Morgunblaðið - 05.04.1979, Blaðsíða 3

MORGUNBLAÐIÐ, FIMMTUDAGUR 5. APRÍL 1979
3
„Hélt fyrst ad
pad væri ver-
ið að plata mig”
— segir Ingibjörg Einarsdóttir, húsmóðir i
Garðabæ, sem vann DAS-húsið
„ÉG HÉLT fyrst að það væri verið að plata mig en svo varð ég
auðvitað óskaplega glöð þegar ég skildi að ég hafði unnið húsið hjá
DAS,“ sagði Ingibjörg Einarsdóttir húsmóðir, Hraunhólum 6,
Garðabæ, sem vann parhúsið á Breiðvangi 62 í Hafnarfirði í
happdrætti DAS. Eiginmaður Ingibjargar er Sigurlinni Sigurlinna-
son. en þau hjónin fluttu hingað til lands í ágúst í fyrra eftir 4V4 árs
dvöl í Kenya.
„Eg vinn á mjög góðum vinnu-
stað, prentsmiðju Friðriks Jóels-
sonar, og ég var einmitt nýbúin að
segja við vinnufélaga mína að það
væri nú miklu gáfulegra fyrir þá
að spila í happdrætti en að reykja.
Sjálf hef ég aldrei reykt en ég hef
alltaf verið happdrættissjúk, ef
það má orða það þannig. Happ-
drættisbakteríuna hef ég líklega
frá föður mínum, honum þótti
ákaflega gaman að spila í happ-
drættum þótt ekki fengi hann oft
vinninga. Ég hef spilað í happ-
drættum SÍBS og DAS frá því þau
voru stofnuð að undanskildum
árunum sem við vorum í Kenya.
Þegar við fórum þangað sleppt-
um við öllum miðum en svo þegar
við komum aftur í fyrra fékk ég
mér þrjá miða, einn hjá DAS, einn
hjá SÍBS og trompmiða hjá
Háskólanum. Ég hef reiknað það
út að það kostar það sama og
reykja 8 sígarettur á dag að eiga
þessa miða.“
Aðspurð sagði Ingibjörg að þau
hjónin ættu hús í Garðabæ, sem
ekki væri fullklárað. Hún kvaðst
ekki vera farin að hugsa mikið til
þess hvað þau gerðu við nýja húsið
en bjóst þó við því að þau myndu
selja það og ljúka við húsið sitt í
Garðabæ, en þar þykir þeim gott
að búa.
„Það breytir auðvitað ákaflega
miklu hjá mér að fá svona stóran
vinning. Nú fæ ég tækifæri til þess
að gera ýmislegt sem mig hefur
langað til að gera,“ sagði Ingi-
björg.
Forráðamenn happdrættis DAS
afhentu Ingibjörgu nýja húsið í
gær, en verðmæti þess eru rúmar
30 milljónir króna. Þetta er síð-
asta DAS-húsið, sem verður í
vinning að sinni, eins og fram
hefur komið.
Húsið afhent í gær. Talið frú vinstri: Pétur Sigurðsson, formaður Sjómannadagsráðs, Sigurlinni
Sigurlinnason, Ingibjörg, Nikkólina Vigfússon Kjærbach, umboðsmaður DAS í Hafnarfirði, og
Baldvin Jónsson forstjóri Happdrættisins. Ljósm. EmiKa.
Framleiðslu- og sölu-
banni á ölkelduvatni
frá Lýsuhóli aflétt
HEILBRIGÐISEFTIRLIT ríkis-
ins hefur tilkynnt að framleiðslu-
og sölubanni á ölkelduvatni frá
Lýsuhóli í Staðarsveit, sem
auglýst var í október 1977, hafi
verið aflétt.
Mbl. hafði í gær samband við
Hrafn Friðriksson forstöðumann
Heilbrigðiseftirlitsins og spurðist
fyrir um þetta mál. Hann sagði að
margar ástæður hefðu legið að
baki þessari ákvörðun á sínum
tíma. Ekkert framleiðsluleyfi
hefði verið fyrir hendi, merkingar
hefði vantað og það sem mestu
máli skipti, upplýsingar á merki-
miða sýndu mjög hátt fluormagn.
Auk þess lá ekki fyrir hvert væri
geymsluþol ölkelduvatnsins.
