Morgunblaðið - 19.07.1979, Blaðsíða 11
MORGUNBLAÐIÐ, FIMMTUDAGUR 19. JÚLÍ1979
11
Gert klárt fyrir veiðiferð út á ísinn.
mikið, en þeir nýta vel það hráefni
sem þeir hafa til matar.
Það var skemmtilegt að sjá
þegar veiðimennirnir drifu sig út
á ísinn til veiða. Það var svo mikið
að gera þá stundina að það var
eins og allt togaði í alla. Hundarn-
ir toguðu í festarnar, veiðimenn
toguðu sleðana og konurnar far-
angurinn út á sleðana. Þegar allt
var klárt var ankeristaug hund-
anna sleppt og þeir þutu af stað
með hrópandi veiðimenn á hælun-
um og slatta af strákum sem
höfðu espast af spenningi.
Þá var ekki síður tilþrifamikið
að sjá þegar veiðimennirnir voru
að koma heim eftir jafnvel margra
vikna útivist. Vinir og vandamenn
komu að vörmu spori niður að
strönd og það var merkilegt að það
var oft eins og menn vissu nokk-
urn veginn hvenær von var á
hverjum, tíðindi höfðu borist utan
af ísnum með öðrum veiðimönnum
sem vissu að þessi ætlaði að koma
heim ef veðrið yrði svona eða
hinsegin í einhvern tíma og þann-
ig var velt vöngum á ýmsa vegu.
Svo gátu menn spáð í það með
nokkrum fyrirvara hvaða sleðar
væru að koma, því frá því að
sleðarnir sjást frá þorpinu tekur
sleðaferðin um 1—2 tíma og það
brást ekki að þegar veiðimennirn-
ir voru að koma heim að strönd-
inni þá góluðu þeir og hóuðu af lífs
og sálar kröftum og létu hundana
spreyta sig eins og þeir lifandi
gátu. Það var sem sagt rennt í
hlað með miklum stíl.
Þá var að koma veiðinni til húss
og mörgum bitanum var laumað
til vina og vandamanna og þó
sérstaklega til eldra fólks sem
hafði sungið sitt síðasta í hinni
hörðu baráttu á slóðum norðurs-
ins.
Þegar veiðimaðurinn hafði
bundið hunda sína með aðstoð
móttökuliðsins þá var að koma sér
til húss. Pottur var þá ávallt á
kabyssuni og maturinn kraumaði,
en móttökuliðið settist niður í
þröngu en hlýlegu húsnæði og
hlustaði á veiðimanninn segja
undan og ofan af veiðiferðinni.
Þannig fengu heimamenn tæki-
færi til þess að lifa sig inn í lífið
úti á ísnum, lífið 9em þeir voru svo
virkir þátttakendur í, en höfðu
það hlutskipti að vera heima.
Þetta fólk hefði ekki skilið tölvu-
reikninga hins opinbera, en það
skildi hvernig náunganum leið og
reyndi að gera gott úr öllu.
Tvær stöllur á brúnni góðu sem
tengir saman byggðina og er
greiðfærasta leiðin þegar mikið
snjóar.
Ung Qanaqstúlka að leik.
Kepptu í
motocross
á vélhjólum
Vélhjólaklúbburinn gekkst fyrir motocross keppni síðast liðin sunnudag að Sandfelli við Þrengslaveg.
Var þetta önnur keppnin á sumrinu en þær verða alls þrjár og gefur hver keppni stig í
íslandsmeistaratitil. Keppt var í tveim flokkum. Á stórum vélhjólum sigraði Kári Tryggvason, Suzuki
RM 125, í öðru sæti varð Lárus Guðmundsson, Suzuki RM 370, og í þriðja sæti varð Þorvarður
Björgúlfsson. Suzuki RM 400. Á skellinöðrum sigraði Björgvin Bjarnason, Yamaha MR 50, í öðru sæti
varð Oddur Vífiisson, Yamaha MR 50, og í þriðja sæti varð Grétar Bárðarson, Honda S 50. Keppnin
fór í alla staði vel fram og varð ekki betur séð en áhorfendur færu ánægðir heim, að því er segir í frétt
frá Vélhjólaklúbbnum.
Rirtner tFuxur
TískLtvörur
fraDance Centre
...oglífiö brosirvió þér
LAUGAVEGI27 / SÍMI1 44 15