Morgunblaðið - 02.08.1979, Blaðsíða 33
MORGUNBLAÐIÐ, FIMMTUDAGUR 2. ÁGÚST 1979
33
Síðustu 1000 metrarnir
gífurlega erfiðir
í þessari síðustu atlögu er
hækkunin um 1000 metrar, og því
mæddust menn gífurlega, en beitt
var þeirri aðferð að anda mjög
djúpt og fá þannig sem allra mest
súrefni í lungun. Þetta gekk hægt
og sígandi þrátt fyrir að mjög
margar hvíldir væru teknar. Á
tindinum stóðu svo félagarnir
fimm eftir um sex tíma klifur.
Fyrsta sinn sem íslenzkur fjall-
göngumaður stendur á tindi
Mount McKinley, hæsta fjalls
Norður-Ameríku, sem er 6194
metra hátt og þetta er að sjálf-
sögðu það hæsta sem Arnór hefur
klifið um ævina. — Frá tindinum
var mjög fögur fjallasýn, því
veðrið var eins og það bezt getur
orðið. Það mátti sjá tindana frægu
Mount Foraker og Mount Hunter.
Eftir að teknar höfðu verið nokkr-
ar myndir fóru menn að búa sig til
niðurferðar aftur. Hún gekk stór-
slysalaust, en það lá við að maður
sofnaði á leiðinni sagði Arnór
þegar hann kom niður, svo syfjað-
ur var maður eftir rúman hálfan
sólarhring á göngu. Á tindinum
var frostið um 30 gráður, en
lækkaði þegar neðar dró og var
um 20 gráður í tjaldbúðunum.
Þegar hópurinn sneri aftur voru
allir steinsofandi í tjaldbúðunum
og var ameríski vinur okkar orð-
inn mjög illa haldinn, nær alveg
meðvitundarlaus. Matarlystin var
ekki mikil hjá mönnum og var því
farið í svefnpoka hið snarasta,
eftir erfiðan dag.
Hresstust strax
á niðurleiðinni
Arngrímur og Helgi voru ennþá
mjög þjakaðir að morgni, þannig
að þeir voru ekkert yfir sig hressir
Arnór slappar af eftir uppferðina.
með að halda af stað niður. Það
var þó ákveðið að reyna og Arn-
grímur fór í línu með Ný-Sjálend-
ingum sem voru að fara niður eftir
að hafa klifið tindinn og síðan
færu Arnór og Helgi saman í línu.
Niðurferðin gekk mjög hægt fyrir
sig enda menn með miklar byrðar
og félagarnir ekki upp á það besta.
Þegar komið var niður í búðir í um
3800 metra hæð voru strákarnir
orðnir það þrekaðir að ákveðið var
að tjalda og láta fyrirberast þar
um nóttina.
Eftir að hafa sofið í rúman
hálfan sólarhring í einum dúr
dröttuðust menn á fætur og Arn-
grímur og Helgi fengu sér í gogg-
inn í fyrsta sinn í þrjá daga, en
þeir voru farnir að hressast nokk-
uð af fjallaveikinni, sem hrjáð
hafði þá undangengna daga. Það
hafði ekki gengið eins vel hjá vini
okkar sem hvað verst varð úti.
Hann var sóttur í sjúkraflugvél í
um 4400 metra hæð, en þar var
hann orðinn gjörsamlega meðvit-
undarlaus og þurfti að gefa honum
súrefni. Honum var síðan flogið
alla leið til Anchorage á sjúkrahús
og þurfti að gefa honum stöðugt
súrefni. Ferðin niður í aðalbúðir
gekk þokkalega fyrir sig enda
veður gott. — Er þangað var
komið, var gamla matarlystin
komin í sitt gamla form aftur. Það
var eins og menn hefðu ekki
smakkað matarbita í margar vik-
ur, slík var græðgin. Matnum var
svo auðvitað skolað niður með 5
bjórum sem „indíánakerlingin"
svonefnda bauð mönnum upp á.
