Morgunblaðið - 16.12.1978, Blaðsíða 3
MORGUNBLAÐIÐ, LAUGARDAGUR 16. DESEMBER 1978
3
Geir Hallgrimsson:
Ríkisst j ór nin ber feigð-
armerkin utan á sér
Ólafur Jóhannesson:
Fjárlög og tekjuöflun
afgreidd fyrir jól
Sighvatur Björgvinsson:
Okkar frv. fyrst
— síðan f járlög
Geir Hallgrímsson, kvaddi sér hljóðs utan dagskrár í neðri deild Alþingis í gær og spurðist fyrir um meðferð fjárlagafrumvarps og annarra
stjórnarfrumvarpa í kjölfar samþykktar flokksstjórnarfundar Alþýðuflokksins í fyrrakvöld.
ólafur Jóhannesson, forsætisráðherra, sagði stefnt að því að afgreiða fjárlagafrumvarp og tekjuöflunarfrumvörp fyrir jól. Sighvatur
Björgvinsson, formaður þingflokks Alþýðuflokksins, sagði að þingmenn flokksins mundu haga sér í samræmi við samþykkt
flokkstjórnarfundarins, sem leggur áherzlu á, að efnahagsfrumvarp Alþýðuflokksins verði samþykkt áður en fjárlagaafgreiðsla fer fram. Athygli
vakti í þessum umræðum, að enginn Alþýðubandalagsmaður tók þátt í þeim.
Síðar í umræðunum sagði Geir Hallgrímsson að stjórnin bæri feigðarmerkin utan á sér. Hér fer á eftir frásögn af þessum umræðumi
Spurt um stjórnarfrum-
vörp og vinnubrögð
Geir Halljírímsson. formaður
Sjálfstaeðisflokksins. kvaddi sér
hljóðs utan dagskrár í neðri
deild Alþingis í gær, og spurðist
fyrir um starfstilhögun og
meðferð stjórnarfrumvarps á
Alþingi þá fáu daga, sem eftir
lifðu starfstíma þingsins fyrir
jólahlé. Þessi fyrirspurn væri
ekki að óf.vrirsynju. Fréttir
hefðu borizt af samþykkt flokk-
stjórnar Alþýðuflokksins, þess
efnis, að Alþýðuflokkurinn
myndi ekki standa að samþykkt
fjárlagafrumvarps ríkis-
stjórnarinnar eða tekjuöflunar-
frumvörpum hennar, sem
væntanleg væru, nema áður —
eða samhliða — yrði afgreitt
sérfrumvarp þingflokks Alþýðu-
flokksins um efnahagsmál. Boð-
að hefði verið að 2. umræða um
fjárlög yrði á morgun, en
stjórnarandstaðan hefði enn
ekki séð boðuð tekjufrumvörp,
framkvæmdaáætlun eða láns-
fjáráætlun, sem venja væri að
fylgdi fjárlagafrumvarpi. Geir
sagði spurningu sína tímabæra
en kvaðst ekki myndi stuðla að
töfum í þingstörfum.
Fjárlög afgreidd fyrir
jól eða áramót
Ólafur Jóhannesson.
forsætisráðherra. sagði stefnt
að að afgreiða fjárlög fyrir jól
og í síðasta lagi fyrir áramót. —
2. umræða um fjárlagafrumvarp
verður á morgun (þ.e. í dag).
Tekjuöflunarfrumvörp ríkÍB-
stjórnar verða borin á borð
þingmanna í dag. Stefnt er að
því að afgreiða þau samhliða
fjárlögum.
Lánsfjáráætlun er í vinnslu,
sagði ráðherra. Stefnt er að því
að hún verði til fyrir jól, en ég
þori ekki að staðhæfa að það
takizt. Það hefur og áður skeð að
hún hefur verið seinna á ferð en
fjárlagaafgreiðsla, þótt slíkt sé
ekki æskilegt. Skýrsla um láns-
fjáráætlun kemur og ekki til
afgreiðslu á þingi, heldur frum-
vörp um lánsheimildir, sem
væntanlega verða lögð fram
fyrir jól.
Ber feigðarmerkin
utan á sér
Geir Hallgrímsson (S) sagði
eðlilegt, í framhaldi af svörum
forsætisráðherra, að beina
þeirri fyrirspurn til Sighvatar
Björgvinssonar, formanns þing-
flokks Alþýðuflokksins (í fjar-
veru Benedikts Gröndals), hvort
Alþýðuflokkurinn fallist á þá
málsmeðferð, sem forsætisráð-
herra hefði lýst. Það væri eðlileg
spurning með hliðsjón á sam-
þykkt flokksstjórnar Alþýðu-
flokksins, sem fæli það í sér að
stuðningur Alþýðuflokksins við
fjárlagafrumvarpið væri skil-
yrtur.
