Morgunblaðið - 23.02.1979, Blaðsíða 31
MORGUNBLAÐIÐ, FÖSTUDAGUR 23. FEBRÚAR 1979
31
Ísíencíingar mæta Ísraeí *
Tékkar lögðu Israel létt
Frá Ágústi Inga Jónssyni,
blaðamanni Mbl. á Spáni.
ÍSLENDINGAR leika sinn fyrsta
leik í B-keppninni hér á Spáni gegn
ísraelsmönnum í kvöld. ísraelska
liðið lék sinn fyrsta leik í gær gegn
Tékkum og sigruðu Tékkar með
23—15. Var byrjunin hjá ísraelska
liðinu vægast sagt hörmuleg. Þeir
skoruðu sitt fyrsta mark á 8.
mínútu, en þá höfðu Tékkar sent
knöttinn 6 sinnum í netið hjá þeim.
Leikurinn jafnaðist síðan er á leið
9g er engin ástæða til að vanmeta
ísraelsmenn. ísland ætti þó að
vinna öruggan sigur í kvöld. Eftir
að hafa séð þessi tvö lið leika í
gærkvöldi, er svo að sjá, að íslenska
liðið geti á góðum degi unnið bæði
þessi lið.
Ein sterkasta hlið ísraelanna eru
hraðaupphlaupin og eru þau sérlega
Maraþon á
Selfossi
Meistaraflokkur Selfyssinga
mun reyna að hnckkja íslands-
metinu í maraþonknattspyrnu
um helgina. Reyndar hefst fót-
boltinn í dag klukkan 14.00.
Gildandi íslandsmet eiga Mos-
fellingar ,14—15 ára gamlir
piltar, sem léku í 30
klukkustundir
Ætii Selfyssingar að hnekkja
metinu, mun kanttspyrnuleik
þeirra ekki ljúka fyrr en ein-
hvern tíma aðfaranótt sunnu-
dagsins. Seldur verður aðgangur
100 krónur á mann, auk þess
sem áheit verða, 100 krónur á
hverja klukkustund.
Tveir Islend-
ingar á mót-
iö í Hassan
2 (slendingum heíur nú verið
boðið í annað skiptið. að taka
þátt í hinu svokallaða King
Hassan golfmóti í Marokkó.
l>að er golfmót sem sjálfur
Ilassan kóngur gengst fyrir
Að þessu sinni fara héðan þeir
Jóhann Benediktsson og Pétur
Antonsson. Síðast léku fyrir
íslands hönd þeir Gísli Sigurðs-
son og Eiríkur Smith.
1 1 maraþon á Selfossi
Bikarglíma
íslands
BIKARGLÍMA Glímusam-
bands íslands fer fram í
íþróttahúsi Kennaraháskólans
sunnudaginn 25. febrúar nk.
Keppnin hefst kl. 14.00. Keppt
verður í tveim flokkum: flokki
fullorðinna og flokki yngri
manna á unglinga- og drcngja
aldri.
í flokki fullorðinna eru 11
þátttakendur skráðir til leiks.
Frá Héraðssambandi Suð-
ur-Þingeyinga: Bræðurnir
Björn, Pétur, Ingi og Kristján
Yngvasynir, Eyþór Pétursson og
Hjörleifur Sigurðsson. Frá
Glímufélaginu Ármanni: Guð-
mundur Olafsson, Guðmundur
Freyr Halldórsson og Sigurjón
Leifsson. Frá ungmennafélaginu
Víkverja: Hjálmur Sigurðsson
og Halldór Konráðsson.
í flokki unglinga og drengja
eru 3 skráðir til leiks. Karl
Karlsson og Geir Gunnlaugsson
frá Víkverja og Helgi Bjarnason
frá KR.
vel útfærð hjá liðinu. Einn helsti
veikleiki liðsins er hins vegar
varnarleikurinn, sem er illa skipu-
lagður og ættu íslendingar vonandi
að geta notfært sér það.
