Morgunblaðið - 11.08.1979, Blaðsíða 29

MORGUNBLAÐIÐ, LAUGARDAGUR 11. ÁGÚST 1979
Tfllögur Matthíasar
Bjarnasonar um
Jan Mayen í heild
MORGUNBLAÐIÐ hefur fengið til birtingar í heild tillögur
þær, sem Matthías Bjarnason, alþm., lagði fram á fundi
landhelgisnefndarinnar hinn 23. júlí sl. og mjög hafa verið til
umræðu undanfarna daga. Morgunblaðið skýrði frá efni
þessara tillagna í fyrradag en hér fara þær á eftir orðréttar:
Þess verði óskað, að framhald samningaviðræðna á milli
Islendinga og Norðmanna verði sem allra fyrst. ísiendingar bjóði,
að viðræðurnar fari fram í Ósló. Þátttakendur frá íslands hálfu
verði undir forustu ríkisstjórnar og stjórnarandstaðan eigi aðild
að viðræðum. íslendingar bjóði nokkra kosti til lausnar málunum.
1. Norðmenn og íslendingar lýsi yfir, að þeir hafi komið sér
saman um sameiginlega fiskveiðilögsögu umhverfis Jan Mayen
utan 12 sjómílna landhelgi Jan Mayen.
2. Norðmenn lýsi yfir fiskveiðilögsögu á Jan Mayen-svæðinu
utan 200 sjómílna fiskveiðilögsögu íslands. ísland viðurkenni
þessa útfærslu, enda verði jafnhliða gerður samningur um, að
Norðmenn og íslendingar veiði að jöfnu þann afla, sem veiddur er
utan 12 sjómílna fiskveiðilögsögu Jan Mayen.
3. Samningur verði gerður á milli Norðmanna og íslendinga
um útfærslu efnahagslögsögu á Jan Mayen-svæðinu, sem nær til
sameiginlegra yfirráða Norðmanna og íslendinga, bæði hvað
snertir nýtingu hafs og hafsbotns.
4. Norðmenn lýsa yfir efnahagslögsögu á Jan Mayen-svæðinu
utan 200 sjómílna fiskveiðilögsögu íslands. ísland viðurkenni
þessa útfærslu enda verði jafnhliða gerður samningur um að
Norðmenn og íslendingar eigi rétt til að nýta að jöfnu auðlindir
hafs og hafsbotns utan 12 sjómílna efnahagslögsögu Jan Mayen.
5. Norðmenn og íslendingar lýsi yfir sameiginlegum fiskvernd-
araðgerðum á Jan Mayen-svæðinu og verði um það gerður
sérstakur samningur, sem þar með útiloki veiðar annarra þjóða,
nema samþykki beggja þessara þjóða komi til.
6. ísland leggur til, að Færeyingum verði veitt hlutdeild í
veiðum á þessu svæði, t.d. 10%, og verði þá hlutdeild íslands og
Noregs 45% til hvors.
Samningar þeir, sem gerðir kunna að verða um nýtingu
hafsvæðisins umhverfis Jan Mayen og/ eða nýtingu hafsbotnsins,
skuli gerðir til frambúðar. Samkomulag verði gert um aflamagn,
sem veiða má árlega. Sérstök nefnd, sem skipuð skal tveimur
fulltrúum frá hvoru landi fyrir sig, geri tillögur um hvaða
fisktegundir megi veiða og hve mikið magn af hverri. Ríkisstjórn-
ir beggja landanna hafi endanlegan ákvörðunarrétt um aflamagn
og tilhögun veiða. Að því tilskyldu að samningar náist skuldbinda
þjóðirnar sig til að ræða saman um hugsanlegar hámarksveiðar
af loðnu innan og utan fiskveiðilandhelgi íslands, með það
markmið í huga að ganga ekki of nærri loðnustofninum, og skal
leita álits þeirra vísindamanna, sem um þessi mál fjalla, hjá
hvorri þjóðinni fyrir sig.
