Morgunblaðið - 29.12.1978, Page 25
MORGUNBLAÐIÐ, FÖSTUDAGUR 29. DESEMBER 1978
25
fclk í
fréttum
+ SÁ EINASTI, sem til er í öllum heiminum. — Franski kappakstursbíllinn Delage. — Þetta er
árgerðin 1914. Maður nokkur suður í Ástralíu, Jack Nelson að nafni, á heiðurinn af því að hafa
endurnýjað bílinn — óaðfinnanlega. — Og hann er sjálfur undir stýri á honum í bænum Victoria.
+ HEIMSMEISTARI. — Nokkru fyrir jólin fór fram heimsmeistara-
keppni plötusnúða í London. — Þangað voru sendir plötusnúðar frá 35
þjóðlöndum og fór þessi 23ja ára gamli Japani, Tadaaki Dan, með sigur
af hólmi. — Hann fagnar hér sigri með heimsmeistarabikarinn á
borðinu fyrir framan sig. — Og heima í Japan hefði hann átt að geta
haldið nokkra hátíð um jól og áramót, því að hann fór heim með rúmlega
níu og hálfa milljón króna í vasanum úr keppninni.
+ EINSTAKT mál hefur verið
höfðað gegn manni þessum,
vestur í borginni Salem í
Oregonfylki í Bandaríkjunum.
— Kona mannsins hafði hringt
á lögregluna og kært manninn
fyrir líkamsárás og nauðgun á
heimili þeirra hjóna. Maðurinn
sem heitir John Rideout er 21
árs gamall matreiðslumaður.
Kona hans, sem er tveim árum
eldri, Gréta að nafni, sagði að
nauðgunarárásin hefði átt sér
stað eftir rifrildi milli þeirra. —
Hún sagði blaðamönnum enn-
fremur að yrði- maður hennar
dæmdur myndi það sýna karl-
mönnum fram á að þeir gætu
ekki leyft sér allt gagnvart
eiginkonum sínum. Ég var í
mikilli hættu og það sem gerðist
var alvarlegt sakamál. Sjálfa
mig og barn okkar, tveggja og
hálfs árs gamla dóttur okkar,
varð að vernda, sagði Gréta.
Þess er getið að í einungis fáum
fylkjum Bandaríkjanna ná
hegningarlög yfir eiginmenn
sem gerast sekir um nauðgunar-
brot gagnvart eiginkonum
sínum.
+ TRIMMANDI þjóðarleiðtogi
og stjórnmálamaður, Carter
Bandaríkjaforseti. — Hann er
hér á hörkuhlaupum kringum
forsetabústaðinn Hvíta hú :ð, í
Washingtonborg, :ii í
myndartextanum.
Ekki er allt
sem sýnist
Árni Ólai
EKKI EINLEIKIÐ
Útg. Setberg 1978.
Það munu ekki vera ‘ mjög
margir, sem skrifa góðar bækur
um nírætt, en Árni Óla lætur sig
ekki muna um það. Þetta mun vera
þrítugasta og fjórða bók hans.
Bókin skiptist í þrjá kafla, sem
heita: Furður æskunnar, Hug-
heimur og líf og Utan þrivíddar.
Það er sameiginlegt Árna Óla og
ýmsum öðrum höfundum íslenzk-
um, að með aldrinum færist hugur
hans æ meira inná svið hins
andlega, ósýnilega. Ekki tel ég það
þó til ellimarka, heldur þvert á
móti tákn sífellt vaxandi þroska.
Það er einmitt hið ósýnilega, sem
mestu máli skiptir fyrir manninn,
þegar til lengdar lætur. Hinn
andlegi hluti hans. Og það má
glöggleg^a sjá á hinum mörgu
bókum Árna Óla, hvernig þessi
hlið hans heillar hann í æ vaxandi
mæli. Hann hefur náð háum aldri
án þess að glata andlegri reisn
sinni og sér nú betur en nokkru
sinni, hvað horft hefur til heilla og
hvers vegna, og svo hið gagnstæða.
Bókmenntlr
eftir ÆVAR
R. KVARAN
Hann verður vitrari með ellinni.
