Morgunblaðið - 22.02.1979, Blaðsíða 24
24
MORGUNBLAÐIÐ, FIMMTUDAGUR 22. FEBRÚAR 1979
Útgefandi
Framkvæmdastjóri
Ritstjórar
Ritstjórnarfulltrúi
Fréttastjóri
Auglýsingastjóri
Ritstjórn og afgreiósla
Auglýsingar
hf. Árvakur, Reykjavík.
Haraldur Sveinsson.
Matthías Johannessen,
Styrmir Gunnarsson.
Þorbjörn Guðmundsson.
Björn Jóhannsson.
Baldvin Jónsson
Aðalstræti 6, sími 10100.
Aðalstræti 6, sími 22480.
Áskriftargjald 2500.00 kr. á mánuði innanlands.
í lausasölu 125 kr. eintakið.
Efnahagsstefna
Sjálfetæðisflokksins
jálfstæðisflokkurinn
hefur nú lagt fram efna-
hagsstefnu í anda þeirrar
frjálshyggju, sem er for-
senda fyrir tilvist hans og
grundvöllur þess trausts,
sem hann nýtur hjá þjóðinni.
Kjarni stefnu hans er sá, að
'einstaklingurinn fái notið
sín, — hafi olnbogarými til
þess að fullnægja framtaks-
semi sinni og athafnaþrá.
Einungis með þeim hætti er
unnt að kveða verðbólguna í
kútinn með jákvæðum
viðbrögðum, þannig að með
bættum afrakstri þjóðarbús-
ins sé hægt að búa mönnum
hér sambærileg lífskjör og
eru í nágrannalöndunum.
Þetta er ekki fjarlægara
mark en svo, að við það var
staðið á Viðreisnarárunum,
meðan stefna frjálshyggj-
unnar var höfð að leiðarljósi.
Sjálfstæðisflokkurinn vill,
að uppskurður sé gerður á
því flókna kerfi opinberra
umsvifa og afskiptasemi,
sem nú færist í aukana en
setur athöfnum einstaklinga
og fyrirtækja þrönga kosti.
Þjóðhagsáætlun til nokkurra
ára verður að gera með sama
hætti og í upphafi Viðreisn-
ar, þar sem svigrúmið til
neyzlu og fjárfestingar er
sýnt, jafnframt því sem
raunsæjar áætlanir eru
gerðar um þróun atvinnu-
vega og byggða til lengri
tíma litið.
Stefna frjálshyggjunnar
markast af því; að gengis-
skráning verði sveigjanleg
og miðuð við það, að jafn-
vægi haldist í erlendum
viðskiptum, en dregið úr
áhrifum ytri sveiflna og af-
koma atvinnuveganna
tryggð; að viðmiðunarverð
verðjöfnunarsjóðs verði í
samræmi við verð á erlend-
um markaði, en atvinnu-
rekstrinum heimilað að
leggja fé í bundna og vel
tryggða varasjóði gegn
skattfrelsi eða frestun skatt-
lagningar; að kjör almennra
inniána og útlána ákveðist af
frjálsum markaði, en bann
við gengistryggingu og ann-
arri verðtryggingu sé
afnumið. Lög verði sett um
starfsemi viðskiptabanka og
afurðalán flutt til þeirra, en
fjárbinding komi af útlánum
í stað innlána; að komið
verði á jafnvægi í fjármálum
ríkisins og uppskurður gerð-
ur á ríkisbákninu. Verkefni
verði flutt frá ríki til
sveitarfélaga, fyrirtækja og
einstaklinga; að verðlag
verði gefið frjálst undir
eftirliti og fyrirkomulag
gengisviðskipta verði frjálst,
einfalt og fljótvirkt.
Sjálfstæðisflokkurinn vill,
að sú aukna og nýja skatt-
heimta, sem núverandi
stjórnarflokkar hafa komið
á, verði felld niður, og
almennar launatekjur verði
tekjuskattsfrjálsar. Þegar til
lengri tíma er litið er lögð
áherzla á, að virðisauka-
skattur verði tekinn upp, en
samtímis verði söluskattur
lagður niður ásamt verðjöfn-
unargjaldi á innfluttar
iðnaðarvörur. Brýnt er, að í
stjórnarskrá séu settar skýr-
ar reglur um, að óheimilt sé
að setja eftir á íþyngjandi
skatta um breytta eða nýja
skattheimtu.
Til þess að verðbólgan
verði að velli lögð til fram-
búðar er brýnt, að almennir
kjarasamningar séu gerðir á
ábyrgð aðila vinnu-
markaðarins, taki mið af
þjóðhagsvísitölu og séu inn-
an þeirra marka, að afkoma
atvinnuveganna sé tryggð
ásamt nægilegu svigrúmi til
nýrrar atvinnuuppbygging-
ar. Til þess að ná þessum
markmiðum verður að leita
samráðs við aðila vinnu-
markaðarins um nýtt verð-
bótakerfi, kjaravísitölu, sem
óbeinir skattar og niður-
greiðslur hafi ekki áhrif á,
en verðbætur miðist við
breytingar á viðskiptakjör-
um. Allir landsmenn fái
verðtryggðan lífeyri, en
kaupmáttur á vinnustund
verði aukinn með sveigjan-
legum vinnutíma, starfs-
hvatningu og hagræðingu.
