Morgunblaðið - 21.02.1979, Page 2

2
MORGUNBLAÐIÐ, MIÐVIKUDAGUR 21. FEBRÚAR 1979
Eimskipafélag íslands hf:
Hörður Sigurgests-
son ráðinn forstjóri
MORGUNBLAÐINU barst í gær
eftirfarandi frétt frá Eimskipa-
félajíi Islands:
Stjórn H/F Eimskipafélags
íslands hefur í dag á fundi sínum
ráðið Hörð Sigurgestsson
rekstrarhagfræðing, sem forstjóra
félagsins.
Hörður Sigurgestsson er fæddur
árið 1938 í Reykjavík. Hann varð
stúdent frá Verzlunarskóla Is-
lands árið 1958, og stundaði síðan
nám í viðskiptafræði við Háskóla
Islands, og lauk þaðan prófi árið
1965. Hörður stundaði framhalds-
nám í rekstrarhagfræði í Wharton
School, University og Pensylvania
í Philadelphia í Bandaríkjunum,
Sækir um hæli
sem pólitískur
flóttamaður
CHILEBÚI nokkur, Julio
Ocares, hefur sótt um hæli hér
á landi sem pólitískur flótta-
maður. Hefur hann sent um-
sókn sína til dómsmálaráðu-
neytisins þar sem mál hans er
nú í athugun. Ocares kom hing-
að til lands sem ferðamaður en
hefur þó stundað atvinnu hér
undanfarið.
og lauk þaðan MBA prófi haustið
1968. Hann starfaði í fjármála-
ráðuneytinu, fjárlaga- og hag-
sýslustofnun að loknu framhalds-
námi til vors 1974, er hann réðst
til Flugleiða h/f, sem þá var
nýstofnað fyrirtæki, sem fram-
kvæmdastjóri fjármálasviðs, og
hefur starfað þar síðan.
Hörður er kvæntur Áslaugu
Ottesen, og eiga þau tvö börn.
Hann mun taka við hinu nýja
starfi sínu 1. ágúst 1979.
Stjórn H/F Eimskipafélags
íslands.
Hörður Sigurgestsson
Eggert Davíðsson á
Möðruvöllum látinn
EGGERT DAVÍÐSSON á Möðru-
völlum lézt á Sjúkrahúsi á Akur-
eyri á mánudagsmorgun á 70.
aldursári.
F.irirprf var fæddur á
Ytra-Krossnesi 6. júní 1909, sonur
hjónanna Davíðs Eggertssonar
sjómanns og bónda þar og Val-
gerðar Sigurðardóttur. Kornungur
fór Eggert með afa sínum og
ömmu, Eggert Davíðssyni og Jón-
ínu Kristjánsdóttur, að Möðruvöll-
um II, þar sem þau hófu búskap.
Eggert kvæntist Ásrúnu Þór-
hallsdóttur frá Þrastarhóli 1.
febrúar 1936 og áttu þau þrjár
dætur: Kristínu, Sólveigu og Þór-
höllu.
Fyrstu hjúskaparár sín stundaði
Eggert mjólkurflutninga við hin
erfiðustu skilyrði, en tók við búinu
á Möðruvöllum af föður sínum
1946 og bjó þar með myndarskap
og rausn til 1974, er hann hætti
búskap vegna heilsubrests og
fluttist til Akureyrar og annaðist
síðan skrifstofuhald fyrir Búvéla-
verkstæðið þar.
Eggert Davíðsson naut trausts
og virðingar í sínu byggðarlagi og
gegndi fjölmörgum trúnaðarstörf-
um. Hann var fyrst kosinn í
hreppsnefnd Arnarneshrepps 1946
og átti þar sæti lengst af, meðan
hann bjó þar. Hann var aðalhvata-
maður að stofnun og formaður
Bændafélags Eyjafjarðar, Iengi í
stjórn Búnaðarsambands Eyja-
fjarðar og mikill áhugamaður um
stofnun Tilraunastöðvarinnar að
Möðruvöllum og loks átti hann
sæti í sóknarnefnd og var lengi
kirkjuhaldari á Möðruvöllum.
Eggert Davíðsson var um ára-
tugaskeið einn af forystumönnum
Sjálfstæðisflokksins í Eyjafjarð-
arsýslu.
Dæmdur í 9 mánaða
fangelsi fyrir mann-
dráp af gáleysi
HÆSTIRÉTTUR dæmdi í gær í
máli ungs manns sem talinn var
hafa orðið manni að bana af
gáleysi á Sauðárkróki í október
1973. Var hann dæmdur í 9
mánaða fangelsi í Hæstarétti en
hafði áður verið dæmdur í 1 árs
fangelsi í sakadómi Sauðárkróks.
