Morgunblaðið - 11.11.1978, Blaðsíða 3

MORGUNBLAÐIÐ, LAUGARDAGUR 11. NÓVEMBER 1978
3
jr
F.I.A. stendur ekki
í neinum deilum
— segir B jöm Guðmundsson
— Við stöndum ekki í neinum
deilum og vitum ekki annað en að
tveir úr okkar lélagi eigi að fara
til þjálfunar á DC ÍO n.k. mánu-
dag, sagði Björn Guðmundsson
form. Félags ísl. atvinnuflug-
manna í samtali við Mbl.. og ég
vona bara að réttkjörnir stjórn-
endur fyrirtækisins fái að ráða,
en ekki einhverjir aðrir.
Félag Loftleiðaflugmanna hefur
átt nokkra viðræðufundi við
stjórnarnefnd Flugleiða um
áhafnarmálin, síðast í gær, og er
síðast fréttist í gærkvöldi sat allt
við það sama. Loftleiðaflugmenn
telja sig eina eiga rétt á að fljúga
breiðþotunni og hafa þeir mót-
mælt þeirri hugmynd stjórnar
Flugleiða að setja 57 ára aldurs-
takmark þar sem flugmenn megi
starfa til 60 ára aldurs og jafnvel
63 ára leyfi heilsa þeirra. — Þá
teljum við ekki tímabært að ræða
laun, eins og forstjórarnir vilja,
því ef þeir ætla að setja Flug-
félagsmenn á þotuna hljóta þeir að
ræða launin við þá, sagði einn
Loftleiðaflugmanna við Mbl. Hann
sagði einnig að flugmenn hefðu
aðgerðir í huga yrði ekki fallist á
þeirra hugmyndir um lausn, en
kvaðst vona að til þeirra kæmi
ekki og að þotan kæmist í gagnið
10. janúar eins og ráðgert hefði
verið.
Sjái Réttur okkar er ... og
Viljum að stjórnin ráði...
bls. 23.
Tómas
Tómas-
son látinn
LÁTINN er í Reykjavík Tómas
Tómasson fyrrum forstjóri og
stofnandi Ölgerðarinnar Egils
Skallagrímssonar og einkaeig-
andi hennar til 1932 er henni var
breytt f hlutafélag.
Tómas Tómasson var fæddur 2.
janúar 1888 aö Miðhúsum i
Rangárvallasýslu og nam hann
ölgerð í Kaupmannahöfn veturinn
1915 — 1916, en hann hafði
stofnsett Ölgerðina Egil Skalla-
grímsson árið 1913. Var hann
einkaeigandi hennar frá stofnun
og síðar aðalhiuthafi frá 1932 og
forstjóri er henni var breytt í
hlutafélag. Tómas sat lengi í
stjórn Félags ísl. stórkaupmanna,
í stjórn Iðnrekendafélagsins
Tómas Tómasson
1933—‘34, formaður Styrktarsjóðs
iðnaðarmanna og þá var hann
aðalræðismaður Eistiands í nokk-
ur ár.
Tómas var þríkvæntur og er
eftirlifandi kona hans Agnes
Tómasson.
Jón Arnalds ráðuneytisstjóri:
Engar aðgerðir
á þessari vertíð
— ÞAÐ ER mjög erfitt að gera
einhverjar ráðstafanir til að
sporna við þessu þar sem svo
stutt er eftir af síldveiðitímanum,
sagði Jón Arnalds, ráðuneytis-
stjóri í Sjávarútvegsráðuneytinu,
í samtali við Morgunblaðið í gær.
Eins og fram hefur komið í
fréttum hirða sjómenn aðeins eitt
af hverjum 20 köstum samkvæmt
athugunum sem Jakob Jakobsson
hefur gert.
Þetta vandamál hefur ekki
komið upp fyrr en núna að sögn
Jóns og sagði hann að þar sem
veiðitíminn væri aðeins til 20.
nóvember þá væri það sín skoðun
að sjómenn vildu heldur hirða
smásíld á bilinu 27—30 cm, heldur
en að fá ekki neitt og fylla ekki
kvótann. — Sjómenn fá að vísu
minna fyrir þá síld, en þeir fá þó
eitthvað og þessi stutti tími, sem
eftir er ýtir á að fleygja ekki síld,
sagði Jón.
— Ég veit að það eru skiptar
skoðanir um þetta og sjómenn
vilja alls ekki gera eins mikið úr
þessu og Jakob gerir. — Hins
vegar má undirstrika það, að
þegar við jukum kvótann og
settum skilyrði um forkaupsrétt
fyrir Norðurstjörnuna, var það
m.a. til að veiða þessa síld, sem er
á milli 27 og 30 cm. í stað þess að
kasta henni yrði henni landað hjá
Norðurstjörnunni. Það var verið
að væna okkur um að þetta væru
ekki lögmæt skilyrði og kæmu ekki
inn á veiðarnar, en vissulega gera
þau það, sagði Jón Arnalds.
8 innbrot en rýr uppskera
INNBROTAALDA gekk yfir
höfuðborgina í fyrrinótt, því að
alls voru 8 innbrot tilkynnt til
ranpsóknarlögreglunnar í gær-
morgun. Á fæstum stöðum virð-
ast þjófarnir hafa haft árangur
sem crfiði, en þeir ollu miklum
skemmdum víða.
Þannig var brotizt inn í húsa-
kynni Bílaleigunríar Fals við
Rauðarárstíg og Framkvæmda-
stofnun ríkisins í næsta nágrenni,
og farið þar um skrifstofur, brotin
upp skrifborð og leitað fjármuna
en ekki verður séð að neinum
verðmætum hafi verið stolið.