En það er vafalaust ósk okkar
allra um okkur sjálf.
Ritstíll Árna er hreinn og beinn.
Með fyrrnefnda orðinu á ég við, að
málfar hans er hrein og fögur
íslenzká og með því síðara, að
hann kemst jafnan beint að efninu
útúrdúralaust. Hann er gagnorður
og þarf ekki langt mál til að koma
fyrir miklu efni.
Þessi síðasta bók Árna er mjög
Brldge
Umsjón* ARNÓR
RAGNARSSON
Bridgefélag
Reykjavíkur
Að loknu jólaleyfi hefst
starfsemi félagsins með
„Nýárskaffikvöldi“ miðviku-
daginn 3. janúar. En auk kaffis
verður einnig bridge á boðstól-
um eins og vera ber.
Er þetta í annað sinn, sem
þessi nýbreytni er reynd. í fyrra
drukku menn kaffi og spiluðu
við kertaljós í rafmagnsleysi.
Höfðu gaman af og mátti eins
nefna kvöldið „Bridge við kerta-
log“. Þá var á dagskrá lands-
tvímenningur Bridgesambands-
ins en að þessu sinni verður
skipulögð sveitakeppni með
frjálslegu formi. Stuttir leikir
og nægir að mæta tímanlega á
miðvikudagskvöldi í Domus
Medica en spilamennska hefst
kl. 20.
Árni óla
frábrugðin fyrri bókum hans að
því leyti, að hér fáum við að
kynnast þessum dula manni miklu
nánar en nokkru sinni fyrr. Hann
opnar hug sinn fyrir okkur á
persónulegri hátt en nokkru sinni.
Þetta er mikill kostur. Má jafnvel
segja, að bókin aukist að þrótti og
spennu mjög er á hana líður. Hún
er heillandi lestur, að minnsta
kosti fyrir þá, sem vilja gera sér
grein fyrir áhrifum innra lífs
mannsins á örlög hans. Sem dæmi
um ógleymanlega og merkilega
þætti þessarar bókar nefni ég
fyrirbærið, sem Árni varð fyrir í
Strandakirkju, magnaðar lýsingar
höfundar á óráði, þegar hann var
að bana kominn í veikindum og
síðast en ekki sízt hinn frábærlega
skrifaða kafla, sem hann nefnir
Álög. Bókin EKKI EINLEIKIÐ
ber nafn með rentu. Hún er nýr
sigur fyrir hinn níræða rithöfund.
Utgáfa Setbergs er að vanda vel
gerð og vönduð.
Bridgefélag
Kópavogs
Síðasta umferð í Buttlertví-
menningi Bridgefélags Kópa-
vogs var spiluð fimmtudaginn
14. desember. Besta árangri
kvöldsins náðu:
Grímur Thorarensen —
Guðmundur Pálsson 85 stig.
Jón Hilmarsson —
Guðbrandur Sigurbergsson 78
stig.
Friðjón Margeirsson —
Valdimar Sveinsson 77 stig.
Óli Andreasson —
Guðmundur Gunnlaugsson 76
stig.
Ármann J. Lárusson —
Haukur Hannesson 76 stig.
Guðmundur Ringsted —
Jónas Erlingsson 76 stig.
Keppninni lauk því með sigri
Gríms og Guðbrandar, en þeir
höfðu haft forystu meginhluta
keppninnar og spiluðu af miklu
öryggi.
Urslit urðu annars þessi:
Grímur Thorarenssen —
Guðmundur Pálsson 304 stig.
Vilhjálmur Sigurðsson —
Vilhjálmur Vilhjálmsson 273
stig.
Jón Hilmarsson —
Guðbrandur Sigurbergsson
271 stig.
Ármann J. Lárusson —
Haukur Hannesson 270 stig.
Böðvar Magnússon —
Rúnar Magnússon 255 stig.
Júlíus Snorrason —
Barði Þorkelsson 250 stig.
Spilað verðr næst hjá félaginu
fimmtudaginn 4. janúar. Verður
þá spilaður eins kvölds tvímenn-
ingur en síðan hefst aðalsveita-
keppni félagsins.