Morgunblaðið - 24.02.1979, Blaðsíða 20
20
MORGUNBLAÐIÐ. LAUGARDAGUR 24. FEBRÚAR 1979
Útgefandi
Framkvæmdastjóri
Ritstjórar
Ritstjórnarfulltrúi
Fréttastjóri
Auglýsingastjóri
Ritstjórn og afgreiðsla
Auglýsingar
hf. Árvakur, Reykjavík.
Haraldur Sveinsson.
Matthías Johannessen,
Styrmir Gunnarsson.
Þorbjörn Guómundsson.
Björn Jóhannsson.
Baldvin Jónsson
Aðalstræti 6, sími 10100.
Aöalstræti 6, sími 22480.
Áskriftargjald 2500.00 kr. á mánuöi innanlands.
í lausasölu 125 kr. eintakió.
Yfirskyggður
af heilögum anda
Þaö er óhuKur í þjóðinni. Því veldur ástand efnahags- og
atvinnumála, sem versnar óðfluga, en við völd ríkis-
stjórn, sem er eins og hundur og köttur, þegar ráðherrarnir
koma fram fyrir alþjóð. Er þá ýmist að þeir hvæsa eða urra
en forsætisráðhera lætur sér vel líka og brosir út í annað
munnvikið.
Fyrir tveim mánuðum voru vond fjárlög og skammsýnar
ráðstafanir í efnahagsmálum réttlættar með því, að
ráðherranefnd yrði skipuð og lyki störfum fyrir 1. febrúar,
svo að ekki þyrfti lengur að bíða þess, að stefna yrði mótuð í
efnahags- og atvinnumálum. Um efndirnar vita allir. Seint
og um síðir lagði forsætisráðherra fram í ríkisstjórninni
drög að frumvarpi eða frumvarp að drögum, sem Lúðvík
Jósepsson segir, að jafngildi lögbindingu á atvinnuleysi og
tilfinnanlegri kjaraskerðingu.
Ekkert liggur á. Maður verður að gefa sér tíma. Við höfum
hvort eð er misst af 1. marz. Slíkar og þvílíkar yfirlýsingar
hafa síðan hrotið af vörum forsætisráðherra. Við náum
samkomulagi, heldur hann áfram, og ekki verður séð, að það
raski hans ró, þótt undirstöðuatvinnuvegirnir séu reknir
með halla. Þó gerir hann sér grein fyrir því og talar jafnvel
um það. En hann er eins og í álögum, svo að ef til vill verður
að tala til hans í dæmisögum, að sjáandi sjái hann ekki og
heyrandi heyri hann ekki né skilji. En Róm brennur á
meðan, svo að áfram sé í líkingum talað. Og ráðamenn
landsins una sér við strengleika.
í sjónvarpsþætti um efnahagsmálin fyrir skömmu vakti
athygli, hversu tamt forsætisráðherra var að tala í
háifkæringi. Þannig sagði hann í sambandi við eignakönn-
unina, sem nú er boðuð, að sum ákvæði skattalaganna nýju,
sem samþykkt voru sl. vor, nálguðust það að gera Island að
lögregluríki og að svo langt væri gengið að menn gætu ekki
einu sinni pissað, án þess að skattaeftirlitið fylgdist með.
Geir Hallgrímsson spurði hann þá, hvers vegna hann hefði
samþykkt frumvarpið og af hverju hann vildi setja ný lög
um eignakönnun nú, fyrst hann teldi skattaeftirlitið
jafngilda allsherjar eignakönnun á hverju ári. Við því hafði
forsætisráðherra þau svör að þeir Geir hefðu ekki kynnt sér
þessi ákvæði nægilega vel, en þó gerði hann hvorki að játa
því né neita, hvort hann væri reiðubúinn til þess nú að draga
þarna eitthvað úr.
Eins og Matthías Á. Mathiesen hefur vakið athygli á,
verður ekki önnur ályktun dregin af ummælum forsætisráð-
herra en sú, að hann hafi ekki lesið eignar- og tekjuskatts-
lögin frá því í vor nægilega vel. Og það er orð að sönnu hjá
Matthíasi, að það lýsir mikilli óskammfeilni annars vegar að
orða lögregluríki í sambandi við umrædd lög og standa hins
vegar að afturvirkum íþyngjandi sköttum, eins og gert var á
síðasta hausti. Ekki var nóg með, að sú skattheimta stríddi
gegn réttarvitund almennings, heldur er það álit ýmissa
fræðimanna, að hún sé ósamrýmanleg stjórnarskrá lands-
ins, eins og m.a. hefur komið fram í greinargóðu áliti eins af
prófessorum í lögfræði.
