Morgunblaðið - 25.04.1979, Side 18
18
MORGUNBLAÐIÐ, MIÐVIKUDAGUR 25. APRÍL 1979
Viðskiptaþing Verzlunarráðs fslands 1979:
„Heimilaður verði gjaldf restur
á aðflutningsgjöldum og komið
á f relsi í gjaldeyrismálum”
Einn starfshópur þingsins.
Getur innflutn-
ingsverzlunin
aukið þjóðar-
tekjur íslend-
inga um 10 til
15% á 4 árum?
Viðskiptaþing Verzlun-
arráðs Islands 1979 um
gjaldeyris- og utanríkisvið-
skipti var haldið að Hótel
Loftleiðum í gærdag.
Hjalti Geir Kristjánsson,
formaður ráðsins, setti
þingið og sagði þá m.a., að
aðalverkefni þingsins væri
að móta ítarlega stefnu
Verzlunarráðsins í gjald-
eyris- og utanríkisviðskipt-
um og útfæra hana nánar.
Til þess að móta slíka
stefnu væri Verzlunarráðið
kjörinn vettvangur, því að
aðild að ráðinu eiga flest
helztu innflutningsfyrir-
tæki landsins, iðnfyrir-
tæki, samtök útflytjenda
svo og sjálfstæð fyrirtæki í
útflutningi, bankar lands-
ins svo og skipafélögin
flugfélögin, tryggingafé-
lögin, flutningamiðlunin
og þjónustufyrirtæki við
ferðamenn.
Þá sagði Hjalti Geir ennfremur,
að um nokkurt skeið hefði nefnd á
vegum ráðsins unnið ötullega að
því að gera tillögur um ný lög, um
gjaldeyris- og utanríkisviðskipti,
svo og um breytingar á lögum um
tollheimtu- og tolleftirlit og um
tollskrá.
Kjarninn í tillögunum, sem síð-
ar á þinginu voru samþykktar
samhljóða er:
1) Að koma á frjálsum gjaldeyris-
viðskiptum og gengisskráningu.
2) Að gera innflutningsverzlun-
inni kleift að bæta lífskjör
þjóðarinnar.
3) Að skapa innlendum iðnaði
traust starfsskilyrði innanlands
og í útflutningi með raunhæfri
gengisskráningu.
4) Að efla og örva vöruútflutning
með auknu frjálsræði, án þess
að skerða hagsmuni núverandi
útflutningssamtaka.
5) Að bæta skilyrði fyrir aukinn
útflutning á þjónustu með
frjálslegri gjaldeyrislöggjöf.
6) Að koma á gjaldfresti á að-
flutningsgjöldum, einfalda upp-
gjör þeirra og innheimtu og
gera þau réttlátari.
7) Að auka almenn mannréttindi
og jafnrétti milli atvinnugreina
með því að fella niður margvís-
leg lög, sem að þarflausu skerða
athafnafrelsi manna og frjáls
samskipti okkar við önnur lönd.
I sambandi við tölulið sex þar
sem fjallað er um gjaldfrest á
aðflutningsgjöldum má geta þess,
að sérstök ályktun um það efni var
samþykkt á þinginu. Hún er svo-
hljóðandi:
„Viðskiptaþing Verzlunarráðs
íslands 1979 skorar á hæstvirtan
fjármálaráðherra að beita sér nú
þegar fyrir setningu löggjafar er
heimili gjaldfrest á aðflutnings-
gjöldum á grundvelli nýlegrar
álitsgerðar nefndar um tollamál,
sem skipuð var 29. apríl 1977 af
þáverandi fjármálaráðherra, enda
verði stjórn Verzlunarráðs gert
kleift að fylgjast með og gera
tillögur um endanlega gerð slíks
frumvarps.
Askorun þessari til skýringar og
frekari áherzlu vísast til 16. kafla
ofangreinds nefndarálits, en þar
segir svo: Með hliðsjón af framan-
greindum forsendum og með til-
vísun til fylgiskjala, leggur nefnd-
in eindregið til við fjármálaráð-
herra, að tekin verði upp „tollkrít"
hér á landi í því formi og með þeim
takmörkunum, sem lýst er í þessu
nefndaráliti í einstökum atriðum."
Eftir ræðu formanns fluttu þrír
frummælendur erindi. Þeir voru
Sigurður Helgason forstjóri Flug-
leiða h.f., sem fjallaði um þýðingu
frjálsra gjaldeyrisviðskipta fyrir
viðskiptalífið, Þráinn Þorvaldsson,
framkvæmdastjóri Hildu h.f., sem
fjallaði um útflutningsverzlunina,
þ.e. öfluga útflutningsverzlun sem
undirstöðu efnahagslegrar upp-
Frá störfum Viðskiptaþings Verziunarráðs íslands 1979 sem haldið var á Hótel Loftleiðum í gærdag.
