Morgunblaðið - 04.04.1979, Blaðsíða 3
MORGUNBLAÐIÐ, MIÐVIKUDAGUR 4. APRÍL 1979
3
Legg áherzlu á eflingu
vísindaþáttarins og auk-
ið s jálfstæði Háskólans
- segir Guðmundur K. Magnússon nýkjörinn Háskólarektor
„Á þessari stundu er mér
þrennt efst í huj?a,“ sagði Guð-
mundur K. Magnússon prófess-
or er Mbl. ræddi við hann í
gærkvöldi, þegar ljóst var að
hann hafði verið kjörinn næsti
rektor Háskóla íslands. „í
fyrsta lagi er það traust. sem
mér hefur verið sýnt með þessu
kjöri, þá sú drengilega fram-
koma, sem Sigurjón Björnsson
hefur sýnt og í þriðja lagi
teljum við það fórn að þurfa að
sjá af Guðlaugi Þorvaldssyni í
annað starf.“
Mbl. spurði Guðmund, hvort
kosningadagurinn hefði verið
erfiður. „Þetta hefur í sjálfu sér
ekki verið erfitt, enda ekki hart
sótt af okkur Sigurjóni," svaraði
Guðmundur. „En óneitanlega
hefur viss spenna fylgt þessu
öllu saman.“ Um kosningaþátt-
tökuna sagði Guðmundur að
hún hefði verið mjög góð hjá
kennurum og starfsmönnum og
miðað við þátttöku stúdenta í
öðrum kosningum hefði þátt-
taka þeirra í rektorskjörinu
verið eins og við mátti búast.
Af kennurum og starfsmönn-
um greiddu 243 atkvæði, eða
85%, og 1272 stúdentar kusu,
eða 44,3%. Atkvæði stúdenta
vega Vs greiddra atkvæða alls,
eða 121,5 atkvæðagildi, þannig
að samtals var um 364,5
atkvæðagildi að ræða.
Guðmundur hlaut 185,3
atkvæðagildi, eða 50,8%, og
Sigurjón Björnsson 157,5
atkvæðagildi, eða 43,2%. Auðir
seðlar og ógildir voru 3 frá
kennurum og starfsmönnum og
15 frá stúdentum, en að sögn
Stefáns Sörenssonar háskóla-
ritara dreifðust önnur atkvæði á
allmarga prófessora.
„Ég lít á rektorsstarfið fyrst
og fremst sem framkvæmda-
stjórastarf," sagði Guðmundur
K. Magnússon í samtalinu við
Mbl. „Þau málefni, sem nú ber
hæst, eru áframhald í
byggingarmálum og jafnframt
vil ég leggja áherzlu á eflingu
vísindaþáttarins, sem hefur orð-
ið nokkuð útundan. Þá er mér
ofarlega í huga aukið sjálfræði
skólans, bæði í byggingarmálum
Guðmundur K. Magnússon.
og á öðrum sviðum.
Annars er þetta nú þegar öllu
er á botninn hvolft spurningin
um að auka veg og vanda
Háskóla Islands, og það verður
bezt gert með sameiginlegu
átaki innan frá og jákvæðum
viðhorfum utan í frá.“
Viss léttir að fá
að vinna áfram að
mínum störfum
— segir Sigurjón Björnsson prófessor
„Ég er fyrst og fremst þakk-
látur þeim, sem studdu mig, og
þeirra vegna þykir mér leiðin-
legt að svona skyldi fara. Sjálf-
um var mér þetta ekki fast í
hendi og ég óska hinum ný-
kjörna rektor alls góðs í starfi",
sagði Sigurjón Björnsson
prófessor er Mbl. ræddi við
hann eftir að úrslit rekstors-
kjörsins lágu fyrir í gærkvöldi.
„Út af fyrir sig er mér það
viss léttir að fá að vinna áfram
að mínum störfum og þá sér-
staklega að geta tekið mér það
rannsóknaleyfi, sem ég hafði
ráðgert“, sagði Sigurjón.
Sigurjón Björnsson
Sjónvarpið um páskana:
Rætt um upprisuna,
síðan Afturgöngur
Ibsens á páskadag
Á PÁSKADAGSKVÖLD verður
umræðuþáttur í sjónvarpinu um
upprisuna og lííið eftir dauðann.
Haraldur Ólafsson stjórnar þætt-
inum, en þátttakcndur auk hans
verða þeir Arnór Hannibalsson,
Kristján Búason og Erlendur
Haraldsson. Að þessum þætti
loknum verður þáttur um alþýðu-
tónlist, en síðan verður flutt
leikritið Afturgöngurnar eftir
Henrik Ibsen, upptaka norska
sjónvarpsins.
Að öðru efni Sjónvarpsins um
páskana má nefna að á föstudag-
inn langa hefst sjónvarp klukkan
17 með því að endursýnd verður
kvikmyndin Skin milli skúra, sem
áður var sýnd í marzmánuði 1972.
Aðalleikarar eru þau Ann Ban-
croft, Peter Finch og James
Mason. Þá um kvöldið verður
sýndur fyrri hluti bandarískrar
sjónvarpsmyndar, „Sagan af
Davíð", og byggir myndin á frá-
sögnum Gamla testamentisins.
Seinni hluti myndarinnar verður
sýndur á laugardagskvöld.
Á annan dag páska verður
söngvakeppni evrópskra sjón-
varpsstöðva á dagskrá, en þar er
um rúmlega 2ja tíma dagskrá að
ræða.
TVeir menn slösuðust
um borð í Ólafevíkurbáti
Ólafsvík. 3. apríl.
UM KLUKKAN 9 í morgun
slösuðust tveir skipverjar á vél-
bátnum Fróða við vinnu sína á
miðunum. Hlaut annar þeirra
meiðsli á höfði, en hinn handleggs-
brotnaði. Slysið varð með þeim
hætti, að járnstykki í netarúllunni
brast og hrökk stykkið í handlegg
annars mannsins og braut hann.
Mikil teygja var á færinu er það
slapp upp af rúllunni og slóst það í
höfuð hins mannsins. Fróði hélt
þegar af stað til Ólafsvíkur með
mennina og var þeim komið undir
læknishendur. Éftir skoðun hér
var annar þeirra fluttur á sjúkra-
hús í Reykjavík með sjúkraflugvél
til frekari rannsóknar.
-Helgi.
1œplegp40 ostateguridir eru fmmlekUar á íslandi nú. Hejurdu bragðaó Óóalsostinn?
9 76