Morgunblaðið - 03.04.1979, Qupperneq 20

20
MORGUNBLAÐIÐ, ÞRIÐJUDAGUR 3. APRÍL 1979

Utgefandí
Framkvæmdastjóri
Ritstjórar
Ritstjórnarfulltrúi
Fróttastjóri
Auglýsingastjóri
Ritstjórn og afgreiósla
Auglýsingar
hf. Árvakur, Reykjavík.
Haraldur Sveinsson.
Matthías Johannessen,
Styrmir Gunnarsson.
Þorbjörn Guömundsson.
Björn Jóhannsson.
Baldvin Jónsson
Aðalstrœti 6, sími 10100.
Aðalstræti 6, sími 22480.
Áskriftargjald 3000.00 kr. ó mónuði innanlands.
I lausasölu 150 kr. eintakið.
Landsáætlun
um varanlega
vegagerd
Fámenn þjóö í stóru og strjálbýlu landi á að sjálfsögðu
mikið undir samgöngum komið. Auðlindum, sem
verðmætasköpun og lífskjör þjóðarinnar grundvallast á, er
þann veg dreift um land og lög, að nauðsynlegt er að halda
Islandi öllu í byggð. Öðru vísi verða nytjar okkar ekki
nýttar þann veg, að hægt verði að halda sambærilegum
lífskjörum hérlendis og með nágrannaþjóðum. Vegakerfið
er nokkurs konar æðakerfi í þjóðarbúskapnum, sem gegnir
undirstöðuhlutverki, fyrst og fremst að því er varðar
atvinnulíf okkar, flutning hráefna og nauðsynja, en
jafnframt í fræðslukerfi okkar, félagslegum samskiptum og
menningarlífi.
Þrekvirki hafa verið unnin í vegagerð og samgöngumálum
á liðnum áratugum. Engu að síður er það staðreynd, að
aðeins um 200 km af 2.500 km vegakerfi okkar eru
fullfrágengnir með bundnu slitlagi. Sú verðþróun, sem orðið
hefur á olíuvörum á heimsmarkaði, hefur verulega aukið á
nauðsyn stórátaks í varanlegri vegagerð, samhliða rann-
sóknum á hugsanlegri nýtingu raforku og eða metanóls á
farartæki náinnar framtíðar hér á landi.
Þingmenn Sjálfstæðisflokksins hafa nú flutt á Alþingi
tillögu um 15 ára áætlun um lagningu hringvegar og vega til
allra þéttbýlisstaða í landinu með bundnu slitlagi. Verði
þessi landsáætlun um varanlega vegagerð felld að hinni
hefðbundnu vegaáætlun, sem Alþingi fjallar um reglu-
bundið í tengslum við ráðstöfun fjármuna í ríkisbúskapn-
um. Lagt er til að þessi áætlun um varanlega vegagerð verði
fjármögnuð með happdrættislánum, að fjárhæð 2
milljarðar á ári, framlagi úr Byggðasjóði, að fjárhæð 1
milljarður á ári og með umframtekjum af sérsköttum
umferðar, frá og með næstu áramótum, eigi lægri upphæð
en 2 milljörðum á ári. Sérstaklega verði og athugað, hvort
hægt sé að stytta framkvæmdatímabilið úr 15 árum í 10.
Sverrir Hermannsson, fyrsti flutningsmaður tillögunnar,
benti m.a. á í framsögu fyrir henni, að aðeins 1% vegakerfis
okkar væri með bundnu slitlagi en 43—96% vegakerfis
annarra Norðurlanda. Fjárveitingar til vegagerðar hér á
landi hafi aukizt jafnt og þétt á sjötta og sjöunda
áratugnum. En frá 1971 hafi sigið á ógæfuhlið. Minnkun
fjárveitingar 1979 frá 1978 sé 11% ef samanburður er
gerður á föstu verðlagi. Sérfræðilegar niðurstöður liggi þó
fyrir um, að varanleg vegagerð sé þjóðhagslega hagkvæm og
verðþróun á eldsneyti farartækja l\afi aukið verulega á
arðsemi slíkra framkvæmda.
