Morgunblaðið - 16.12.1978, Blaðsíða 1

Morgunblaðið - 16.12.1978, Blaðsíða 1
48 SÍÐUR 289. tbl. 65. árg. LAUGARDAGUR 16. DESEMBER 1978 Prentsmiðja Morgunblaðsins. Ísrael-Egyptaland: Friður úr augsýn Bandaríkjamenn hættir afskiptum í bili New Vnrk, London, Kaíro, Jerúsalem, 15 desember — AP-Reuter VONIR manna um að ísraelsmenn og Egyptar myndu undirrita friðarsamninga á næstu dögum urðu að engu í dag þegar ísraelska stjórnin haínaði alfarið síðustu friðartillögum Bandaríkjamanna sem Egyptar höfðu fyrir sitt leyti samþykkt fyrr í vikunni. Tillögur þessar voru að mestu byggðar á samkomulaginu sem gert var í Camp David á dögunum. Menachem Begin forsætis- ráðherra ísraels hélt fund með fréttamönnum eftir ríkis- stjórnarfundinn í dag og sagði þar að samningur sá sem Egyptar hefðu fyrir sitt leyti samþykkt væri alls ekki sá samningur sem undirritaður var í Camp David, þar væri mikill munur á og lýsti Begin allri ábyrgð á þessum enda- lokum á hendur Egyptum. Bandarísk stjórnvöld lýstu yfir miklum vonbrigðum sínum strax og ljóst var um neitun ísraelsmanna og haft var eftir háttsettum embættis- manni í ráðuneyti Carters að forsetinn myndi láta málið „rykfalla" áður en Bandaríkja- menn hæfust handa á ný við sáttastörf. Haft var eftir forsetanum að um þver- girðingshátt væri að ræða hjá Israelsmönnum. Þá lofaði hann Sadat forseta Egypta- lands mjög og sagði að hann hefði gengið eins langt og hægt var fyrir hönd Egypta. Haft var eftir Moshe Dayan utanríkisráðherra ísraels í dag að ef hnútur sá er kominn væri í samningaviðræður ísraels- manna og Egypta yrði ekki leystur mjög fljótlega, mundu allir fyrri samningar ríkjanna falla um sjálft sig og byrja yrði alveg upp á nýtt. Dayan sagði ennfremur að sá möguleiki væri vissulega fyrir hendi að friðarsamningar yrðu hrein- lega aldrei undirritaðir milli ríkjanna og yrði þar um að kenna skilningsleysi Egypta. Símamynd AP Menachem Begin forsætisráð- herra ísraels lýsir því yfir að ísraelsmenn geti ekki samþykkt síðustu sáttatillögur Bandaríkja- manna sem Egyptar samþykktu í vikunni og sigldi málið þar með í strand. Bandaríkjamenn segjast munu láta málið „rykfalla" áður en þeir hefjast handa á ný við sáttatilraunir. Símamynd AP Jóhannes Páll páfi II hefur áunnið sér mikla lýðhylli á þeim stutta tíma sem hann hefur ríkt sem páfi í Vatíkaninu, leiðtogi 700 milljóna manna víðs vegar um heim. — Þessi mynd var tekin í Páfagarði þegar haldjn var þar messa undir berum himni. Það vakti gífurlega hrifningu þeirra fjölmörgu sem mættir voru þegar Jóhannes Páll hampaði ungu barni sem að honum var rétt. Var haft á orði að ýmsir íhaldsamir kirkju- höfðingjar kynnu nú að hneikslast en páfi er frægur fyrir að fara sínar eigin götur. Teheran, 15. desember. AP. Reuter. TALIÐ er að a.m.k. 42 hafi látið lífið í átökum milli stuðningsmanna og and- stæðinga keisarans víða í íran á síðasta sólarhring að því er fréttir í Teheran höfuðborg landsins herma í dag. í mörgum tilfellum Hækkun á olíu verður meiri en búist var við Abu Dhabi, 15. desember. AP. Reuter. AHMED Zaki Yamani olíumálaráðherra Saudi Arabíu