Morgunblaðið - 17.07.1979, Blaðsíða 34
42
MORGUNBLAÐIÐ, ÞRIÐJUDAGUR 17. JÚLÍ1979
Ram og Singh keppa að
líkindum um forsætisráð-
herrastarfið á Indlandi
- eftir að Desai lét loks undan og sagði af sér um helgina
Delhi 16. júlf. Reuter. AP.
TVEIR metnaðargjarnir
stjórnmálamenn eru taldir
munu bítast um embætti forsæt-
isráðherra Indlands eftir að
Moraji Desai dróst loks á það að
segja af sér á sunnudag. Þá
höfðu fylkingar hans riðlast
svo að vonlaust var talið að
stjórn hans myndi halda velli í
atkvæðagreiðslu um vantraust
sem átti að fara fram f dag,
mánudag.
Þessir tveir menn eru Jagjiv-
an Ram 71 árs gamall og
Charan Singh, fjármálaráð-
herra, 76 ára. Þeir komu báðir
til álita f embættið þegar Desai
varð forsætisráðherra 1977.
Singh, sem nýtur mikils
stuðnings meðal bænda nýtur
stuðnings Indiru Gandhi, fyrr-
verandi forsætisráðherra, og
kann það að verða til þess að
andstæðingar Gandhi, sósíalist-
ar sem snerust gegn Desai í sl.
viku fáist ekki til að fylkja sér
um hann. Singh varð í forsvari
þess meginhóps sem sagði sig úr
Janatabandalaginu í fyrri viku.
Ram er af mörgum talinn
sigurstranglegri. Hann er þekkt-
astur og atkvæðamestur fulltrúi
„hinna ósnertanlegu" en þeir eru
um eitt hundrað milljónir tals-
ins í Indlandi. Hann er reyndur
stjórnmálamaður og hefur þjón-
að öllum forsætisráðherrum síð-
an landið fékk sjálfstæði árið
1947. Margir telja að hann
myndi geta fengið ýmsa brott-
hlaupna Janatafulltrúa til að
snúa aftur.
Moraji Desai sem er 93 ára
gamall afhenti afsagnarbréf sitt
Moraji Desai
forseta landsins, Sanjiva Reddy,
síðla á sunnudag. Hann var
fáorður við fréttamenn, en sagði
að hann myndi vera áfram í.
fyrirsvari stjórnarinnar unz ný
stjórn yrði mynduð.
Hann hafði alla síðustu viku
þverskallazt við áskorunum fylg-
ismanna sinna að segja af sér
þegar sýnt var að ríkisstjórn
hans hafði ekki meirihluta.
meira að segja hafði hann látið
sem vind um eyru þjóta orð
formanns Janatabandalagsins,
Chandra Shekhar, sem sagði að
„þjóðin væri búin að glata trúnni
á stjórnina." Iðnaðarráðherrann
George Fernandes afhenti Desai
afsagnarbeiðni sína í gær og
mun það hafa átt sinn þátt í að
Desai sá sitt óvænna og ákvað að
láta af störfum. Hins vegar
Jagjivan Ram
sögðu ýmsir honum nánir að
hann væri óbugaður og teldi að
eðlilegt væri að Reddy fæli
honum stjórnarmyndun.
Desai hefur stjórnað í rúm tvö
ár. Janatabandaiagið sem var
samsteypa fimm flokka er höfðu
það fyrst og fremst að markmiði
að koma Indiru Gandhi frá
völdum, hafði mjög mikinn
þingmeirihluta við upphaf
stjórnar hans. En mjög fljótlega
fór að kvarnast af því. Desai
hefur þótt öfgafullur ofstækis-
maður, lítt snjall í stjórnun og
hefur að margra dómi ekki verið
fær um að vinna að framgangi
þeirra mála sem öllu skipta
framtíðargengi Indlands. Desai
hét því að útvega öllum atvinnu
og fátækt skyldi útrýmt innan
tíu ára. Hann hét því að binda
endi á ofsóknir á hendur „hinum
ósnertanlegu" -harijans- og
hann vildi berjast fyrir því að
þurrka Indland, svo að ekkert
áfengi yrði þar á boðstólum. Má
segja að honum hafi orðið nokk-
uð ágengt í því síðast talda, en
það hefur einnig orðið til að
auka andúðina gegn honum, þar
sem menn hafa metið það svo að
stórkostleg vandamál væru
óleyst og ekki sinnt meðan Desai
fór um landið þvert og endilangt,
hélt bindindisræður og veitti
viðurkenningu þar sem sérstak-
lega vel hafði tekizt til að hans
dómi.