Eins og fyrr segir, komust Tékkar
í 6—1 gegn Israelum, en leikurinn
jafnaðist, þannig var staðan í hálf-
leik 11—7. í síðari hálfleik hélst
þetta 3—5 marka munur þar til í
lokin, að Israelar sprungu og Tékkar
tryggðu sér 8 marka sigur.
Tékkneska liðið er skipað ungum
leikmönnum og er leikur liðsins allur
vel skipulagður, hraðaupphlaup,
vörn, horna- og línuspil er allt í góðu
lagi hjá liðinu.
Aðalmaðurinn í ísraelska liðinu
virðist vera fyrirliðinn Abennan
lítill naggur sem skoraði fjögur
mörk í leiknum, öll með undirhand-
arskotum. Það hefur veið mikið ritað
og rætt um sovétmennina tvo í
liðinu, sem eiga að vera burðarásar
liðsins. Aðeins annar þeirra var með
á móti Tékkum, hornamaðurinn.
Skyttan var ekki með og veltu menn
því fyrir sér hvort verið væri að
geyma hann sem leynivopn fyrir
leikinn gegn Islendingum.
Jóhann Ingi Gunnarsson er búinn
að velja liðið sem hann mun tefla
fram gegn ísraelsmönnum í kvöld.
Þeir sem hvíla eru þeir Brynjar
Kvaran, Erlendur Hermannsson,
Stefán Gunnarsson og Þorbjörn
Jensson. íslenska liðið skipa því þeir
Ólafur Benediktsson, Jens G. Einars-
son, Bjarni Guðmundsson, Þorbjörn
Guðmundsson, Steindór Gunnars-
son, Jón Pétur Jónsson, Axel Axels-
son, Ólafur H. Jónsson, Ólafur Jóns-
son, Árni Indriðason (fyrirliði), Páll
Björgvinsson, Viggó Sigurðsson.
Allir eru heilir, nema hvað Ólafur
Benediktsson átti við lítilsháttar
meiðsl að stríða í baki, en hann mun
væntanlega hafa náð sér af þeim
fyrir leikinn í kvöld.
Islendingarnir voru með njósna-
sveit i Malaga, á leik Tékka og
ísraela. Hana skipuðu m.a. Jóhann
Ingi Gunnarsson, Jóhannes
Sæmundsson, Brynjar Kvaran o.fl.
Þeir tóku leikinn upp á myndsegul-
band og skoðaði liðið bandið í
morgun. Eg spjallaði stuttlega við þá
Jóhann Inga og Stefán Gunnarsson
um horfurnar eftir að hafa séð til
mótherjanna. Jóhann Ingi sagði
m.a.: — ísraelar eru með stemnings-
lið og þeir hafa áhorfendurna á bak
við sig. Við verðum því að vona, að
góðir dómarar séu við stjórnvölinn,
því að væru þeir slæmir, væru þeir
líklegir til að láta áhorfendur ráða
um of. Ef við leikum yfirvegað og
reynum að eyða ekki púðri í ótíma-
bær skot, ættum við þannig að geta
stemmt stigu við þeirra sterkasta
vopini, hraðaupphlaupunum.
Islenska liðið lenti í miklu basli á
leið sinni til Sevilla, þar sem breytt-
ar áætlanir ætluðu að gera alla
gráhærða. íslensku lands-
liðsmennirnir voru eigi færri en 36
klukkustundir að fljúga Reykja-
vík-Kaupmannahöfn, Ósló, Madrid
og loks til Malaga. Síðan beið 300 km
keyrsla til Sevilla þar sem liðið býr.
Sem fyrr segir, ætti íslenska liðið
á góðum degi bæði að geta unnið
ísraelska liðið og það tékkneska.
Spurningin er bara sú hvort að sá
góði dagur verði í kvöld og hvort
liðið eigi aftur góðan dag á morgun.
