Morgunblaðið - 10.04.1979, Side 10

10
MORGUNBLAÐIÐ, ÞRIÐJUDAGUR 10. APRÍL 1979
Fyrir um það bil viku var búið að reisa stoðirnar íyrir nýja húsið á gamla grunninum.
Söltunarstöðin Stemma rís á ný:
1800fermetra hús
reist á einni viku
Stefnt að kláru húsi fyrir haustsíldarvertíðina
SÖLTUNARSTÖÐIN Stemma á
Ilöfn í Hornafirði er nú á fullri
ferð með endurbyggingu
söltunarhúss f stað hússins sem
brann eins og kunnugt er 12.
nóv. s.l. Fyrir einni viku var
byrjað að reisa nýja húsið og
því verki er nú lokið eins og
meðfylgjandi myndir bera með
sér.
„Þetta er steinsteypt eininga-
hús frá ístaki í Reykjavík,"
sagði Kristján Gústafsson
forstjóri Stemmu í samtali við
Morgunblaðið,„en nú er bara að
vita hvernig þeir sjóðir reynast
okkur sem við treystum á til
þess að unnt sé að ljúka þessu
fjárhagslega. Húsið sem við
reisum nú er jafnstórt húsinu
sem brann í nóv. s.l., 1800 m2 að
stærð, en Brunabótafélagið
gerði við okkur samning um að
byggja upp svipað hús. Ymsar
breytingar verður þó að gera.
Við urðum fyrir tugmilljóna
tjóni í brunanum. Þótt við fáum
það bætt sem bætt verður og
búið er að ákveða, þá er það
geysilegt tjón sem við sitjum
uppi með í búnaði. Við fáum
bættan búnað og tæki um 15
milljónir kr. af um 80 sem nú
þarf að leggja út í. Við vonum að
lánastofnanir sýni okkur þann
skilning sem þarf til að koma
þessu á laggirnar, annars eru
við búnir að vera. Við trúum því
að við fáum þá aðstoð sem
nauðsynleg er til þess að rétta
þetta við, enda var það mjög
ánægjulegt í þeirri döpru stöðu
s.l. haust eftir brunann að allir
heimamenn, bæði ráðamenn á
staðnum og aðrir, voru sammála
um mikilvægi þess að koma
söltunarstöðinni á legg aftur, en
þetta var nýtt hús eins og
kunnugt er.
Það var ákveðið um áramótin
hvernig ætti að standa að upp-
byggingunni og það er áætlað að
húsið verði fokhelt nú um
miðjan mai, en þá höfum við
þrjá mánuði til þess að ganga
frá öllu fyrir haustvertíðina á
síldinni. Við megum því halda
vel á spöðunum til þess að það
takist og það tekst aðeins að
ekki standi á fjármagninu.
Þetta er líka mikið atriði fyrir
sjómenn og útgerð, því að það er
dýrt að þurfa að sigla með
síldina til fjarlægra hafna. Ég
vil þó taka það fram að ástæðan
fyrir því að við sáum okkur ekki
fært að reisa aftur stálgrindar-
hús eins og við vorum með, er sú
að brunamálayfirvöld hafa verið
svo erfið, þau gátu aldrei sagt
okkur ákveðið hvers þau krefð-
ust, en Héðinn hafði hins vegar
reynzt okkur ákaflega vel.
Við vonum bara að þetta
gangi eins vel og horfir, því að
það er virkilega gaman að sjá
þetta spretta upp og bátarnir
eru þegar farnir að spyrja hvort
ekki verði allt klárt fyrir haust-
ið. Við vorum með 17 báta í
fyrra og söltuðum um 19 þúsund
tunnur úr um 3000 tonnum af
síld.“
Viku seinna tók Jens þessa mynd.
Þriðja Vorvaka Vest-
ur-Húnvetninga hefst
á morgun 11. apríl
Hvammst. 6. apr.
UM BÆNADAGANA í ár, verður
haldin þriðja vorvaka
Vestur-Húnvetninga, í Félags-
heimilinu á Hvammstanga. Er
þetta eins og áður, menningar-
vaka, þar sem myndlistarmenn
sýna, bæði heimamenn og gestir.
Lesið er úr verkum Vestur-Hún-
vetnskra höfunda og tónmenntir
fluttar. Standa Lionsklúbburinn
Bjarmi og Ungm. félagið
Kormákur fyrir þessari vöku,
sem og á undanförnum árum.
