Morgunblaðið - 22.02.1979, Blaðsíða 25
MORGUNBLAÐIÐ, FIMMTUDAGUR 22. FEBRÚAR 1979
25
Jón Óttar Ragnarsson, formaður landssamtakanna Lífs og lands, Gylfi Gíslason, dr. Sturla
Friðriksson og Bjarni Reynarsson.
Líf og land
Eáðstefna um manninn
og umhverfið að Kjarvals-
stöðum um helgina
LANDSSAMTÖKIN Líf og land gangast fyrir ráðstefnu að Kjarvalsstöðum dagana 24. og 25. febrúar og
fjallar hún um manninn og umhverfið. Jón Óttar Ragnarsson formaður félagsins, setur ráðstefnuna, sem
hefst kl. 9.00 báða dagana og stendur til kl. 17.00 á laugardag cn lýkur á sunnudag ki. 14.00
F'ram kom á fundi hjá samtökunum, að félagið, sem stofnaö var 30. nóvembcr síðastliðinn, er óvenjulegt
að því leyti, að ekki er aðeins um verndun lands að ræða heldur og nýsköpun umhverfis og áhrif í þá átt að
stuðla að nýjum viðhorfum í umhverfismótun og nauðsyn þess að taka tillit til allra þátta sem að
manninum lúta, svo sem lista- og menningarsögu, gróðurs og orkumála, svo eitthvað sé nefnt, eða yfirleitt
til þeirra hvata. sem áhrif hafa á mannlífið í heild.
Félagið, sem starfar óháð
opinberum aðilum, er eins og
nafnið bendir til ekki bundið við
höfuðstaðinn, en landsbyggðina
alla. Félagar geta þeir einstakl-
ingar gerzt, sem aðhyllast
markmið félagsins og vilja
starfa í samræmi við lög þess.
Einnig geta félög og fyrirtæki
verið styrktarfélagar.
Markmið félagsins er að
stuðla að því að gera umhverfi í
þéttbýli og dreifbýli aðlaðandi
fyrir fólk í landinu. Ennfremur
að halda hlífiskildi yfir bygging-
arlist fyrri tíma og öðrum
menningarverðmætum og nátt-
úru landsins. Að hvetja til þess
að vel verði vandað til nútíma
mannvirkjagerðar og skipulags
og skapa vettvang til skoðana-
skipta fyrir alla, sem hafa
áhuga á menningu, listum og
náttúruvernd.
Innan félagsins starfa þrjár
nefndir: Fræðslunefnd, sem
mun annst samskipti við erlend
félög, standa að ráðstefnu og
fyrirlestrum um fræðileg efni og
kynna niðurstöður þeirra innan
félagsins og utan. Skipulags-
nefnd mun fjaHa um mannvirki
og annað umhverfi og beita sér
fyrir varðveislu þess, viðhaldi
eða endurnýjun eftir ástæðum.
Jafnframt að stuðla að aðlað-
andi umhverfi, vandaðri bygg-
ingarlist og skipulagi. Loks fjár-
málanefnd, en hennar hlutverk
er fyrst og fremst að afla fjár og
fylgjast með fjárreiðum félags-
ins. Nefndirnar munu starfa
sjálfstætt en með innbyrðis
tengslum.
Tilgangurinn með ráðstefn-
unni er að kynna stefnumál
félagsins og fá lærða sem leika
til að tjá sig og svara þeirri
gagnrýni, sem fram hefur komið
á skipulag umhverfis. Hvernig
nú er komið málum, m.a. hvers
vegna sumir landshlutar og
hverfi eru í niðurníðslu en önn-
ur blómstra, hvort það sé óum-
flýjanlegt eða stafi af öðrum
orsökum.
Margir íslendingar, sem lært
hafa erlendis á ýmsum sviðum,
koma heim með hugmyndir, sem
ef til vill er verið að byggja upp
hér, en rífa niður annars staðar,
sem bendir til, að nauðsynlegt
sé, að sameiginleg stefna í þess-
um málum komi fram.
