Morgunblaðið - 31.12.1978, Blaðsíða 2

2
MORGUNBLAÐIÐ, SUNNUDAGUR 31. DESEMBER 1978
77 íslendingar hafa
látist af slysförum
ALLS hafa 77 íslondingar látist af
slysförum á árinu 1978 þar af 10
orlendis. í fyrra létust 87 Islending-
ar af slysförum ok þar af 5 orlendis.
Tveir þeirra er létust á þessu ári
létust vegna slysa er þeir urðu fyrir
í desember 1977.
Af völdum sjóslysa og drukknana
hafa 18 manns látizt (1 erlendis) en
19 manns á árinu 1977. Tveir opnir
bátar fórust í ár með fimm mönnum,
en tveir þilfarsbátar með fjórum
mönnum árið áður. Sex menn hafa
faliið útbyrðis á árinu og drukknað
en einn árið 1977. I höfnum og við
land hafa fimm manns drukknað í
ár, en sjö árið áður. Af öðrum
orsökum hafa tveir (1 erl.) drukknað
nú í ár en sjö manns árið á undan. I
því sambandi er rétt að taka fram,
að á þessu ári drukknaði enginn í ám
eða vötnum, en þrír árið áður. Tíðni
drukknana í ám og vötnum hefur að
jafnaði verið mikil á undanförnum
árum, og hafa 20 manns látizt á þann
hátt á síðustu fimm árum.
í umferðarslysum hafa 27 Islend-
ingar látizt í ár, þar með talið maður
er lézt í slysi erlendis og kona af
völdum slysa í des. 1977. Þá létuzt
tveir útlendingar í umferðarslysi hér
á landi í ár. Árið 1977 létust 39
Islendingar í umferðarslysum, og
auk þess tveir erlendis.
Sérstök ástæða er til að vekja
athygli á þeirri staðreynd, að hæst
tíðni banaslysa varð, þegar gang-
andi vegfarendur urðu fyrir öku-
tækjum eða samtals í 12 tilvikum og
mánuðina sept.—des. létu 8 manns
lífið á þann hátt. I þéttbýli urðu 14
banaslys, en 12 í dreifbýli o'g þegar
sami árstími er lagður til grundvall-
Peningum stolið
INNBROT var framið í íbúðarhús
við Hverfisgötu í Hafnarfirði í
fyrrinótt. Þaðan var stolið 200
þúsund krónum í peningum og
einhverju af gjaldeyri.
Jólaóratorían
endurflutt í dag
í DAG kl. 14 verða í Háskólabíói
síðari hljómleikar Pólýfónkórsins
ásamí einsöngvurum og hljóm-
sveit undir stjórn Ingólfs
Guðbrandssonar, en flutt verður
Jólaóratoría Bachs. Bíóið var
þéttskipað í gær og verði nokkrir
miðar eftir munu þeir seldir við
innganginn.
ar þ.e. mánuðirnir sept.—des., þá
urðu 9 banaslys í þéttbýli á móti 5 í
dreifbýli.
Þótt hér sé aðeins getið banaslysa
i umferðinni þá má alls ekki gleyma
hinum mikla fjölda, sem hefur
slasazt og liggur bæklaður í sjúkra-
húsum í lengri eða skemmri tíma og
margir sem aldrei hljóta fullan bata.
Umferðarslysin eru þess eðlis að þau
skilja eftir mikil sár, sem seint gróa
og því verða allir að taka höndum
saman um að bægja þessum vágesti
frá, því. enginn veit, hvar hann knýr
næst dyra.
í flugslysum hér á landi lézt
enginn á þessu ári, en tveir menn í
þyrluslysi árið áður. Aftur á móti
fórust 8 íslendingar í flugslysi
erlendis í nóvember.
