Morgunblaðið - 31.12.1978, Blaðsíða 17
MORGUNBLAÐIÐ, SUNNUDAGUR 31. DESEMBER 1978
15
, SJÓNVARP & ÚTVARP ^
Sjónvarp í kvöld kl. 21.20:
Áramóta-
skaup 1978
ÁRAMÓTASKAUP 1978, hefst í
sjónvarpi í kvöld kl. 21.20.
Er það í hefðbundnum dúr, létt
tekið á atburðum líðandi árs um
menn og málefni. Meðal annars
komið inn á landbúnaðinn og
listahátíð, en minna farið inn á
stjórnmálasviðið í þetta sinn.
Einnig koma gestir í heimsókn.
Verður mest um leikin atriði, en í
þeim taka þátt að vanda Arnar
Jónsson, Edda Björgvinsdóttir,
Guðrún Ásmundsdóttir, Þórunn
Sigurðardóttir, Sigurður Sigurðs-
son og Flosi Ólafsson. Leikstjóri er
Þórhildur Þorleifsdóttir en um-
sjón hefur Guðný Halldórsdóttir.
Eitt atriði úr skaupinu, sem hefst kl. 21.20 í kvöld.
Sjónvarp í dag kl. 14.00:
Jóki bjöm
stingur af
TEIKNIMYND um Jóka björn
og félaga hans hefst í sjónvarpi í
dag, gamlársdag kl. 14.00.
Jóki lendir í ýmsum ævintýrum
ásamt unnustu sinni, Birnu og
Bóbó, félaga sínum. Sagan gerist
að vorlagi, þegar birnirnir eru að
skríða úr híðinu. Birna er ákveðin
í að láta Jóka ekki sleppa þetta
sumarið og gerir sig geysiaðlað-
andi. Jóki hefur eins og venjulega
mestan áhuga á að stela sér mat
og lendir í miklum útistöðum við
þjóðgarðsvörðinn.
Ymis misskilningur veldur því
að Jóki stingur af úr þjóðgarðinum
og Birna fer að leita að honum.
Lenda þau síðan í ýmsum raunum
á leiðinni heim aftur.
Leikhópurinn við æfingu á skaupinu í útvarpinu.
Útvarp í kvöld kl. 22.30:
„Stóð og stjömur”
„Stóð og stjörnur“ nefnist
áramótaskaup útvarps að þessu
sinni og er eftir Jón Örn Marinós-
son og Andrés Indriðason og er
að þeirra sögn bæði „kaupmáttar-
styrkjandi og verðbólgueyðandi“.
Brugðið verður upp svipmynd-
um úr hinu daglega lífi og um
ýmislegt það, sem við hefur borið
í pólitíkinni og á öðrum sviðum á
síðastliðnu ári.
Gamanið hefst kl. 22.30 og
áætlað er að þaö standi í tæpa
klukkustund, ef leikarar endast
svo lengi. Benedikt Árnason stend-
ur við stjórnvölinn, og Jón Sig-
urðsson hrærir í músíkblöndu,
sem hann hefur sett saman. Auk
þeirra er fjöldi leikara, sem hefur
„lagt starf sitt og sóma í hættu",
með því að taka þátt í gríninu.
Meðal þeirra eru Sigríður Þor-
valdsdóttir, Þóra Friðriksdóttir,
Bessi Bjarnason, Róbert Arnfinns-
son, Anna Kristín Arngrímsdóttir
og Flosi Ólafsson. Einnig koma
fleiri við sögu, þó að þeir vilji ekki
láta nafns síns getið.
Smábörn að leik. Nú er barnaárið hafið og margt ber að hafa í huga þessari ungu kynslóð til handa.
Útvarp nýárs-
dag kl. 17.00:
„Húlla, nú
byljal balnaálið’
„Húlla, nú byljal balnaálið".
nefnist barnatíminn í umsjón
Gunnvarar Brögu. sem hefst í
útvarpi á nýársdag kl. 17.00.
„Byrjað verður með kveðjum frá
börnum á Norðurlöndum,“ sagði
Gunnvör, en þau óska öllum til
hamingju með þetta nýbyrjaða ár
og minna á ýmislegt, sem þeim
sjálfum finnst. að betur mætti
fara í þessum hcimi, sem þau eiga
að erfa.
Þá verða lesnir kaflar úr tveim
sogum Guðrúnar Helgadóttur,
Jóni Oddi og Jóni Bjarna, þar sem
segir frá Selmu litlu. Hún er
vangefin og við viljum beina
athygli að öllum börnum sem hafa
sérþarfir. Síðan er stuttur kafli úr
bókinni I afahúsi eftir Guðrúnu,
þar sem segir frá Ágústu, sem er
kjörbarn, trúlega frá Víetnam, og
þar með viljum við minna á að við
viljum komast hjá fordómum um
kynþætti.
Þetta er fvrsti barnatíminn, sem
helgaður er barnaárinu, en stend-
ur til að hafa tíma einu sinni í
mánuði, þar sem börn og fullorðn-
ir fjalla um þessi mál, bæði í
samræðum, smásögum og ljóðum.“
Lesarar ásamt Gunnvöru í
þessum þætti eru Signý Yrsa
Pétursdóttir, sem er níu ára,
Margrét Ólöf Magnúsdóttir, 11 ára
og Helga Stephensen leikkona.