Vakan verður sett, miðvikudag-
inn 11. apríl, klukkan 8,00 um
kvöldið. Við þá athöfn tala
formenn félaganna, eða fulltrúar
þeirra. Kirkjukór Hvammstanga-
kirkju syngur, og formaður
Vorvökunefndar, Sigurður H.
Þorsteinsson, skólastjóri, flytur
opnunarræðu. Síðan verður
gestum gefinn kostur á að skoða
listsýninguna, en í henni taka þátt
5 myndlistarmenn. Það eru þau:
Gunnar Hjaltason, Benedikt
Gunnarsson, Ingiberg Magnússon,
Marinó Björnsson og Torfhildur
Steingrímsdóttir. Sýna þau
myndir í ýmsum formum, svo sem:
Grafík, apuarelle, vatnslitum og
olíu, svo að nokkuð sé nefnt.
Á skírdag verða svo sýningarnar
opnaðar klukkan 2,00 síðdegis og
opnar til klukkan 6,30 síðdegis, en
þá fer einnig fram kaffisala á
vegum eiginkvenna Lionsmanna.
Klukkan 8,00 um kvöldið hefst svo
Vaka. Það verða lesin ljóð eftir:
Theódór Teitsson og Sigurð Jóns-
son frá Katadal, en Nína Björk
Árnadóttir les úr ljóðum sínum.
Þá verða lesin og látbragðsleikin 2
samtöl Skáld-Rósu við ástmenn
sína. Auk þess syngur 20 manna
karlakór, sem er samansettur úr
þorrablótskórum miðfirðinga og
kór Ungmennafélagsins Kormákur
á Hvammstanga, undir stjórn
Ólafar Pálsdóttur. Þann hluta
kórsins, sem er frá Hvammstanga,
raddæfði Ingibjörg Pálsdóttir. Þá
flytur Sigvaldi Jóhannesson
erindi, er hann nefnir Söguslóðir.
Á föstudaginn langa verða svo
listsýningarnar opnar frá
2,00—5.00 síðdegis. Vökunni lýkur
svo á laugardaginn helga, að þá
opnar hún klukkan 2.00 síðdegis. Á
vöku þess dags kemur m.a. fram
tríó Gísla Helgasonar, en hann
spilar á flautu, Guðmundur Árna-
son á gítar og Helgi Kristjánsson á
bassa. Ljóð verða flutt eftir:
Þorstein Jónasson, Ingibjörgu Sig-
fúsdóttir og Magnús Jónsson frá
Barði flutt verða samtöl
Skáld-Rósu, auk þess, sem flutt
verður erindi eftir Gunnþór
Guðmundsson um eyðibýli í Húna-
vatnssýslu.
Vorvökunefnd skipa: Sigurður
H. Þorsteinsson, formaður, Sigur-
bjartur Frímannsson, Brynjólfur
Sveinbergsson, Guðmundur Þór
Ásmundsson, Sigurður Sigurðs-
son, Þórhallur Jónsson, Hólm-
fríður Bjarnadóttir og Bára
Garðarsdóttir. -S.Þ.
Útgerðarmenn norðanlands og vestan:
Mótmæla atriðum í
veiðitakmörkunum
ÚTGERÐAMENN af
Norðurlandi og Vestfjörð-
um, 23 talsins, héldu með
sér fund á Akureyri fyrir
helgi. Á fundinum var
einkum fjallað um tak-
markanir þær, sem beitt
verður í þorskveiðum á
árinu. Á fundinum var
samþykkt ályktun, þar
sem ýmsum ákvæðum
reglugerðar sjávarútvegs-
ráðuneytisins um aflatak-
markanir og tilhögun
þorskveiða er mótmælt.
Samkvæmt upplýsingum, sem
Morgunblaðið hefur aflað sér, er
því einkum mótmælt hve seint
þessar takmarkanir eru kynntar.
Benda útgerðarmennirnir á að
þær koma ekki fram fyrr en
langt er liðið á vertíð suðvestan-
lands og bátaflotinn þar búinn
að taka stóran hluta veiði sinn-
ar. Takmarkanirnar bitni fyrst
og fremst á þeim stöðum þar
sem togaraútgerð er mikil eins
og á Vestfjörðum og Norður-
landi.