Lúðvík Jósepsson talar um, að illur andi hafi svifið yfir
forsætisráðherra, þegar hann gekk frá efnahagsfrumvarpi
sínu, sem aftur spurði á móti, hvort Lúðvík hefði talið sig
yfirskyggðan af heilögum anda. Þetta eru skrýtnir orðalepp-
ar, en ekki illa viðeigandi, meðan við völd er ríkisstjórn, sem
lifir í eigin hugarheimi og tekur ekki mið af ástandinu í
kringum sig. Það er orðakonfekt, sem þykir sykursætt hjá
þröngum hópi manna, að stagla og stagast á því, að
ríkisstjórnin stjórni í samráði við verkalýðshreyfinguna í
landinu. En sú afsökun réttlætir ekki aðgerðaleysi og
undandrátt í öllum stærstu málum þjóðarinnar, þegar
atvinnuleysisvofan er komin í gættina.
Reynslan af ríkisstjórn Ólafs Jóhannessonar er stutt, en
afdráttarlaus. Hún hefur brugðizt hinum mikilvægustu
málum ogýmsir af forystumönnum verkalýðshreyfingarinn-
ar hafa kveðið yfir sjálfum sér þann örlagadóm, að þeir dugi
ekki, þegar á reynir.
Maðurinn og umhverfið á
ráðstefnu á Kjarvalsstöðum
RÁÐSTEFNA um manninn og umhverfið, sem Líf og land gengst fyrir hefst á
Kjarvalsstöðum kl. 9.15 í dag, með setningarávarpi Jóns óttars Ragnarssonar. Verða
síðan flutt 20 stutt erindi, sem tekin hafa verið saman í prentuðu riti fyrir
ráðstefnugesti. Einnig þau 11 erindi, sem flutt verða á morgun.
Viðfangsefninu hefur verið
skipt í þrjá þætti. Fyrir hádegi í
dag verður fjallaö um fortið og
aðdraganda. Páll Bergþórsson
talar um íslenzkt veðurfar,
Sigurður Þórarinsson um að búa
á eldfjalli, og Ingvi Þorsteinsson
um landgæði fyrr og nú. Eftir
stutt hlé talar Björg Einarsdóttir
um áhrif umhverfis á Islendinga,
Björn Þorsteinsson um helstu
áhrifavalda í sögu okkar og Aðal-
steinn Ingólfsson um íslenzka list.
Og fyrir matarhlé tala loks Hörð-
ur Agústsson um íslenzka húsa-
gerð og Lýður Björnsson um
Reykjavík sem höfuðstað. Fund-
arstjóri fyrri hluta dagsins er
Bjarni Þjóðleifsson.
Eftir hádegi verður fjallað um
manninn í nútímanum. Magnea
Matthíasdóttir nefnir erindi sitt
Grænt malbik og gulrófnagarður,
Ernir Snorrason talar um hug-
myndafræði og borgarskipulag og
Heimir Hannesson um þróun
umhverfislöggjafar og alþjóðlegt
samstarf. Eftir stutt hlé talar
Sigurður Guðmundsson um
skipulag og áætlanagerð, Sigfús
Jónsson um búsetuþróun frá
stríðsárum og Bjarni Reynarsson
um manninn í borgarhverfi. Þá
tala Þorvaldur S. Þorvaldsson um
fegurð, smekk og arkitektúr,
Magnús Bjarnfreðsson um staðl-
að líf og Indriði G. Þorsteinsson
um fjölmiðla og áhrif þeirra. Og
aö loknu siðasta fundarhléi talar
Þorbjörn Broddason um fjöl-
skylduna og íslenzkt samfélag,
Brynjólfur Ingvarsson um áhrif
skipulags á sálarlíf og Inga Jóna
Þórðardóttir fjallar um menntun-
armál i brennidepli. Fundarstjóri
er Lilja Ólafsdóttir.
A morgun, sunnudag, verður
svo fjallað um framtíðina: Hvert
skal haldið og hefst ráðstefnan kl.
9.00. Hrafn Gunnlaugsson nefnir
sitt erindi Skrattinn úr skipu-
leggnum, Geir Vilhjálmsson ræð-
ir leit að lífshamingju og Gestur
Ólafsson talar um valkosti í
skipulagi. Þá talar Sigurður Lín-
dal um löggjöf í framtíðinni,
Einar Þ. Asgeirsson um ný við-
horf í umhverfismótun og Gylfi
Gíslason um listamanninn og
þjóðfélagið. Næstu ræðumenn eru
Gunnar Kristjánsson er fjallar
um trúna og mannlífið, Sveinn
Runólfsson um gróðurþróun,
Tómas Ingi Olrich um ný viðhorf í
menntunarmálum. Og síðast tala
Sveinbjörn Björnsson um orku-
þurrð og allsnægtir og Jóhannes
Nordal veltir upp spurningunni:
Hvers konar framtíð? Ráðstefnu-
slit eru kl. 1 á hádegi, Sturla
Friðriksson slítur ráðstefnunni
og talar um líf í landi. Fundar-
stjóri á sunnudag er Elín Pálma-
dóttir.