1
11111 $.\ v4e%.W ¥ x i
' \ 1 : ;
* ' * * il
byggingar, og Árni Gestsson, for-
stjóri Glóbus h.f., sem fjallaði um
innflutningsverzlunina, þ.e. hversu
mikið gæti heildverzlunin bætt
lífskjör þjóðarinnar?
í erindi sínu lagði Sigurður
Helgason mjög þunga áherzlu á að
nauðsynlegt væri að koma á algeru
frelsi í gjaldeyrismálum okkar, og
sagði í því sambandi að slíkt
myndi efalaust opna íslenzkum
fyrirtækjum eða einstaklingum
leið til að spreyta sig á erlendum
mörkuðum. Um reynslu Flugleiða
sagði Sigurður, að vegna alþjóð-
legrar starfsemi Flugleiða hefðu
þeir haft kynni af og fengið nokkra
reynslu í samskiptum við erlendar
lánastofnanir. Langstærstur hluti
af langtímafjárfestingum félags-
ins hefði verið erlent fjármagn.
Hann sagði að þessi kynni af
erlendum lánastofnunum hefðu
verið mjög fróðleg og góð.
I erindi sínu gagnrýndi Þráinn
Þorvaldsson hversu treglega hefði
gengið í sambandi við iðnþróun og
útflutningsaukningu á þessum
áratug. Hann sagði þar tvær
ástæður aðallega liggja 'að baki.
Annars vegar röng viðhorf þeirra
opinberu aðila, sem eiga að fjalla
um kerfisbreytingar vegna iðnþró-
unar og hins vegar mannaflaskort-
ur til að gera breytinguna að
veruleika. I lokaorðum sínum
sagði Þráinn: „Frá stríðslokum
fram á þennan áratug hafa skil-
yrði verið óhagstæð til sköpunar
fjölbreyttara atvinnulífs. Nú síð-
ustu ár hafa þau tækifæri, sem
fyrir hendi hafa verið, ekki verið
nýtt til fulls. Skortur á starfslegri
aðstöðu á stærstan þátt í því,
hvernig til hefur tekizt, en grunn-
forsendanna er að leita í röngum
viðhorfum og mati á iðnþróun,
verzlun og viðskiptum. Þetta
ástand leiðir af sér skort á hæfu
fólki til uppbyggingarstarfa.
Framtíð útflutningsframleiðsl-
unnar er á sviði neytendamarkað-
ar, og til þess að geta tekist á við
þau verkefni, þarf að gefa góðan
gaum að starfsþjálfun í markaðs-
og sölumálum.“
í erindi sínu sagði Árni Gests-
son, að hann væri sannfærður um
að innflutningsverzlunin gæti auk-
ið þjóðartekjur Islendinga um
10—15% á fjórum árum, og bætt
lífskjör allra landsmanna sem því
nemur, ef hún fengi betri starfs-
skilyrði. Þessi tekjuaukning myndi
verða til með fernum hætti: 1) Með
bættum viðskiptakjörum. 2) Með
sparnaði í eigin rekstri. 3) Með
sparnaði í opinberum rekstri. 4)
Með betri þjónustu við aðrar
atvinnugreinar og vexti þeirra. —
í þessu sambandi þyrftu stjórn-
völd að gera eftirtaldar aðgerðir:
1) Gefa gjaldeyrisverzlunina
frjálsa. 2) Afnema verðlags-
ákvæði. 3) Aflétta hömlum af
erlendum vörukaupalánum. 4) Af-
nema tolla og önnur aðflutnings-
gjöld. Árni sagði að síðustu að
hann teldi, að hvorki stjórnvöld né
almenningur hefðu efni á því að
hafna þessari kjarabót, sem væri
innan seilingar, ef leyfi fengist til
að sækja hana.
Seinni hluta dags störfuðu svo
sjö starfshópar sem fjölluðu um
eftirfarandi efni: 1) Frjáls gjald-
eyrisviðskipti og gengisskráningu.
2) Fjármögnun utanríkisviðskipta,
erlendar lántökur og fjármagns-
flutninga. 3) Skipulag inn- og
útflutnings og áhrif þess á inn-
lenda framleiðslu og vörudreif-
ingu. 4) Fríverzlunarsamninga,
Gattviðræður og þátt utanríkis-
viðskipta í þjóðarbúskapnum. 5)
Gjaldfrest á aðflutningsgjöldum
og tollamál. 6) Samvinnu og sér-
hæfingu í utanríkisviðskiptum.
Samskipti innflytjenda, banka,
farmflytjenda, flutningamiðlara,
tryggingafélaga og útflytjenda. 7)
Þjónustu Verzlunarráðs íslands
við inn- og útflytjendur og fjar-
skipti við útlönd.
Að síðustu voru almennar um-
ræður, þar sem tillögur laganefnd-
ar, niðurstöður umræðuhópa og
ályktanir voru ræddar og af-
greiddar. Hjalti Geir Kristjánsson
formaður Verzlunarráðsins sleit
þinginu en þingforseti var Þor-
steinn Pálsson forstjóri Vinnuveit-
endasambands Islands.