Úrslit annarra leikja í
kvöldi urðu sem hér segir:
A-riðill: Svíþjóð—Noregur 20:17
B-riðill: Sviss—Ungvl. 19:17
C-riðill: Spánn—Austurr. 23:11
D-riðill: Tekkóslóvakía—ísrael 23:15
Slök dómgæsla
mistakanna
ÞAÐ VAR orðið æði heitt í kolunum í Hafnarfirði í gærkvöldi, þegar
FH og Haukar, gömlu erkifjendurnir öttu kappi saman í bikarkeppni
HSÍ. Slakari leikur hefur varla sést til Haukanna í langan tíma og
FH-ingar gengu af hólmi með stórsigur í vasanum þegar leiktímanum
var lokið. Lokatölur 28—21 fyrir FH, staðan í hálfleik var 12—11
fyrir FH. Leiðindaatvik átti sér stað í samhandi við tímavörsluna, þar
sem ekki var farið að öllu eftir settum reglum í afplánun eins
leikmannanna. FH-ingar skoruðu. en þeirra var leikmaðurinn sem átti
að vera utanvallar. Sem betur fer, var hér ekki um mark að ræða sem
skipti sköpum í leiknum. Leiðindaatvik þó.
FH-irigar náðu strax frumkvæð-
inu í leiknum, 2—0 og 4—2. En
Haukar jöfnuðu 5—5. Eftir það
var aldrei jafntefli aftur, en það
sem eftir lifði fyrri hálfleiks,
slepptu Haukar FH-ingum aldrei
langt frá sér og munurinn í leik-
hléi var aðeins 1 mark, eða 12—11
eins og fyrr getur.
Fyrstu 15 mínútur síðari hálf-
leiks stóð varla steinn yfir steini
hjá Haukum og hver sóknarlotan
af annarri rann út í sandinn af
slíkum klaufaskap, að hlutlausir
áhorfendur gátu vart varist brosi.
Fyrir áhangendur Hauka hlýtur
þessi kafli að hafa verið hin
myrkasta martröð. Nema hvað
FH-ingar skoruðu 10 mörk gegn 2,
mörg úr hraðaupphlaupum, eftir
að Haukarnir höfðu sent knöttinn
rakleiðis upp í hendurnar á þeim.
Staðan breyttist við þetta í 22—13
og úrslitin voru þá að sjálfsögðu
ráðin. Það sem eftir var héldu
Haukar í við FH, en ekki meira, og
lokakaflinn var hin leiðinlegasta
leikleysa.
FH-ingar voru sýnilega mun
sterkara liðið að þessu sinni. í
fyrri hálfleik voru þeir sterkari
heldur en eins marks forysta
þeirra í leikhléi gefur til kynna.
Þeim urðu á mun færri mistök í
sókn og vörn, þar sem ýmsum
leikmönnum Hauka virtist fyrir-
munað að taka eitt skref með
boltann án þess að gera einhverja
vitleysu. Geir Hallsteinsson sýndi
snilldartakta nokkrum sinnum og
skoraði 8 mörk úr 11 tilraunum,
sem er frábært. Valgarð og Viðar
sýndu góða spretti, svo og
Guðmundur Árni lokakaflann.
Markvarsla Sverris síðari hluta
leiksins var mjög góð, en þess ber
líka að geta, að örvænting hljóp í
Haukana þegar á leið og skutu þeir
úr ótrúlegustu færum. Sverrir
varði 13 skot í leiknum, þar af tvö
vítaköst.
Markvörður Hauka, Ólafur
Guðjónsson, lék nokkuð vel meðan
hann var inn á, en ef hann er
fráskilinn, loðir það við alla leik-
menn Hauka, að þeir gerðu góða
hluti af og til, en mistökin þess á
milli voru slík, að það sem vel var
gert féll hreinlega í skuggann.
Baráttukraftur Olafs Jóhannes-
sonar og Harðar Harðarssonar var
þó lofsverður.
