Morgunblaðið - 20.12.1978, Blaðsíða 18
50
MORGUNBLAÐIÐ, MIÐVIKUDAGUR 20. DESEMBER 1978
GOD GJÖF
SAMEINAR NYTSEMI
OG FEGURD
Hinir heimsþekktu hönnuðir hjá Iittala eru sífellt að endur-
nýja úrvalið af Iittala glösum, diskum, könnum, karöfflum,
bökkum, vösum, og stjökum.
Nýjar vörur frá Iittala eru ávallt augnayndi. Komið, skoðið,
veljið vörur frá Iittala. Orvalið hefur sjaldan verið fallegra.
HÚSGflGnflVERSLlin
KRISTJflnS
SIGGEIRSSOnflR HF.
LAUGAVEG113. REYKJAVÍK. SÍMI 25870
Mysa í svaladrykki
blönduð ávaxtasafa
Um þaö bil 7 milljón lítrar af skyrmysu fara nú í súginn á ári hverju.
Rannsóknir benda til, að miklir möguleikar séu á þvf að nýta a.m.k. hluta
þessa magns í svaladrykki til manneldis, segir í nýútkominni skýrslu um
rannsóknir sem unnar hafa verið af Rannsóknastofnun landbúnaðarins og
Mjólkurbúi Flóamanna síðan sumarið 1977. Sér Rala um að mótji
hugmyndir um samsetningu drykkjanna, prófanir á vörunni og
efnagreiningar og hafa dr. Jón óttar Ragnarssoít matvælaefnafræðingur
og Hannes Hafsteinsson matvælafræðingur haft umsjón með verkinu.
Mjólkurbú Flóamanna sér um öflun mysu og mysuþykknis og vinnslu
vörunnar og hafa Grétar Símonarson mjólkurbússtjóri, Örn Vigfússon
verkstjóri og Gissur Jenssen umsjón með því verki. Um steinefnamælingar
og hvítumælingar sér Drek Mundel landbúnaðarefnafræðingur og
aðstoðarfólk hans.
Mysan sjálf er almennt álitin of
þunn og súr. Hún var því þykkt með
því að sía burtu hluta af vatninu með
tækni, sem nefnd er öfug osmosa.
Bestu drykkir fást ef 25% af vatninu
eru síuð burtu og þykknið síðan
blandað með hreinum ávaxtasafa í
hlutföllunum 70:30, segir í skýrsl-
unni.
Besta raun gáfu appelsínu-,
tómat-, vínberja-, ananas- og aprí-
kósusafar. Epla- og perusafa var
ekki hægt að nota. Einnig verður að
taka tillit til þess að gæði safanna
eru mjög misjöfn eftir framleiðend-
um.
Helstu vandamál við þessar rann-
sóknir var myndun hvítra skyr-
flekkja í mysunni, en þetta er
verulegur útlitsgalli, Hægt er að
hindra þetta með því að setja
þykknið í gegnum skilvindu fyrir
blöndun.
Skyrmysa er lítið drukkin hér á
landi nú, þótt neysla hafi aukist
lítilleg að undanförnu, en hún var
mikið notuð hér á landi fyr á árum
sem svaladrykkur. Hún er nú talin of
súr til neyslu, en þetta má lagfæra
og virðast vera miklir möguleikar á
að nýta hana í drykkjarvörur.
Skyrmysan er séríslenzk afurð og
koma erlendar rannsóknir ekki að
neinu gagni við nýtingu hennar.
7 millj. lítrum fleygt
Árlega er um 7 millj. lítrum af
skyrmysu fleygt hérlendis, þar af um
helmingnum frá Mjólkurbúi Flóa-
manna og fara þar verulegar fjár-
hæðir í súginn. í mysunni er um 4%
lakosi og 0,7% steinefni, auk mikils
magns af ýmsum B-vítamínum. Hér
er því um mikið af næringarefnum
að ræða, sem fleygt er árlega, eða um
270 tonn af mjókursykri, 42 tonn af
hvítu, 8,8 tonn af kalki, 8,6 tonn af
kalíum, 7,0 tonn af natrium og fosfór
og 0,8 tonn af magníum.
í skýrslunni segir: Með hliðsjón af
öllum niðurstöðum þessarar rann-
sóknar er ekkert því til fyrirstöðu, að
hafin verði framleiðsla á drykkjum
(70% þykkni, 15% appelsínusafi,
15% ananassafi) og e.t.v. öðrum
drykk (70% þykkni, 30% tómatsafi).
Einnig mætti reyna drykk með
samsetningunni 70% þykkni og 30%
appelsínusafi, þar sem sykri og
sítrónsýru hefur verið bætt í.
„í Þrastaskógi”
— Ný barnabók
Út er komin hjá Bókamiðstöðinni
ný barnabók fyrir yngstu les-
endurna >í Þrastaskógi“ eftir
Sigríði Eyþórsdóttur. Þetta er
fyrsta barnabókin af þremur, sem
Bókamiðstöðin hyggst gefa út eftir
Sigríði.
Bókin er mikið myndskreytt og eru
teikningarnar eftir Ólöfu Knudsen,
kennara.
„í Þrastaskógi" var upphaflega
unnin fyrir sjónvarp og sýnd í
„Stundinni okkar" árið 1973.
Sigríður Eyþórsdóttir kennir
börnum og unglingum leikræna
tjáningu og leiklist.
Hún starfaði m.a. í Barnaleikhús-
inu — Leikfélagi Hafnarfjarðar í
nokkur ár o.fl. og hefur núna umsjón
með litla barnatímanum í útvarpi.
Ólöf Knudsen er kennari við
Valhúsaskóla á Seltjarnarnesi. Hún
hefur teiknað fyrir sjónvarp og
myndskreytt bækur fyrir Ríkisút-
gáfu námsbóka.