Trúmálaóeirðir hafa sjaldan
verið eins grimmilegar og blóð-
ugar og sl. ár og stuðningur
stjórnar hans við það að Hindi
yrði sameiginleg tunga lands-
manna vakti reiði margra enda
eru milljónir í Indlandi sem
hvorki tala né skilja Hindi,
einkum í suðurhlutanum.
Indira Gandhi fyrrverandi
forsætisráðherra var í Bangal-
ore þegar fréttin um afsögn
Desai barst henni. Hún sgaði að
það væri ömurlegt hversu skorti
á alla reins og virðugleika varð-
andi afsögnina. Janatabandalag-
ið hefði tekið við stjórn með
brauki og bramli en hyrfi nú frá
með hinni mestu sneypu eftir
botnlausar ófarir. Hún ítrekaði
það sem hún sagði í símtali við
Mbl. á dögunum, að flokkur
hennar, klofningsflokkur Kongr-
essflokksins, myndi ekki fara í
ríkisstjórn, en ekki væri útilokað
að veita hugsanlegri stjórn
stuðning ef tryggður væri réttur
minnihlutahópa og unnið að því
að halda þjóðinni saman.
Veður
víða um heim
Akureyri 12 alskýjaö
Amsterdam 16 skyjaó
Apena 31 heióskírt
Barcelona 26 léttskyjaó
Berlín 17 rigning
Brussel 21 skýjaó
Chicago 30 heiðskírt
Frankfurt 23 skýjaó
Genf 25 mistur
Helsinki 22 skýjaó
Jerúsalem 30 heíóskfrt
Jóh.borg 18 heióakfrt
Kaupm.höfn 17 rigning
Lissabon 35 heióskírt
London 22 heióskírt
Los Angeies 26 heióskírt
Madríd 32 skýjað
Malaga 29 skýjaó
Mallorca 28 heióskírt
Miami 31 skyjaó
Moskva 22 skýjað
New York 31 skýjað
Osló 14 rigning
París 23 skýjað
Reykjavík 10 alskýjað
Rio de Janeiro 28 heiðskfrt
Rómaborg 32 heíóskírt
Stokkhólmur 17 skýjað
Tef Aviv 30 heióskírt
Tókýó 24 skýjaó
Vancouver 24 heióskírt
Vínarborg 24 skýjaó
Brussel 16. júll AP. Reuter.
Mannréttindadómstóll Evrópu
hefur fallizt á að fjalla um mál
belgískrar konu, sem lét kyn-
breyta sér, en belgfskir dómstólar
hafa síðan neitað að skrá hana
sem karlmann.
Er hér um að ræða Daniel van
Ooosterwiijk, þrjátíu og sex ára
gamlan mann, sem var áður kona
og hét þá Christine Danielle. Sex ár
eru síðan Daniel fór þess fyrst á
leit að hann yrði viðurkenndur sem
karlmaður, en hann lét breyta sér
úr konu með hormónagjöfum og
skurðaðgerðum á árunum 1969 til
1973. Fór málið bæði fyrir undir-
Japönum
fjölgar
JAPANIR voru 115,3 milljónir 31.
marz síðastliðinn, og hafði þeim
fjölgað um 1,01 milljón frá því árið
áður. Karlmenn voru 56,888,108
talsins, og konur 58,398,667.
A seinustu árum hefur mannfjölg-
un í Japan farið minnkandi með ári
hverju. Ársfjölgunin nam 1,37 millj-
ónum manns árið 1975, 1,2 milljón-
um árið 1976, 1,08 milljónum árið
1977, 1,05 milljónum árið 1978, og í
ár var fjölgunin 1,01 milljón, eins og
áður segir.
rétt og hæstarétt í Belgíu. Hæsti-
réttur staðfesti niðurstöðu undir-
réttar á þá leið að belgísk lög leyfi
ekki kynjabreytingar á opinberum
skýrslum. Daniel ákvað þá að vísa
málinu til Mannréttindadómstóls-
ins. Talsmaður hans sagði að mála-
tilbúnaður væri allur ágæta vel úr
garði gerður og myndi niðurstöðu
að vænta innan tíðar.
Þetta gerðist
Mannréttindadómstóll-
inn fjallar um kynskipti
Nixon bauð
200 í veizlu
San Clemente, 16. júlí Reuter.
