Morgunblaðið - 23.05.1979, Blaðsíða 23
MORGUNBLAÐIÐ, MIÐVIKUDAGUR 23. MAÍ 1979
23
Kristín Bjamadótt-
Minningarorð
lega á skoðunum sínum en vildi þó
engan saera. Hann las mikið, átti
mikinn og góðan kost bóka og
tímarita, sem hann sótti í marg-
háttaðan fróðleik, en sem hann
var ætíð fús á að miðia öðrum.
Hann skrifaði mikið í bundnu og
óbundnu máli og hefur áreiðan-
lega forðað mörgum sögulegum
atburðum frá gleymsku. Ýmsar
greinar og ljóð hafa birst eftir
hann í blöðum og tímaritum fyrr
og síðar.
Austur í Meðallandi flutti hann
ekki aðeins mál sitt á fundum þar
sem gleði og rökræður voru í
forsæti. Hann var oft fenginn til
að flytja hinstu kveðju, ásamt
presti sóknarinnar, við líkbörur
látinna vina.
Ein var sú stofnun, sem Einar
helgaði krafta sína fremur öðrum
um langa æfi. Það var kirkjan.
Hann var einlægur túmaður,
rækti þjónustu sína við hana með
virðuleik og djúpri lotningu. Siðir
hennar kenningar voru honum
helgidómar ofar því efnislega sem
fyrir augu ber. Um árabil var
hann meðhjálpari í Langholts-
kirkju í Meðallandi meðan hann
var búsettur þar. Fast sæti átti
hann undir númeratöflu kirkjunn-
ar við hlið grátunnar. Minningar
beinast að þessum litla helgidómi,
þar sem Einar sat með litlu
drengina sína með ríka en óráðna
framtíð.
Synir hans eru allir kunnir fyrir
trúmennsku og áreiðanleik í störf-
um sínum, kunnir menn hver á
sínu sviði. Guðmundur garðyrkju-
bóndi í Hveragerði. Kvæntur er
hann Sigfríði Valdimarsdóttur.
Þau eiga 7 börn. Sigurfinnur
verkstjóri í Vestmannaeyjum.
Kvæntur er hann Önnu Sigurðar-
dóttur. Þau eiga 3 börn. Dr.
Sigurbjörn biskup. Hann er
kvæntur Magneu Þorkelsdóttur.
Þau eiga 8 börn.
Þótt Einar yrði ekki sjálfur
prestur íslensku þjóðkirkjunnar
sá hann drauma sína rætast.
Sonur hans, dr. Sigurbjörn biskup,
hlaut prestsvígslu 11. september
1938 og biskupsvígslu 21. júní
1959. Og enn var hann viðstaddur
prestsvígslu þriggja sonarsona
sinna að ógleymdu því er hann var
og vann við endurreisn og vígslu
Skálholtsstaðar.
Þegar dr. Sigurbjörn var prest-
ur á Breiðabólstað á Skógarströnd
fór Einar í heimsókn til hans á
hesti sínum. Hann fagnar heim-
komu sinni eftir vel heppnaða
ferð, en hann finnur hjá sér
skyldu að þakka guði fyrir vernd á
langri ókominni leið við heimkom-
una með þessum orðum:
Ilcim. ú. hcim. hvc hjartaú (aKnar mitt.
Hcim. ú. hcim. ík lola nafniú þitt
scm lciddir mÍK um lanKa farna hraut.
Af iillu kúúu cr allra hcst samt hcima.
Glsku kuús má sfst af iillu Klcyma.
Æfi þessa heiðursmanns er lok-
ið. Eftir lifa minningar um mann
sem engu vildi mein gera heldur
bæta og græða með líknandi hendi
og þöglum, helgum bænarorðum.
Hjartans þakkir flyt ég Einari
Sigurfinnssyni fyrir órofa tryggð
allt frá bernskudögum.
Dýpstu samúð sendi ég eftirlif-
andi eiginkonu hans og fjölskyldu
allri.
Ingim. ólafsson
Afmœlis- og
minningar-
greinar
ATIIYGLI skal vakin á því, að
afmælis- og minningargreinar
verða að bcrast blaðinu með
góðum fyrirvara. Þannig verð-
ur grein, sem birtast á í mið-
vikudagshlaði, að berast í síð-
asta lagi fyrir hádegi á mánu-
dag og hliðstætt með grcinar
aðra daga. Greinar mega ekki
vera í sendibréfsformi eða
bundnu máli. Þær þurfa að
vera vélritaðar og með góðu
línuhili.
I dag verður til moldar borin
Kristin Bjarnadóttir er lést í
Landakotsspítala 15. þ.m.