Arðsemi varanlegrar vegagerðar kemur einkum fram
með tvennum hætti. í fyrsta lagi í minna vegaviðhaldi, en
viðhaldskostnaður malarvega, sem þurfa að bera tiltekinn
umferðarþunga, er komin yfir öll skynsemismörk. Bundið
slitlag á slíka vegi skilar sér í beinum ávinningi á skömmum
tíma. Áætlaður umferðarþungi á síðan að ráða því, hvers
konar slitlag er notað, þ.e. hve mikinn kostnað á að leggja í
framkvæmdina. í öðru lagi benti Sverrir Hermannsson á
þann ávinning, sem fram kemur í minni rekstrarkostnaði
bifreiða, sem í senn er sparnaður bifreiðaeigenda og
þjóðarbúsins í heild. Vitnaði hann til útreikninga, sem
sýndu, að bifreið á vondum malarvegi þarf 19% meira
eldsneyti en á bundnu slitlagi, slit á hjólbörðum er 170%
meira og varahlutir og viðhald á heildina litið 45% dýrara.
Sparnaður í minna eldsneyti, minni viðhaldskostnaði og
lengri endingu ökutækja er því umtalsverður og vex í
hlutfalli við hækkun bensínverðs á heimsmarkaði.
Með einni undantekningu hlaut þessi tillaga sjálfstæðis-
manna góðar undirtektir á Alþingi, jafnt úr stjórnarliði
sem stjórnarandstöðu. Hér er líka hreyft einu merkasta
þingmáli, sem fram hefur komið á 100. löggjafarþingi
þjóðarinnar. Það er allra landsmanna hagur en engra tjón
ef þessi stórhuga, framsýna og arðgæfa framkvæmd nær
fram að ganga. Þessi tillaga sjálfstæðismanna á örugglega
hljómgrunn meðal þjóðarinnar allrar, en sá almanna-
stuðningur þarf að koma skýrt og ákveðið fram í dagsljósið,
svo að málið fái þá meðferð á Alþingi sem það á
tvímælalaust skilið.
Hljómsveitin Milk and Honey
„Hallelúja fyrir nýj-
um heiðskýrum degi”
Jerúsalem, 1. aprfl. AP. Reuter.
ÍSRAELAR unnu söngva-
keppni sjónvarpsstöðva í
Evrópu annað árið í röð er
keppnin var háð í Jerúsalem
s.l. laugardag. Verðlaunalagið
„Ilallelúja“ var flutt af popp-
hljómsveitinni „Milk and
Honey“ (Mjólk og hunang) með
söng- og leikkonuna Gali Atari
f fararbroddi. 19 þjóðir tóku
þátt í keppninni en úrslitin
réðust ekki fyrr en síðustu
atkvæðin höfðu borist og ætlaði
fögnuður áhorfenda og íbúa
víðs vegar um ísrael allt um
koll að keyra. Hundruð manna
söfnuðust saman fyrir utan
samkomusalinn þar sem keppn-
in var háð og þúsundir manna í
Tel Aviv fögnuðu sigrinum með
því að þeyta bílflautur og
syngja og dansa við „Halle-
lúja“. Þetta er í fyrsta skipti
sem söngvakeppnin var. háð í
ísrael en ísraelar unnu keppn-
ina sem haldin var í Parfs s.l.
ár.
Verðlaunalagið, sem er sagt
vera smitandi lag til að fagna
dásamlegum heimi, var samið
fyrir ári síðan en mörgum þykir
það vel við hæfi nú, þegar
Israelar og Egyptar hafa undir-
ritað friðarsamning. „Hallelúja
fyrir nýjum heiðskírum degi...
fyrir öllu sem var og því sem
koma á, hallelúja“, segir í hluta
textans.
ísraelska lagið sem var sungið
á hebresku fékk 125 atkvæði.
Gali Atari söng — og
lcikkonan sem ásamt
popphljómsveitinni Milk and
Iloney sigraði í söngvakeppni
sjónvarpsstöðva í Evrópu fyrir
hönd ísraela.
r
Israelar sigra
í söngvakeppni
sjónvarpsstöðva
Evrópu annað
árið í röð
Spænska lagið „Söngurinn þinn“
sem Betty Missiego söng með
hjálp fjögurra barna varð í öðru
sæti með 116 atkvæði en Frakk-
ar urðu í þriðja sæti með lagið
„Ég er barn sólarinnar" sem
Anne Marie Davide söng en hún
sigraði keppnina fyrir hönd
Lúxemborgar árið 1973.