RICHARD Nixon fyrrverandi
forseti hélt í gær veizlu fyrir 200
manns, þar á meðal 15 fyrrver-
andi geimfara, í tilefni af því að
10 ár eru liðin frá lendingu
bandarískra geimfara á tungl-
inu.
Þetta er ein af fáum veizlum,
sem Nixon hefur haldið síðan
hann neyddist til að segja af sér
sem forseti vegna Watergate-
hneykslisins 1974, og líklega sú
síðasta sem hann heldur á heimili
sínu, Casa Pacifica. Hann hefur
selt húsið kaupsýsiumanni í bæn-
um og ætlar að flytja spölkorn í
burtu eftir um það bil einn mánuð.
Kommum
fækkar
London, 16. júll, AP.
BREZKI kommúnistaflokkurinn
tilkynnti í dag að á sfðustu
tveimur árum hefði félögum í
flokknum fækkað um fimmtung.
f júlf 1977 hefðu flokksfélagar
verið 25,293 talsins, en nú væru
þeir 20,599, að því er tilkynnt var
f forsfðufrétt á blaðinu Morning
Star, sem verið hefur málgagn
flokksins.
Kommúnistaflokkurinn sem á
engan þingmann, hefur ekki haft
mikil áhrif í brezkum stjórnmál-
um og hefur meðlimum fækkað
stöðugt frá 1975. í tilkynningu
flokksins sagði að það væri mikið
áfall fyrir flokkinn og hin fram-
farasinnuðu öfl hversu flokkurinn
minnkaði.
„Megin ástæðan fyrir fækkun-
inni er að okkur hefur ekki tekist,
hvorki í orði né á borði, að
sannfæra fjölda fólks um þá
aðkallandi nauðsyn sem er fyrir
flokkinn," sagði í tilkynningu
flokksins. Einnig sagði þar að það
hefði haft áhrif hversu mikið
sundurþykki væri í alþjóðahreyf-
ingu kommúnista og hversu tak-
mörkuð lýðréttindi væru í
kommúnistaríkjum.
1975 — Bandarískir og sovézkir
geimfarar tengja saman geimför
sín í geimnum.
1970 — Lík Pedro Aramburu, fv.
forseta Argentínu, finnst eftir
rán hans — Eldur í norska
skemmtiferðaskipinu „Fulvia"
miðja vegu milli Kanaríeyja og
Madeira (719 bjargað).
1965 — Fyrstu loftárásir banda-
rískra B52-sprengjuflugvéla frá
Guam á Víetnam.
1958 — Brezkir fallhlífaher-
menn koma til Jórdaníu að
beiðni Husseins konungs.
1945 — Potsdam-ráðstefnan
hefst.
1937 — Flotasamningar Breta
og Þjóðverja og Breta og Rússa
undirritaðir.
1936 — Borgarastríðið á Spáni
og hefst með uppreisn Francos.
1928 — Obregon Mexíkóforseti
ráðinn af dbgum og Milio Portes
Gil tekur við.
1917 — Brezka konungsfjöl-
skyldan tekur sér nafnið Winds-
or og leggur niður nafnið Hann-
over.
1898 — Spánverjar gefast upp
fyrir Bandaríkjamönnum í
Santiago, Kúbu.
1821 — Spánverjar láta Florida
formlega af hendi við Banda-
ríkjamenn.
1791 — Champ de Mars fjölda-
morð Lafayettes og reglu komið
á í París.
1596 — Sir Francis Walsingham
afhjúpar Babington-samsærið
fim að myrða Elísabetu I og
sannar hlutdeild Maríu Skota-
drottningar.
Afmæli. — Isaac Watts, enskur
klerkur (1874—1748) - David
Lloyd George, brezkur
stjórnmálaleiðtogi (7$63—1945)
Andlát. — Adam Smith, hag-
fræðingur, 1790.
Innlent. — „Graf Zeppelin" í
heimsókn 1930 - Stytta Leifs
heppna afhjúpuð. 1932 - Fyrsti
flugdagur á íslandi 1938 - Danir
sigra í fyrsta landsleik íslend-
inga í knattspyrnu (3:0) 1946 -
Hlutafélag iðnstofnunar stofnað
1751 - Islandssiglingar Eng-
lending^bannaðar án leyfis 1449
- d. Guðmundur Finnbogason
1944 - f. Eiríkur Briem 1846 -
Guðmundur í. Guðmundsson
1909.
Orð dagsins. — Peningaskortur
er undirrót alls ills — G.B.
Shaw, írskur rithöfundur
(1856-1950).