Kristín var fædd að Búðum í
Hlöðuvík í Sléttuhreppi á Strönd-
um þ. 22. júlí 1892. Hún var dóttir
hjónanna Pálínu Pétursdóttur og
Bjarna Jakobssonar, Tómassonar,
Asgrímssonar. Bjarni hafði þá
fyrir skömmu flust frá Nesi í
Grunnavík, þar sem hann hafði
verið vel virtur bóndi, og að
Búðum til hjálpar föður sínum,
sem þá var orðinn aldraður og
ófær að standa fyrir búi. Þau
Pálína og Bjarni áttu árið 1894
orðið tvær dætur, Rebekku níu ára
og Kristínu tveggja ára. Þá gerðist
sá atburður að Bjarni hafði farið
til að bjarga kindum úr svelti.
Snjór var á jörðu og var hann á
skíðum. Þegar hann kom heim á
túnið á Búðum, hné hann niður og
var þegar örendur. Bjarni var
vaskleikamaður eins og þeir bræð-
ur báðir, Jón bóndi að E.vri í
Seyðisfirði við Djúp. Hefði Bjarni
verið uppi öld síðar hefði hann
eflaust orðið afburða fimleika-
maður. Þótti að honum mikil
eftirsjá.
Ekkjan fluttist þá til Hestseyr-
ar með dætur sínar. Giftist hún
þar aftur Guðjóni Kristjánssyni,
sæmdar- og atorkumanni. Með
honum átti hún tvíbura en dó af
þeim barnsförum. Það var árið
1898. Tvíburarnir voru Pálína
Bjarney, sem látin er fyrir tveim
árum, og Jón fyrrv. símritari, ern
vel og sístarfandi. Systurnar
Kristín og Rebekka ólust upp hjá
stjúpföður sínum, sem reyndist
þeim góður faðir. Er þær náðu
fermingaraldri fluttust þær frá
Hesteyri og fóru að vinna fyrir sér
eins og þá tíðkaðist. Kristín til
Isafjarðar en Rebekka til Jóns
föðurbróður síns að Plyri. Á ísa-
firði vann Kristín f.vrir sér við
ýmsa vinnu, aðallega í vistum og
þótti það rúm vel skipað þar sem
hún lagði hönd að verki. Um
tvítugt liggur svo leið hennar til
Reykjavíkur og er í vistum. Árið
1916 giftist Kristín fyrri manni
sínum, Guðjóni Jónssyni sjó-
manni, ættuðum frá Skorholti í
Leirársveit. Árið 1920 eignuðust
þau dóttur, Pálínu Guðrúnu. Sama
ár, eða þegar dóttirin er fjögurra
manaða, drukknar Guðjón með
sviplegum hætti í Reykjavíkur-
höfn.
Eftir þessa atburði leigði Krist-
ín út frá sér í litla húsinu sínu að
Vestra-Gíslholti við Vesturgötu.
Þó að þröng væri um tvær fjöl-
skyldur, ríkti þar friður og besta
samlyndi, enda skapgerð og
hjartalag Kristínar þannig að fólk
laðaðist að henni og þótti fljótt
vænt um hana. Sá er þetta ritar
kynntist Kristínu einmitt um
þetta leyti, þá þrettán ára gamall.
Þær Kristín og móðir mín höfðu
skrifast á eftir að hin fyrrnefnda
hafði flust til Reykjavíkur. Mér
var því kunnugt um heimilisfang
hennar. Um þessar mundir sótti
að mér óviðráðanleg löngun til að
sjá hina, í mínum huga, glæsilegu
höfuðborg. Mér fannst hún sveip-
uð eins konar dul og ævintýra-
Ijóma. Ég tók mér því ferð á
hendur á eigin spýtur, eins konar
kynnisferð og náði heilu og höldnu
heim að Vestra-Gíslholti. Ég bjóst
hálfvegis við ákúrum en viðtök-
urnar hjá Kristínu líða mér aldrei
úr minni. Það var eins og hún
hefði heimt mig úr helju og ekki
getað verið mér betri, þótt ég hefði
verið hennar eigin sonur. Hún
hýsti mig, þrátt fyrir öll þrengsl-
in, gaf mér að borða og að viku
liðinni greiddi hún far mitt heim
til Isafjarðar. Slíkur var höfðings-
skapur og hjartahlýja Kristínar
frænku, því eflaust hefur hún ekki
haft úr miklu að spila um þessar
mundir. Eftir þetta var hún í huga
mínum ástríka, kyrrláta konan,
sem réð fram úr hvers kyns vanda.
Eftir að ég fór að vera á vertíðum
á ísfirzku bátunum við Suðurland,
átti ég þá jafnan athvarf hjá
Kristínu. Einnig kom ég oft til
hennar þegar ég var á Stýri-
mannaskólanum. Þá var hún gift
seinni manni sínum, Hermanni
Jónssyni, ættuðum úr Eyrarsveit
á Snæfellsnesi, miklum dugnaðar-
og mannkostamanni. Þau giftust
árið 1926. Eignuðust þau tvo syni.
