Morgunblaðið - 03.08.1979, Blaðsíða 2

2
MORGUNBLAÐIÐ, FÖSTUDAGUR 3. ÁGÚST 1979
Aðeins einn júlí-
mánuður kaldari á
öldinni í Reykjavík
JÚLÍMÁNUÐUR sl. var óvenju-
kaldur um allt land og er þetta
þriðji mánuðurinn í röð, þar sem
meðalhiti er langt undir meðal-
lagi að sögn Veðurstofu íslands. í
Reykjavík var meðalhiti 9,°C
sem er 1.6°C lægra en í meðalári.
Hefur aðeins einn júlfmánuður á
þessari öld verið kaldari, en það
var 1970, er meðalhiti var 9.5°C.
Hlýjast varð þann 24, en þá
komst hitinn í 19°C.
Á Akureyri var meðalhitinn
8.6°C sem er 2.3°C kaldara en í
meðallagi. Er þetta fjórði kaldasti
júlí þar síðan um aldamót.
Meðalhitinn á Höfn í Hornafirði
var aðeins 8.2°C, sem er 2.7°C
undir meðallagi. Er það 0.5°C
kaldara en þar hefur nokkru sinni
mælst áður í júlí.
Séu júní og júlí skoðaðir sem
heild kemur í ljós, að þessi fyrri
hluti sumars er ásamt 1975 sá
kaldasti í Reykjavík síðan 1887.
Úrkomumagnið í Reykjavík var
48 mm, sem er meðalúrkoma. Mest
úrkoma féll þ. 16., en síðustu 11
daga mánaðarins mæ'dist engin
úrkoma í Reykjavík. Sólskin þar
mældist í 167 klst., sem er 11
stundum færra en venja er til.
Á Akureyri var úrkoman aðeins
14 mm, sem er 39% af meðal
úrkomu júlímánaðar þar. Sól
skein þar í 114 klst. og er það 33
stundum færra en í meðalári.
Á Höfn var úrkoman 38 mm,
sem er 41% af meðalúrkomu-
magni.
Heimsmeistaramót unglinga í skák;
Margeir vann
MARGEIR Pétursson, sem nú
teflir á heimsmeistaramóti ungl-
inga í Skien í Noregi, vann í gær
Motwania frá Skotlandi, fyrrver-
andi heimsmeistara sveina í
sjöttu umferð mótsins. Skákin
var stutt, 29 leikir, og náði
Margeir fljótlega mjög öflugu
frumkvæði. Margeir, sem stýrði
hvftu mönnunum f þessari skák,
lék laglega á andstæðing sinn,
vann af honum skiptamun og
eftir það var staða Skotans von-
laus og gafst hann upp stuttu
sfðar.
Staða efstu manna eftir sjöttu
umfeiðina er þannig að efstir eru
þeir Chernin frá Sovétríkjunum
og Seiravan frá Bandaríkjunum
með 5 vinninga, síðan koma Kum-
ar frá Indlandi, Negelescu frá
Rúmeníu og Barbero frá Argen-
tínu, með 4,5 vinninga. Næstir í
röðinni eru Margeir, en hann er
með 4 vinninga, Hong-Ding frá
Kína, og Handoko frá Indónesíu.
í síðustu umferð gerðist það
helst markvert, að sigri Margeirs
frátöldum, að fyrrverandi heims-
meistari unglinga, Alexander
Jusupov, tapaði fyrir Cusi frá
Filippseyjum, en hann hefur ekki
verið hátt skrifaður í skákheimin-
um hingað til. Þetta er annað tap
Sovétmannsins í röð á mótinu.
Þrettán umferðir verða tefldar
á mótinu. Það er því tæplega
hálfnað og getur því margt breyst
enn og fleiri óvænt úrslit orðið.
Brotist inn hjá Norðurtanganum á ísafírði:
Ætluðu á kvennafar
— lentu í búrinu
ísafirði. 2. ágúst.
