Morgunblaðið - 24.12.1978, Blaðsíða 27
MORGUNBLAÐIÐ, SUNNUDAGUR 24. DESEMBER 1978
27
Mikill fjöldi leikara tekur þátt í
sýningunni eða hátt í 40 manns
með aukaleikurum. Það er
Erlingur Gíslason sem leikur
Bernick konsúl, Margrét
Guðmundsdóttir leikur Betty
Bernick, konu hans og Stefán
Jónsson Ólaf son þeirra. Guðrún
Þ. Stephensen leikur Lónu Hessel,
hálfsystur konsúlsfrúarinnar, sem
kemur heim frá Ameríku og
hristir heldur betur upp í logn-
mollunni í bænum, Hákon Waage
leikur Jóhann Tönnesen og
Gunnar Eyjólfsson Hilmar Tönne-
sen, Rúrik Haraldsson leikur
Aune skipasmið, Bríet Héðinsdótt-
ir leikur Mörtu Bernick, systur
konsúlsfrúarinnar, Bjarni
Steingrímsson Rörlund kennara
og Guðrún Þórðardóttir Dínu
Dorf, unga stúlku á heimili
konsúlsins. Þettta er fyrsta hlut-
verk Guðrúnar í Þjóðleikhúsinu en
hún lauk námi frá Leiklistarskóla
íslands í vor.
Meðal annarra leikara í sýning-
unni má nefna: Ævar R. Kvaran,
Val Gíslason, Sigurð Skúlason,
Gísla Alfreðsson, Þóru Friðriks-
dóttur, Herdísi Þorvaldsdóttur,
Bryndísi Pétursdóttur, Önnu
Kristínu Arngrímsdóttur og
Þórunni Magnúsdóttur.
í tilefni þess að í ár eru liðin 50
ár frá fæðingu Ibsens, verður
samhliða sýningunni á Máttar-
stólpunum myndasýning í
Kristalsal um Henrik Ibsen, feril
hans og verk. Þetta er norsk
farandsýning, sem Þjóðleikhúsinu
hefur borist í tilefni 50 ára
ártíðarinnar.
Frumsýning á Máttarstólpunum
verður sem fyrr segir annan dag
jóla og síðan verða sýningar á
hverju kvöldi fram til 29.
desember.
- á.j.
Guðrún Þórðardóttir og Hákon Waage í hlutverkum Dínu Dorf og
Jóhanns Tönnesen bróður konsúlsfrúarinnar.
Rúrik Haraldsson í hlutverki Aune skipasmiðs ræðir við konsúlinn.
Jón Kristinsson í hlutverki Sigurðar í Dal, Jón^teinn
Aðalsteinsson í hlutverki Jóns sterka og Viðar Eggertsson
í hlutverki Gvendar smala.
Skugga-Sveinn
tekur upp þráð-
inn á Akureyri
Á annan dag jóla frumsýnir Leikfélag Akureyrar
Skugga-Svein, en nú er um það bil öld síðan leikurinn var
fyrst sýndur á Akureyri — og allt of langt síðan það var
sýnt síðast, ef taka má mark á kenningunni að „enginn
ætti að hafa heimild til að láta ferma sig, sem ekki hefur
séð Skugga-“. Hjá L.A. trúa menn á þessa kenningu, enda
er leiksýningin ætluð allri fjölskyldunni. Leikstjóri er
Sigrún Björnsdóttir, en hlutverk Skugga-Sveins leikur
Theodór Júlíusson.
Karitas
Jónsdóttir
— Fáein
kueðjuorð
Fædd 24. desember 1895.
Dáin 13. nóvember 1978.
Karitas móðursystir mín fædd-
ist á aðfangadag. Hún var ekki
aðeins jólabarn í þeim skilningi
heldur einnig fyrir það að hún bar
ætíð með sér birtu, yl og gleði.
Hún var jafnan reiðubúin að
rétta hjálparhönd og miðla öðrum
af litlu sínu og létt lund entist
henni til hinstu ævidaga.
Við hjónin þökkum ótaldar
samveru- og ánægjustundir á
heimili hennar og manns hennar
heitins, Sigvalda Sveinbjörnsson-
ar, að Lindargötu 49 — og góðar
stundir með henni einni hin
síðustu ár að Austurbrún 6.
Fjölskylda mín tjáir þakkir fyrir
hlýhug hennar og góðvild.
Megi hún ganga á nýjum stigum
svo glaðlynd og góð sem gerði hún
hér, mín kæra frænka. Blessuð sé
minning hennar jarðvistar.
Bogga.
Theodór Júlíusson í hlutverki Skugga-Sveins.
Rússar enn
varaðir við
Bukarest, 23. desember. AP.
MÁLGAGN Kommúnistaflokks
Rúmeníu beindi skeytum sínum í
dag að Sovétríkjunum með þvi að
segja að það væri í algjörri
andstæðu við samþykktir komm-
únistaráðstefnu Evrópu 1976 ef
Sovétríkin reyndu að þröngva
vilja sínum fram meðal kommún-
istaflokka utan Sovétríkjanna.
Nafn Sovétríkjanna var reyndar
ekki nefnt á nafn, en kunnugir
sögðu að ekki færi á milli mála
hvert skeytunum væri beint.
Talið er að með þessu hafi
rúmensk yfirvöld viljað ítreka
réttmæti þeirrar ákvörðunar sinn-
ar að standa utan við samþykktir
ráðstefnu Varsjárbandalagsríkj-
anna fyrir skömmu, en þá neituðu
Rúmenar að fallast á aukin
herútgjöld og að fordæma Kín-
verja vegna deilna þeirra við
Víetnam. Þá fögnuðu Rúmenar, á
sínum tíma, einir Varsjárbanda-
lagsríkja, að ísraelsmenn og
Egyptar skyldu hefja viðræður um
frið sín á milli.
Haldemann
látinn laus
Lompoc, Kaliforníu. 21. desember. AP.
H.R. HALDEMANN, fyrrverandi
aðstoðarmaður Richards M. Nixon
Bandaríkjaforseta, var látinn laus
úr fangelsi í dag. Haldemann var
dæmdur í fangelsi fyrir aðild sína
að Watergate-málinu svonefnda,
sem leiddi til þess að Nixon varð
að segja af sér á sinum tíma.