Norðmenn halda uppi gæslu innan fiskveiðilögsögu Jan Mayen,
en íslendingum er heimilt að fylgjast með veiðum skipa og báðum
þjóðum skylt að gefa hvor annarri upp afla þeirra skipa sinna,
sem stunda veiðar innan þessarar fiskveiðilögsögu.
Ennfremur verði lögð áhersla á það, að samningar verði gerðir
á milli þjóðanna um vísindalega verndun og veiðar síldarstofns-
ins, sem nefndur er norsk-íslenski síldarstofninn eða Norður-Atl-
antshafs-síldarstofninn.
Álitsgerð embættis ríkissak-
sóknara í framsalsmálinu
MORGUNBLAÐIÐ hefur snúið
sér til Þórðar Björnssonar ríkis-
saksóknara og fengið álitsgerð
embættis hans vegna óska sak-
sóknarans í Gautaborg um fram-
sai gæzluvarðhaldsfangans í
fíkniefnamálinu. Eins og fram
hefur komið byggðist ákvörðun
dómsmálaráðuneytisins um synj-
un framsals fyrst og fremst á
álitsgerð embættis ríkissaksókn-
ara.
Bréf ríkissaksóknara til dóms-
málaráðuneytisins fer í heild hér
á eftir:
Efni bréfs:
Álitsgerð embættis ríkissak-
sóknara vegna framkominn-
ar beiðni saksóknarans í
Gautaborg um að íslenski
ríkisborgarinn, G.H. verði
framseldur vegna gruns um
stórfellt fíkniefnabrot þar í
landi.
Hér með sendist dómsmála-
ráðuneytinu endurrit af úrskurði
sakadóms Reykjavíkur frá 25. júlí
s.l. ásamt framlögðum skjölum,
þar sem talið var, að skilyrði til
framsalsins samkvæmt lögum nr.
7, 1962, væru fyrir hendi. Þá
sendist ennfremur ljósrit af dómi
Hæstaréttar í máli þessu, en
þangað skaut varnaraðili úrskurði
Varði doktorsritgerð
við Edinborgarháskóla
ÞANN 3. ágúst s.l. varði Ágúst
Kvaran doktorsritgerð í efna-
fræði við Edinborgarháskóla.
Heiti ritgerðarinnar er „Spectro-
scopic studies of noble-gas mono-
halidcs“ (litrófsgreiningu litrófa
orkuríkra sameinda sem nýlega
er farið að nota í laser fyrir
orkurfka lasergeisla.
Dr. Ágúst Kvaran
Andmælendur við doktorsvörn-
ina voru prófessorarnir Richard
N. Dixon frá háskólanum í Brist-
ol og Robert J. Donovan frá
Edinborgarháskóla. Ágúst vann
að doktorsverkefninu við Edin-
borgarháskóla frá haustinu 1975
til vorsins 1978 og við háskólann
í Pittsburgh í Bandaríkjunum til
ársloka 1978 og naut til þess
styrkja frá „The British Council“
og frá Pittsburgh háskóla. Niður-
stöður hans hafa birst í sérfræði-
tímaritum um eðlisefnafræði.
Ágúst er fæddur þann 19.8.52
sonur Axels Kvaran forstöðu-
manns skilorðseftirlits ríkisins og
Hönnu Hofsdal. Hann lauk stúd-
entsprófi frá Menntaskólanum á
Akureyri með fyrstu ágætiseink-
unn árið 1972 og BS prófi í
efnafræði frá Háskóla Islands
árið 1975. Ágúst hefur starfað við
stundakennslu við Menntaskólann
í Reykjavík (1974) og við Háskóla
íslands (1979) og sem sumar-
starfsmaður við Raunvísinda-
stofnun Háskólans. Hann hefir
verið ráðinn sem sérfræðingur við
Raunvísindastofnun Háskólans
frá 11. september. Ágúst er
kvæntur Eddu S. Jónasdóttur og
eiga þau eitt barn.
sakadóms Reykjavíkur með kæru
samkvæmt heimild í 11. gr. fyrr-
nefndra laga nr. 7, 1962. Svo sem
ljósrit af dómi Hæstaréttar ber
með sér, klofnaði Hæstiréttur um
málið, en meirihluti hans taldi, að
úrskurður sakadóms Reykjavíkur
skyldi standa óraskaður, þ.e. að
lagaskilyrði framsalsins væru fyr-
ir hendi, en minnihluti Hæstarétt-
ar var þar á öndverðri skoðun.