SÍÐASTLIÐNA nótt var brotist
inn hjá Hraðfrystihúsinu Norð-
urtanga h.f. á Isafirði og stolið
nokkru magni af unnum matvæl-
um úr frystigeymslum kjöt-
vinnsludeildar fyrirtækisins.
Sást til þjófanna. þegar þeir voru
að bera matvælin um borð f bát
sinn reykvískan, sem lág hér í
höfninni.
Við rannsókn málsins upplýstist
að tveir piltar af bátnum höfðu
lent á kendirí um kvöldið. Fréttu
þeir á skotspónum að verbúðir
væru við eitt frystihúsið á staðn-
um. Þegar Bakkus var búinn að
telja í þá nógan kjark fóru pilt-
arnir að leita verbúðanna. Fundu
þeir frystihús, þar sem gardínur
og þess slags fínerí sást á efstu
hæð. Töldu þeir þar komnar ver-
búðirnar og leituðu uppgöngu.
Klifruðu upp á fiskikassastæður
(tómir kassar), sem stóðu undir
húsveggnum og ná upp á þriðju
hæð hússins. Þar komust þeir inn
um ólæstar dyr, sem notaðar eru
til að taka inn fisk og stórar
vélasamstæður. Þeir komust
fljótlega að raun um að ekkert
fólk bjó í húsinu, enda gardínurn-
ar á skrifstofum fyrirtækisins.
En þar sem þeir voru nú staddir
í kjötvinnsludeild fyrirtækisins og
orðnir svangir tóku þeir til í kassa
ýmislegt góðgæti og höfðu á braut
með sér. Það sem þeir voru ekki
þegar búnir að borða fannst í búri
skipsins og í kössúm undir vegg
frystihússins. Engar skemmdir
voru unnar á húsi eða búnaði hjá
Norðurtanganum, enda voru pilt-
arnir í mildum kvennafars-
hugleiðingum, en ekki skemmd-
arverka, þótt svo illa tækist til að
dilkalæri yrðu að duga að þessu
sinni.
- Úlfar.
HEIMSMEISTARINN SNÝR HEIM - Nýbakaður heimsmeist-
ari í frjálsum íþróttum f öldungaflokki. Valbjörn Þorláksson,
kom h 'm sfðdegis f gær eftir frækilega keppnisferð til
Vestur-Þýzkalands, þar sem hann setti þrjú heimsmet öldunga.
Var Valbirni fagnað með blómum. Með honum á myndinni er
fararstjórinn Úifar Teitsson. Ljósm. Mbl. Emilía.
Tvö umferða-
slys á
Akureyri
Akureyri, 2. ágúst.
FJÓRTÁN ára drengur á reið-
hjóli varð fyrir fólksbfl á Skarðs-
hlíð um kí. 21.50 í gærkvöldi.
Bæði drengurinn og bfllinn voru
á leið suður götuna er slysið varð.
Drengurinn meiddist mikið, eink-
um á höfði og var fyrst lagður
inn á sjúkrahúsið á Akureyri en
síðar í gærkvöldi fluttur með
flugvél til Reykjavíkur.
Fólksbíll með þremur farþegum
auk ökumanns valt út af þjóðveg-
inum norðan Akureyrar, nánar
tiltekið hjá vegamótunum að
Blómsturvöllum, um kl. 2 í nótt.
Allir sem í bílnum voru hlutu
einhver meiðsli en þó ekki bein-
brot. Ökumaður mun hafa verið
lítt reyndur og misst vald á
bílnum á beinum og sléttum vegi.
