Morgunblaðið - 22.04.1979, Blaðsíða 32

alura'
iftiptnlritafrfö
Jflorgunblwíiib
SUNNUDAGUR 22. APRÍL 1979
Lákur á umbrotum og aur-
bleyta á vegum seinka
flutningi Jötuns norður
í NOKKRAR vikur hefur staðið til að flytja borinn Jötun norður í
Bjarnarflag, þar sem á að bora eina holu fyrir Kísiliðjuna. Af flutningnum
hefur þó ekki enn orðið vegna óvissuástands á svæðinu og nú er svo komið
að vegna aurbleytu á vegum verður borinn varla fluttur norður næstu
vikurnar.
í umbrotunum á Kröflusvæðinu í
september 1977 eyðilögðust tvær af
fimm holum Kísiliðjunnar í Bjarnar-
flagi og síðan hefur ein hola að auki
gengið úr skaftinu. Hefur Kísiliðjan
því haft ónóga gufu að undanförnu,
en úr því á að bæta í sumar með
einni nýrri holu. Á sú hola að vera
. sunnan vegarins austur undir rótum
Námafjalls.
Þar skammt frá er mikil sprunga
og vegna yfirvofandi umbrota-
ástands hefur að sögn ísleifs Jóns-
sonar ekki verið talið vogandi að
flytja borinn norður og setja hann
upp á sprungubarminum. — Nú er
allt að verða ófært vegna aurbleytu
og því er erfitt að segja fyrir um
hvenær farið verður af stað með
borinn, sagði ísleifur. Líklegt er að
borinn Jötunn verði geymdur fyrir
norðan eftir að hann hefur lokið
borun holunnar fyrir Kisiliðjuna, en
hins vegar er ólíklegt að borað verði
eftir gufu fyrir Kröfluvirkjun í
sumar.
Að sögn Vésteins Guðmundssonar
framkvæmdastjóra Kísiliðjunnar
hófst dæling úr Mývatni í lok febrú-
ar og hefur kísilgúrnum verið dælt í
nýja þró, sem byggð var á síðasta
ári. Tekur sú þró jafn mikið og þrær
verksmiðjunnar, sem áður voru
notaðar. Dælingin í vatninu hófst
tveimur mánuðum fyrr í ár en
venjulega og hefur gengið vel, að
sögn Vésteins.
Kona
Korchnoi
biður Fide
um hjálp
Alþjóöaskáksambandinu
Fide hafa borizt tvö bréf frá
Bellu Korchnoi, eiginkonu
Viktors Korchnoi, þar sem hún
biður sambandið að beita áhrif-
um si'num til að hún fái að fara
frá Sovétríkjunum ásamt syni
þeirra hjóna. Friðrik Ólafsson
forseti Fide sagði í samtali við
Mbl., að nú væri verið að
athuga með leiðir til aðstoðar
Korchnoi-fjölskyldunni, en sem
kunnugt er hefur Viktor
Korchnoi einnig beðið Fide
aðstoðar í þessu máli.
I samtali, sem Mbl. átti ný-
lega við Korchnoi, kom fram, að
konu hans og syni hafði þá
nýlega verið í þriðja skipti
neitað um að mega flytjast úr
landi.
í bréfunum til Fide skýrir
Bella Korchnoi ástæður þær,
sem lágu að baki því að maður
Bella Korchnoi
hennar yfirgaf Sovétríkin og eru
þær skýringar á sömu lund og
Korchnoi sjálfur hefur gefið
m.a. í samtölum við Mbl. Þá
segir Bella Korchnoi, að hún og
sonurinn sæti harðneskjulegri
framkomu af hálfu yfirvalda og
sé þeim nú ekki vært í landinu
frekar en Viktor Korchnoi hafi
verið, þegar hann tók þá ákvörð-
un að setjast að á Vesturlönd-
um.
Sjá: „Að mörgu leyti um-
fangsmeira starf en ég átti
von á“. Samtal við Friðrik
ólafsson, bls. 13.
LjÓ8m. Jón P. AsgeirsHon.
Ungar meyjar á Suðureyri við Súgandafjörð brosa mót sumri og sól.
12% fiskverðshækk-
un og 6% gengissig
— ef útgerðin verður látin bera olíuhækkunina að fullu
EF GASOLÍA verður hækkuð um 50% og útgerðinni verður bætt hækkunin
upp með fiskverðshækkun þarf hún að verða um 12%. Ef kostnaðarauki
fiskvinnslunnar sem af hækkun fiskverðs hlýzt verður bættur með
gengisbreytingu þarf gengissig að verða um 6%.
Samkvæmt þeim upplýsingum sem
Mbl. hefur aflað sér eru þetta þær
staðreyndir sem blasa við vegna
óhjákvæmilegrar stórhækkunar gas-
olíu. Ríkisstjórnin og sérfræðingar
hennar vinna nú að því að finna
lausn á þessum vanda. Komið hefur
til tals að millifæra fjármuni til
útgerðarinnar og þá hugsanlega hlut
ríkisins í yfirvofandi benzínhækkun,
sem kann að verða á bilinu 2—2,5
milljarðar króna á ári. Kostnaðar-
auki útgerðarinnar vegna gasolíu-
hækkunarinnar er hins vegar
áætlaður 6 milljarðar á ári. Ef sú
leið verður valin að millifæra fé til
útgerðarinnar þarf fiskverðs-
hækkunin ekki að verða jafn mikil
og ella yrði ef útgerðin tæki á sig
alla hækkunina. Ríkisstjórnin mun
ræða þetta mál á fundi sínum á
þriðjudaginn og er fastlega gert ráð
fyrir því að nýtt verð á benzíni og
olíum taki gildi í næstu viku.
