Morgunblaðið - 07.12.1978, Blaðsíða 3

MORGUNBLAÐIÐ, FIMMTUDAGUR 7. DESEMBER 1978
Biðlaun þingmanna:
Þingflokkar klofna í afstöðu
Frumvarp til laga um biðlaun þingmanna kom til framhaldsumræðu í neðri deild
Alþingis í gær. Frumvarpið felur í sér að þingmenn, sem setið hafi 4 ár á þingi eða
lengur, eigi rétt til 3ja mánaða biðlauna, er þeir hætta störfum á Alþingi, og til 6
mánaða eftir 10 ára þingsetu. í greinargerð er vitnað til hliðstæðra réttinda annarra
ríkisstarfsmanna. Frumvarpið gerir og ráð fyrir að þessi biðlaun nái til þingmanna,
er létu af þingstörfum á sl. vori.
Þingnefnd klofnar
í málinu
Meirihluti fjárhags- og við-
skiptanefndar mælti með því að
frumvarpið yrði samþykkt óbreytt.
Hana skipa: Lúðvík Jósepsson
n, Halldór E. Sigurðsson (F),
ír G. Einarsson (S) og
Matthías Á. Mathiesen (S).
Minnihluti nefndarinnar, Kjart-
an Ólafsson (Abl) og Vilmundur
Gylfason (A) leggur til að frum-
varpið verði fellt. I greinargerð
þeirra kemur fram „að launakjör
og fríðindi alþingismanna séu í
heild það góð, að ekki sé ástæða til
að bæta þau með þeim hætti sem
frv. gerir ráð fyrir." Þeir segja og
að hver þingmaður, sem setið hafi
á Alþingi í 10 ár eða lengur fái skv.
frv. nokkuð á þriðju milljón króna
hver, ef frumvarpið yrði sam-
þykkt. Þýddi þetta strax í ár
nokkurra tuga milljóna útgjöld
fyrir ríkissjóð. Þessu fjármagni
mætti betur verja með öðrum
hætti.
Breytingartillögur
• Eiður Guðnason (A) flutti
breytingartillögu, þess efnis að
alþingismaður, sem setið hafi á
Alþingi eitt kjörtímabil eða leng-
ur, skuli eiga rétt á 3ja mánaða
biðlaunum, þ.e. að ákv. um 6 mán.
biðlaun falli niður.
• Árni Gunnarsson (A) flutti
tvíþætta breytingartillögu. Ann-
ars vegar sama efnis og tillaga
EG, hins vegar að lög þessi skyldu
Kristján frá
MiðseU látinn
KRISTJÁN V. Guðmundsson frá
Miðseli lézt á Landakotsspi'tala í
Reykjavík í gær 93 ára að aldri.
Hann var fæddur 28. maí 1885 á
Kirkjubóli í Dýrafirði. Hann t
fluttist ungur til Reykjavíkur og
öðlast gildi við samþykkt, þ.e. að
afturvirkni frv. — að það nái til
þingmanna er létu af þingstörfum
í vor — falli niður.
• Gunnlaugur Stefánsson (A)
flutti breytingartillögu, þess efnis
að þeir þingmenn einir, sem létu af
þingstörfum áður en heilu kjör-
tímabili væri náð, skyldu eiga rétt
til biðlauna, en miða skyldi við 3
mánuði.
Umræður
Árni Gunnarsson (A) og Eiður
Guðnason (A) mæltu fyrir tillög-
um sínum. Töldu þeir biðlaun
eðlileg og hliðstæð réttindum
annarra ríkisstarfsmanna. Hins
vegar ættu þau að miðast við 3
mánuði og ekki að vera afturvirk.
Vilmundur Gylfason (A) sagði
samþykkt frumvarpsins þýða 2‘á
m.kr. greiðslu til „fallinna félaga"
frá í vor, og það eins, þó
viðkomandi hefðu gengið inn í
önnur launuð störf. Þetta yrðu
40—50 m.kr. útgjaldapakki.
Kjartan Ólafsson (Ábl) tók í
svipaðan streng.
Lúðvík Jósepsson (Abl) sagði
hér um að ræða sams konar
mannréttindi og giltu annars
staðar í þjóðfélaginu. Slík biðlaun
væru venjan í ríkiskerfinu. Þing-
menn ættu að hafa þor og kjark til
að samþykkja þetta réttlætismál,
þó að einhverjir nýttu það í
áróðursskyni. Þingmenn ættu að
sitja við sama borð og aðrir
ríkisstarfsmenn.