Bíllinn er ónýtur. _ Sverrir
Kolmunnaveiðin
glæðist heldur
„ÞETTA hefur verið óskaplega
lftið en það er smá lffsvottur
núna,“ sagði Sigurbergur Hauks-
son, skipstjóri á nótaskipinu Jóni
Kjartanssyni, er Mbl. ræddi við
hann í gær og spurði frétta af
kolmunnaveiðinni fyrir austan
land. Kolmunnaveiðin hefur
gengið erfiðlega hjá skipunum og
nefndi Sigurbergur, sem lýsandi
dæmi um ástandið, að á tímabil-
inu 20. júní til 10. ágúst í fyrra
hefðu þeir á Jóni Kjartanssyni
fengið um 6000 tonn af kolmunna
en nú væri heildarkolmunnaveiði
allra skipanna, sem hefðu verið á
veiðum úti fyrir Austurlandi,
orðin um 6000 tonn. Sagði Sigur-
bergur þá á Jóni Kjartanssyni
hafa byrjað veiðarnar f endaðan
júnf og vera komna með milli
1300 og 1400 tonn af kolmunna.
Kolmunnaveiðiskipin sigldu öll
til hafnar á miðvikudag nema Óli
Óskars frá Reykjavík, sem var úti
og fann kolmunna og fóru þá Jón
Kjartansson, Grindvíkingur og
Eldborgin á miðin, aem eru á
Héraðsflóadýpi, en Akranesskipin
Víkingur og Bjarni Óskarsson
sigldu heim til Akraness með
engan afla. Sagði Sigurbergur að
skipin væru nú að fá nokkurn
kolmunna þessa stundina.
Sigurbergur sagði að það gæfi
auga leið að þessi kolmunnaútgerð
gengi ekki upp því það væri ekkert
borgað fyrir fiskinn og þegar ekki
væri þeim mun meiri veiði, þýddi
lítið að standa í þessu.
Sagði
Sigurbergur að sjálfsagt færi að
styttast í því að skipin fjögur yrðu
áfram á kolmunnaveiðunum og þá
yrði væntanlega farið til loðnu-
veiða.
JónL.
vann
— Guðlaug
efst
JÓN L. Árnason vann Röval í
8. umferð Norðurlandsmótsins
í skák í gær og er hann nú í
öðru sæti á mótinu með 7
vinninga eftir 8 skákir. í
fyrsta sæti er Niklasson frá
Svíþjóð með 71/2 vinning.
Guðlaug Þorsteinsdóttir vann
í gær Palantó frá Finnlandi og
er Guðlaug nú með 6 vinninga
úr 7 skákum. Guðlaug er í
efsta sæti í kvennaflokki á
mótinu og er með vinning
fram yfir næsta í sínum
flokki. í dag verða tefldar
biðskákir en á morgun, laug-
ardag, verður 9. og síðasta
umferð mótsins tefld.
©
INNLENT
N orðurlandamót unglinga í bridge:
Tveir sigrar, eitt tap
Frá Jakobi R. Möller
í Gautaborg
NORÐURLANDAMÓT unglinga
í bridge hófst sl. miðvikudag með
þátttöku 9 liða, tveimur frá
hverju Norðurlandanna nema
íslandi, sem sendi eitt lið til
keppninnar.
Islenzka liðið sat yfir í fyrstu
umferðinni og fékk 12 stig.
I annarri umferð var spilað
gegn Svíum, eldra liðinu, og tap-
aðist leikurinn 7—13. í þriðju
umferð var spilað gegn Norð-
mönnum, yngra liðinu, og vannst
leikurinn 14—6. Þá vann íslenzka
sveitin Dani, eldra liðið, í fjórðu
umferð með sömu tölu, 14—6.
Eldri liðin hafa raðað sér í efstu
sætin í mótinu og er staðan þessi
eftir 4 umferðir: Noregur 67,
Svíþjóð 52, ísland 47, Danmörk 43
og Finnland 36.
Norska liðið, eldri flokkurinn, er
með feiknasterkt lið en það er
sama liðið og kom á Norðurlands-
mótið í Reykjavík á dögunum. Má
telja fullvíst að þeir vinni mótið
og hafa þeir nú þegar 15 stiga
forskot.
Aðstaða fyrir keppendur er
ágæt en reynt að halda kostnaði í
lágmarki svo íburður er ekki
mikill.
Norskt loðnuveiðiskip að veiðum um 40 mílur
austan við 200 mílna fiskveiðimörk íslendinga
í gær, — Ljósm.: H. Hallvarðsson.