Söngvakeppninni var sjón-
varpað beint til 22 landa og er
búist við að hundruð milljóna
hafi fylgst með henni. Vegna
öryggisráðstafana var almenn-
ingi ekki selt inn á keppnina en
1800 gestir voru í samkomusaln-
um er keppnin var háð eftir að
hafa gengið í gegnum stranga
skoðun. Þótt net öryggisvarða
var umhverfis samkomusalinn
af ótta við hefndaraðgerðir
vegna friðarsamninga Israela og
Egypta.
Islendingar eru meðal þeirra
fáu þjóða sem ekki sáu beina
útsendingu frá Israel en upp-
taka frá keppninni mun verða á
dagskrá íslenska sjónvarpsins á
annan í páskum.
Strax eftir keppnina til-
kynntu sigurvegararnir að þeir
myndu halda til Evrópu í þess-
ari viku, en nú þegar hefur
verðlaunalagið verið þýtt yfir á
ýmis tungumál, m.a. arabísku.
„Hvers vegna ekki?“ sagði hin
26 ára gamla söngkona, „þetta
er lag fyrir alla.“
Israelar hafa enn ekki ákveðið
hvort þeir ætla að halda keppn-
ina næsta ár, en söngvakeppnin
kostaði þá rúma milljón dollara
í ár. Búist er við enn meiri
kostnaði við keppnina næsta ár,
þrátt fyrir tækjabúnað sem þeir
hafa þegar aflað sér og reynsl-
unnar við að halda slíka keppni.
Heildarbolfiskafli á Fá
skrúdsf irði 2700 tonn
F'áskrúdsf jörður
Heildarbolfiskafli á
landi kominn um mánaða-
mót var 2.700 tonn sem
skiptist þannig: hjá Hrað-
frystihúsi Fáskrúðsfjarðar
hefur verið landað 1.595
tonnum, en hjá Pólarsíld
hf. 1.105 tonnum. Hjá
Hraðfrystihúsinu landa
skuttogararnir Hoffell og
Ljósafell. Hoffell hefur afl-
að 825 tonn og Ljósafell
770 tonn. í dag landar
Ljósafellið 140 tonnum sem
hér eru talin með.
Hjá Pólarsíld eru 3 bátar, Sól-
borg SU, spm aflað hefur 403 tonn,
Þorri SU 381 tonn og Guðmundur
Kristinn SU 324 tonn. Heildar-
loðnuaflinn nam 13.500 tonnum og
er ráðgert að bræðslu ljúki fyrir
páska. Afskipað hefur verið 815
tonnum af mjöli og afskipanir
hafa verið allmiklar á frosnum
fiski í mánuðinum og geta má þess
að félagar í Lionsklúbbi Fáskrúðs-
fjarðar hafa þar komið nokkuð við
sögu. Einn lítill bátur hefur byrjað
veiðar í net og kom hann inn nú
fyrir helgi með 4 tonn. Einig voru
menn farnir að leggja net í fjörð-
inn, en þá brá svo við að fisk-
vinnslufyrirtækin gátu ekki tekið
þann afla og báturinn landaði
sínum afla á Breiðdalsvík. Þeir
sem lagt höfðu í fjörðinn tóku upp
netin, en mér er tjáð að nú verði
þessi mál tekin til frekari athug-
unar. Geta má þess að kaupfélags-
stjórinn tjáði undirrituðum að
hraðfrystihúsið hjá þeim hefði
ákveðið að taka við handfærafiski
í sumar.
Aðalfundur Sjálfstæðisfélags
Fáskrúðsfjarðar var haldinn í gær
og var stjórnin einróma endur-
kjörin, en formaður félagsins er
Sigurður Þorgeirsson. A fundinum
urðu umræður um málefni smá-
bátaeigenda á staðnum og var
eftirfarandi ályktun samþykkt:
Aðalfundur Sjálfstæðisfélags
Fáskrúðsfjarðar, haldinn 1. apríl
1979, harmar það að smábátaeig-
endum sé meinað að leggja upp
afla hiá fiskverkunarfyrirtækjum
staðarins. Félagið fer fram á það
að fulltrúar þess í hreppsnefnd
Búðarhrepps beini þeim óskum
félagsins til hreppsnefndar, að
hún taki svo á þessum málum, að
ekki komi til þess að smábátaeig-
endur hrökklist héðan. Það er ósk
félagsins að þetta mál verð tekið
fyrir sem allra fyrst.