Morgunblaðið - 02.08.1979, Blaðsíða 19

MORGUNBLAÐIÐ, FIMMTUDAGUR 2. ÁGÚST 1979
19
Æskulýðsfélög
innan kirkjunnar
BLAÐINU hefur borist eftirfar-
andi frá Æskulýðsstarfi þjóð-
kirkjunnar:
Æskulýðsfélög eða hópar eru
starfandi innan kirkjunnar á
15—20 stöðum á landinu. Hópar
þessir eru misgamlir og ólíkir að
stærð. Sumir þeirra starfa á svip-
aðan hátt og af sama krafti ár
eftir ár, hjá öðrum er meiri sveifla
í starfseminni.
Æskulýðsfélög kirkjunnar
starfa almennt meðal 13—20 ára
unglinga. í nokkrum félögum er 12
ára aldurinn með, en hjá öðrum
geta menn ekki gerst félagar fyrr
en eftir fermingu.
Markmið æskulýðsfélaga kirkj-
unnar er að hvetja og styðja
einstaklingana í því að hafa
Jesúm Krist að leiðtoga lífsins og
efla kristilegt líf og starf kirkj-
unnar. Að þessu markmiði vinna
þau með því að hafa helgistundir á
samverum sínum, taka þátt í
messum og veita ýmsa aðstoð í
söfnuði sínum.
Félögin haga starfi sínu á ýmsa
vegu eftir aðstæðum og áhuga. Af
fjölbreyttum verkefnum má
nefna:
1) Aðstoð í söfnuði sínum við
barnastarf, messur o.fl.
2) Taka þátt í eða standa fyrir
heimsóknum á stofnanir, svo
sem sjúkrahús og elliheimili.
3) Útbúa jólagjafir, skreytingar
eða annað til að gefa öldruðum
eða sjúkum.
4) Heimsóknir í önnur æskulýðs-
félög.
5) Ferðalög.
6) Blaðaútgáfa.
7) Mót eða námskeið.
Auk þess má nefna sameiginleg
verkefni margra félaga, svo sem
Æskulýðsráð:
Þrjár umsóknir
um starf fram-
kvæmdastjórans
ÚTRUNNINN er umsókn-
arfrestur um starf fram-
kvæmdastjóra Æskulýðs-
ráðs Reykjavíkur. Bárust
þrjár umsóknir frá: Ómari
Einarssyni fulltrúa hjá
Æskulýðsráði, Hilmari
Jónssyni bókaverði og
Gylfa Kristinssyni sem er
formaður Æskulýðssam-
bands íslands.
Næsti fundur Æskulýðs-
ráðs er ráðgerður á föstu-
daginn og verða umsóknir
lagðar fram þar.
ÞU AUGLYSIR UM
ALLT LAND ÞEGAR
ÞÚ AUGLÝSIR í
MORGUNBLAÐINU
m
jn \l f.LVSINf. \ simiw i:k. 22480
mót, námskeið, ráðstefnur og
fundi. Félögin á Norðurlandi hafa
staðið sig best í samstarfi á
breiðum grundvelli. Þau hafa með
sér sérstakt æskulýðssamband
kirkjunnar, ÆSK í Hólastifti, sem
stendur m.a. fyrir 2 árlegum
mótum, blaðaútgáfu (Æskulýðs-
blaðinu) og jólakortaútgáfu.
Alls staðar eiga æskulýðsfélög
kirkjunnar við einhver vandamál
að stríða. í stærri bæjum er
samkeppni við aðra félagsstarf-
semi, í fámennum þorpum er
skortur á eldri árgöngum, sem
geta tekið á sig ábyrgð og forystu,
og í sveitum eru fjarlægðir til
trafala. Af þessu mótast mismun-
andi starfsfyrirkomulag.
„Æskulýðsstarf Þjóðkirkjunn-
ar“ er eins konar tengiliður allra
félaganna og veitir aðstoð við
fundi, mót og annað eftir óskum
og aðstæðum, útvegar efni o.fl.
Æskulýðsstarfið hefur einnig
staðið fyrir nokkrum námskeiðum
fyrir æskulýðsleiðtoga. Gefst þá
eldri félögum og öðrum, sem
starfa í æskulýðsfélögum innan
kirkjunnar eða hafa áhuga á
starfinu, tækifæri til að þjálfa sig
og kafa dýpra í því, hvað kristilegt
æskulýðsstarf er.
Æskulýðsstarf Þjóðkirkjunnar
hefur yfirlit yfir þá starfsemi sem
fer fram og veitir upplýsingar um
þáð, hverjum sem kynni að hafa
áhuga á að vita meira.
Æskulýðsstarf Þjóðkirkj-
unnar
Biskupsstofu
Klapparstíg 27.
Frá Æskulýðsráði Húsavíkurkirkju.