Morgunblaðið - 24.11.1978, Blaðsíða 12
12
MORGUNBLAÐIÐ, FÖSTUDAGUR 24. NÓVEMBER 1978
ÞRJÚ íslenzk íyrirtæki eru
meðal rúmlega 300 sýnenda á
alþjóðlegri sjávarútvegs- og
fiskveiðasýningu, sem stend-
ur yfir í Noregi þessa dagana.
Fyrirtækin eru Plasteinangr-
un hf. og Vélsmiðjan Oddi á
Akureyri og Vélsmiðja Jósa-
fats Ilinrikssonar í Reykja-
vík. Meðal þess sem fyrirtæk-
in kynna á sýningunni eru
bobbingar frá Odda, plast-
hringir og -kúlur frá Plast-
einangrun og toghlerar frá
Jósafat Hinrikssyni. Það er
með aðstoð Útflutningsmið-
stöðvar iðnaðarins, sem fyrir
tækin sýna á „Nor-Fishing
78“ eins og sýningin nefnist
og að sögn Gunnars Kjartans-
sonar hjá Útflutningsmið-
stöðinni hefur verið talsvert
um fyrirspurnir í básum
íslenzku fyrirtækjanna frá
því að sýningin opnaði á
sunnudaginn.
Fjölmargir íslendingar hafa
skoðað þessa sýningu í Osló og
margir hyggja á ferð þangað
áður en sýningunni lýkur um
helgina. Á þriðjudag var
Alþjóðleg fiskveiða- og sjávarútvegssýning í Osló:
Mikill fjöldi gesta frá
íslandi og 3 þátttakendur
íslenzki hópurinn á sýning-
unni þó óvenju stór, því að þá
komu þangað í heimsókn 140
útgerðarmenn, skipstjórnar-
menn, fiskifræðingar, blaða-
menn og aðrir frá Islandi, sem
á mánudag héldu í tveggja
daga ferð til Noregs í boði
Simrad-verksmiðjanna og
Friðriks A. Jónssonar um-
boðsaðila á íslandi.
Fyrri dag ferðarinnar var
dvalið í Horten, þar sem eru
aðalbækistöðvar Simrad. ís-
lendingarnir Hjálmar Vil-
hjálmsson fiskifræðingur og
Jón Sveinsson forstjóri Stál-
víkur héldu þar ræður ásamt
tveimur Norðmönnum. Síðan
var starfsemi Simrad kynnt og
þá einkum helztu nýjungar í
framleiðslunni, en í íslenzka
fiskiskipaflotanum eru Sim-
rad-tæki í miklum meirihluta.
Gist var í Tönsberg og síðan
haldið til Óslóar og sýningin
Nor-Fishing skoðuð.
Norðmenn gengust fyrst
Guðjón Pálsson á Gullberginu
frá Vestmannaeyjum var einn
í 140 manna hópi, sem Sim-
rad-verksmiðjurnar buðu til
Noregs til að kynnast fyrir-
tækinu og til að skoða
NorFishing sýninguna á
þriðjudag. Guðjón sést á
myndinni skoða Simrad-tölv-
una. nýtt og fullkomið tæki,
sem þegar er komið í nokkur
íslenzk skip.
árið 1960 fyrir slíkri sýningu í
Bergen. Frá 1965 hefur fisk-
veiða- og sjávarútvegssýning
verið haldið með nokkurra ára
millibili í Þrándheimi, en er
nú í fyrsta skipti haldin í Ósló.
Er þessi sýning sú stærsta,
sem Norðmenn hafa haldið og
er búist við fleiri gestum en
nokkru sinni. Aðilar í 15
löndum taka þátt í sýningunni
og eru þeir frá flestum löndum
V-Evrópu, Bandaríkjunum og
Japan. Það var Eivind Bolle
sjávarútvegsráðherra Noregs,
sem setti sýninguna, en meðal
viðstaddra voru Haraldur rík-
isarfi í Noregi og Sonja kona
hans.
Norðmenn lögðu mikla
áherzlu á að fá sem flesta
fulltrúa sjávarútvegs frá van-
þróuðu löndunum til þátttöku
í sýningunni og aðilar frá 30
þessara landa boðuðu komu
sína á sýninguna. Er greini-
legt að Norðmenn hyggja gott
til glóðarinnar með útflutning
á norskri framleiðslu til þess-
ara landa, en markvisst er
unnið að uppbyggingu fisk-
veiða og sjávarútvegs í þessum
löndum og taka Sameinuðu
þjóðirnar virkan þátt í henni.
—áij.
Ólafsfirðingarnir Gunnar Sigvaldason og Svavar Magnússon skoða skipslíkan í einum Birgir Guðjónsson skipstjóri á Arinbirni RE og ólafur Larsen frá Slippstöðinni á
básanna. (Ljósm. Ágúst Jónsson). Akureyri sýnast fullir áhuga þar sem þeir fylgjast með því sem einn norsku
sýnendanna hafði fram að færa.
Gunnar Kjartansson hjá Útflutningsmiðstöð iðnaðarins ræðir um fslenzku
framieiðsiuna við norskan sýningargest. Atli Jósafatsson sýnir trollhlera, sem fyrirtæki föður hans kynnti m.a. á sýningunni.