Ráðstefna þessi er þríþætt.
Fyrri daginn verður fjallað um
fortíðina eða aðdragandann.
Meðal þeirra málefna sem þar
verða tekin fyrir eru: Að búa á
eldfjalli, erindi Sigurðar Þórar-
inssonar jarðfræðings, Þá mun
Hörður Agústsson tala um
„íslenzka húsagerð". Síðdegis
verður fjallað um mann í
nútíma. Þar munu meðal ann-
arra hreyfa málum Magnea J.
Mathíasdóttir og nefnist erindi
hennar „Grænt malbik eða gul-
rófnagarðar". Einnig mun
Indriði G. Þorsteinsson rithöf-
undur ræða um Fjölmiðla og
áhrif þeirra. Þá er fyrirlestur
sem nefnist „Ahrif skipulags á
sálarlíf", og fjallar Brynjólfur
Ingvarsson um það málefni.
Hvert skal haldið? nefnist
þáttur ráðstefnunnar síðari
daginn. Þar munu tala auk
annarra Hrafn Gunnlaugsson
og nefnist erindi hans
„Skrattinn úr skipuleggnum".
Þá eru „Valkostir í skipulagi",
sem Gestur Ólafsson ræðir um,
„Orkuþurrð eða allsnægtir", sem
Sveinbjörn Björnsson flytur og
erindi dr. Sturlu Friðrikssonar,
„Líf í landi".
Þátttökugjald að ráðstefnunni
er 4.000.- kr. og 50% afsláttur
fyrir skólanemendur.
Olíuhækkanirnar:
Flotinn þarf 16.600
milljóna tekjuauka
— miðað við óbreyttar skiptareglur
NÝJUSTU olíuhækkanirn-
ar á markaðnum í Rotter-
dam haía í för með sér
10.780 milljóna útgjalda-
auka á ári fyrir fiskiskipa-
flotann ef þær koma að
fullu inn í verðlagið. Að
óbreyttum skiptareglum
þarf tekjuauki flotans hins
vegar að verða 16.600
milljónir á ári vegna þess-
ara hækkana.
Þessar upplýsingar fékk
Mbl. hjá Ágústi Einarssyni
hagfræðingi LÍÚ. Sagði
Ágúst að þetta væru hrika-
legar tölur og vandamálin
sem við blöstu geigvænleg.
„Við verðum að vona að
þetta ástand á olíu-
markaðnum lagist hið
fyrsta og eðlilegt ástand
komizt aftur á. Við gerum
frekar ráð fyrir því að
markaðurinn jafni sig.“
Hann sagði ennfremur að
það væri alveg óeðlilegt að
sjómenn högnuðust stórlega
á olíuhækkunum erlendis,
sem legðust með geysiþunga
á útgerðina enda hefðu tals-
menn sjómanna sýnt mál-
inu skilning.
Ágúst sagði að ef fyrr-
nefnd hækkun yrði og hún
færi framhjá skiptum,
þyrfti fiskverð að hækka
um 16% en að óbreyttum
skiptareglum um 25%.
Hann nefndi sem dæmi að
meðalskuttogari notaði 1263
þúsund lítra af gasolíu á ári
og væri olíukostnaður hans
72,6 milljónir á ári. Miðað
við nýjustu skráningar í
Rotterdam færi kostnaður-
inn upp í 152 milljónir á ári
hjá þessum sama togara,
eða í 460 þúsund krónur á
hvern úthaldsdag.
Hvað segja þeir um stefnu-
yfirlýsingu Sjálfstœðisflokksins?
Davíð Scheving Thorsteinsson:
GrundvöUurinn hef-
ur verið lagður að
efnahagsstefnu
„ÉG fagna því,
að Sjálfstæðis-
flokknum hef-
ur nú tekizt að
koma sér sam-
an um heil-
steypta efna- r
hagsstefnu og^^j.