Með vísan til 14. gr. laga nr. 7,
1962, þykir af hálfu embættisins
rétt, að eftirfarandi álit embættis-
ins komi fram, bæði hvað snertir
þessa umræddu framsalsbeiðni
svo og almennt um slíkar beiðnir,
sem grundvallaðar eru á lögum nr.
7,1962, um framsal sakamanna til
Danmerkur, Finnlands, Noregs og
Svíþjóðar.
1. Samkvæmt 1. tl. 1. mgr. 9.
gr. almennra hegningarlaga nr.
19, 1940, er óheimilt að framselja
til refsingar íslenska ríkisborgara
á vald erlendra ríkja. Þessi megin-
regla er enn í fullu gildi og verður
því að líta á þær framsalsheimild-
ir, sem lög nr. 7, 1962, kveða á um,
sem þrönga og afmarkaða undan-
tekningu frá fyrrgreindri megin-
reglu. Af því leiðir, að túlka ber
þau lög þröngt, enda engin skylda
stjórnvalda til framsals þótt skil-
yrði til framsalsins séu fyrir hendi
samkvæmt lögunum, sbr. upphaf
1. gr. laganna: „Framselja má...“
2. Að því er mál þetta varðar
sérstaklega, þá verður ekki snið-
gengin sú staðreynd, þrátt fyrir
álit meirihluta Hæstaréttar, að
nokkur áhöld eru um skilyrði
framsalsins að því er varðar gróf-
leika hins ætlaða brotg G.H. Þegar
af þessari ástæðu telur embættið,
að tilkynna beri framsalsbeið-
anda, saksóknaranum í Gauta-
borg, að ekki sé að svo stöddu unnt
að verða við beiðni hans,' en
honum jafnframt tjáð, að íslensk
dómsmálayfirvöld muni veita alla
þá aðstoð við rannsókn máls
þessa, sem unnt sé að láta í té.
3. Rétt þykir að lokum að vekja
athygli á samstarfssamningi
hinna norrænu ríkissaksóknara
frá 6. febrúar 1970, með áorðnum
breytingum frá 12. október 1972,
sem felur m.a. í sér þá stefnu-
mörkun og það hagræði að senda
fremur mál hinna ætluðu saka-
manna til viðkomandi lands held-
ur en að krefjast framsals á þeim,
eftir að þeir eru komnir til síns
heimalands, og sýnist samningur
þessi koma í flestum efnum í stað
þeirrar þarfar á framsali saka-
manna, sem lög nr. 7, 1962 var
ætlað að bæta úr, þótt þar kunni
að vera á undantekningar.
F.h.r. Jónatan Sveinsson
(sign)
Landinn ferðast
minna en i fyrra
STREYMI farþega til íslands í ár
er mjög svipað sem af er þessu
ári og það var á sama tíma í
fyrra. Þó hefur komum íslend-
inga til landsins heldur fækkað á
sama tíma og straumur útlend-
inga hefur aukizt nokkuð. Eink-
um virðast þessar breytingar
hafa orðið í júlímánuði síðastliðn-
um, en þá komu til landsins 9.745
íslendingar, en 11.435 landar í
sama mánuði í fyrra. í júlí f ár
komu 18.351 útlendingar til
landsins, en 18.209 í sama mán-
uði 1978.
Frá áramótum til júlíloka voru
skráðar hjá útlendingaeftirlitinu
87.130 komur til landsins, 37.615
íslendingar, en 49.515 útlendingar.