Þá er einnig bent á vanda
margra staða vegna íssins og
tillögur bornar fram um breyt-
ingar á reglugerðinni til að
halda megi uppi atvinnu á þeim
stöðum, sem verst hafa orðið úti
vegna íssins.
Tap á rekstri Arnarflugs
tæpar 70 mílljón króna
Aðalfundur Arnarflugs
var haldinn í vikunni og
kom fram í skýrslu Vil-
hjálms Jónssonar stjórnar-
formanns að heildarvelta
félagsins hefði verið rúmir
2,4 milljarðar króna sl. ár,
sem var þreföldun frá
heildarveltu árið 1977.
Niðurstöður á rekstar-
reikningi sýndu tap er nam
tæpum 70 milljónum króna
en niðurstöðutölur efna-
hagsreiknings eru kr. 656
milljónum, sem er veruleg
aukning frá árinu 1977 að
því er segir í frétt frá
Arnarflugi.
Árið 1978 voru fluttir 248.532
farþegar og þar af 14.304 milli
Islands og annarra landa. Laun
og launatengd gjöld námu kr. 390
milljónum. I ræðu stjórnarfor-
manns kom fram, að félagið hefði
átt við ýmsa erfiðleika að stríða á
árinu 1978 og hefði hæst borið
óhapp er vél félagsins TF-VLB
varð fyrir í marz. Varð félagið í
framhaldi af því að leigja Boeing
707 til að annast verkefni TF-VLB
og nam tjónið á annað hundrað
milljóna fyrir utan það sem
tryggingar greiddu.
Þá vék Vilhjálmur Jónsson að
þeim breytingum sem átt hefðu
sér stað á högum Arnarflugs árið
1978. Kom fram að stjórn félags-
ins hefði gert ítrekaðar tilraunir
til að fá áætlunarleyfi fyrir félag-
ið milli íslands og annarra landa
og hefði endanlegt svar komið frá
ráðuneytinu í ársbyrýun 1978.
Segir svo í frétt frá Arnarflugi:
„Ráðuneytið sendi þá stjórn
Arnarflugs bréf, þar sem starf-
semi félagsins var takmörkuð
verulega í flugi til og frá Norð-
ur-Evrópu. Var þó gefið tíma-
bundið flugleyfi til Þýzkalands.
Alfarið var hafnað leyfum til
flugs til Skandinavíu og Bret-
lands. I þessu sambandi las
stjórnarformaður upp bréf ráðu-
neytisins, er skýrði sig sjálft.
Kom einnig fram, að stjórn
Arnarflugs tókst, með viðræðum,
að fá þessum hörðu ákvæðum
breytt lítillega fyrír árið 1978, en
alvarlega var gefið í skyn af
samgönguráðuneytinu og ráð-
herra, að takmarka yrði starf-
semi Arnarflugs verulega til að
vernda starfsemi Flugleiða og
veita þeim þann siðferðilega
styrk, sem ráðuneytið taldi sig
þurfa að gera vegna sameiningar-
innar árið 1973“.
Sagði stjórnarformaður, að um
frekari þróun á starfsemi Arnar-
flugs á innanlandsmarkaði gæti
því vart orðið að ræða og sem
afleiðing af því hefði starfsemin
beinst í auknum mæli að því að
leita verkefna á erlendum vett-
vangi. Þá rakti hann þá þróun
sem orðið hafði á samstarfi Arn-
arflugs og Flugleiða og kaup
Flugleiða á hlutábréfum í Arnar-
flugi, en það hafi verið samdóma
álit beggja félaganna að stækka
hefði þurft éininguna til að .hægt
yrði að þróa enn betur þann
útflutning sem segja mætti að
langtímaleigur á flugvélum
Arnarflugs væru.
Ný stjórn var kjörin á, fundin-
um og voru kjörnir í aðalstjórn
Axel Gíslason, Leifur Magnússon,
Björn Theodórsson, Martin Peter-
sen og Arngrímur Jóhannsson. í
lok fundarins kvaddi fram-
kvæmdastjóri félagsins, Magnús
Gunnarsson, sér hljóðs, þakkaði
fráfarandi stjórnarformanni, Vil-
hjálmi Jónssyni, sem verið hefur
stjórnarformaður félagsins frá
upphafi, fyrir náið og árangurs-
ríkt samstarf og afhenti honum
fyrir hönd starfsfólks Arnarflugs
áletraðan silfurskjöld.