í þeim flokki, sem kallast „ýmis
banaslys“ hafa 24 látið lífið í ár, en
25 árið áður. í ár hafa fimm látizt í
vinnuslysum á landi og einn í
vinnuslysi á sjó, en árið áður létuzt 6
í vinnuslysum á landi og enginn við
vinnu á sjó. Við fall, hrap og af byltu
hafa fimm látizt og er það sami
fjöldi og árið áður. I bruna létuzt
þrír, sami fjöldi í snjóflóðum og
einnig vegna skot- og líkamsárásar.
Tveir hafa orðið úti eða týnzt, einn
látizt af voðaskoti og einn af völdum
meiðsla, er hann hlaut í fallhlífar-
stökki, en það er í fyrsta sinn hér á
landi, sem banaslys hlýzt af þeirri
íþrótt.
Við samanburð á banaslysum
síðastliðin fimm ár þá hafa 139
manns látizt í umferðarslysum, 121 í
ýmsum slysum, 117 manns af völdum
sjóslysa og drukknana og 13 farist í
flugslysum.
Af slysförum erlendis hafa 24
íslendingar látizt á sama tíma.
Álafoss
áflot
ÁLAFOSS náðist á flot aðfarar-
nótt laugardausins og sigldi hann
út um Hornafjarðarósinn um
fi-loytið að morgni laugardags
fyrir eigin vélarafli með aðstoð
Goðans og dráttarvíra úr landi.
y\ð sögn Eymundar Sigurðsson-
ar hafnsögumanns siglir skipið
til Fáskrúðsfjarðar þar sem það
tekur olíu og vatn. en botninn er
talinn óskemmdur.
Landslið og „ut-
lendingar,, í dag
í DAG klukkan 13.30 fer fram í
Laugardalshöllinni leikur milli
íslenzka landsliðsins og úrvalsliðs
íslenzkra handknattleiksmanna,
sem leika með erlendum liðum. I
liði „útlendinganna" eru þeir
Gunnar Einarsson, Ólafur H.
Jónsson, Ágúst Svavarsson, Axel
Axelsson, Sigurður Sveinsson,
Guðjón Magnússon og Guðmundur
Sveinsson en þeim til styrktar eru
leikmenn, sem leikið hafa erlendis,
m.a. þeir Ólafur Benediktsson og
Geir Hallsteinsson. Uppistaða
landsliðsins eru leikmenn úr
Víkingi og Val.
Enn fjölgar ölvuðum ökumönnum:
1148 teknir grunaðir
um ölvunarakstur
Á ÁRINU sem er að líða hefur
liigreglan í Reykjavík tekið 1118
ökumenn vegna gruns um öivun
við akstur. Þar af hafa 1058
iikumenn verið teknir í Reykjavík
en vegalögreglumenn úr Reykja;
vík hafa tekið 90 ökumenn. í
fyrrinótt voru G iikumenn teknir í
Reykjavík grunaðir um ölvun við
akstur.
Samkvæmt upplýsingum Óskars
Ólasonar yfirlögregluþjóns er um
nokkra aukningu að ræða frá
tveimur síðustu árum. Á sama
tíma í f.vrra hafði Reykjavíkurlög-
reglan tekið 1099 ökumenn vegna
gruns um ölvun við akstur og árið
1976 var talan 1007 ökumenn.
Óskar Ólason kvað lögregluna
vera með mikinn viðbúnað núna
um áramótin vegna mikillar um-
ferðar. Sagði hann að sérstaklega
yrði með því fylgst hvort Bakkus
væri í för með ökumönnum þvi hin
miklu áfengiskaup núna fyrir
áramótin bentu til þess að vænta
mætti mikillar ölvunar. „Eg vil
hvetja ökumenn til þess að aka
ekki undir áhrifum áfengis núna
um helgina og bjóða þannig heim
stórhættu fyrir sig og aðra,“ sagði
Óskar.
Ilarald Snæhólm ásamt Þórunni konu sinni. sonum þeirra og hundinum Lassý á heimili þeirra
„Aðstoð margra
hefur létt róðurinn ”
Rabbað við flugliðana sem komust af á Sri Lanka
MORGUNBLAÐIÐ hafði í fyrra-
dag samhand við fslenzku fluglið-
ana sem komust lífs af úr
flugslysinu á Sri Lanka 15. nóv.
s.l. og innti þá eftir líðan þeirra.