Sjö fyrstu mánuði síðasta árs voru
komurnar 87.919, 39.209 íslending-
ar, en 48.710 útlendingar.
Flestir þeirra útlendinga, sem
komu til landsins í síðasta mánuði
komu frá Bandaríkjunum eða
3585, 3281 V-Þjóðverji kom til
landsins, 2101 Dani, 1497 Frakkar,
1454 Bretar, 1423 Svíar, 1237
Norðmenn og 10002 Svisslending-
ar. Frá eftirtöldum löndum kom
einn maður í mánuðinuit):
Búlgaríu, Jamaica, S-Kórei^
Malasíu, Möltu, Marokkó, Pakist-
an, Singapore, Tanzaníu, Thai-
landi, Bahrain, Sómaliu og
Srilanka.
29
Manueala Wiesler
Flaututón-
leikar í
Skálholti
UM HELGINA mun Manuela
Wiesler leika verk fyrir einleiks-
flautu í Skálholtskirkju. Er þetta
fjórða og síðasta helgin er Sum-
artónleikar standa þar yfir og
hefur aðsókn verið mjög góð.
Manuela mun á tónleikunum
m.a. frumflytja nýtt verk eftir
Leif Þórarinsson, er hann nefnir
„Manuelumúsik". Annað nútíma-
verk er á efnisskránni eftir
franska tónskáldið André Jolivet:
Áköll (Incantations), en hér er um
einskonar tónbænir að ræða. Auk
ofannefndra nútímaverka mun
Manuela leika 3 fantasíur fyrir
einleiksflautu eftir G. Ph. Tele-
mann.
Tónleikarnir verða laugardag og
sunnudag kl. 15 og er aðgangur
ókeypis. Kaffiveitingar eru eftir
tónleikana.
Messað verður í Skálholtskirkju
kl. 17 á sunnudag.
(Fréttatilk.)
Sumar á Kjar-
valsstödum
- síðasta sýningarvika
í SUMAR var fitjað upp á þeirri
nýbreytni að bjóða hópum lista-
manna að sýna verk sín undir
nafninu „Sumar á Kjarvalsstöð-
um“, með það fyrir augum að
kynna íslenska list ferðamönnum
í borginni og samtimis að vera
borgarbúum til ánægju og fróð-
leiks. Þrfr hópar listamanna
fylla hvern krók og kima með
listaverkum, alls 34 listamenn. í
vestursal sýnir Septem-hópurinn,
Gallerí Langbrók sýnir í kaffi-
stofu og austur-gangi. og Mynd-
höggvarafélagið sýnir á vestur-
gangi og úti á stéttinni. í austur-
sal eru málverk eftir Jóhannes S.
Kjarval í eigu Reykjavíkurborg-
ar.
Nú á mánudag, 13. ágúst, bætist
við enn ein sýning, þ.e. skipulags-
sýning frá Þróunarstofnun. Verð-
ur hún í fundarsal, og fyrirlestrar
og kynningarfundir í tengslum við
hana. Þessa síðustu viku sumar-
sýningarinnar verða Kjarvals-
staðir einnig miðstöð svonefndrar
Reykjavíkurviku. Farið verður í
kynnisferðir til Rafmagnsveitu
Reykjavíkur og skoðunarferðir á
vegum Þróunarstofnunar, haldnir
tónleikar inni á Kjarvalsstöðum
og útihljómleikar á túninu.
Allar sýningarnar sem tengj-
ast þannig dagskránni „Sumar á
Kjarvalsstöðum“ verða teknar
niður 20. þessa mánaðar.
Aðsóknin að sýningunni „Sumar á
Kjarvalsstöðum" hefur verið mjög
góð, um 3.500 manns hafa skoðað
hana, og mörg listaverk hafa selst,
en flest verkanna eru til sölu.
Sýningin verður opin daglega
frá kl. 14 — 22 fram til sunnu-
dagsins 19. ágúst. Aðgangur er
ókeypis.
Fréttatilkynning frá
Kjarvalsstöðum).