Morgunblaðið - 24.11.1978, Síða 32

FÖSTUDAGUR 24. NÓVEMBER 1978
Snjórinn breiddi sæng sína yfir bátana í Keykjavíkurhöfn um í gær.
Staóan í st jórnarherbúóum:
J
(Ljósm. Mbl. Emilía).
26 daga bann
á loðnuveiðum
LOÐNUVEIÐAR hér við land verða bannaðar á tímabilinu frá 15.
desember til 9. janúar næstkomandi að báðum dögum meðtöldum.
Sjávarútvegsráðuneytið gaf í gær út reglugerð þessa efnis, en samráð
var haft við helztu hagsmunasamtök í veiðum og vinnslu loðnu er
fyrrgreint tímabil var valið.
Bannið er sett til að draga úr
sókn í loðnustofninn, en sóknin
hefur aukizt gífurlega á undan-
förnum árum. Hafrannsókna-
stofnunin hefur lagt til að ekki
verði veidd meira en 1 milljón
lesta á tímabilinu frá 1. júlí 1978
til 1. júlí 1979. Þegar hafa veiðst
435 þúsund lestir á sumar- og
haustloðnuveiðunum, en að auki
veiddu Norðmenn um 150 þúsund
tonn af loðnu við Jan Mayen, sem
að vísu er ekki fullljóst hvort var
af íslenzka stofninum. Á síðustu
vetrarvertíð veiddu íslendingar
tæplega 470 þúsund tonn, en að
auki höfðu Færeyingar heimild til
að veiða 35 þúsund tonn hér við
land.
Alþýduflokkur
setur skilyrdi
— sem Alþýðubandalag getur ekki fallizt á
í gærkvöldi hafði ekki náðst
samkomulag milli stjórnarflokk-
anna um aðgerðir í efnahagsmá)-
um þrátt fyrir stöðug fundarhöld
allan daginn. Þingflokkur Al-
þýðuflokksins samþykkti á fundi
í fyrrakvöld að fallast á þá
tillögu Óiafs Jóhannessonar, að
kaupgjald hækki um 6,1% hinn 1.
desember n.k. en það samþykki
Alþýðuflokksins er bundið
ákveðnum skilyrðum um stefn-
una í efnahagsmálum á næsta ári.
Meginskilyrði Alþýðuflokksins
mun vera það, að lögbundið verði,
að ákveðið þak verði á vísitölunni
á næsta ári og komi það til
framkvæmda hinn 1. marz nk. hafi
samkomulag ekki tekizt fyrir þann
tíma um breytta skipan vísitölu-
tengingar launa. Jafnframt setur
Alþýðuflokkurinn skilyrði um af-
greiðslu fjárlagafrv., lánsfjáráætl-
Hópur Flugleiða-
fólksins heim í
dag og á morgun
ÞRJÁTÍU og einn starfsmaður
Flugleiða. er átti að annast
pílagrímaflugið, kemur væntan-
lega til landsins síðdegis í dag.
föstudag. en fólkið var væntan-
legt til Evrópu í gær.
Að sögn Sveins Sæmundssonar
blaðafulltrúa var ráðgert í gær að
Harald Snæhólm, Þuríður
Vilhjálmsdóttir og Jónína
Sigmarsdóttir kæmu heim á
laugardagskvöld, en þau munu
leggja af stað frá Sri Lanka
aðfararnótt laugardags og koma
gegnum London. Með þeim verður
einnig kona Haralds Snæhólm.
Oddný Björgúlfsdóttir mun dveija
á sjúkrahúsinu í vikutíma enn, en
hún er á góðum batavegi. Þá verða
nokkrir starfsmenn Flugleiða ytra
í nokkra daga í viðbót, en rann-
sóknarnefndin er væntanleg heim
eftir nokkra daga.
un, landbúnaðarstefnu, raunvexti
og stefnuna í peningamálum og
takmörkun fjárfestingar.
Það mun hafa komið Alþýðu-
flokksmönnum á óvart, að tillögur
þær sem Olafur Jóhannesson lagði
fram á fundi ríkisstjórnarinnar í
fyrradag voru svo áþekkar tillög-
um Alþýðubandalagsins, sem raun
ber vitni. Framan af mun forsæt-
isráðherra á stjórnarfundum hafa
talað um allt að 5% kauphækkun
1. desember en Tómas Árnason,
fjármálaráðherra, mun hafa stutt
tillögur Alþýðuflokksins um 3,6%
kauphækkun. Staðhæft er að
fjármálaráðherra hafi ekki vitað
um þá ákvörðun Ólafs Jóhannes-
sonar, sem fram kom á ráðherra-
fundi á miðvikudagsmorgni, að
fylgja svo fast í kjölfar Alþýðu-
bandalagsins, sem þá kom fram.
Innan Alþýðuflokksins hefur ekki
verið full samstaða um þá skil-
mála, sem þingflokkurinn ákvað í
fyrrakvöld að setja fyrir samþykki
við 6,1% kauphækkun og varð
formaður flokksins, Benedikt
Gröndal, að láta í minni pokann
innan þingflokksins.