Til skýringar þá er indíánakerl-
ingin starfsmaður flugmannanna
og fylgist með veðri uppi á jöklin-
um. Hún kallar flugmennina upp í
gegnum talstöð þegar óhætt er að
fljúga. „Það þýðir nefnilega ekkert
að taka mark á veðurspánni,
McKinley hefur sitt eigið veður-
far,“ sagði vinur okkar Cliff Hud-
son, sem sveif inn til lendingar
aðeins klukkutíma eftir að við
komum í búðirnar. Það var því
ekki lítil gleði að þurfa ekkert að
bíða, því það er algengt að menn
þurfi að bíða allt upp í vikutíma
eftir flugfari. Það getur verið
úrvalsveður allt í kringum fjallið
en þokubakki yfir lendingarstaðn-
um á jöklinum og þá er bara að
bíða.
Það var svo aftur tekið til við
matinn og bjórinn þegar niður í
Talkeetna kom, en þar fengum við
inni á Talkeetna Model, þar sem
við dvöldum dagana á undan
ferðinni, meðan beðið var eftir
flugveðri.
Daginn eftir var svo farið með
lestinni til Anchorage og haldið
beint upp á flugvöll til að reyna að
fá far, því flugmiðinn var opinn til
baka þar sem óvíst var hvenær
flogið yrði. Það furðulega gerðist
að við fengum bókað far alla leið
heim þrátt fyrir öll vandræðin
vegna kyrrsetningar DC-10 þotn-
anna.
Frá Anchorage var flogið með
millilendingu í Seattle til Chicago,
en þar var ætlunin að hafa smá-
stopp til að verzla og þess háttar.
Það var svo ánægður hópur sem
lenti á Keflavíkurflugvelli eftir
mánaðar fjarveru, menn voru
búnir að fá sig fullsadda af út-
löndum.
Að síðustu viljum við koma á
framfæri þakklæti til allra þeirra,
sem studdu okkur fjárhagslega til
að gera það framkvæmanlegt að
fara ferðina, en það voru: Morgun-
blaðið, Flugleiðir, Skátabúðin,
Útilíf og Andri h.f.
Arnór og Arngrímur áöur en Arnór lagói í’ann.
Sjómannafélag Reykjavíkur:
Tekur undir
harda gagnrýni
á ríkisstjórnina
EFTIRFARANDI samþykkt var
gerð á aðalfundi Sjómannafélags
Reykjavíkur 26. júlí s.l.
Aðalfundur Sjómannafélags
Reykjavíkur haldinn þann 26. júlí
1979 tekur undir þá hörðu sam-
hljóða gagnrýni sem fram hefur
komið á ríkisstjórnina frá sam-
tökum launþega að undanförnu.
Flest hefur snúist til verri vegar
í þróun kjara- og verðlagsmála og
verður erlendum oliuhækkunum
ekki kennt nema um hluta óða-
verðbólgunnar. Hátekjuhópar
hafa heimtað i sinn hlut ómældar
launahækkanir í skjóli „láglauna-
stefnu" stjórnvalda og stöðugt
berast hærri kröfur frá hátekju-
hópum á sama tíma og verðbólgan
eykst hröðum skrefum ekki síst
vegna hækkana hvers konar opin-
berrar þjónustu. En á sama tíma
og ríkisstjórnina vantar festu og
stefnu til að berjast gegn þessum
verðhækkunum skerðir hún vísi-
tölugreiðslur á almennt kaup. Hún
hefur breytt ítrekað kjarasamn-
ingum fiskimanna með lögum,
hefur stofnað til nýs sjóðakerfis
og fara nú 24% af aflaverðmæti
beint til útgerðanna fram hjá
aflaskiptum.
Aðalfundur S.R. lýsir því yfir að
sjómenn eru reiðubúnir til raun-
hæfrar baráttu gegn verðbólgu, en
sú barátta verður að felast í öðru
en einhliða vísitöluskerðingu og
stóraukinni skattheimtu ríkis-
stjórnarinnar.
