Morgunblaðið - 06.12.1978, Blaðsíða 30
MORGUNBLAÐIÐ, MIÐVIKUDAGUR 6. DESEMBER 1978
30
• James Blaekwood t.v.. frjálsíþróttaþjálfari hjá háskólanum í Texas, sem Óskar kemur til með að keppa fyrir ok
nema við, ræðir við formann FRÍ, örn Eiðsson, og óskar.
Öskar hefur gert samning
við einn stærsta háskóla
Bandaríkjanna, Texas A.M.
— Ég hcf hvergi séð betri aðstöðu til œfinga og keppni en þarna hjá þeim í Texas, sagði kringlukastarinn
Óskar Jakohsson f spjalli við Mbl. í gær, en hann er nýkominn frá Austin f Texas þar sem hann hefur gert
samning við háskólann þar um að keppa fyrir þá og jafnframt mun hann nema við skólann.
— Eg náði mjög hagstæðum
samningi og er ánægður með hann
og eftir að hafa verið úti í boði
skólans var ég ekki í vafa um að fara
út og dveljast þar, sagði Óskar. — Ég
mun halda út 10. janúar og dveljast
til maíloka en þá kem ég heim og
verð með landsliðinu í keppnum
sumarsins sem eru fjölmargar. Úti í
Texas mun ég að sjálfsögðu leggja
aðaláherslu á kringluna en kúlu-
varpið verður aukagrein hjá mér. Ég
ætla að setja markið hátt og leggja
mikla áherslu á æfingarnar sem
framundan eru undir handteiðslu
góðra þjálfara við aðstæður eins og
þær gerast bestar.
Með Óskari kom til landsins einn
af þjálfurum skólans, James
Blackwood. Er við ræddum við hann
í gær, kvaðst hann vera mjög
ánægður yfir að hafa náð samning-
um við Óskar og sagðist vona að
hann yrði ekki sá síðasti sem kæmi
til skólans frá íslandi. Aðspurður
hvers vegna hann hefði komið með
Óskari til íslands sagði hann, að
hann hefði verið að ganga frá
samningum og jafnframt hefði hann
áhuga á að ræða við fleiri frjáls-
íþróttamenn sem til greina kæmu
fyrir skóla sinn. Ég mun ræða við
Hrein Halldórsson kúluvarparann
ykkar, sem er á heimsmælikvarða,
og hugsanlega fleiri. — Þá hef ég
reynt að skoða mig um hér og líst vel
á mig, sagði James.
Háskólinn í Austin í Texas er einn
sá stærsti í Bandaríkjunum og telur
alls 42.000 nemendur. í frjálsíþrótta-
liði skólans eru um 70 keppendur og
greiðir skólinn allan kostnað þeirra
við æfingar og keppni, svo og
skólavist í flestum tilfellum.
Óskar mun hefja keppni á innan-
hússmótum stuttu eftir að hann
kemur út í janúar, en aðalkeppnis-
tíminn hefst ekki fyrr en í febrúar-
lok. Það er gleðiefni að Óskar fær nú
tækifæri til að æfa við bestu
hugsanlegar aðstæður og hjá góðum
þjálfurum því að hann er tvímæla-
laust eitt mesta frjálsíþróttaefni
sem við eigum á íslandi í dag.
Svavar híaut
bronsið
Opna skandinavíska meistara-
mótið 1978 var háð í Ósló um
síðustu helgi. Sjö íslenskir júdó-
menn tóku þátt í mótinu og stóðu
sig með prýði í keppni við hina
erlendu keppinauta. Þetta var
fjölmennt mót og sterkt, skráðir
keppendur 154, en eitthvað aí
þeim helltist úr lestinni. Fyrst er
keppt í riðlum innan hvers
þyngdarflokks. og eru venjulega
4 menn í riðli. Tveir efstu úr
hverjum riðli komast síðan í
úrslitakeppnina sem háð cr með
útsláttarfyrirkomulagi.
Flestir íslensku keppendurnir
komust í úrslitakeppnina, og
Svavar Carlsen komst alla leið upp
í þriðja sæti í þungavigt. Tapaði
hann naumlega fyrir norðanmann-
inum Petterson í undanúrslitum.
Svavar kastaði norðmanninum en
hlaut refsistig fyrir óleyfileg tök,
og það nægði til að norðmaðurinn
fékk vinninginn.
Bjarni Friðriksson sigraði í
sínum riðli í 86 kg flokknum, og
vann alla andstæðinga sína í ippon
(fullnaðarsigur). Sigurður Hauks-
son keppti nú í fyrsta sinn á móti
erlendis og náði frábærum ár-
angri. Hann sigraði í sínum riðli í
86 kg flokknum ásamt Finnanum
Vaino. Sigurður sigraði m.a. fyrr-
verandi norðurlandameistara,
Julvén frá Svíþjóð. Frábær árang-
ur hjá Sigurði sem er aðeins 17 ára
gamall.
Halldór Guðbjörnsson keppti nú
í fyrsta sinn í 78 kg flokknum, en
það er einum flokki þyngra en
hann hefur venjulega keppt í.
Halldór komst í úrslitakeppnina,
en í fyrstu umferð þar var
sigurinn dæmdur af honum með
næsta óvenjulegum hætti. Halldór
náði góðu taki á Dananum Tolstoy:
í gólfglímu, og Daninn gafst upp
og Halldóri er að sjálfsögðu dæmt
ippon. En eftir á breyttu dómar-
arnir úrskurðinum, töldu að Hall-
dór hefði þjarmað að baki Danans,
og var nú dóminum breytt í 7
refstistig á Halldór. Það var of
mikið til að Halldór gæti unnið
það upp, þó að hann hefði mikla
yfirburði í viðureigninni.
Aðrir keppendur í íslenska
hópnum náðu ekki eins góðum
árangri og þessir en stóðu sig samt
vel. Fjöldi keppenda var frá
Vestur-Þýskalandi og var það vel
þjálfað og gott lið. Svíar tefldu
fram sínum bestu mönnum og
fengu tvenn gullverðlaun.
Þetta er í þriðja sinn sem
íslenskir júdómenn taka þátt í
þessu alþjóðlega móti, og hafa þeir
unnið til verölauna í öll skiptin.
• Svavar Carlsen.
Aiisturriki
skióaparatiis
a 1 bi i notnr walift um ctaAi í A i icti irríclsi i
Þú getur valið um 3 staði í Austurrísku
Ölpunum, Kitzbúhel, Zell am Zee
og St. Anton - einhver vinsælustu
skíðalönd sem völ er á.
Þú getur valið um viku eða tveggja
vikna dvöl - á einum stað eða tveimur.
Vikulegar brottfarir, á sunnudögum frá
7. janúar til 25. mars auðvelda þér
að velja hentugan tíma.
Snúðu þér til söluskrifstofu okkar,
umboðsmanns, eða ferðaskrifstofu
og fáðu litprentaða skíðabæklinginn
og allar nánari upplýsingar.
flugfélag LOFTLEIÐIR
LSLAJVDS