R^ðstefnan er öllum opin. Þátt-
tökugjald er 4000 kr., en 50%
afsláttur fyrir skólanemendur.
Lágafellskirkja 90 ára
jr
Arleg
kirkjuvika
hefst í dag
LÁGAFELLSKIRKJA á 90 ára
afmæli í dag, 24. febrúar. í
tilefni afmælisins hefur hin
árlega kirkjuvika safnaðarins
verið færð fram um eina viku
og standa hátíðahöld yfir í
viku.
Dagskrá kirkjuvikunnar verð-
ur sem hér segir:
Laugardagur 24. febrúar:
Barnasamkoma kl. 10.30 f.h.
— 90 ára afmælis kirkjunnar
minnst. Hópur æskufólks úr
Grensássókn kemur í heimsókn.
Barnalúðrasveit úr Mosfells-
sveit leikur undir stjórn Birgis
D. Sveinssonar. (Foreldrar eru
hvattir til að koma með börnum
sínum til kirkju).
Sunnudagur 25. febrúar:
Hátíðamessa kl. 14.00 —
Kirkjukór Lágafellssóknar
syngur. Sóknarprestur predikar.
Sr. Bragi Friðriksson, prófastur
þjónar fyrir altari ásamt sókn-
arpresti. Gengið verður til altar-
is. í lok messunnar flytur
prófastur ávarp og gjafir verða
afhentar.
Þriðjudagur 27. febrúar:
Kirkjukvöld kl. 21.00 — For-
maður sóknarnefndar Kristján
Þorgeirsson flytur ávarp. Ragn-
ar Björnsson flytur orgelverk.
Sólveig Björling syngur einsöng
við undirleik Ragnars Björns-
sonar. Ræðumenn verða: Gunn-
laugur Stefánsson, alþingismað-
ur, Pétur Bjarnason, skólastjóri.
Ragnar Björnsson mun leika á
orgel 20 mín. á undan athöfn-
inni.
Föstudagur 2..mars:
Kirkjukvöld kl. 21.00 —
Quintett leikur undir stjórn
Rutar Ingólfsdóttur. Gunnfríður
Hreiðarsdóttir syngur við und-
irleik Páls Kr. Pálssonar.
Kirkjukór Lágafellssóknar
syngur undir stjórn Sighvats
Jónssonar. Ræðumenn verða:
Dr. Björn Björnsson, prófessor,
Gréta Aðalsteinsdóttir, hjúkr-
unarkennari. Fyrir athöfn mun
Vestur-íslendingurinn William
Jón Holm, leika á orgel.
Sunnudagur 4. mars:
Æskulýðsdagur þjóðkirkjunn-
ar. — Félagar úr Æskulýðsfé-
lagi Lágafellssóknar hafa
messugjörðina að miklu leyti í
sínum höndum, flytja bænir,
lesa ritningarorð, minna á ár
barnsins. Elva Björk Jónatans-
dóttir flytur hugvekju. Blásarar
aðstoða við undirleik sálma-
söngs. Foreldrar eru hvattir til
að koma með börnum sínum í
kirkju þennan dag og taka þátt í
æskulýðsmessunni.
Nemendur ML sýna á Seltjarnarnesi
LAUGARDAGINN 17. febrúar
frumsýndu nemendur Menntaskól-
ans að Laugarvatni tvo einþáttunga
eftir Dario Fo: Lík til sölu og Nakinn
maður og annar í kjólfötum. Þýðandi
er Sveinn Einarsson. Sigrún Björns-
dóttir leikstýrði, og er þetta í annað
sinn sem hún leikstýrir þar.
Leiknum var vel tekið, enda góður
í alla staði. Þættirnir voru æfðir upp
í tilefni af árshátíð Menntaskólans
að Laugarvatni, en einnig hafa þeir
verið sýndir f Aratungu og á Selfossi.
Síðasta sýning verður í félagsheimil-
inu á Seltjarnarnesi sunnudaginn 25.
febrúar kl. 21.
Úr Lík til sölu. Á myndinni eru
Kristófer Gunnarsson, Ari Páll
Kristinsson og Jóhann Emilsson.