ég vona að^h^i'x Mí
þegar hún verði fullmótuð,
muni hann standa á henni eða
falla." sagði Davíð Scheving
Thorstcinsson. formaður
Félags íslenzkra iðnrekenda í
samtali við Morgunblaðið í
gær.
„Eg tel stefnuna eins og hún
birtist nú ekki fullmótaða,"
sagði Davíð, „en þegar hún
verður fullmótuð, verður hún að
sjálfsögðu að vera í sífelldri
endurskoðun. Þetta er hins
vegar grundvöllurinn, sem
flokkurinn verður að standa fast
við.“
Hjalti Geir Kristjánsson:
Stefna Verzlun-
arráðsins virðist
njóta vaxandi fylgis
stjórnmálaflokka
„FRJÁLS
verðmyndun,
frjáls gjald-
eyrisviðskipti,
frjáls fjár-
fjár-magns-
mark og sam-
dráttur í skatt-
heimtu ogl
opinberum útgjöldum í tengsl-
um við nýtt skattkerfi er stefna
Verzlunarráðsins,“ sagði Hjalti
Geir Kristjánsson, formaður
Verzlunarráðs íslands. er Mbl.
leitaði umsagnar hans í gær.
„Við hljótum því að fagna því,
að Sjálfstæðisflokkurinn taki
þessi mál á sfna stefnuskrá.“
Þá sagði Hjalti Geir: „Jafn-
framt er það okkar ánægjuefni,
að þessi stefnumál ráðsins
virðast njóta vaxandi fylgis
meðal annarra stjórnmála-
flokka."
Sighvatur Björgvinsson:
Margt athyglis-
vert, annað gamalt,
sumt tíkar okkur ekki
„ÉG er nú ekki
búinn þeim
hæfileikum.
sem sumir
hafa, að geta
gcfið umsögn
að loknum 5
mínútna
lestri,“ sagði I
Sighvatur Björgvinsson. al-
þingismaður og formaður þing-
flokks Alþýðuflokksins, er
Morgunblaðið spurði hann um
viðbrögð hans við efnahags-
málayfirlýsingu Sjálfstæðis-
flokksins. Sighvatur sagðist
hafa séð plaggið fyrst í gær og
vera enn að skoða það.
„Það er ýmislegt þar, sem er
kunnuglegt eins og eðlilegt má
telja, því að þetta eru yfirleitt
sömu málin, sem eru að vefjast
fyrir mönnum. Sem almenn
stefnuyfirlýsing, sýnist mér
margt af þessu vera nokkuð
skynsamlegt, annað ekki út frá
mínu sjónarmiði, sem eðlilegt
er, því að það er ágreiningur
milli flokka og manna. En þetta
er almenn stefnuyfirlýsing, sem
er mjög almennt orðuð og tekur
t.d. ekki á beinan hátt á því
vandamáli, hvernig við eigum
t.d. að koma verðbólgu niður
ákveðið tiltekið mark á næstu
tveimur árum, án þess að stefna
atvinnuöryggi í hættu. Með
þessu er ég ekki að segja að
Sjálfstæðisflokkurinn hafi ekki
slíka stefnu, heldur kemur það
atriði ekki fram í þessu plaggi.
Hún gæti hins vegar mæta vel
rúmast innan þessa heldur víða
ramma, sem stefnumótun Sjálf-
stæðisflokksins er.“
Þá sagði Sighvaturað formað
ur Sjálfstæðisflokksin^ hefði
sagt við sig í gær, að búast
mætti við því að á næstu dögum
flytti Sjálfstæðisflokkurinn
þingmál, fleira en eitt og fleiri
en tvö, til þess „að negla betur
niður ýmis stefnuatriði og
hvernig framkvæma bæri þau á
tilsettum tíma.“ Þá fyrst getur
maður meira sagt um þetta,
Hins vegar er ýmislegt athyglis
vert í þessu, annað, sem eru
gamlir kunningjar og svo sumt
sem við gætum ekki fellt okkur
við,“ sagði Sighvatur Björnsson,