Málavextir voru þeir að 56 ára
gamall bóndi úr Húnavatnssýslu
fannst látinn á tröppum húss við
Aðalstræti á Sauðárkróki að
morgni 12. október 1973. Voru
áverkar á líkinu. Rannsókn leiddi í
ljós að áfengi hafði verið haft um
hönd í umræddu húsi kvöldið áður
og hafðí bóndinn verið innandyra,
alldrukkinn. Var af honum ónæði
að mati viðstaddra og var honum
vikið úr húsinu nokkrum sinnum.
Þegar fólk í húsinu hafði tekið á
sig náðir komst bóndinn tvívegis
inn aftur. Vaknaði þá einungis
aðkomumaður, sem þar var. Setti
hann bóndann út í bæði skiptin og
viðurkenndi hann að til stympinga
hefði komið og bóndinn fallið
niður tröppur. Var þessi maður
síðar ákærður.
Krufning á líki bóndans leiddi í
ljós að hann hafi látizt af heila-
blóðfalli af völdum áverka en kuldi
hafi einnig flýtt fyrir láti hans.
Að lokinni sýningu á leikritinu Heims um ból á kjallarasviði Þjóðleikhússins í gærkvöldi var minnzt 40
ára leikafmælis Guðbjargar Þorbjarnardóttur. Guðbjörg hóf leikferil sinn í Siglufirði, en fluttist síðan
til Reykjavíkur þar sem hún lék fyrst hjá Leikfélagi Reykjavíkur, en réðist svo til Þjóðleikhússins við
upphaf þess. Hlutverk hennar í Heims um ból er 83ja hlutverk hennar hjá Þjóðleikhúsinu. Á þessari
mynd er Sveinn Einarsson þjóðleikhússtjóri að ávarpa Guðbjörgu í tilefni leikafmælisins í gærkvöldi.
gærkvöldi. Ljósm. Mbl.: Kristján.
Hvað felst í 44. og 45.
gr. skattalaganna?
ÓLAFJLJR Jóhannesson, forsætis-
ráðherra sagði í sjónvarpsumræð-
um í gærkvöldi, að sum ákvæði
nýju skattalaganna, sem sett
voru fyrir tæpu ári. gengu í gildi
um síðustu áramót og koma til
framkvæmda við skattlagningu á
næsta ári, nálguðust það að gera
ísland að lögregluríki. Sagði for-
sætisráðherra, að menn gætu
ekki cinu sinni pissað án þess að
skattaeftirlitið fylgdist með. Ráð-
herrann sagði þetta í tilefni af
gagnrýni Geirs Hallgri'mssonar á
eignakönnun þá, sem vinstri
stjórnin áformar.
Geir Ilallgrímsson spurði þá
hvernig staðið hefði á því að
Ólafur Jóhannesson hefði sam-
þykkt þessi lög í síðustu ríkis-
stjórn og af hverju hann vildi
setja ný ákva'ði um eignakönnun
í lög úr því að hann teldi skatta-
lögin nýju jafngilda allsherjar
eignakönnun.
Ólafur Jóhannesson sagði að
sjálfsagt hefðu þeir Geir Hall-
grímsson ekki kynnt sér þessi
ákvæði nægilega vel og sagðist
hér fyrst og fremst eiga við 44. og
45. grcin nýju skattalaganna.
Þessar greinar eru svohljóðandi:
„Takmörkun á fyrningum vegna
skulda
44. gr.
Lögaðilar og menn, sem hafa
með höndum atvinnurekstur eða
sjálfstæða starfsemi, skulu reikna
árlega tiltekinn hundraðshluta af
heildarskuldum, þegar frá þeim
hafa verið dregnar eignir skatt-
aðila sem tengdar eru atvinnu-
rekstri, aðrar en fyrnanlegar eign-
ir skv. 32. gr. og eignarhlutar í
félögum, sbr. 2. gr. Þá fjárhæð,
sem þannig reiknast, skal færa
annars vegar í sérstakan reikning,
mótreikning fyrninga, og hins
vegar til lækkunar á endurmats-
reikningi, sbr. 37. gr. Nemi þessar
tilteknu eignir hærri fjárhæð en
heildarskuldir reiknast ekki tillag
í mótreikning fyrninga.
