustaöa, Hrafn
Friöriksson forstööum. flytur.
3. Önnur mál.
Mætiö vel og stundvíslega.
Stjórn
Félags járniðnaðarmanna.
Skuggar leika til kl. 2. Spariklæðnaður.
ARATUNGA
Stórhátíð
laugardagskvöld
Hinir
frábæru
Halli
og
Laddi
skemmta.
Finnbogi
María
Vignir
Rúnar
Hrólfur
Hljómsveitin
Geimsteinn
sér um fjöriö.
Sætaferðir frá B.S.Í. Selfossi, Laugavatni og
Hveragerði.
Hlutavelta
Eyfirðingafélagsins í Reykjavík
verður í Iðnaðarmannahúsinu við Hallveigar-
stíg á morgun 29. október og hefst hún kl. 2
e.h.
Þ»ar veröur fjöldi góöra muna. Einnig flóamarkaö-
ur. Komiö og freistiö gæfunnar og styrkiö störf
Eyfiröingafélagsins.
Stjórnin.