Morgunblaðið - 25.08.1979, Blaðsíða 5

MORGUNBLAÐIÐ. LAUGARDAGUR 25. ÁGÚST 1979
5
13 lönd Vestur-Evrópu safna fé til
styrktar flóttamönnum SA-Asíu
Iljálparstofnanir í þrettán
löndum Vestur-Evrópu hefja á
morgun fjársöfnun til styrktar
flóttamönnum í Suðaustur-asíu.
Rauði kross íslands ok Hjálpar-
stofnun kirkjunnar sjá um söfnun
þessa hér á landi en hún hefst.
eins og áður er getið á morgun,
sunnudaginn 26. ágúst, em ávarpi
forsætisráðherra viðkomandi
lands og ávarpi Paul Hartlings
flóttamannafulltrúa Sameinuðu
þjóðanna. Söfnunin mun standa í
hálfan mánuð.
Tekið verður við
söfnunarfé á gíróreikning nr.
46.000, hjá Rauða krossi íslands,
deildum hans og f söfnunarbauka,
hjá Iljálparstofnun kirkjunnar. á
biskupsstofu og hjá sóknar-
prestum um land allt.
Á fundi sem forsvarsmenn
R.K.Í. og Hjálparstofnunarinnar
héldu með blaðamönnum kom það
m.a. fram að hjálparstofnanir
kirkna reka nú þegar hjálparstarf
í SA-Asíu og Flóttamannastofnun-
in í Noregi og Rauði kross Dan-
merkur eru nú að setja á stofn
búðir þar sem aðstæður verða betri
en nú er víðast hvar, meðal annars
hvað snertir hreinlæti, heilsugæslu
og fæðu, en nú er almennt í
flóttamannabúðunum. Sögðust
þeir vænta þess að íslendingar
sýndu drenglyndi sitt og styrktu
þessa söfnun sem nú væri að fara í
gang með fjárframlögum. Minntu
þeir á að flóttamannavandamálið
hefðu færst nær okkur Islending-
um vegna ákvörðunar stjórnvalda
um að taka við 30 víetnömskum
flóttamönnum.
Guðmundur Einarsson fram-
k^æmdastjóri Hjálparstofnunar-
innar sagði að það hefði sýnt sig
undanfarið að Islendingar tækju
mjög vel í safnanir sem þessar.
Hjálparstofnunin hefði nýlega
fengið beiðni frá Honduras vegna
flóttadrengja frá Nigaracua. Sagði
hann stofnunina hafa gert grein
fyrir þessu í fréttatilkynningu til
fjölmiðla og hefði nú safnast hátt
á fimmtu milljón til aðstoðar
þessum drengjum.
3. bókin um
SigguViggu
Teiknimyndahetjan Sigga Vigga
gerir það ekki endasleppt. Nú er
komin út þriðja bókin um hana.
stöllur hennar og fleira fólk er
kemur að sjálfsögðu við sögu f
þessum vinsælu myndasögum.
Nýjasta bókin heitir Sigga Vigga
og þingmaðurinn og er þetta þriðja
bókin um Siggu Viggu, sem bókaút-
gáfan Bros sf. gefur út. Einnig hefur
Bros gefið út Plokkfisk, en höfundur
allra þessara teiknimyndabóka er
Gísli J. Ástþórsson blaðamaður.
Sigga Vigga og þingmaðurinn er
prentuð í Setbergi, en brotin um í
Bros sf.
Hvar er myndin?
Myndin er af málverki eftir Braga Ásgeirsson er hann málaði í byrjun
áratugarins. Málverkið hefur verið á nokkrum sýningum m.a. í Biennalinum í
Rostock 1975. Listahöll Rostockborgar hefur látið gera póstkort af myndinni
og er það til sölu í anddyri listahallarinnar. Ýmsar fyrirspurnir hafa komið
um þessa mynd og þar sem Bragi veit ekki hvar hún er niðurkomin biður
hann þá er kynnu að geta gefið upplýsingar um það, vinsamlegast að hafa
samband við sig hið fyrsta t.d. í síma 26730.
Antik-málið:
Hlaut þriggja
mánaða fang-
elsi skil-
orðsbundið
KVEÐINN hefur verið upp í
Sakadómi Reykjavíkur dómur í
svokölluðu Antik-máli. Var Björn
Vilmundarson, sem ákærður var í
málinu, dæmdur í þriggja mánaða
fangelsi skilorðsbundið og fellur
refsingin niður ef hann heldur
skilorðið í 2 ár.
í ákæru var Birni gefið að sök að
■hafa falsað nafnritanir fjögurra
manna á 10 umsóknum um gjald-
eyri til kaupa á antikhúsgögnum
erlendis frá. Ákærði var sýknaður
af ákærum um að hafa falsað nöfn
tveK£)a manna, en ‘hins vegar
sakfelldur að hafa falsað nöfn
tveKftja af framangreindum
mönnum á fimm gjaldeyrisum-
sóknum er námu alls 1150 sterl-
ingspundum og 10 þúsund dönskum
krónum.
Björn Vilmundarson lét á sínum
tíma af starfi forstjóra Ferða-
skrifstofu ríkisins vegna rannsókn-
ar þessa máls.
Vitnivantar
KLUKKAN 10.58 í gairmorgun varð
árekstur á mótum Iláaleitisbrautar
og Miklubrautar og þarf slysarann-
sóknadeild lögreglunnar í Reykja-
vík nauðsynlega að ná tali af vitnum
að athurðinum. þar sem hifreiða-
stjórunum ber ekki saman um stöðu
uinferðarljósa.
I.ada Sport bifreið með erlendu
skrásetningarnú meri ók austur
Miklubraut en ljósblá Vauxhall-bif-
reið ók vestur Miklubraut og beygði
suður Háaleitisbraut og skullu bíl-
arnir saman. Báðir ökumennirnir
telja sig hafa ekið á móti grænu ljósi.
Vitni eru beðin að hafa samband við
lögregluna í síma 10200.
Forsvarsmenn Rauða kross íslands og Hjálparstofnunar kirkjunnar á fundi með blaðamönnum.
I.jósm. Kristinn
HEFUR
SEÐ
ÚTSÝNIÐ
AF EFRIHÆÐINNI ?
Af efri hæðinni í tveggja hæða strætisvagninum, sérð þú Reykjavík f rá
nokkuð öðru sjónarhorni en þú ert vanur - Lundúnastrætisvagninn fer
með fólk í skoðunarferðir um bæinn á klukkustundar fresti alla
sýningardagana frá kl. 3 til 9 virka daga og frá kl. 1 til 9 laugardaga og
sunnudaga.
Og ferðin kostar aðeins 100 kr. - jafntfyrir börn sem fullorðna.
II
B
ALÞJÓÐLEG
VÖRUSÝNING
1979

GÓÐA FERÐ -
ÚTSÝNISFERÐ UM BÆINN