Jóhanna Sigurðardóttir (A)
mælti gegn frumvarpinu. Slík
réttindi, sem það fæli í sér, giltu
ekki alls staðzr — t.d. ekki um
fiskvinnslufólk og fleiri verr
launaða en þingmenn.
Gunnlaugur Stefánsson (A) sagði
fjárveitinganefnd og þingdeild
fljótari að afgreiða þetta mál en
mörg önnur, ekki veigaminni.
Væri vel ef bókaðist eitthvað
svipað um afgreiðslu annarra
mála.
Atkvæðagreiðslan
Við aðra umræðu var fyrst borin
upp breytingartillaga Gunnlaugs
Stefánssonar. Var hún felld -með
20 atkvæðum gegn 1 (flutnings-
manns). Þá var borinn upp fyrri
liður breytingartillögu Árna
Gunnarssonar. Var hún felld með
15 atkvæðum gegn 6. Þar með var
einnig fallin breytingartillaga
Eiðs Guðnasonar. Fyrsta grein
frumvarpsins var síðan samþykkt
með 19 atkvæðum gegn 5.
Þá var borin upp síðari breyt-
ingartillaga Árna Gunnarssonar
um niðurfellingu á afturvirkni frv.
— Var hún felld með 19 atkv. gegn
4 — og frumvarpsgr. síðan sam-
þykkt með 20 atkv. gegn 1.
Frumvarpinu var síðan vísað til
3ju umræðu og tekið þegar fyrir á
nýjum fundi. Þá var það endanlega
samþykkt frá deildinni (til efri
deildar) með 20 atkvæðum gegn 3.
Svo sem að framan greinir var
afstaða margskipt í málinu. Þing-
menn Alþýðuflokks flytja þrjár
mismunandi tillögur í málinu,
tvenns konar breytingu á 1. gr.
frv., auk þess sem lagt var til að
það yrði fellt. Fulltrúar Alþýðu-
bandalags í nefndinni hafa og
gagnstæða skoðun: annar. vill
samþykkja frumvarpið óbreytt,
hinn fella það. Gegn 1. gr. frv.
greiddu atkvæði: Bragi Jósepsson
(A), Gunnlaugur Stefánsson (A),
Jóhanna Sigurðardóttir (Á),
Kjartan Ólafsson (Abl) og Vil-
mundur Gylfason (A). Hjá sátu
Árni Gunnarsson (A) og Friðrik
Sophusson (S). 12 þingmenn (af
40) voru fjarverandi þessa at-
kvæðagreiðslu.
Akœra í
morðmáli
RÍKISSAKSÓKNARI hefur gef-
ið út ákæru á hendur Þórarni
Einarssyni, sem varð fyrrver-
andi unnustu sinni að bana í
verbúð á Flateyri á s.l. hausti.
Verður mál hans tekið fyrir í
sakadómi Reykjavíkur. Þórarinn
situr nú í gæzluvarðhaldi og var
gæzluvarðhaldsvist hans nýlega
framlengd.
bjó lengst af í Miðseli við Seljaveg
í Reykjavík. Kristján tók alla tíð
mikinn þátt í félagsstarfi og var
einn af fyrstu bæjarfulltrúum í
Reykjavík fyrir Alþýðuflokkinn. ’
Hann stundaði almenna verka-
mannavinnu, en var í allmörg ár
starfsmaður hjá Morgunblaðinu.
Kona hans var Björg Magnús-
dóttir frá Miðseli, en hún lézt fyrir
10 árum.
€>
INNLENT
OMA
jólcdeikur
350.000 króna verðlaun
Sendu smellið svar og reyndu aö vinna til
Ljóma verðlaunanna fyrir jól!
Þú þarft aðeins að svara eftirfarandi
spurningu:
HVERS VEGNA HEFUR LJÓMA VERIÐ
LANG MEST SELDA SMJÖRLÍKIÐ Á
ÍSLANDI UNDANFARNA ÁRATUGI?
I. VERÐLAUN — TVÖ-HUNDRUÐ-ÞÚSUND KRÓNUR
II. VERÐLAUN — EITT-HUNDRAÐ-ÞÚSUND KRÓNUR
III. VERÐLAUN — FIMMTÍU-ÞUSUND KRÓNUR
Sendu svar þitt — í bundnu máli eöa
óbundnu — merkt: Jólaleikur Ljóma,
pósthólf: 5251, deild a,105 Reykjavík.
Svarið verður aö hafa borist okkur
þann 18. desember 1978.
smjörlíki hf.