Morgunblaðið - 21.02.1979, Blaðsíða 25

Morgunblaðið - 21.02.1979, Blaðsíða 25
MORGUNBLAÐIÐ, MIDVIKUDAGUR 21. FEBRÚAR 1979 25 fclk f fréttum + Við birtum mynd fyrir skömmu af færeysku söngkonunni Anniku Hoydal, sem fór til Kaupmannahafnar til þátttöku í „Melodi Grand Prix-sönglagakeppni". bessi mynd var tekin er Annika söng hið færeyska lag „Aldan" sem hlaut góða dóma og komst í fjórða sæti. — Nú segja Kaupmannahafnarblöðin, að það komi til greina í framtíðinni að Færeyingar og Græn- íendingar skipi sæti í dómnefndinni. + ÞESSI bandarísku hjón, sem eftir því sem í myndatexta segir, eiga stutt eftir ólifað, leituðu fyrir skömmu til kaþólsku kirkjunnar í heimabæ sínum. Þau höfðu verið gift í rúmlega 30 ár. Var það borgaraleg hjónavígsla, sem þá fór fram. — Þau báðu kaþólska prestinn í bænum að koma til sín og blessa hjónaband þeirra nú er dauðastundin virtist vera á næsta leiti. Að sjálfsögðu var orðið við þessari ósk hjónanna. + 7 ÁR hafa farið í það að ná upp þessum þrekskrokki, sagði þessi 34 ára gamli Dani, sem setti sér fyrir mörgum árum það mark að vera kjörinn „Herra Danmörk". Hann heitir Leif Kjeldsen, er 34 ára gamall járniðnaðarmaður. Hann hefur verið í skrokkþjálf un hjá Portúgala sem rekur þjálfunarsal / Höfn fyrir svona þrekskrokka. Vbðvaf jallið sagði í blaðaviðtali að hann æfði í 20 klukkustundir í viku hverri. + PÁFINN er hér mitt á meðal hljómsveitarmanna og söngfólks LA Scala óperunnar ítölsku, sem um daginn flutti í móttökusal Páfagarðs tónverkið „Hin týnda Paradís" eftir pólska tónskáldið Krzysztof Penderecki. — Stjórnaði tónskáldið sjálft hljómsveit og kór óperunnar. Maðurinn, sem stendur beint fyrir aftan páfann er tónskáldið. Mickie Gee í félagsskap einnar stúlkunnar írá Kópavogshæli. Myndir Emilía. Mickie Gee skemmtir vist- mönnum af Kópavogshæli VISTMÖNNUM á Kópavogshæli var s.l. laugardag boðið á skemmtun sem haldin var fyrir þau í veitingahúsinu óðali. Það voru Mickie Gee, plötusnúður, og söfnunin „Gleymd börn '79" sem stóðu að skemmtuninni. Mickie spilaði tónlist fyrir vist- mennina og sýndi þeim mynd með köflum úr kvikmyndinni Grease og frá frumsýningu myndarinnar í Bandaríkjunum. Að auki var öllum boðið upp á kók og súkku- laði og fékk hver eins og hann gat í sig látið. Vistmenn Kópavogshælis kunnu vel að meta tónlist þá sem Mickie lék fyrir þá og eins og myndin synir dönsuðu jafnt ungir sem aldnir. Oku-Þór kem ur út að nýju FÉLAG íslonskra bifreiðaeigenda hefur nú hafið útgáfu málgagns síns „Öku-Þórs" að nýju en útgáfa blaðs- ins hefur legið niðri um nokkurt skeið. Öku-Þór kom fyrst út árið 1952 og var gefið út fram yfir árið 1960. Blaðið kom síðast út árið 1972. Ritstjórar Öku-Þórs nú eru þeir Sveinn Torfi Sveinsson og Steinar J. Lúðvíksson en aðstoðaraðili við út- gáfu blaðsins er Frjálst framtak h.f. Forráðamenn blaðsins FÍB og Frjáls framtaks héldu í gær blaða- mannafund þar sem greint var frá endurvakningu Öku-Þórs. FÍB sér algjörlega um efnisval í blaðið og er endurvakning þess liður í að gera átak til eflingar félagsins og auka starf þess í þágu hins almenna bifreiðaeiganda. Félagar í FÍB eru nú 9000 og er stefnt að því að fá fleiri og um leið virkari félaga, að sögn for- svarsmanna félagsins. í fyrsta tölublaði Öku-Þórs er m.a. fjallað um málefni FÍB, sagt er frá því hvernig bensínverð er reiknað út, rætt um afkastavexti vega og skatt- heimtu ríkisins af bifreiðum og hvað ríkið leggur aftur á móti til vega- framkvæmda. Þá er fjallað um gamla bíla, greinar eru um sölu bifreiða bæði notaðra og nýrra, greinar eru um akstur og ökumenn og þar m.a. fjallað sérstaklega um börn og bíla, sagt frá nokkrum nýjum árgerðum bifreiða og þætti blaðsins þar sem fjallað er um þjónustu við bifreiðaeig- endur eru m.a. greinar um hjólbarða- sólun, kveikjur og ráð hvernig draga megi úr bensínnotkun bifreiða. A blaðamannafundinum kom það fram að það er skoðun FÍB að koma eigi slitlagi á vegi þar sem það borgar sig. Nefndu þeir sem dæmi að slitlag á Hvalfjarðarveg myndi borga sig á 8 mánuðum. Hvað varðaði bensínverð sögðu þeir það væri skoðun FÍB að bensín ætti að magntolla á hliðstæðan hátt og aðrar olíuvörur. Öku-Þór er félagsblað FÍB og verður sent til félagsmanna en auk þess verður það selt í áskrift. Jóhann Breim, framkvsemdastjóri Frjáls framtaks h.f., og Sveinn Oddgeirsson, framkvæmdastjóri Félags fslenskra bifreiðaeigenda, með fyrsta tölublað Öku-Þórs. Mynd Emilfa.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.