Geir.taldi verkstjórn ríkis-
stjórnarinnar, sem skylt væri að
búa mál í hendur þingmönnum,
þ.á.m. framkvæmda- og láns-
fjáráætlanir og tekjufrumvörp
samhliða fjárlögum, sem enn
væru ókomin, með eindæmum
lélega. Stjórnarandstaðan hefði
sýnt fyllstu tillitsemi, þó hún
hefði að sjálfsögðu komið á
framfæri málefnalegri gagnrýni
og eigin tillögugerð. Seinagang-
ur mála ætti rætur í sundur-
lyndi stjórnarflokkanna sjálfra.
Þá gagnrýndi Geir tillögugerð
um nýjar álögur á þjóðina, sem
næmi milljörðum króna, án þess
á samhliða lægi fyrir fram-
kvæmda- eða lánsfjáráætlun. —
Stjórnarflokkarnir hefðu haft 8
vikur til að semja um stjórnar-
myndun og þrjá og hálfan
mánuð í starfi en enn ekki
komið sér saman um stefnu-
mörkun til lausnar vandans í
þjóðarbúinu. — Þvert á móti
hefði stjórnin aukið á vandann,
fyrst í september og nú aftur í
desember, og væri hann nú
fyrirferðarmeiri en nokkru
sinnsi. Þjóðinni er ijóst að það
er brotalöm á þessu stjórnar-
samstarfi, sagði Geir Hall-
grímsson, að lokum. Stjórnin
ber feigðarmerkin utan á sér.
Tefji ekki fjárlagaafgreiðslu
Ólafur Jóhannesson. for
sætisráðherra. tók enn til máls.
— Sagði hann að Benedikt
Gröndal utanríkisráðherra,
hefði kynnt ríkisstjórninni
frumvarp Alþýðuflokksins og
samþykkt flokksstjórnar nú í
morgun (þ.e. í gærmorgun). Að
sjálfsögðu þyrftu samstarfs-
flokkarnir einhvern tíma til að
kynna sér efnisatriði þess frum-
varps, en það verður til áfram-
haldandi meðferðar hjá ríkis-
stjórninni. Frumvarpið er að
verulegu leyti úrvinnsla stefnu-
atriða, sem sett vóru í greinar-
gerð með stjórnarfrumvarpi
fyrr í þessum mánuði, og nú
væri að lögum orðið. Mikil vinna
hefði verið lögð í þetta frum-
varp, sem að sjálfsögðu kemur
að góðu gagni, en hafa verður í
huga, að í samstarfi 3ja flokka
verður niðurstaða að byggjast á
málamiðlun. En allt horfir þetta
til betri vegar, ef rétt er á
málum haldið. Og þetta mál fær
sína skoðun í ríkisstjórn. En
Alþingi getur ekki frestað af-
greiðslu fjárlaga né nauðsyn-
legra tekjuöflunarfrumvarpa.
Eðlilegt er, sagði forsætisráð-
herra, að ríkisstjórn sæti gagn-
rýni. En verkstjórn verður að
meta með hliðsjón af þeim
aðstæðum, sem hún er fram-
kvæmd við. Ég skal ekkert
fullyrða um lífdaga stjórnarinn-
>ar. En þeir lifa stundum lengst
sem með orðum eru vegnir.
í samræmi viö
sampykkt flokksráðs
Sighvatur Björgvinsson (A)
gerði grein fyrir aðdraganda og
undirbúningi að samningu
frumvarps, sem hann hefði lagt
fram til kynningar í ríkisstjórn-
inni um jafnvægisstefnu í efna-
hagsmálum og samræmdar að-
gerðir gegn verðbólgu. Frum-
varp þetta væri b.vggt á stefnu-
mörkun, sem fælist í greinar-
gerð stjórnarfrumvarps, sem nú
væri orðið að lögum, og allir
stjórnarflokkarnir hefðu sam-
þykkt. Þá kynnti Sighvatur
flokksstjórnarsamþykkt Al-
þýðuflokks, sem felur í sér
samþykki á framangreindu
frumvarpi, og leggur áherzlu á,
að það verði samþykkt áður en
frumvarp að fjárlögum og frum-
vörp að tekjuöflun verði af-
greidd, enda þurfi þá að sníða
þessi frumvörp að stefnumótun í
frumvarpi Alþýðuflokksins.
Eðlilegt er, sagði Sighvatur, að
samstarfsflokkar okkar gefi sér
einhvern tíma til að skoða
frumvarpið, en það hefur nú
verið sent fjölmiðlum, ásamt
greinargerð. Þingmenn Alþýðu-
flokksins munu að sjálfsögðu
haga sér í samræmi við sam-
þykkt flokksstjórnarinnar.
