Morgunblaðið - 03.12.1978, Qupperneq 45

-V.
MORGUNBLAÐIÐ, SUNNUDAGUR 3. DESEMBER 1978
45
Frá stofnfundi HeilbrigdiumálaráAs Reykjaneshéraðs. Ljósm.: Heimir Stígsson.
Heilbriðgðismálaráð
Reykianeshéraðs
STOFNFUNDUR Heilbrigðis-
málaráðs Reykjaneshéraðs var
haldinn 23. nóv. s.l. Formaður,
Kjartan ólafsson héraðsiæknir í
Reykjanesheraði, stj,órnaði fundi.
Jósef ólafsson læknir í Hafnar-
firði var kjörinn varaformaður
og Vilhjálmur Heiðdal ritari.
Aðrir fulltrúar í ráðinu voru
mættir: Eiríkur Pálsson, Sigurður
Þórðarson og Rafn Sigurðsson frá
Hafnarfirði, Jón M. Guðmundsson
frá Mosfellshreppi, Ólafur Jónsson
frá Kópavogi, Kristján Sigurðsson
frá Keflavík og Sólrún Einarsdótt-
ir, Stefán Friðbjarnarson og Jón
Gunnlaugsson frá Seltjarnarnesi.
Heilbrigðismál héraðsins voru
rædd og skipulag starfseminnar.
Voru gerðar nokkrar ályktanir í
þeim efnum.
Ákveðið var m.a. að halda
kynningarfundi í hverju sveitar-
félagi, og verður næsti kynningar-
fundur haldinn í Hafnarfirði.
Fundur um hlut-
verk kirk junnar í
nútí maþ jóðf élagi
Jazzvakningi
Mezzo Forte á tónleikum
HLJÓMSVEITIN MEZZO FORTE
kemur fram á tónlistarkvöldi hjá
Jazzvakningu á Hótel Sögu á
þriðjudaginn. þann 5. desember.
Mun hljómsveitin þar leika nýtt,
frumsamið efni, en Mezzo Forte
skipa eftirtaldir hljóðfæraleikarari
Friðrik Karlsson, gítar, Eyþór
Gunnarsson, píanó, Jóhann
Ásmundsson, bassi, Gunnlaugur
Briem, trommur og Andrés Helga-
son, flauta og trompet.
Allir eru þessir menn þekktir
hljóðfæraleikarar. Þá kemur Gunnar
Reynir Sveinsson, tónskáld og víbra-
fónleikari, fram ásamt félögum
sínum, og munu þeir leika nokkur
lög af fingrum fram. Gunnar hefur
ekki leikið opinberlega árum saman,
en kemur nú fram í tilefni útkomu
plötu með verki hans, Samstæður, en
það samdi hann sérstaklega fyrir
Listahátíðina í Reykjavík árið 1970.
Tónlistarkvöldinu á þriðjudaginn
lýkur svo með „jam-session“, sem
ráðgert er að standi fram yfir
miðnætti.
MÓÐIR MÍN
— HÚSFREYJAN
Fyrra bindi þessarar
bókar seldist mest allra
bóka okkar í fyrra. Nú er
komið út nýtt safn, um
nýjar mæður, fimmtán
þættir um mæður úr
hinum ólíkustu stéttum
þjóðfélagsins, skráðir af
börnum þeirra.
Þetta nýja bindi af
Móðir mín — Húsfreyj-
an er ekki síður fróðlegt
og skemmtilegt en hið
fyrra. Hver þáttur bók-
arinnar er tær og fagur
óður um umhyggju og
ljúfa móðurást.
FÉLAG sjálfstæðismanna í
Smáíbúða-, Bústaða- og Fossvogs-
hverfi heldur almennan fund í
safnaðarheimili Bústaðakirkju
n.k. miðvikudagskvöld kl. 20.30.
Fundarefnið er hlutverk kirkjunn-
Séra Ólafur Skúlason
ar í nútímaþjóðfélagi, og eru
framsögumenn séra Ólafur Skúla-
son dómprófastur og Pétur
Sigurðsson, varaþingmaður.
Fundurinn er öllum opinn og
verður boðið upp á kaffiveitingar.
Pétur Sigurðsson
Aðventukyöld í
Stokkseyrarkirkju
í Stokkseyrarkirkju verður haldið aðventukvöld næstkomandi
þriðjudag kl. 21. Verður það flutt samfelld dagskrá sr. Guðmundur Óla
Ólafssonar sóknarprests í Skálholti, í máli og myndum um ísrael. Þá
verður einnig flutt hebresk tónlist. Auður Eir Vilhjálmsdóttir flytur í
lokin hugvekju.
Sjúkraflug frá
Króksfjarðarnesi
ÞAÐ slys varð að bænum Ingunn-
arstöðum f Dalasýslu að maður er
vann við smíðar á svonefndri
flatgryfju á fimmtudag féll niður
af þaki hennar og slasaðist
nokkuð í baki. Var maðurinn
sóttur í sjúkraflugvél í Króks-
fjarðarnes og annar læknirinn
frá Búðardal sem þar var staddur
bjó um hann í vélinni.
Sjúkraflugvélin, sem var frá
Örnum á ísafirði, lenti á 500 m
langri flugbraut við Króksfjarðar-
nes og lýstu bílar upp brautina
laust fyrir kl. 22 á fimmtudags-
kvöld. Flutti vélin manninn til
Reykjavíkur. Var hann fluttur á
Landspítalann og hafði hann
brákast nokkuð í baki.
II
'

lm|
lii
Við bjóðum sérstaklega hagstætt verð á takmörkuðum birgðum TELEFUNKEN
sjónvarpstækja. Stærðir 20”, 22", 26”. Verð frá kr.: 410.000.-
Nýjung í greiðslukjörum þ.e.a.s. styttri lánstími, lækkun á verði.
Ath. Takmarkaðar birgðir. Leitið nánari upplýsinga
BRÆÐURNIR ORMSSON %
LÁGMÚLA 9 SÍMI 38820
*