Morgunblaðið - 21.04.1979, Blaðsíða 46

46
MORGUNBLAÐIÐ, LAUGARDAGUR 21. APRÍL 1979
8 nýliðar
á Kalott
DAGANA 21. og 22. apnl n.k. mun íslenzka landsliðið í sundi taka
þátt í Kalott-keppni í sundi, sem að þessu sinni verður haldin í BODÖ í
Noregi.
Er þetta í fyrsta sinn sem ísland tekur þátt í þessari keppni, sem þð
hefur farið fram nokkur undanfarin ár.
Á mótinu er keppt í 20 einstaklingsgreinum og 4 boðsundum. í fyrra
urðu úrslit stigakeppni mótsins eftirfarandi:
Noregur 270 stig Finnland 237 stig Svíþjóð 225 stig
Eins og kunnugt er eru það norðurhéruð ofangreindra landa sem
taka þátt í þessari keppni.
Landsliðsnefnd Sundsambands íslands hefur valið eftirtalið
sundfólk í landsliðið sem keppa mun f Kalott-keppninni:
Brynjólfur Björnsson Ármanni 2 landskeppnir.
Halldór Kristensen Ármanni nýliði.
Hugi Harðarson Selfossi 1 landskeppni.
Ingi Þ. Jónsson Akranesi nýliði.
Ingólfur Gissurarson Akranesi nýliði.
Sigmar Björnsson Keflavík nýliði.
Anna Gunnarsdóttir Ægi nýliði
Margrét Sigurðardóttir Breiðablik nýliði
Ólöf Sigurðardóttir Selfossi 2 landskeppnir
Sonja Hreiðarsdóttir Ægi 4 landskeppnir.
Sólveig Sverrisdóttir Óðni, Ak. nýliði.
Þóranna Héðinsdóttir Ægi 1 landskeppni.
Elín Unnarsdóttir Ægi nýliði.
Þjálfari: Guðmundur Harðarson.
Liðstjóri: Þórður Gunnarsson.
Þess ber að geta að tveir af okkar bestu sundmönnum, þeir Bjarni
Björnsson, Ægi og Hafliði Halldórsson* Ægi, geta ekki tekið þátt í
þessari ferð vegna prófa.
Liðið mun halda af stað til Noregs föstudaginn 20. apríl og koma heim
aftur mánudaginn 23. apríl.
Keppnin stendur í tvo daga, hefst á laugardag kl. 14.30 að staðartíma,
en á sunnudag kl. 11.00.
Landsliðið hefur verið í æfingabúðum í Reykjaví yfir páskana og æft
tvisvar á dag til undirbúings keppninni.
0 Al Uerter heíur glæsilegan stíl, og nýtir hann til hins ýtrasta í
köstum sínum. 43 ára ætlar hann nú að stefna að sínum fimmtu
gullverðlaunum í kringlukasti á Olympíuleikum.
Oerter er ekki
af baki dottinn
BANDARÍSKI kringlukastarinn AI Oerter, sem varð ólympíumeistari
í grein sinni árin 1956, 1960,1964 og 1968, er alls ekki af baki dottinn,
því á frjálsíþróttamóti í bænum Mountainside í New Jersey-fylki um
helgina kastaði hann kringlunni 67,00 metra sem er hans langhezti
árangur.
Oerter átti áður bezt 64,77 metra, eða svipað og íslandsmet Erlends
Valdimarssonar ÍR, en þeim árangri náði Oerter á Ólympiuleikunum í
Mexíkó 1968.
Á1 Oerter er nú 43 ára. Bann lýsti því yfir þegar hann hóf á ný
keppni fyrir t.eimur árum að hann stefndi ótrauður á sín fimmtu
gullverðlaun f kringlukasti á ólympíuleikum.
Heimsmetið f kringiukasti á austur-þýzki íþróttamaðurinn Wolf-
gang Schmidt, en það er 71,14 metrar, sett á sl. sumri. Fyrrverandi
heimsmethafi, Bandarikjamaðurinn Mac Wilkins kastaði lengra, en
aðeins út fyrir kastgeira, á frjálsíþróttamóti í Reykjavík í fyrra.
Wilkins hefur nýlega sótzt eftir þvf að verða meðal keppenda á
Reykjavíkurleikunum í frjálsfþróttum í sumar.
