Morgunblaðið - 25.08.1979, Blaðsíða 1
44 SÍÐUR OG LESBÓK
193. tbl. 66. árg.
LAUGARDAGUR 25. ÁGÚST 1979
Prentsmiðja Morgunblaðsins.
Átök að
*
harðna í
Líbanon?
Klea »k Beirut.
Líbanon — 24. áxúst.
— Reuter.
PALESTÍNUMENN gerðu
harðar stórskotaliðsárásir á
Klea í S-Líbanon. sem er á valdi
kristinna hægri manna og í
fréttum segir að hundruð
manna hafi særzt. Þetta gerðist
í morgun og síðdegis föstudag
gerðu ísraelar og hersveitir
kristinna hægri manna mikla
hríð inn á áhrifasvæöi Sýrlend-
inga í Lfbanon í hefndarskyni
og eru fregnir á kreiki um að
margt bendi til að allt sé nú að
fara í bál og brand á ný á
þessum stríðshrjáðu svæðum.
Fréttir bárust af eldflauga-
árásum á borgina Tyre og sagt að
allmargir hefðu látizt og í kvöld
var sagt að þessar árásir hefðu
hafist aftur. Flúðu borgarar í
ofboði heimili sín en á þessum
slóðum hefur verið sæmilega
kyrrt um tíma. Óstaðfestar
fregnir voru um að nokkrir her-
menn úr gaezluliði S.Þ. UNIFIL
— frá Fijieyjum hefðu látizt í
átökunum í dag.
Sendiherra ísraels hjá Sameinuðu þjóöunum. Yehuda Blum, og Andrew Young,
sendiherra Bandaríkjanna, ræðast hér við skömmu áður en Öryggisráðið hóí fund
í gær, en þar lagði fulltrúi Senegal fram tillögu um að Palestínunlenn fái
sjálfsstjórn í sem flestum málum sínum.
Evtusjenko
slærí
gegn í
kvikmynd
Moakvu. 24. ágúst. AP.
EVGENY Evtusjenko, hið
fræga sovézka ljóðskáld. hefur
fengið lofsamlega dóma fyrir
frumraun sína í kvikmynd og
er sagt að leikur hans sé
„áhrifamikill og sannfær-
andi“. Evtusjenko fer með
hlutverk Konstantins Tsiol-
kovskys, sem kallaður hefur
verið faðir rússneskra eld-
flaugasmíða. Myndin sem heit-
ir á ensku „Flight“ var frum-
sýnd á kvikmyndahátíðinni f
Moskvu og þykir tíðindum
sæta og benda til að
Evtusjenko hafi loks hlotið náð
fyrir augum Kremlarbænda að
nýju.
Evtusjenko hefur verið opin-
skár í gagnrýni sinni á
stjórnarfarið í Sovétríkjunum í
ljóðum sínum og vakti reiði
Krúsjefs á sínum tíma og síðar
Brezhnevs. Evtusjenko hefur
um langa hríð haft mikinn
áhuga á að fá að leika í kvik-
mynd og árið 1963 var honum
boðið að fara með hlutverk Jesú
Krists í mynd þar sem gengið
var út frá því að kenningar
Jesús hefðu verið í anda Marx-
isma. Krúsjef bannaði bæði að
myndin yrði gerð og að
Evtusjenko fengi hlutverk.
Nokkrum árum síðar varð
skáldið hlutskarpast í keppni
milli atvinnuleikara um aðal-
hlutverk í Cyrano de Bergerac,
en það sama ár lét Evtusjenko
svo í ljós andúð á innrás Sovét-
ríkjanna í Tékkóslóvakíu og
voru viðbrögð stjórnvalda snör
og hætt var við töku myndar-
innar að skipun Brezhnevs og
hafði þá að sögn verið varið í
hana um hálfri milljón dollara.
Her stjórnarinnar
yfirbugaði Kúrda
Teheran. Saqqes 24. ágúst. Reuter. AP.
HERSVEITIR íransstjórnar náöu í kvöld á sitt vald Kúrdaborginni
Saqqez eftir grimmilega bardaga sem hafa staðið í þrjá daga.
Pars-fréttastofan sagði frá þessu f kvöld og vitnaði f foringja
stórskotaliðs f Sanandaj sem sagði að borgin hefði fallið fáeinum
stundum áður. Ekki fékkst nánari staðfesting þessara fregna þar sem
sambandslaust er að kalla við bæinn. Höfðu þá bardagar staðið f allan
dag og álitið að mannfall hafi orðið mikið.