Mikilsvert er, að þátttaka
launþega og alls almennings
í atvinnurekstri sé örvuð
með því að gera eignaraðild
aó fyrirtækjum aðgengilega
og arðbæra.
Stefnuskrá Sjálfstæðis-
flokksins í efnahagsmálum
gerir línurnar skarpari í
þjóðmálabaráttunni. Annars
vegar er stefna frjálshyggj-
unnar. Hins vegar eru
vinstri flokkarnir þrír, sem
ekki sjá önnur ráð en opin-
ber höft og aukna ríkisfor-
sjá.
Rektorskjörið við Háskðla íslands:
Morgunblaðið sneri sér í gær til fimm prófessora, sem
sérstaklega hafa verið nefndir til í sambandi við rektorsem-
bættið, og spurði um afstöðu þeirra til þess:
Bjarni Guðnason:
Sœkist ekki eftir
rek torsstarfinu
„Ég sækist ekki eftir starfi háskólarektors. Það er
ótvírætt," sagði Bjarni Guðnason prófessor." Menn hafa rætt
við mig vegna þessa, en ég hef ekki sýnt þeim mikinn áhuga.
Enda er úrval góðra manna og starfinu ekki í kot vísað hjá
öðrum en mér.“
Guðmundur Magnússon:
Ætla ekki að
skorast undan
„Rektorsembættið hefur verið fært í tal við mig og mín
afstaða er sú, að ég ætla ekki að skorast undan því, ef það er
almennur vilji manna að ég taki það að mér,“ sagði
Guðmundur Magnússon prófessor.
Gunnar G. Schram:
Reikna ekki með
að skorast undan
„Þetta hefur verið orðað við mig og verði niðurstöður
prófkjörsins slíkar, að menn hafi traust á mér til
rektorsstarfsins, þá reikna ég ekki með því að skorast undan
því,“ sagði Gunnar G. Schram prófessor.
Sigmundur Guðbjarnarson:
Látum skoðanakötin-
imina hafa sinn gang
„Ég vil ekkert ræða þetta við fjölmiðla. Við skulum láta
skoðanakönnunina hafa sinn gang,“ sagði Sigmundur
Guðbjarnarson prófessor.
Sveinbjörn Björnsson:
Hefekki áhuga
á rektorsstarfi
„Menn eru svona að leika sér að því að tala um menn í þessu
sambandi. En það er alveg ljóst af minni hálfu að ég hef ekki áhuga
á rektorsstarfinu," sagði Sveinbjörn Björnsson prófessor.
„í fyrstu lagi hef ég ekki verið prófessor í jarðeðlisfræði nema í
tæpt ár og í öðru lagi stendur minn hugur frekar til rannsókna en
stjórnunarstarfa, sem ég hef reynt að koma mér hjá. Ég held að
maður á mínum aldri, sem tæki að sér slíkt stjórnunarstarf, sem
rektorsstarfið er, ætti illa afturkvæmt í rannsóknarstörf og þess
vegna hef ég ekki áhugann".
Samkomulag um nýja
myntsláttu og seðlaprentun
Seðlabanki íslands hefur gert
samkomulag við ensku fyrirtæk-
in Royal Mint og Bradbury og
Wilkinsson um myntsláttu og
seðlaprentun til nýrrar myntar.
„Undirbúningur myntbreytingar-
innar er á lokastigi hjá okkur og
við bíðum nú bara eftir formlegri
afgreiðslu Alþingis“, sagði
Jóhannes Nordai Seðlabanka-
stjóri í samtali við Mbl. í gær.
Jóhannes sagði að Seðlabankinn
hefði kannað ýmsa möguleika á
því, hvar myntin yrði slegin og
seðlarnir prentaðir. Útkoman varð
samkomulag við Bradbury og
Wilkinsson um seðlaprentun, en
það fyrirtæki hefur prentað seðla
fyrir Seðlabankann undanfarin ár.
Varðandi myntsláttuna var leit-
að eftir tilboðum frá Winnipeg
Mint í Kanada og The Royal Mint í
London, en síðarnefnda fyrirtækið
hefur annast myntsláttu fyrir
Seðlabankann undanfarin ár, en
einn krónupeningur var sleginn
hjá Winnipeg Mint. Jóhannes
sagði meginástæður þess að sam-
komulag var gert við Royal Mint
en ekki Winnipeg Mint lægju í
flutningskostnaði og flutnings-
öryggi.