Morgunblaðið - 10.11.1978, Blaðsíða 10
10
MORGUNBLAÐIÐ, FÖSTUDAGUR 10. NÓVEMBER 1978
zgiinnai c/fazeaðoon h.f.
Suðurlondsbraut 16 - Reykjavík - Sími 35200
■
ður er boðið á
Innréttingahúsið hefur tekið til starfa. Verslunin býður alla velkomna
á sýningu sem haldin er í tilefni opnunar að Háteigsvegi 3.
Við sýnum og seljum hinar þekktu norsku Norema innréttingar.
Höfum sett upp fjölmargar gerðir af eldhús- og baðinnréttingum í
200 fermetra sýningarsal okkar. Komið og skoðið.
Opið föstudag 17-22, laugardag 13-22, sunnudag 13-22.
Síðan alla virka daga 9-18.
innrettinga-
húsið
Háteigsvegi 3 105 Reykjavik
Verslun sími 27344 Skrifstofa
sími
27475
9NOREMA
Guðfinna Einarsdótt-
ir, Hafnarfirði-Nírœð
Níræð verður í dag í Hafnarfirði
kona, sem í hálfan sjöunda áratug
hefur tekið þátt í lífi fólks og
lífsbaráttu þar í kaupstaðnum,
tekið virkan þátt í vexti og
viðgangi bæjarins og jafnframt og
síðan fylgst með starfi niðja sinna
á sama sviði. Þessi kona er frú
Guðfinna Einarsdóttir sem kennd
er við Gróf og lengi hefur bútð á
Öldugötu 4 í Hafnarfirði.
Guðfinna er fædd í Haukshús-
um á Álftanesi 10. nóvember 1888,
dóttir hjónanna Einars Isakssonar
og Halldóru Jónsdóttur. Hún
missti móður sína ung og ólst eftir
það upp hjá föður sínum á
Álftanesi og seinni konu hans,
Guðnýju Þorsteinsdóttur, hálf-
systur fyrri konunnar, til 12 ára
aldurs. Þá fluttist hún til Hafnar-
fjarðar, var þar nokkur ár og fór
síðan vinnukona að Haukholtum í
Hrunamannahreppi.
Af Einari föður Guðfinnu og
Guðnýju konu hans er það að
segja, að þau áttu lengi heima í
Reykjavík. Elsta dóttir þeirra,
Halldóra, bjó lengi í Engey, kona
Brynjólfs Brynjólfssonar.
I Haukholtum var vinnumaður
samtíða Guðfinnu, Jón Jónsson að
nafni. Hann hafði flutst innan
fermingar austur í Hrunamanna-
hrepp og alist þar upp á bænum
Gróf (Skollagróf) og var jafnan
kenndur við þann bæ og nefndur
Jón í Gróf eða Jón frá Gróf. Fylgdi
það kenningarnafn honum meðan
hann lifði og raunar enn munn-
tamt eldri Hafnfirðingum þegar
þeir minnast á fólk hans.
Jón og Guðfinna felldu hugi
saman og giftust árið 1911. Til
Hafnarfjarðar fluttust þau 1913,
þá frá Reykjavík. Jón stundaði
jafnan sjómennsku, fyrst lengi á
skútum en síðan á togurum og
mun hafa þótt góður fiskimaður og
reyndar vel hlutgengur til allra
verka. Hann andaðist árið 1936,
nokkru meira en hálfsextugur að
aldri. Þau Guðfinna eignuðust 13
börn sem öll komust til aldurs og
eru enn á lífi nema einn (8.
barnið), sem þau misstu á fyrsta
ári.
Ekki þarf að fara mörgum
orðum hversu mikið verk og erfitt
hefur verið að koma þessum stóra
barnahópi upp og til manns og
hversu mjög það hlýtur að hafa
hvílt á húsmóðurinni þegar hús-
bóndinn var mikinn hluta árs
fjarvistum vegna atvinnu sinnar.
Fór og ekki milli mála að Guð-
finna var bæði dugleg og myndar-
leg húsmóðir. Hins vegar hefur
hún aldrei viljað gera mikið úr
erfiðleikunum sem hún hefur átt
við að stríða á ævinni, og er það í
samræmi við lundarfar hennár og
alla gerð. Hún hefur tekið öllu
æðrulaust og aldrei kvartað. —
Hins vegar má geta þess að elstu
dæturnar urðu henni skjótt til
mikillar hjálpar, bæði við gæslu
yngri systkina og síðar með
stuðningi við heimilið með vinnu
sinni í fiski og fleiru.
Guðfinna var meðal stofnenda
verkakvennafélagsins Framtíðar-
innar árið 1925, en áður mun hún
hafa verið félagsmaður í verka-
mannafélaginu Hlíf eins og fleiri
konur. Hún var einnig meðal
stofnenda Kvenfélags Alþýðu-
flokksins í Hafnarfirði 1937. Hún
hefur einnig verið félagi í stúkunni
Daníelsher. í þessum samtökum
öllum lét hún aldrei mikið á sér
bera, en hún var traustur liðsmað-
ur. Það var alltaf hægt að reiða sig
á hana Guðfinnu í Gróf.
Aðeins eitt af börnum Jóns og
Guðfinnu er búsett utan Hafnar-
fjarðar. Það er Aðalsteinn for-
stjóri efnaverksmiðjunnar Sjafnar
á Akuryeri, næstyngstur. Hin
ellefu hafa öll starfað í Hafnar-
firði og starfa enn, þótt hin elstu
séu komin hátt á sjötugsaldur.
Hefur þetta fólk komið víða við í
uppbyggingu bæjarfélagsins, dug-
andi starfsmenn og góðir borgar-
ar. Hafnfirðingar kannast við
nöfnin: Halldóra, Aðalheiður,
Guðrún, Svanhvít, Ottó (Ágúst
Ottó), Margrét, Sigrún, Björgvin,
Jón Ragnar, Valgerður og Sigur-
steinn. Og það eru ekki einungis
þessi systkin sem starfa í Hafnar-
firði, heldur einnig þeirra börn og
jafnvel barnabörn. Niðjar Guð-
finnu og Jóns munu vera um eða
yfir hundrað að tölu. Og langa-
langömmubörnin eru orðin tvö.
Það verða margir utan hinnar
fjölmennu fjölskyldu Guðfinnu
Einarsdóttur sem senda henni
hlýjar hugsanir á afmælisdaginn
með þökk fyrir kynningu og
samstarf á liðinni ævi því að þar
hefur margur góðs að minnast.
Ólafur Þ. Kristjánsson.
Aðalsteinn Bergdal og Þórey
Aðalsteinsdóttir í hlutverkum
sínum í „Þess vegna skiljum við.“
Síðasta sýn-
ing L.A. á
Þess vegna
skiljum við
Síðasta sýning Leikfélags
Akureyrar á leikriti Guðmundar
Kambans „Þess vegna skiljum
við“ verður n.k. sunnudagskvöld,
12. nóvember. Æfingar standa
nú yfir hjá félaginu á Skugga—
Sveini, sem verður jólaverkefni
leikhússins og innan tíðar
hefjast æfingar á þriðja verk-
efninu „Stalín er ekki hér“ sem
frumsýnt verður í janúar.
Leikfélagið vill minna fólk á
að nú eru síðustu forvöð að nýta
áskriftarkortin og ennfremur
vill félagið minna á málverka-
sýningu Óla G. Jóhannssonar í
anddyri leikhússins.
Skafió
rúðurnar