Kúrdar halda enn bænum
Mahabad, skammt frá en stjórnar-
hermenn hafa haldið uppi látlausum
eldflauga- og stórskotaliðsárásum,
en heldur hafði dregið úr þeim í
kvöld, vegna myrkurs, þegar þyrlur
gátu ekki lengur leiðbeint skriðdrek-
um á þá staði sem skæruliðar héldu
sig á. Fréttir bárust um að eftir að
myrkur var skollið á hefðu Kúrdar
verið að draga saman meiri vopn og
hergögn í grenndinni.
í fyrri fréttum frá Saqqez í dag
sagði að eini spítalinn í bænum væri
fullur af særðu og deyjandi fólki og
mikill skortur væri á lyfjum og
hjúkrunargögnum. Meðal hinna
særðu eru margar konur og ung
börn.
í útvarpsfréttum í Teheran var
sagt að 16 hermenn hefðu látizt, en
af hálfu Kúrda var sagt að mannfall
úr liðum beggja skipti hundruðum.
Kúrdar segja að síðustu átökin eigi
upptök sín til ofbeldisstefnu stjórn-
arinnar sem virðist staðráðin í að
berja mótstöðu Kúrda niður í eitt
skipti fyrir öll.
Kona Godunovs
kvaðst vilja heim
Washinxton, 24. á|(. Reuter.
BANDARÍSKA ríkisstjórnin
bannaði í kvöld flugtak sovézkr-
ar Aeroflot vélar frá New York,
þar sem Ludmila Vlasova kona
Alexanders Godunovs var um
borð. Talsmaður utanrfkisráðu-
neytisins sagði að krafizt væri
þess að Ludmila kæmi út úr
vélinni og gæfi yfirlýsingu, ein
og ekki í nánd neinna sovézkra
embættismanna, hvort hún færi
af fúsum vilja eða hvort hún
hefði verið neydd til þess. Að
viðstöddum bandarfskum og sov-
ézkum embættismönnum um
borð f vélinni sagði Ludmila: „Ég
elska eiginmann minn, en hann
tók þá ákvörðun að vera hér um
kyrrt og ég hef tckið ákvörðun
um að fara." Hélt flugvélin eftir
þetta af stað áleiðis til Sovétríkj-
anna.
Godunov hafði í dag borið fram
þá ósk að kona hans fengi einnig
landvist í Bandaríkjunum en
beiðni hans um pólitískt hæli
hafði verið samþykkt. Sovézk
yfirvöld foru fram á að fá að ræða
við Godunov en hann neitaði að
tala við þá nema kona hans fengi
að vera þar með. „Það skiptir mig
öllu að fá konu mína til mín“
sagði ballettdansarinn. Hann
dvelst nú á ónafngreindum stað í
New York.
Godunov sagði að sér væri rík
nauðsyn á því að fá að ræða við
konu sína, því að hann efaði að
henni hefði verið sagður allur
sannleikurinn. Kvaðst hann ótt-
ast að hún yrði neydd til að fara
frá Bandaríkjunum.
Sjá einnig bls. 20 „Glæsilegur
ljóshærður risi.“
Vilja hlífa Young
New York 24. á((úst. Reuter. AP.
SENDIIIERRA Kuwait, Abdalla Yaccoub Bishara. sagði í kvöld að
samkomulag hefði náðzt milli Arabarfkja að þrýsta ekki á að tillaga
Senegals um sjálfsstjórn Palestínumönnum til handa yrði lögð fram til
atkvæða á næstunni. Sagði Bishara þetta gert til þess að hlífa Andrew
Young sendiherra Bandarfkjanna, en hann myndi þá beita neitunarvaldi
gegn tillögunni. Sagði Bishara að Araharíkin vildu ekki koma Young í þá
erfiðu aðstöðu, ekki hvað sízt vegna þess að vitað væri að Young fvlgdi
ekki nema í takmörkuðum mæli opinberri stefnu Bandartkjanna varðandi
málefni Palestfnumanna. Það var síðdegis í dag sem þessi tillaga var liigð
fyrir Öryggisráðið.
Bishara sagði við fréttamenn að
fundi loknum að beðið yrði með
áframhald málsins unz annar maður
hefði verið skipaður í starf Youngs.
Hann fór síðan lofsamlegum orðum
um Young og kvaðst glaður myndu
gefa honum dóttur sína fyrir konu.
Hann og landar sínir væru hirðingj-
ar og hefðu til að bera riddaraskap
og vandaða siðgæðiskennd.
Handtekinn með eiturlyf
CaKÖari. Sardiníu. 24. ág. AP.
RUDOLF Karl Augstein. útgefandi
þýzka vikuritsins der Spiegel, var
handtekinn í dag f þann mund að
hann var að stíga upp í einkaflug-
vél sína.
Segja tollverðir að hann hafi
verið með 40 grömm af kannabis.
Samkvæmt ítölskum lögum á
Augstein yfir höfði sér tveggja til
sex ára fangelsisdóm og sekt upp á
25 þúsund dollara ef hann verður
sekur fundinn.