Skráð gasolíuverð í Rotterdam er
nú 265 dollarar tonnið og er það
svipað verð og olían, sem nú er í
sölu og hið nýja verð miðast við, var
Réttíndi á Reykjaneshrygg til
umræðu á hafréttarráðstefnunni
íslendingar ræða við Rússa
„ÍSLENZKA sendinefndin í
Genf hefur brugðist hart við
tilraunum til að útiloka land-
grunnsréttindi utan 200 mílna
umhverfis neðansjávarhryggi,“
sagði Eyjólfur Konráð Jónsson,
alþingismaður, er Mbl. ræddi
við hann í Genf í gærmorgun.
„í rússnesku tillöguna, sem nú
miðar á ný að því að takmarka
landgrunnsréttindin við 100
mílur utan 200 mílna efnahags-
lögsögunnar, hefur verið bætt
setningu, sem fyrirbyggir út-
færslu við neðansjávarhryggi.
Hans G. Andcrsen mótmælti
því harðlega að slik regla gæti
tekið til Reykjaneshryggjarins,
sem væri eðlilegt framhald
íslands. Hann hefur si'ðan rætt
málið við Rússa og er von um
að þeir fallist á þá breytingar-
tillögu fslenzku sendinefndar-
innar, að rcglan taki einungis
til djúpsjávarhryggja, eða eitt-
hvert annað orðalag, sem
tryggir rétt okkar á Reykjanes-
hrygg og taki jafnframt til
Kolbeinseyjarhryggjarins.“
Eyjólfur Konráð sagði, að
Rússar hefðu í fyrradag lagt
formlega fram tillögu sína um
takmörkun hafsbotnsréttinda
utan efnahagslögsögunnar.
Hafa þeir á ný horfið að 100
mílna takmörkun í stað 150
mílna og vilja undanskilja
bryggi.
„I mótmælum formanns ís-
lenzku sendinefndarinnar í
ræðu í sjöttu samninganefnd,
sem öll ríki eiga aðild að, kom
fram, að Island væri jarðfræði-
lega hluti Atlantshafshryggjar-
ins og Reykjaneshryggurinn því
fullkomið dæmi um „eðlilega
framlengingu Islands," sagði
Eyjólfur Konráð. „Væri hér um
sérstætt tilvik að ræða, sem
taka yrði tillit til. Dýpið á
Reykjaneshrygg minnkaði síðan
til suðurs og annaðhvort mætti
miða við 100 mílna fjarlægð eða
2500 metra dýptarlínu á þessu
svæði til að takmarka rétt ís-
lendinga til suðurs. Þar að auki
væri mótsögn í tillögunni, eins
og hún nú er að því er varðar
aðstæður við ísland.
Fulltrúar fjöldamargra ríkja
lýsa skoðunum sínum í þessum
umræðum og meðal annars
benti fulltrúi Breta á, að rök
íslenzka fulltrúans yrði að skoða
án þess þó að nefna hver sett
hefði þau fram. Fulltrúi
Nýja-Sjálands tók í sama
streng.“
I næstu viku skýrist hver
munu verða afdrif þessarar til-
lögu, en að sögn Eyjólfs treysta
íslenzku fulltrúarnir því að tak-
ast muni að gæta réttindanna
úti af Reykjanesi. „Fyrst er
reynt að fá Rússa til að breyta
tillögu sinni. Takist það ekki
verður að leita annarra úr-
ræða,“ sagði Eyjólfur Konráð.
Sjá: Viðtöl við Færey-
inga um réttindi sunn-
an íslands. Bls. 2.
keypt á í febrúar s.l. Verðið fór hæst
í 352,50 dollara í febrúar en lækkaði
niður í 235 dollara um miðjan marz.
Verðið hefur aftur á móti hækkað að
nýju og óttast menn að sú hækkun
sem nú þarf að ákveða verði varan-
leg og ekki komi til lækkunar á ný.
Féll niður
nm ís og
beið björg-
unar í um
hálftíma
FJÖJtUTÍU og fjögurra ára gam-
all maður, Hallur Sæmundsson,
Fagrabæ Grenivík, íéll niður um
lagnaðarís á Eyjafirði fyrir
skömmu. Ilalli tókst ekki að
bjarga sér upp af sjálfsdáðum og
leið um hálf klukkustund þar til
fólk sá hvernig komið var og kom
Halli til bjargar.
í samtali við Mbl. vildi Hallur
sem minnst úr þessum atburði
gera. Sagðist hann hafa verið á
gangi á lagnaðarís „hér rétt fram-
an við“, þegar ísinn lét skyndilega
undan og Hallur féll í sjóinn.
Kvaðst hann í fyrstu hafa reynt að
komast upp á ísinn aftur, en
skörin alltaf látið undan honum.
Hefði hann þá hætt þeim tilraun-
um, haldið í ísinn og beðið björg-
unar, þar sem hann taldi ólíklegt
að langur tími liði þar til fólk sæi,
hvernig komið væri.
Sagði Hallur ekki fjarri lagi, að
hann hefði beðið í vökinni í um
hálfa klukkustund þar til hjálp
kom, en ekki sagði hann að sér
hefði orðið meint af volkinu, þótt
kalt hefði verið í sjónum.