0 Svavar Karlsen tekur við verðlaunum sfnum íStapanum. en næsti maður til hægri við hann er Sigurður
Hauksson sem varð annar í sama flokki.
Svavar sigraði
SVAVAR Karlsen sigraði örugg-
lega f 80 kg flokknum og þar
fyrir ofan á júdómóti UMFK sem
fram fór f Stapanum um páskana.
Sigraði Svavar heimamanninn
Sigurð Hauksson f úrslitaglfmu f
flokknum. Þriðji varð Kolbeinn
Gfslason Ármanni. Þetta er
fyrsta mót UMFK en framvegis
er áætlað að mót þetta fari fram
árlega. Það var nú haldið í tilefni
af 50 ára afmæli UMFK og var
keppt um einhver veglegustu
verðlaun sem um getur í júdó-
mótum hérlendis.
Auk 80 kg flokksins var keppt í
tveimur öðrum flokkum. í 68—80
kg flokknum sigraði ómar Sig-
urðsson UMFK, annar varð
Gunnar Guðmundsson UMFK og
þriðji Daði Daðason, UMFK, eða
alger einokun UMFK í flokki
þessum. Þetta dreifðist meira í
þriðja flokknum. 68 kg og léttari.
Grindvfkingurinn Jóhannes Har-
aldsson sigraði, heimamaðurinn
Kristinn Bjarnason varð annar
og Ármenningurinn Kristinn
Hjaltalfn varð þriðji.
— KB-
Jón færði
Val sigur
VALUR sigraði KR í Reykja-
vfkurmótinu f knattspyrnu á
Melavellinum sumardaginn
fyrsta. Aðstæður voru skelfilegar
og leiðindaveður bætti ekki úr
skák. Þar sem ekki var ökladjúp
drulla á vellinum lá við að ferðast
yrði f gúmbátum. Þegar slfkt
blasir við velta menn því fyrir sér
hvort nokkuð vit sé f þessum
vormótum, menn meiða sig bara á
mölinni og hafa lftið gaman af.
Jón Einarsson skoraði eina mark
leiksins fyrir Val f sfðari hálfleik,
en sanngjörnustu úrslitin hefðu
verið jafntefli.
KR-ingar sóttu undan golunni í
fyrri hálfleik og þó að lítið hafi
verið um æsileg atvik við mörkin,
voru það KR-ingar sem áttu flest
þeirra fáu færa sem buðust.
Þannig brenndi Guðmundur
Jóhannsson af úr góðu færi, Vil-
helm Fredriksen hitti ekki boltann
í góðu færi og skot frá Sverri
Herbertssyni var bjargað í horn.
Undir lok hálfleiksins áttu Vals-
menn fáeinar sóknarlotur og úr
einni slíkri skoraði Jón Einarsson
sigurmarkið. Var vel að verki
staðið hjá Jóni, en rangstöðuþefur
var þó á sveimi og línuvörður
flaggaði á fleygiferð án þess að
dómarinn virti hann viðlits. Síðari
hálfleikurinn var mjög jafn, en
lítið sem ekkert um afgerandi
færi. Skoraði því hvorugt liðið
meira. Harka var umtalsverð und-
ir lokin og var þá Hörður Hilmars-
son bókaður fyrir að færa Sigurð
Pétursson á kaf í drullulón. Tveir
KR-ingar fengu einnig gult spjald.
— O — O — O —
Furðulegur
þríhyrningur
, Á golfmóti nokkru í Buderim í
Ástralíu gerðist fyrir skömmu
óvæntur athurður. Golfleikari
nokkur að nafni Noel Staatz var
þá, ásamt félögum sinum, að
koma að fjórðu holu vallarins,
þegar hann fékk tveggja punda
ufsa í höfuðið. Vankaðist Staatz
við höggið sem var umtalsvert.
Þeir félagar litu þá til himins og
sáu þá hvar gjóður nokkur,
arnartegund og fiskiæta mikil,
sveimaði og bar sig ekki vel.
Lðgðu þeir félagar saman tvo og
tvo og fengu út að örninn hefði
misst ufsann í höfuðið á Staatz og
hafði sennilega verið um óvilja-
verk að ræða. Atvik þetta átti sér
þó stað 4,5 kílómetra frá sjónum.
0 Mynd þessi er frá verðlaunaafhendingu fyrir skíðamót framhaldsskólanna og sýnir margt af þeim
keppendum sem þátt tóku og til verðlauna unnu.
a
'A