I>að var gott í þeim hljóðið, en þó
bar skugga á hin hörmulega
reynsla sem þau höfðu gengið f
gegnum. „Við vorum svo einstak-
lega heppin,“ sagði ein flugfreyj-
an, „en það eru svo margir sem
eiga um svo sárt að binda." Þau
hafa hvert um sig einbeitt sér að
því að ná sér undanfarnar vikur
og öllum miðar fram, enda
kváðust þau hafa notið slfkrar
Jónfna Sigmarsdóttir.
aðstoðar og umönnunar vanda-
manna, vina, lækna og annarra
að þeim væri þakklæti f huga til
allra sem hefðu gert þeim götuna
greiðari. Ein flugfreyjan af
fjórum, sem komust af, er byrjuð
að fljúga aftur og tvær byrja í
janúar, ein er ennþá f sjúkrahúsi
og Harald flugstjóri er einnig í
þjálfun á sjúkrahúsi.
Oddný Björgólfsdóttir flug-
freyja er á endurhæfingardeild
Landspítalans og þar heimsóttum
við hana í fyrrakvöld. Hún var kát
og hress, enda miðar þjálfun
hennar áfram hægt og sígandi
þótt hún hafi ekki komizt á fætur
ennþá og hún sér fram á að
komast til starfa á ný og vonast til
að geta brugðið sér á skíði áður en
langt um líður með Þórólfi syni
sínum. Stofa Oddnýjar er skreytt í
bak og fyrir fögrum jólaskreyting-
um.
Harald Snæhólm flugstjóri var í
helgarfríi heima hjá sér frá
Grensásdeild Borgarspítalans þar
sem hann er í þjálfun. Harald
kvaðst vilja færa þakkir til
Þuríður Vilhjálmsdóttir.
starfsfólks Grensásdeildarinnar
og annarra sem hefðu aðstoðað
hann á undanförnum vikum.
Hann kvaðst reikna með að
útskrifast frá Grensásdeildinni á
næstu vikum, „og að því loknu
verður maður víst að taka því
fremur rólega“, sagði hann, „en ég
vona að það verði ekki margir
mánuðirnir þar til maður getur
farið að fljúga aftur, en það er
aðstoð margra sem hefur létt
róðurinn."
Kristín Kristleifsdóttir flug-
freyja, sú eina af íslenzku flug-
liðunum sem ekkert slasaðist,
byrjaði aftur að fljúga 13. des. s.l.
og lét vel af sér. Hún var í
samkvæmi með vinum og kunn-
ingjum í fyrrakvöld þegar við
röbbuðum við hana og þar var
einnig Þuríður Vilhjálmsdóttir
flugfreyja, en hún mun byrja að
fljúga aftur hjá Loftleiðum um
miðjan janúar, hafði þennan dag
losnað við spelkur af fingri sem
gera þurfti aðgerð á eftir flugslys-
ið. „Það er stórkostlegt," sagði
hún, „að sleppa með eitt ör á
Kristín Kristleifsdóttir.
fingri út úr þessu."
Jónína Sigmarsdóttir flug-
freyja, sem lá í 10 daga á
sjúkrahúsi í Sri Lanka ásamt
Þuríði, er nú í leyfi í London, en
hún mun einnig byrja að fljúga
aftur hjá Loftleiðum í janúarbyrj-
un.
Allir flugliðarnir báðu Morgun-
blaðið að færa þakkir til þeirra
fjölmörgu sem hafa sýnt þeim
vinsemd og tryggð á undanförnum
vikum með margvíslegu móti.
Oddný Björgólfsdóttir flugfreyja í stofu sinni á endurhæfirigardeild Landspítalans í fyrrakvöld ásamt
þórólfi syni sínum og Unni móóur sinni. Ljósmyndir Mbl. Árni Johnsen.