Dómgæsla Hannesar Sigurðs-
sonar og Björns Kristjánssonar
var ekki til fyrirmyndar. Höfðu
þeir engin tök á leiknum og stund-
um þótti manni halla á Hauka,
einkum framan af síðari hálfleik.
Mörk Hauka skoruðu: Hörður 8,
Ólafur Jóh. 5, Þórir og Júlíus 3
hvor, Ingimar og Árni Sverrisson
eitt hvor.
Mörk FH skoruðu: Geir 8, Viðar
5, Guðmundur Árni og Valgarð 4
hvor, Janus og Guðmundur
Magnússon 3 hvor og Sæmundur 1
mark.
- gg-
• Hörður Harðarson skoraði mikið af mörkum með miklum
þrumuskotum. Það dugði þó Haukum ekki og þeir töpuðu stórt
fyrir FH. Ljósm: Mbl. Kristján.
Parkes til West Ham ^
WEST Ham borgaði l gær
hæsta verð sem um getur í
ensku knattspyrnunni fyrir
markvörð, þegar forráða-
menn liðsins snöruðu
500.000 sterlingspundum á
borðið fyrir Phil Parkes,
hinn 28 ára gamla markvörð
QPR.
Þetta er næstum helmingi
hærri upphæð heldur en
Nottingham Forest borgaði
fyrir Peter Shilton fyrir 2
árum. Markvarslan hefur
lengi verið höfuðverkur hjá
West Ham, en nú ætti úr að
rætast.
Guðmundur fór nærri 2,07
„GUÐMUNDUR fór örugglega
yfir 2,05 metra í hástökki í
frjálsíþróttamóti hér í Norrköp-
ing á laugardag, og átti hann
mjög góðar tilraunir við 2,07
metra, nánast óheppinn að fara
ekki þá hæð. Hann keppti aftur á
sunnudag og stökk þá létt yfir
2,03 metra og felldi 2,06 naum-
lega.“ Þannig mælti írjálsíþrótta-
konan Lilja Guðmundsdóttir í
viðtali við Mbl. í gær er hún sagði
frá góðum árangri Guðmundar
R. Guðmundssonar í hástökki á
mótum þar ytra um helgina. Mbl.
hefur áður skýrt frá þvíað Guð-
mundur hafi stokkið 2,05 á æf-
ingu fyrir skömmu.
Lilja sagði að aðeins hefði vant-
að herzlumuninn á að Guðmundur
færi yfir 2,07 metra, en keppt var á
trégólfi við samskonar aðstæður
og á meistaramóti íslands í Laug-
ardalshöll og sýnir árangur Guð-
mundar því fram á að hann er í
algjörum sérflokki meðal ís-
lenzkra hástökkvara. Lilja^sagði
að Guðmundur æfði vel og mætti
búast við góðum árangri hjá hon-
um utanhúss i sumar. Lilja og
Guðmundur eru bæði búsett ytra,
en- þau keppa fyrir IK Tiwaz í
Norrköping.
Á mótinu um helgina keppti
Lilja í 800 og 1500 metrum með 20
mínútna millibili. Vann Lilja bæði
hlaupin létt, hljóp 800 fyrst á 2:17
mínútum og svo 4:38 í 1500 metr-
unum.
„Eg er þreytt vegna mikils
æfingaálags um þessar mundir.
En ég er viss um að ég get hlaupið
1500 m um 15 sekúndum hraðar
um þessar mundir og því ætla ég
að einbeita mér að þeirri vega-
lengd í sumar," sagði Lilja. Lilja
sagðist búast við því að keppa
meira innanhúss og að hið sama
gilti um Guðmund.
Yngvi Óðinn, bróðir Guðmund-
ar, en piltur sá er ungur að árum,
tók þátt í 800 metra hlaupi á
mótinu í Norrköping og náði betri
árangri en hann á utanhúss, eða
2:06 mínútum. Lilja sagði að búast
mætti við því að Yngvi færi niður
að tveimur mínútum í 800 m í
sumar, ef hann færi ekki undir
þann múr margra hlaupara.
— ágás.
i