í gærkvöldi ríkti óvissa í stjórn-
arherbúðum um framhaldið, en
fremur var sú skoðun uppi, að
Alþýðuflokkurinn mundi fallast á
tillögur Alþýðubandalagsins og
Ólafs Jóhannessonar í meginatrið-
um, þó með einhverjum ákvæðum
til þess að „bjarga andliti" Alþýðu-
flokksmanna. Hins vegar var alveg
ljóst, að Alþýðubandalagið gæti
ekki fallizt á skilmála Alþýðu-
flokksins. Þá var það sjónarmið
einnig uppi, að næðist ekki sam-
komulag kynni Ólafur Jóhannes-
son, forsætisráðherra, að taka þá
afstöðu, að 14% vísitöluhækkun
færi út í launakerfið.
Sjá „Lögbinding andstæð
stjórnarsáttmálanum". bls. 2
Fulltrúafundur
Landverndar:
Ný land-
græðslu-
áætlun
nauðsynleg
Á FULLTRÚAFUNDI Land-
verndar um helgina var lögð
áherzla á nauðsyn þess að
hafin yrði gerð nýrrar land-
græðsluáætlunar til að taka
við af þeirri, sem nú er unnin
samkvæmt samþykkt Alþingis
á hátíðarfundinum á Þingvöll-
um 1974.
„Þjóðargjöfin" sem Alþingi
samþykkti á Þingvöllum í
tilefni af 11 alda afmæli
íslandsbyggðar var ætluð til
fimm ára landgræðsluáætlunar
sem unnin skyldi á árunum
1975—79 og skyldi verja til
hennar 1000 milljónum króna,
verðtryggðum.
„Þetta starf hefur borið
margháttaðan árangur," sagði
Hákon Guðmundsson formaður
Landverndar í samtali við Mbl.
í gær. „Og það verður að halda
því áfrarn."
Sjái Eyða fyrir dyrum ef ekki
verður framhald á starfinu.
bls. 16-17.
„Þetta er hreint
ótrúlegt verd”
- sagdi skipst jórinn á Krossvíkinni, en sölumetið í Bret-
landi var enn slegið í gær og meðalverðið f ór yfir 500 kr.
— ÉG TRÚI þessu varla, var
það fyrsta, sem Davíð Guð-
laugsson skipstjóri á Krossvík
frá Akranesi sagði þegar hon-
um var tjáð hver sala Kross-
víkur hefði verið á markaðnum
í Grimsby í gærmorgun. —
Þetta er hreint ótrúlegt verð,
sagði hann ennfremur og þar
hafði hann sannarlega lög að
mæla því meðalverðið, sem
Krossvíkin fékk fyrir afla
sinn, er það hæsta sem íslenzkt
skip hefur nokkru sinni fengið
eða 518 krónur á kíló.
Krossvíkin var með 68.2 tonn
og fékk fyrir þau 35.3 milljónir
króna. I afla skipsins var
þorskur, ýsa, koii og grálúða og
fyrir kílóið af milliþorski, sem
var uppistaða þorsksins, fengust
667 krónur og fyrir stórýsuna
693 krónur. Þrjár síðustu sölur í
Englandi hafa allar verið met-
sölur. Fyrst seldi Ársæll Sig-
urðsson í Hull og meðalverðið
var 420 krónur. Þá seldi Karls-
efni nokkrum dögum síðar
einnig í Hull fyrir 448 krónur.
Loks seldi Krossvíkin síðan í
Grimsby í gær og fékk 518
krónur fyrir kílóið að meðaltali.
Meðalverð Krossvíkur var um
helmingi hærra en algengt
hefur verið á markaðnum og
eiga útvegsmenn ekki von á að
þetta með verði slegið á næst-
Að sögn Þórleifs Ólafssonar
starfsmanns Fylkis í Grimsby
áttu allir von á góðu verði þegar
afli Krossvíkur var boðinn upp
í gær. Togarinn hafði aðeins
verið 8 daga að veiðum og
fiskurinn sem nýr. Fiskkaup-
menn sögðust ekki hafa séð svo
fallegan fisk af íslandsmiðum í
háa herrans tíð. Á fimmtudags-
morgun er BBC-útvarpið með
þátt þar sem fjallað er um
matvæli og verð á þeim í
Bretlandi og talið er, að allt að
fimm milljónum manna hlusti á
þáttinn. í þættinum í gærmorg-
un sagði umsjónarmaðurinn, að
gæði þess fisks, sem verið hefur
á markaði í Bretlandi undan-
farnar tvær vikur hefðu verið
léleg. Síðan bætti hann við: — í
morgun seldi þó togari frá
íslandi í Grimsby og var hann
að sögn með einhvern bezta og
fallegasta fisk, sem lengi hefur
komið á markaðinn.
Tilfinnanlegur skortur hefur
verið á fiski á mörkuðum í
Englandi síðustu tvær vikurnar.
Bræla hefur verið í Norðursjó og
þar af leiðandi lítið borizt á land
af heimabátum, auk þess sem
búið er að leggja mörgum
þeirra. — Hvort þetta háa verð
helzt lengi þori ég ekki að spá
um, því þetta verð er með
ólíkindum, sagði Þórleifur
Ólafsson í Grimsby.