Jafnvel Oó hæfur
maður leiöi hópinn
Albert Guðmundsson (S)
gagnrýndi skattpíningarstefnu
ríkisstjórnarinnar. Tekjuöflun-
arfrumvörp stjórnarinnar væru
fram komin með samþykki
ráðherra Alþýðuflokksins. Vitn-
aði Albert til orða Steingr.
Hermannssonar, landbúnaðar-
ráðherra, að þessi ríkisstjórn
væri 16 flokka stjórn, 14 krata-
þingmanna og 2ja samstarfs-
flokka. Það ríkir upplausn í
stjórnarliðinu, sagði Albert.
Vinstristjórnar samstarfið
hefur sýnt sig ófært, jafnvel, þó
að hæfur maður hafi leitt
hópinn.
Svörin stangast á
Geir Ilallgrímsson (S) sagðist
skilja orð forsætisráðherra á
þann veg, að frumvarp Alþýðu-
fiokksins yrði hvorki afgreitt
áður né samhliða tekjuöflunar-
og fjárlagafrumvörpum. Það
mætti skoða það síðar. Sighvat-
ur Björgvinsson hafi hinsvegar
staðið á flokksstjórnarsam-
þ.vkkt Alþýðuflokks, þess efnis,
að frumvarp flokksins þyrfti að
afgreiða samhliða fjárlagafrum-
varpi, enda þyrftu væntanleg
fjárlög að taka xnið af stefnu-
miðum í frumvarpinu. Hér fer
eitthvað á mjlli mála. Þing og
þjóð munu fylgjast af gaum-
gæfni með framvindu skákar-
innar á stjórnarheimilinu, sem
þar er tefld meðan vandamálin
hrannast upp, óleyst, í þjóðar-
húskapnum.
Alþýðuflokkurinn þríklofnaði
1 atkvæðagreiðslu á Alþingi
VIÐ ATKVÆÐAGREIÐSLU í
neðri deild Alþingis í gær, þar
sem verið var að afgreiða frum-
varp til laga um kjaramál,
gerðist það að þingflokkur Al-
þýðuflokksins klofnaði í þrennnt
í afstöðu sinni til breytingatil-
lögu frá einum þingmanna
flokksins. Jóhönnu Sigurðardótt-
ur.
Breytingartillaga Jóhönnu var á
þá leið, að eignaskattsauki komi
ekki niður á fólki með lágar tekjur,
þannig að allir sérskattaðir ein-
staklingar með minna en eina
milljón í vergar tekjur til skatts
skyldu vera undanþegnir eigna-
skattsauka. Samsköttuð hjón eða
sambýlisfólk með lægri tekjur til
skatts en fjórtán hundruð þúsund
krónur skyldu einnig vera undan-
þegnir tekjuskattsaukanum sem
frumvarp ríkisstjórnarinnar gerir
ráð fyrir.
Við atkvæðagreiðslu um málið
greiddu þingmenn Sjálfstæðis-
flokksins atkvæði með tillögu
Jóhönnu, og það gerðu einnig
eftirfarandi þingmenn Alþýðu-
flokksins: Eiður Guðnason og
Jóhanna Sigurðardóttir. Þing-
menn Framsóknarflokksins og
Alþýðubandalagsins greiddu at-
kvæði gegn breytingartillögu
Jóhönnu, eg einnig eftirtaldir
þingmenn Alþýðuflokksins: Finn-
ur Torfi Stefánsson, Sighvatur
Björgvinsson og Vilmundur Gylfa-
son. Þrír þingmanna Alþýðu-
flokksins sátu hjá við atkvæða-
greiðsluna, þeir Árni Gunnarsson,
Bragi Jósepsson og Gunnlaugur
Stefánsson. Einn þingmanna Al-
þýðuflokksins, Magnús II.
Magnússon félagsmálaráðherra,
var ekki viðstaddur atkvæða-
greiðsluna.
Breytingartillaga Jóhönnu Sig-
urðardóttur var því felld með 20
atkvæðum gegn 16. Þrír sátu hjá
og einn var fjarstaddur.
Þingflokkur Alþýðuflokksins
klofnaði því í þrennt í afstöðunni
til tillögu eins þingmanna flokks-
ins, auk þess sem einn var
fjarstaddur!
Sólheima-
kerti á Lækjar-
torgi í dag
í DAG, laugardag, munu félagar í
Lionsklúbbnum Ægi selja kerti til
ágóða fyrir vistheimili vangefinna
að Sólheimum í Grímsnesi.
Salan fer fram á miðbæjar-
markaðnum, Lækjartorgi, milli kl.
2 og 6. 011 kertin eru handunnin af
vistfólkinu á Sólheimum og þau
eru úr raunverulegu bývaxi, með
hunangsilmi, og renna ekki. Ágóð-
anum verður varið til að efla
tómstundastarf fólksins að Sól-
heimum.