sagði á fundi með fréttamönnum í dag að olíuverð mundi hækka meira á næsta ári en gert hefði verið ráð fyrir vegna hins bágborna ástands í olíuframleiðslu írana. Ráðherrann lagði þó hart að olíuframleiðsluríkjum að halda olíuhækkuninni innan „skynsamlegra" marka að því er fréttir í Abu Dhabi herma í dag. Þá kom það nokkuð á óvart á fundinum að Yamani sagði að hann byggist við að hækkun á olíu á næsta ári yrði á bilinu 10—15% en hann hefur til þessa sagt það skoðun sína að 7—8% hækkun væri algjört hámark. írakar hafa þegar farið fram á að hækkunin verði a.m.k. 25% og í svipaðan streng hafa Lýbíumenn tekið. Þeir sem hafa hins vegar helzt verið talsmenn þess að hækkunin verði ekki nema 5—10% eru Kuwaitmenn og Saudi-Arabar. Endanleg ákvörðun um olíu- verðshækkun verður tekin á næstu dögum á fundi olíufram- leiðsluríkja OPEC sem haldinn verður í Abu Dhabi og hefst á morgun. í síðustu fréttum frá Abu Dhabi segir að Yamani hafi lýst því yfir að hann muni á fundinum berjast fyrir því að hækkunin verði aðeins 5%. skarst herinn í leikinn og er það í samræmi við nýyfir- lýsta stefnu stjórnvalda en þar segir að framvegis verði ekki tekið neinum vettlinga- tökum á andófsmönnum sem stofna til bardaga. Samkvæmt áreiðanlegum heimildum munu um 40 heittrúaðir Múhameðstrú- armenn hafa ráðist á þorp eitt þar sem íbúar eru allir Bahaitrúar og hafið skot- hríð. Þorpsbúar svöruðu í sömu mynt og þegar látum linnti lágu a.m.k. 8 í valnum og um 50 voru alvarlega særðir. Nokkuð hefur borið á því að undanförnu að Bahaiar hafi verið lagðir í einelti af Múhameðstrúar- mönnum og hafi þeir í mörgum tilfellum þurft að flýja heimili sín. Ofeóknir á hendur Bahaitrúaimöiinum Starfsemi SÞ lömuð New York, 15. des. AP. Reuter. ÖLL starfssemi Allsherjar- þings Sameinuðu þjóðanna var lömuð í gærdag vegna verkfalla starfsfólks, þar á meðal voru allir túlkar sanr takanna utan þeir sovésku í verkfalli, segir í frétt frá samtökunum. Fundi Allsherjarþingsins var frestað 45 mínútum eftir að hann átti að hefjast án þess að nokkuð væri gert, þar sem öll gögn vantaði og engir voru til að þýða umræður sem fram færu. Fundur var haldinn með öllum starfsmönnum samtak- anna sem eru um 5 þúsund þar sem kröfur þeirra voru kynntar en samkvæmt áreiðanlegum upplýsingum er helzta krafa starfsmannanna sú að starfs- aðstaða verði verulega bætt. Irar verða með í EMS Dublin. 15. desember. AP Jack Lynch forsætisráðherra Irlands tilkynnti á þingi f dag að Irnm helði snúist hugur og þeir ætluðu að taka þátt í hinu nýia gialdeyriskerfi Evrópu EMS að því er fréttir frá Dubfin í dag herma. . I kjölfar þessarar ákvörðunar íra standa Bretar einir landa í Efnahagsbandalaginu EBE utan við hið nýja gjaldeyriskerfi. — Telia Bretar si^ munu tapa meiru en peir græða við þáttökuna þrátt fynr að yfirlýstur tilgangur með kerfinu sé að koma a meira jafnvægi í gjaldeyrismálum Evrópu. Ráðstefna EBE fagnaði ákvörðun íra á fundi sínum í dag og sagði, jafnframt að meo þattöku Ira mætti segja að pundið væri í óbeinum tengslum við hið nýja kerfi.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.