Hrafn sagði, að Heilbrigðiseftir-
litið hefði fjallað um málið í
samræmi við reglugerð um mat-
væli, sem sett var 1976, og m.a.
leitað umsagnar ýmissa aðila s.s.
eiturefnanefndar. Sömuleiðis hefði
gagna verið aflað erlendis frá. Á
grundvelli þeirra gagna, sem aflað
var, hefði Heilbrigðiseftirlitið ekki
getað mælt með afnámi bannsins á
meðan ekki lágu fyrir nægar
upplýsingar um fluormagn í
neyzluvörum Islendinga.
Hrafn sagði, að heilbrigðisráðu-
neytið hefði tekið málið upp eftir
að Heilbrigðiseftirlitið hafði gefið
umsögn sína. Leitaði ráðuneytið
umsagnar hjá landlækni og eitur-
efnanefnd og varð niðurstaðan sú,
að ráðuneytið heimilaði Stefáni
Jónssyni á Lýsuhóli að hefja
framleiðslu og sölu á ölkelduvatni
að nýju að uppfylltum nokkrum
ströngum skilyrðum. Skilyrði eru
þau, að vatn má eingöngu taka úr
ákveðinni borholu, ekki má tappa í
stærri ílát en 0,28 lítra, nákvæm
greln verði gerð fyrir efnainni-
haldi, ekki má gefa neitt í skyn um
að vatnið hafi lækningamátt haga
skal geymslu vatnsins eins og
mælt er fyrir um í reglugerð um
matvæli, og átöppun skal hagað
svo sem fyrir er mælt í reglugerð
um gosdrykki. Loks skal gerð
merkimiða hljóta samþykki ráðu-
neytisins.
Þing banka-
manna í dag
og á morgun
BANKAMENN munu á Hótel
Loftleiðum í dag fjalla um 3%
áfangahækkun sína og þá lög-
bindingu, sem frumvarp ríkis-
stjórnarinnar boðar. Ennfremur
munu þeir fjalla um opnunartíma
banka og sparisjóða, auk þess
sem ýmis mál önnur verða til
umræðu.
Það er þing Sambands íslenzkra
bankamanna, sem hefst á Loftleið-
um í dag klukkan 09.30 og stendur
fram eftir degi á morgun, föstu-
dag. Má búast við því að banka-
menn ræði, hvernig mæta skuli
aðgerðum ríkisvaldsins í samn-
ingamálum þeirra.
Eitthvaö hefur e.t.v. dregið
úr áhrifum fallsins hve hann
var vel klæddur. Það var
síðan miklum erfiðleikum
bundið að koma drengnum
upp, en ég tók hann undir
annan haldlegginn og vó mig
síðan upp með hinum og
reyndi að marka spor í harð-
fennið til að hrapa ekki
sjálfur.
Hörður sagðist hafa farið
með Ásgrím heim og síðan til
læknis, sem strax lét sækja
hann í flugvél og var hann
lagður inn á Borgarspítalann.
Móðir Ásgríms, Hekla
Gestsdóttir, fór með honum
og sagði hún það mestu guðs-
mildi hversu vel hann hefði
sloppið en hann væri nú á
batavegi eftir aðgerðir og
fengi væntanlega fljótlega að
fara heim.
02283
„DERBY“ frystikistur, 5 stærðir, 2 verðflokkar, frystiskápar, 2 stærðir,
„DERBY“ frystitækin hafa vandað yfirbragð, með haganlega lausn á hverju smáatriði eins og:
* „Hermetisk" frystiþjappa sem tryggir hámarks frystiafköst.
* Ytrabyrði úr stáli, rafzinkhúðuð til ryðvarnar, búið hitarörum gegn daggarmyndun.
* Innrabyrði úr hömruðu áli, en kostir þess eru ótvíræðir, ál er mjög góður varmaleiðari með
afar lágan eðlisvarma, þetta flýtir djúpfrystingunni. jafnframt er ál framúrskarandi auðþrifið.
* Lokið lokast óaðfinnanlega þétt, búið jafnvægisgormum sem létta það við opnun, læsingu og
ljósi. Ennfremur er yfirborð þess klætt plasthúð til prýðis og til varnar gegn rispum.
* Sérstakt djúpfrystihólf er í ,,DERBY“, þannig má djúpfrysta ný matvæli án þess að kosta til
frekari kælingu á matvælum sem þegar liggja frosin fyrir í kistunni.
Þetta hraðar.djúpfrystingunni og sparar rafmagn.
* Einangrunin er hið viðurkennda „Pelyuretan" frauðplast.
* I „DERBY“ frystikistum er botninn auðvitað frystiflötur líka.
FALKIN N
SUÐURLANDSBRAUT 8, SÍMI 84670