Til skulda skattaðila skv. 1. mgr.
teljast hvers konar skuldir, sbr. 76.
gr., en þar með telst þó ekki
hlutafé, stofnsjóðir, stofnfé,
endurmatsreikningur, varasjóður
og aðrir eignafjárreikningar. Til
skulda manna, sem stunda at-
vinnurekstur eða sjálfstæða starf-
semi, teljast ekki í þessu sambandi
skuldir sem ekki eru tengdar
atvinnnrekstri, eða sjálfstæðri
starfsemi, enda fari þær ekki fram
úr 4.000.000 kr. hjá einstaklingi og
8.000.000 kr. ef um hjón er að
ræða. Ójöfnuð rekstrartöp frá
fyrri árum, sbr. 6. tl. 1. mgr. 31.
gr., má draga frá skuldum áður en
tillag er reiknað.
Hundraðshluti tillags skv. 1.
mgr. skal vera jafn hundraðshluta
verðbreytinga milli ára, sbr. 26. gr.
Tillag í mótreikning fyrninga
samkvæmt þessari grein skal
reikna í lok hvers reikningsárs og
miðast við stöðu eigna og skulda í
byrjun reikningsárs.
45. gr.
Heildarfjárhæð mótreiknings
fyrninga í byrjun hvers árs skal
framreikna samkv^emt verðbreyt-
ingarstuðli viðkomandi árs, sbr.
26. gr. í lok hvers árs skal færa til
frádráttar fengnum fyrningum á
árinu skv. 38. gr. og 42. gr. fjárhæð
er nema skal 15% af framreiknuð-
um mótreikningi í árslok.
Á því ári, sem mótreikningur
fyrninga verður hærri en nemur
samanlögðum eftirstöðvum fyrn-
ingarverðs allra fyrnanlegra
eigna, skal telja það sem umfram
er til skattskyldra tekna og til
lækkunar á mótreikningi fyrninga.
Þeir aðilar, sem myndað hafa
mótreikning skv. 44. gr. og ekki
eiga fyrnanlegar eignir, skulu
færa tillagið til tekna á því ári sem
það reiknast.
Mótreikningur fyrninga eða
færslur af honum hafa ekki áhrif á
eftirstöðvar fyrningarverðs fyrn-
anlegra eigna.
Ráðherra getur með reglugerð
kveðið nánar á um framkvæmd
þessarar greinar og 44. gr.“
Vissulega má segja að orðalag
þessara greina sé torskilið.
En Morgunblaðið spurð-
ist fyrir um það'hjá Ólafi Nilssyni,
löggiltum endurskoðanda í gær-
kveldi, hvert væri inntak grein-
anna. Ólafur sagði það væri algjör
misskilningur að tala um eigna-
könnun í sambandi við þessar tvær
greinar, því að þær ættu ekkert
skylt við slíkt. I greinunum kvað
hann í fyrsta skipti reynt að taka á
þeirri gífurlegu mismunun, sem
verðbólgan ylli milli fyrirtækja,
eftir því, hvernig fjármagn þau
hefðu undir höndum — hvort þau
hefðu eigið fjármagn eða lánsfjár-
magn. Greinarnar leituðust við að
tryggja eigið fé fyrirtækja, heim-
ila endurmat fyrnanlegra eigna og
fyrningar af endurmatsverði.
Greinarnar skertu fyrningar
þeirra aðila, sem fjármögnuðu
eignir sínar með skuldum.
Georg Lúðvíksson
framkvœmdastjóri
ríkisspítala látinn
GEORG Lúðvíksson fram-
kvæmdastjóri rikisspítalanna
lézt á heimili sínu í fyrrinótt, 65
ára að aldri.
Georg Lúðvíksson fæddist 25.
apríl 1913 í Neskaupstað og voru
foreldrar hans Lúðvík Sigurður
Sigurðsson útgerðarmaður og
kona hans Ingibjörg Þorláksdóttir.
Georg brautskráðist frá Sam-
vinnuskólanum 1934. Hann starf-
aði hjá Skattstofu Reykjavíkur
árið eftir og í janúar 1936 hóf
hann störf á skrifstofu ríkisspítal-
anna. Hann var skipaður gjaldkeri
ríkisspítalanna 1937, fulltrúi 1946
og framkvæmdastjóri frá apríl
1953. Georg sótti námskeið um
sjúkrahússrekstur erlendis. Hann
var formaður Félags forstöðu-
manna sjúkrahúsa.
Auk starfa á sviði sjúkrahús-
mála var Georg í stjórn KR og var
hann einnig í stjórn skíðadeildar
KR og formaður byggingarnefndar
hennar og formaður rekstrar-
nefndar skíðaskála KR.
Eftirlifandi eiginkona Georgs er
Guðlaug Lára Jónsdóttir. Þau
eignuðust fjögur börn.