Fundurinn varar við stefnu vax-
andi launamunar ef ekki liggja að
baki forsendur svo sem í afköst-
um, vinnuálagi og vinnuaðbúnaði.
Fundurinn skorar á stjórnvöld
að hefjast þegar handa um sparn-
að í opinberum rekstri, beita sér
fyrir samningum um nýtt vísitölu-
kerfi með þaki á vísitölu hærri
launa en berjast gegn öðrum
sjálfvirkum hækkunum.
Aðalfundur S.R. minnir ríkis-
stjórnina og stuðningsflokka
hennar á loforð sín um að tryggja
kaupmátt almenns launafólks
miðað við samningana frá 1977,
vaxandi launajöfnuð og fordæm-
ingu á afskiptum ríkisstjórnar og
Alþingis af kjarasamningum.
Þetta vilja sjómenn styðja,
kaupmáttur lægri launa verður að
hafa algjöran forgangsrétt og
síðan verður að stefna að aukn-
ingu kaupmáttar alls almennings
um leið og unnið verður að félags-
legum umbótum.
Húseigendafélag Rvíkur gefur út bók:
„Um réttarstöðu
íbúðareigenda í
fjölbýlishúsum,,
Húseigendafélag Reykjavíkur
hefur gefið út bókina „Um réttar:
stöðu ibúðareigenda í fjölbýlis-
húsum“ eftir Sigurð H. Guðjðns-
son framkvæmdastjóra félagsins
og er efni hennar ritgerð Sigurð-
ar í sambandi við embættispróf f
lögfræði.
Aðalfundur Húseigendafélags
Reykjavíkur var haldinn 18. júlí
sl. í ræðu formanns, Páls S.
Pálssonar hrl., kom fram að á
síðasta ári leituðu um 400 aðilar
til lögfræðings félagsins, og var
stærsti málahópurinn ýms ágrein-
ingsefni íbúðareigenda í fjölbýlis-
húsum.
Miklar umræður urðu á fundin-
um um nýsamþykkt lög um húsa-
leigusamninga og segir í frétt
félagsins, að fundarmenn hafi
verið á einu máli um að lögin væru
mikil réttarbót, bæði fyrir húseig-
endur og leigjendur.
Formaður Húseigendafélags
Reykjavíkur var kjörinn Páll S.
Pálsson, hæstaréttarlögmaður.
Aðrir í stjórn eru: Alfreð
Guðmundsson, forstöðumaður,
Guðmundur R. Karlsson, fulltrúi,
Lárus Halldórsson, endurskoð-
andi, og dr. Páll Sigurðsson
dósent. I varastjórn voru kjörnir:
Gylfi Thorlacius, hrl., Birgir Þor-
valdsson, forstjóri og Sigurður H.
Guðjónsson, lögfræðingur. Fram-
kvæmdastjóri og lögfræðingur
félagsins er Sigurður H. Guðjóns-
son.
DAGANA 17. JÚNÍ — 26. JÚNÍ
Frjálsiþró»asarrbond (slands
íþróttamiðstöðinni
laugardal
104 Reykjavík
NS 0634
Umslögin sem gefin voru út í samhandi við Landshlaup FRÍ á diigunum.
Aftan á umslögunum eru átta mismunandi póststimplar. en umslögin voru
póststimpluð á hverjum degi landshlaupsins. og við upphaf og lok
hlaupsins.
Landshlaupsumslög
ÍTILEFNI af Landshlaupi
FRÍ á dögunum voru gefin út
2.000 frfmerkt umslög með
merki hlaupsins. Þessi umslög
voru síðan stimpluð við upphaf
og lok hiaupsins, svo og dag-
lega meðan hlaupið stóð yfir.
Það sem eftir er ef þessum
umslögum verður til sölu á
skrifstofu Frjálsíþróttasam-
bands íslands í Iþróttamiðstöð-
inni í Laugardal, en skrifstofan
er opin virka daga frá 9—17 e :
sími þar er 83386. M“ðfy’,x» i
mynd er af eino untsiagao"