Morgunblaðið - 05.04.1979, Blaðsíða 27

MORGUNBLAÐIÐ, FIMMTUDAGUR 5. APRÍL 1979
27

Sigurvegarar í keppninni um Morgunblaðsskeifuna í fyrra voru bórir M. Lárusson frá Þórukoti, í
miðið, Bjarni Davíðsson, til vinstri, sem varð annar, og til hægri er Heimir Kristinsson, sem var þriðji.
Keppt um Morgunblaðsskeif-
una á Hvanneyri á sunnudag
HESTAMENN úr röðum
nemenda Bændaskólans á
Hvanneyri halda næstkomandi
sunnudag. 9. aprfl, hinn árlega
Skeifudag. Dagurinn er
kenndur við verðlaun þau er sá
nemandi hlýtur sem bestum
árangri hefur náð í tamningu
hrossa um veturinn. Verðlaun-
in eru Morgunblaðsskeifan,
sem Morgunblaðið gefur árlega
til eignar en um sams konar
verðlaun er einnig keppt á
Bændaskólanum á Hólum.
Að þessu sinni verða það um
20 nemendur, sem keppa um
Morgunblaðsskeifuna en einnig
fer þennan dag fram gæðinga-
keppni, sem í taka þátt bæði
nemendur og heimamenn á
Hvanneyri. Verður keppt bæði í
A- og B-flokki. Skeifudagurinn
hefst kl. 10 fyrir hádegi með að
fram fer gæðingakeppni og eftir
hádegi eða kl. 13.30 verður
dagskránni haldið áfram og fer
þá fram sjálf Skeifukeppnin og
verðlaun verða afhent.
A þessu ári eru liðin 25 ár frá
stofnun Grana, hestamanna-
félags nemenda bændaskólans.
Hagkvæmnisgift-
ing og ást í meinum
Austurbæjarbiö hefur hafið að
endursýna kvikmyndina
Mandingo. Þetta er bandarísk
kvikmynd og gerist á tímum
þrælahaldsins þar í landi. Sögu-
sviðið er búgarður í Louisiana
árið 1840. Eigendur búgarðsins
eru feðgar og er sonurinn ógift-
ur. Þykir föðurnum tími til kom-
inn að sonurinn gangi í það
heilaga. Kvænist sonurinn því
dóttur eins nágrannans en hugur
hans beinist að svartri ambátt
sem hann kaupir á heimleið úr
brúðkaupsferðinni.
Mandingo er gerð eftir sögu
Kyle Onstott en kvikmyndahand-
ritið er eftir Morman Wexler. Dino
De Laurentiis framleiðir myndina,
leikstjóri er Richard Fleiser en
tónlistin er eftir Maurice Jarre.
Með aðalhlutverkin fara James
Mason, Susan George, Perry King,
Richard Ward og Brenda Sykes.
Kór Langholtskirkju:
Flytur messu í C-molI eftir Mozart
Þýzkur
unglingakór
í heimsókn
ÁTTATÍU manna unglinga-
kór írá Emsdetten í Þýzka-
landi verður á tónleika-
ferðalagi um Suður- og
Austurland 5, —15. apríl.
Sjórnandi kórsins er Dirk
von der Ehe, sem stofnaði
kórinn árið 1973. Síðan
hefur kórinn ferðast til
Englands, Finnlands og
Belgíu og hlotið 1. verðlaun
i kórasamkeppni unglinga-
kóra í Belgíu 1977. A söng-
skrá kórsins í íslandsferð-
inni eru þjóðlög frá ýmsum
löndum og þ.á m. frá
íslandi, en einnig önnur
verk.
Fyrstu tónleikar kórsins verða í
Árnesi í kvöld, fimmtudag, kl. 21.
Á morgun syngur kórinn á Hvoli,
Hvolsvelli, og hefjast tónleikarnir
klukkan 17. Á sunnudag eru
tónleikar í Hornafjarðarkirkju kl.
21, á mánudag á Eskifirði og
þriðjudaginn 10. apríl syngur
kórinn í Neskaupstað. Á skírdags-
kvöld klukkan 21 syngur kórinn í
Selfosskirkju.
UM NÆSTU helgi heldur Kór
Langholtskirkju árlega vortón-
leika sína í Háteigskirkju og
verða það aðrir tónleikar kórsins
á þessu starfsári. Að þessu sinni
verður flutt messa í C-moll eftir
Wolfgang Amadeus Mozart.
Messan var frumflutt árið 1783
en hana tileinkaði Mozart eigin-
konu sinni. Messan er því leyti
sérstæð að hún mun vera hin cina
sem Mozart samdi ekki eftir
pöntun yfirboðara sinna. Hún
skiptist í fimm kafla, Kyrie,
Gloria, Credo, Sanctus og
Benedictus.
Messuna hefur kórinn æft frá
því síðla í janúar og taka 50
kórfélagar þátt í flutningnum.
Einsöngvarar með kórnum verða
Ólöf K. Harðardóttir, Elísabet
Erlingsdóttir, Garðar Cortes og
Halldór Vilhelmsson. Tuttugu
manna hljómsveit skipuð hljóð-
færaleikurum úr Sinfóníuhljóm-
sveit Islands leikur undir.
Fyrri tónleikarnir verða á föstu-
dagskvöldið klukkan 20.30 og hinir
síðari á laugardaginn klukkan
18.00, báðir í Háteigskirkju sem
fyrr segir.
Stjórnandi Kórs Langholts-
kirkju er Jón Stefánsson.
Myndin var tekin á æfingu í
vikunni og sýnir Ólöfu Harðar-
dóttur og nokkra kórfélaga.
RANNSÓKNADEILD lögreglunn-
ar auglýsir eftir vitnum að
árekstri, sem varð á aðrennslis-
braut frá Suðurlandsbraut að
Miklubraut klukkan 13.50 s.l.
sunnudag, 1. apríl. Þar rákust
saman Austin Mini bifreið og
Subaru bifreið, og er ágreiningur
milli bílstjóranna um hvor átti
sökina. Annar bílstjórinn heldur
því fram að hinn bíllinn hafi ekið
aftan á sinn bíl en hinn bilstjórinn
segir að fremri bíllinn hafi bakkað
á sinn bíl. Vitni eru beðin að gefa
sig strax fram við rannsóknar-
deildina í síma 10200.
Góð sala
SKUTTOGARINN Bjarni
Herjólfsson ÁR 200 fékk hærra
meðalverð fyrir afla sinn en feng-
ist hefur um nokkurn tíma er
skipið seldi í Grimsby sl. mánudag.
Skipið landaði 134 tonnum og fékk
samtals 55 milljónir fyrir aflann,
meðalverð 416 krónur. Bæði var að
fiskurinn, sem skipið kom með,
þótti mjög góður, en uppistaðan
var þorskur og ýsa. Þá var mark-
aðurinn einnig hagstæðari en nú í
nokkurn tíma. Var þetta önnur
söluferð Bjarna Herjólfssonar með
afla til Englands á árinu og hefur
skipið selt samtals fyrir 103
milljónir króna.
Einnar kaloríu
kóladrykkur
Nú er kominn nær kaloríulaus kóladrykkur -
sykursnautt Spur - drykkur sem gleður alla
sem eru í kapphlaupi við kílóin.
Sykursnautt Spur inniheldur innan við eina '
kaloríu í hverri flösku - það er 80 sinnum
minna en í venjulegum kóladrykk.
HF.ÖLGERÐIN EGILL SKALLAGRÍMSSON