Morgunblaðið - 24.11.1978, Blaðsíða 21
MORGUNBLAÐIÐ, FÖSTUDAGUR 24. NÓVEMBER 1978
21
viðeigandi og sanngjarnt að nota
krassandi lýsingarorð, og fullyrtu,
að aðgerðir hans yrðu „mesta
pólitíska og efnahagslega fjár-
hættuspilið á ferli hans“. „The
Washington Post“ taldi forsetann
hafa gerzt sekan um „gömul
íhaldsúrræði".
Efnahagsmálasérfræðingar
tóku í sama streng. Hér skulu
aðeins tekin örfá dæmi:
Otto Eckstein hagfræðiprófess-
or við Harvard-háskóla: „Afleið-
ingarnar af hinni nýju stefnu
forsetans munu koma í Ijós á
næsta ári“, og „Urræðaleitin hefir
enn ekki borið árangur."
Alan Greenspan fyrrverandi
formaður Ráðgjafanefndar Ford
fráfarandi forseta um efnahags-
mál: „Hið tilþrifamikla fráhvarf
forsetans frá orðagjálfri til at-
hafna var nauðsynlegt til þess að
forða þjóðinni af barmi kreppu."
Robert V. Roosa meðeigandi
fjárfestingarbanka Brown Broth-
ers, Harriman & Co.: „Að mínu
áliti er meginorsök verðbólgunnar
fyrirhyggjulausir árekstrar á milli
þverrandi framleiðslugetu þjóðar-
innar og sívaxandi kröfugerðar á
hendur framleiðendum um að
mæta samfélagslegum og um-
hverfislegum þörfum."
Peter G. Peterson bankaráðs-
formaður fjárfestingabankans
Lehman Brothers Kuhn Loeb, Inc.:
„Yfir lengri tíma litið, þá eru
meiriháttar afskipti af gengis-
skráningu erlends gjaldeyris ekki
sérlega vizkulegt svar við gjald-
eyriserfiðleikum þjóðarinnar."
Georges Karlweis aðalfram-
kvæmdastjóri Banque Privée,
Genf: „Bandaríkjamenn lifa um
efni fram og vita ekki, hvernig þeir
eiga að fara að því að ná stjórn á
lífsháttum sínum.“
Lane Kirkland verkalýðsrek-
andi á vegum AFL-CIO: „Þessi
afturkippur hefst, þegar atvinnu-
leysi er meira en síðast — einni
milljón atvinnuleysingjum fleira.“
Evrópa veit,
hvers er aö vænta
Evrópumenn vita ekki síður,
hvað klukkan slær. Leiðtogar
EBE-ríkja eru á stöðugum þönum
og fundarhöldum til þess að hraða
tilkomu sameiginlegs gjaldeyris.
Helmut Schmidt, kanslari Vest-
ur-Þýzkalands, veitir móttöku
Callaghan, forsætisráðherra Eng-
lands, fárveikur af inflúensu,
heldur eineygður rakleiðis á fund
Andreotti, forsætisráðherra Ítalíu,
og síðan beint á fund Giscard
Frakklandsforseta.
Auðvitað er öllum ábyrgum
ráðamönnum ljóst, hvernig fara
hlýtur. Bæði fortakslaus náttúru-
lögmál og heilbrigð dómgreind
hafa alltaf, ætíð og ævinlega
staðið óraskanleg undir þeirri
leiftrandi staðreynd, að
— hömlulaus náttúruránskapur
eða hugsunarlaus hagvöxtur sam-
fara aukinni fólksmergð á hnetti
sem bæði er takmarkaður að stærð
og gnægtarforða, er gjörsamlega
óhugsandi, nálgast geðbilun.
En í heimi, sem í sífellu heimtar
„kjarabætur", hefir þessi stað-
reynd ekki þótt verð viðlits, og
sérhvern sérfræðing, er dirfzt
hefir að vekja athygli á, að hún
væri mergur máls, spurningin um
líf eða dauða, hafa tíu aðrir hrópað
niður. Þetta væri, sögðu þeir,
verkefni, sem samtíðin gæti róleg
og með góðri samvizku látið
niðjunum eftir sig í arf til
úrlausnar, þeir myndu líka erfa
vísindaþekkingu og tæknikunn-
áttu og yrði því ekkert að vanbún-
aði. Auk þess, bættu þeir við, ef
dregið yrði úr hagvaxtarhamför-
um, myndu afleiðingarnar verða
óbærileg, óviðráðanleg efnahags-,
samfélags- og stjórnmálaleg
harmkvæli, sem bezt bæri að loka
augunum fyrir.
En lokuð augu sjá aldrei neitt.
Þess vegna er nú þannig komið, að
þrátt fyrir að tilvistarvandamál
hafi hrópað á viðbrögð um áratugi
eða lengur, hafa „stjórnmála-
menn“ hingað til ekki talið þau
alvarlegri en svo, að þau mætti
„leysa“ með seðlaprentun.
Francis Drake —
landkönnuður, sae-
fari og sjóræningi
Fimmta bindið í bókaflokknum
um frömuði landafunda og sögunn-
ar er komið út hjá Bókaútgáfunni
Erni og Örlygi. Nefnist það
Francis Drake. landkönnuður,
sæfari og sjóræningi, og er eftir
Neville Williams. Þýðinguna gerði
Katrín Torlacius.
Á þessu ári er þess minnzt að
liðin eru 400 ár frá því Francis
Drake sigldi kringum jörðina á
árunum 1577—1580. •
í fréttatilkynningu frá útgefanda
segir m.a.:
„Hann var mikill sægarpur og
leiðtogi sem jöfnum höndum var
knúinn sterkri trúarhvöt og girnd
eftir ránsfeng. Hann vandist við
sjóinn frá blautu barnsbeini. Fyrstu
úthafsleiðangrana fór hann á veg-
um frænda síns í Plymouth, brátt
sigldi hann ævintýralegar en for-
boðnar sjóleiðir í Karíbahafi þar
sem hann var staðráðinn í að
brjótast að gullkistu heimsins, þ.e.
fjársjóðum þeim er Spánverjar
drógu sér í Vesturheimi. Hann fór í
hnattsiglingu sína árin 1577—80 og
herjaði á nýlendur og skip Spán-
verja vestanhafs. Fertugur að aldri
var hann orðinn þjóðhetja vegna
árása er hann stýrði gegn Spánverj-
um í Vestur-Indíum og á Cadiz. Þar
kom að Englendingar lentu í
grímulausu stríði við Spánverjá og
enginn einn maður átti meiri þátt í
óförum herflota Spánarkonungs en
Francis Drake.“
I bókinni eru á annað hundrað
ljósmyndir og málverk, margar
þeirra prentaðar í litum.
Adam er í hörkuformi þessa dagana,enda
aldrei verið eins vel búinn til vetrarins. Úrvalið
af frjálslegum hátíðar- og hvunndagsfatnaði
er magnað. Hvort sem um er að ræða föt, staka
jakka, stakar buxur, víðar skyrtur eða peysur.
Líttu inn og kynntu þér nýju línuna hjá Adam,
hún er glæsileg.