Morgunblaðið - 23.06.1979, Síða 19

UTGERÐIN
Á næstu síðum eru viðtöl við þrjá fyrirlesara á ráðstefnu sem
nýlega var haldin um reiknilíkön á sviði fiskifræði. Þar gerðu
Þeir grein fyrir niðurstöðum útreikninga sinna á hagkvæmri
sókn í íslenskar botnfisktegundir.
19
MORGUNBLAÐIÐ, LAUGARDAGUR 23. JÚNÍ 1979
Auðlindaskatt
eða óheftasókn?
Arðsemi - eða
botnlaust tap?
greinum og koma þar í vaxandi mæli í stað kostnaðarsamra tilrauna.
I líffræðivísindum er slík reiknitækni minna notuð af eðlilegum
ástæðum. Á ráöstefnunni var þó skýrt frá nokkrum reiknifræðilegum
aðferðum og tilraunum er tengjast fiskifræði á einn eða annan hátt,
einkum varðandi stofnstærðarmat, vistfræði sjávar og fiskihagfræði.
Á ráðstefnunni voru flutt ellefu erindi um ofangreinda málaflokka.
Morgunblaðið vill gefa lesendum sínum innsýn í einn þeirra meö því
að ræða viö þrjá fyrirlesara sem fjölluðu um efnið fiskihagfræði,
en það voru þeir dr. Einar Júlíusson eðlisfræðingur, Ragnar Árnason
haffræöingur og dr. Þorkell Helgason dósent.
Þeir fjölluðu allir um útreikninga á hagkvæmri sókn í íslenskar
botnfisktegundir, einkum
þorskinn; málefni sem
mjög er í brennidepli.
REIKNISTOFA Raunvísindastofnunar Háskóla íslands gekkst
í byrjun þessa mánaðar fyrir ráðstefnu um reiknilíkön á sviði
fiskifræði. Með sívaxandi tölvutækni er unnt að gera ýmsa
flókna útreikninga sem áður var örðugt, ókleift eða of
kostnaðarsamt að framkvæma. Þar við bætist að þegar
slíkt reiknikerfi hefur verið gert er
auðvelt og ódýrt að endurtaka
reikningana með breyttum forsendum.
Reiknilíkön í tölvum geta kannaö
mikinn fjölda möguleika við lausn
gefinna vandamála, jafnvel leitað
að þeirri lausn er best uppfyllir
gefin skilyrði. Slík reiknilíkön
eru mjög mikið notuð í
verkfræðilegum