Jón, f. 1930, og Hermann, f. 1932,
sem urðu hinir mannvænlegustu
dugnaðarmenn.
Árið 1929 höfðu þau hjón ráðist
í húsakaup, sem ekki var heiglum
hent á þeim tíma. Svo voru þau
samhent og hagsýn, að þeim tókst
að sigrast á öllum erfiðleikum. Á
þessum tímum var oft til Kristín-
ar leitað, þegar um meiri háttar
veizlur var að ræða, sem haldnar
voru í heimahúsum. Sýnir það vel
hvað menn báru mikið traust til
þessarar hæglátu, prúðu konu,
enda gekk allt snurðulaust og án
allra vandræða, þar sem hún lagði
hönd að verki.
Seinni mann sinn Hermann
missti Kristín árið 1934 þegar
árásin var gerð á strandferðaskip-
ið Súðina en þar var Hermann
bátsmaður. Það var Kristínu mik-
ið áfall að missa þennan góða og
trausta maka sinn frá drengjun-
um ungum. En hún var ekki sú
manngerð sem lét bugast þótt á
móti blési. Þótt hún ætti nú við
vanheilsu að stríða, gat hún jafn-
an tekið þátt í gamni og glensi.
Þegar Hermann féll frá var dóttir
hennar frá fyrra hjónabandi, Pál-
ína, nýgift Sigurði Emil Ágústs-
syni fyrrv. lögregluþjóni, öðlings-
manni, sem alltaf reyndist Krist-
ínu sem bezti sonur. Einnig má
minna á syni hennar og tengda-
da'tur, sem sýndu henni ástríki og
samúð í veikindum hennar. Það
fór ekki hjá því að kona með slíka
skapgerð sem Kristín, eignaðist
góða vini. Þeim, sem hún á annað
borð vingaðist við, var hún sannur
vinur, heil og traust eins og
björgin, sem hún hafði alist upp
við í æsku og forfeður hennar
höfðu sótt til orku og manndóm.
Kristín var mjög heppin í vina-
vali. í áratugi átti hún að vini
sæmdarkonuna Auðbjörgu Jóns-
dóttur og skyldfólk hennar í Mýr-
dal. Það sýndi henni ávallt tryggð
og einlæga vináttu, svo sem það
átti kyn til. Má geta sér þess tii, að
það hafi verið henni ómetanlegur
styrkur á erfiðum stundum. Síð-
ustu sex árin dvaldist Kristín á
Hrafnistu og naut þar góðrar
umönnunar.
síðasti áratugur nítjándu aldar
og tveir fyrstu hinnar tuttugustu
voru mörgum þungir í skauti. Það
útheimti góðan efnivið hvers
einstaklings að sigla fleyi sínu
heilu í höfn gegnum brim og boða
þessa tímabils. Þetta voru um-
brotatímar, sviptinga og átaka þó
að stöku sinnum rofaði til og
eygðist vonarglæta. Það þurfti
kþví sterka skapgerð og gott
veganesti til að koma ekki kalinn
á hjarta úr þeirri orrahríð. Það tel
ég að Kristínu hafi tekist og að
allt líf hennar beri þess vitni.
Hjálpsemin, hjartahlýjan og vin-
áttan voru henni í blóð borin.
Arfur frá forfeðrunum, sem í
aldanna rás höfðu búið við einhver
erfiðustu lífsskilyrði á þessu landi.
Lært að sameinast í baráttunni og
sigrað björgin.
Að endingu vil ég votta börnum
Kristínar, ástvinum þeirra og öðr-
um ættingjum innilegustu hlut-
tekningu.
llagnar Þorsteinsson.
A klæðning er rétta klæðningin á gömul hús, sem eru farin að láta á sjá,
hvort heldur um er að ræða timbur-, bárujárns- eða steinhús.
Þau verða sem ný á eftir, en halda samt upprunaiegum svip. En það
er ekki bara útilitið sem skiptir máli, heldur er hægt að einangra húsin
betur og koma t veg fyrir hitatap um leið og leka eða raka.
OIl slík vandamál verða úr sögunni.
A klæðning er fáanleg í mörgum fallegum litum sem eru innbrenndir
og þarf því aldrei að mála. Allir fvlgihlutir fást með A klæðningu
sem er mjög auðveld í uppsetningu, afgreiðslufrestur er stuttur.
Komið í veg fyrir vandamálin i eitt skipti fyrir öll og klæðið húsið
varanlegri álklæðningu, það er ódýrara en margir halda.
Sendið teikningu og við munurn reikna út efnisþörf og gera vcrðtilboð
yður að kostnaðarlausu.
y --- FULLKOMIÐ KERFI TIL SIÐASTA NAGLA
INNKAUP HE
ÆGISGÖTU 7, REYKJAVÍK - SÍMI 22000