Síðan virðist leiðin hafa legið í
Vinnufatagerðina í Þverholti 17 og
í hús Póla í Einholti 6 en
uppskeran virðist hafa verið jafn
rýr á þessum stöðum og hinum
fyrri. Þá var brotizt inn í húsið
Ármúla 26 og stolið þaðan snældu-
spilara, í Austurver þar sem
einhverju af tóbaki var stolið og
loks var farið inn í hús í Geitlandi
og leitað þar en engu virðist hafa
verið stolið.
Félagsmenn í Ljóðfélaginu blása á kerti á mikilli rjómatertu í tilefni útkomu hljómplötu félagsins.
„Stjörnur í skónum**. F.v. eru Gunnar Hrafnsson, Ragnheiður Steindórsdóttir, Kolbeinn Bjarnason og
Sveinbjörn I. Baldvinsson. Ljósm. Mbi. Emiiía.
Bókmenntir með tóntist
á plötu Ljóðfélagsins
ALMENNA bókafélagið sendi í gær frá sér hljómplötuna „Stjörnur í skónum“, en
flytjendur ljóðverksins á plötunni er hópur ungs listafólks sem kallar sig
Ljóðfélagið. Efni hljómplötunnar er ljóð, óbundnir textar og tónlist, en höfundur
texta og tónlistar er Sveinbjörn I. Baldvinsson sem er einn félagsmanna í
Ljóðfélaginu.
Ljóðverkið „Stjörnur í skón-
um“ er þannig samið að Ijóðin
og óbundna málið er orðið til
fyrst. Tónlistin er síðar til
komin og notuð til að skerpa
drættina í þeim myndum sem
dregnar eru upp, að sögn Eiríks
Hreins Finnbogasonar útgáfu-
stjóra hjá AB. Þetta er ýmist
gert á þann hátt að lög hafa
verið samin við rímuð ljóð eða
tónlist felld að upplestri. Eirík-
ur Hreinn sagði að því væri um
að ræða bókmenntir með tónlist,
en ekki eins og venja er lög með
textum.
Á fundi með blaðamönnum í
gær sögðu aðstandendur
„Stjörnur í skónum" að efni
hljómplötunnar höfðaði mjög til
barna en væri þó ekki barna-
plata í venjulegum skilningi.
Verkið fjallar um heim barnsins
og tengsl hans við heim hinna
fullorðnu. Verkið er ljóðrænt og
sýnir nokkrar sjálfstæðar
myndir úr hinum sérstæða
heimi barnsins. Það er hugsað
sem eins konar draumur og í
upphafi þess og endi er vísað til
veruleikans með nokkurri kald-
hæðni, að sögn aðstandenda.
Eiríkur Hreinn og Anton Örn
Kærnested sölustjóri og rit-
stjóri bókaklúbbs AB sögðu að
Almenna bókafélagið væri ekki
með fleiri plötuútgáfur á prjón-
unum, en þar sem hljómplötuút-
gáfa væri að sumu leyti skyld
bókaútgáfu væri ekki loku fyrir
það skotið að félagið gæfu út
fleiri hljómplötur. Áður hefur
AB gefið út tvær hljómplötur.
Félagsmenn í Ljóðfélaginu
eru auk Sveinbjörns I. Baldvins-
sonar, sem stundar nám í
bókmenntasögu, Ragnheiður
Steindórsdóttir leikkona, Kol-
beinn Bjarnason sem stundar
nám í Tónlistarskólanum og í
bókmenntasögu í Háskóla Is-
lands, og Gunnar Hrafnsson,
sem stundar nám í Tónlistar-
skólanum. Fjöldi tónlistar-
manna kemur við sögu á plöt-
unni. Textar fylgja með á
sérprenti.
r uA + ÍA Hótel Sögu — Súlnasal,
i nailO sunnudagskvöld 12. nóv.
Húsið opnað. Svaladrykkir og lystaukar á barnum.
Afhending ókeypis happdrættismiöa.
Veizlan hefst stundvíslega. Ljúffengur ítalskur veizlumatur
framreiddur. Verð aðeins kr.: 3.500.-.
* Skemmtiatriði: Glæsileg ung söngkona kynnt.
Anna Júlíana Sveinsdóttir syngur
vinsæl lög og ítalskar óperuaríur.
* Tízkusýning: Módelsamtökin sýna
glæsilegan tízkufatnað fyrir dömur og
herra.
* Myndasýning: Forstjóri Útsýnar sýnir nýjar litmyndir
fró sólarlöndum.
* Danssýning: Heiðar Ástvaldsson og
kennarar í dansskóla hans sýna og
kenna dansa úr Saturday Night Fever.
* Bingó: Vinningar 3 Útsýnarferðir.
Fegurðarsamkeppni: Ljósmyndafyrirsætukeppni Út-
sýnar. Stúlkur 17—22 ára valdar úr
K\ hópi gesta. 10 Útsýnarferðir í vinn-
KlV, inga. Forkeppni.
* Dans til kl. 01:00. Hljómsveit
Ragnars Bjarnasonar og söngkonan
Edda Sigurðardóttir.
Missið ekki áf glæsilegri skemmtun og mögu-
leikanum á ókeypis Útsýnarferð. Borðpantanir hjá
yfirpjóni í síma 20221 frá kl. 3 e.h.
I# Allir
velkomnir.
Góöa skemmtun
Allir gestir sem koma fyrir kl. 20.00 fá ókeypis
happdrættismiða. Vinningur: Ítalíuferö meö ÚTSÝN