Morgunblaðið - 10.10.1979, Blaðsíða 25

MORGUNBLAÐIÐ, MIÐVIKUDAGUR 10. OKTÓBER 1979
25
fclk í
fréttum
„Rauð rödd í
þjóðþingingu“
+ ÞESSI ungi maður ætlar að
geía sig að dönskum stjórnmál-
um, eins og faðir hans heíur gert
um langt árabil. — Ungi maður-
inn heitir Per Kvist Jörgensen
og er bifreiðastjóri. — Faðir
hans er Anker Jörgensen, for-
sætisráðherra Dana, sem fyrir
nokkru boðaði til þingkosninga
í Danmörku 23. þessa mánaðar.
En hinn ungi stjórnmálamaður,
ætlar ekki að feta í fótspor föður
sins i danska Jafnaðarmanna-
flokknum. — Hann hefur skipað
sér undir merki kommúnista,
Kommunistisk Arbcjderparti
(KAP), og er í framboði í einu
kjördæmi Kaupmannahafnar-
borgar. Flokkur hans hefur til-
kynnt framboð 44 manna til
þjóðþingskosninganna. Það er
haft eftir Per Kvist þingmanns-
efni að hann ætli sér að afhjúpa
föður sinn og flokk hans i
þjóðþinginu. Sýna fram á að
hann og flokkur hans sé allt
annað en sósialiskur flokkur.
Kommúnistaflokkurinn KAP
hefur valið sér vigorðið „Rauð
rödd í þjóðþinginu“.
Ástarbréf
til
Mussolinis
+ í REUTERS-frcttum frá Róm-
aborg segir að þar i borg sé að
koma út bók, sem hefur að geyma
ástarbréf til Benito Mussólínis
einræðisherra Ítalíu, frá Clöru
Petacci, sem var ástkona einræð-
isherrans, sögð hafa verið falleg
kona. Hún fylgdi honum i dauð-
ann. — Þau voru skotin til bana
er þau voru á flótta að reyna að
komast yfir landamærin til Sviss.
— Lík þeirra beggja voru svo
hengd upp á torgi í Rómaborg. —
Það kcmur fram í þessari bók,
sem hefur hlotið titilinn „Helguð
foringjanum“, að Clara var að-
eins 14 ára gömul er hún byrjaði
að skrifa einræðisherranum
italska ástarbréf. — Ein setning
er tilfærð úr bókinni í þessari
Reuters-frétt: „Líf mitt er þitt
líf“. Sjö ár liðu frá því að hún
skrifaði Benito fyrsta ástarbréfið
unz þau hittust. En í rúmlega 20
ár haíði Clara verið sauðtrygg
ástkona einræðisherrans.
+ ÞEGAR skýrsla kjörbréfanefndar um Kampucheufulltrúana
var til umræðu á allsherjarþingsfundi föstudaginn 21. september
sl. stjórnaði Tómas Á. Tómasson, fastafulltrúi íslands hjá
Sameinuðu þjóðunum, fundi um stundarsakir. Það er sjálfur
Kurt Waldheim. sem situr við hlið Tómasar á þessari fréttamynd.
Kóngurinn
fékk launa-
hækkun...
+ ÓLAFUR Noregskonungur
hefur nýlega fengið þó nokkra
launahækkun, sem koma á til
framkvæmda á næsta ári. Hefur
ríkisstjórnin lagt til að árslaun
hans hækki úr norskum krónum
3,7 milljónir í 4,2 milljónir (ísl.
327 milljónir). — Einnig á Har-
aidur krónprins von á launa-
hækkun, en nokkru minni en
faðir hans. Þessi launahækkun
mun liggja ofan við þau mörk
launahækkana i Noregi, sem gert
er ráð fyrir þar í landi á næsta
ári. — Þá verður á næsta ári
varið allnokkru fé til viðgerða á
sumarhöll konungs að Skaugum,
en þakið er orðið lélegt.
85 ára:
Bergþóra Jónsdótt-
ir —Vestmannæyjum
Hún ólst upp á tímum torfbæja,
hefur lifað tvær heimsstyrjaldir,
heimskreppu og Kötlugos. Hún
hefur mátt muna tímana tvenna.
Lífið hefur ekki alltaf verið henni
dans á rósum. En eins og hún sjálf
hefur sagt, bjargaðist þetta allt
saman með góðri samvinnu og
guðs hjálp.
Bergþóra Jónsdóttir, Reykjum,
Vestmannaeyjum, er 85 ára í dag.
Hún er svo ern, að það er hreint
ótrúlegt, enda tryðu fáir
ókunnugir því, að hér væri kona
með átta og hálfan tug ára að
baki.
Bergþóra er fædd að
Syðra-Bakkakoti undir
Austur-Eyjafjöllum, dóttir
hjónanna Jóhönnu Magnúsdóttur
og Jóns Einarssonar. Á fyrsta
aldursári flyzt hún síðan ásamt
foreldrum sínum að Steinum
undir Eyjafjöllum, þar sem hún
elzt upp í stórum systkinahóp.
Árið 1918 giftist hún Guðjóni
Jónssyni frá Björnskoti undir
Eyjafjöllum, syni hjónanna Jóns
Filippussonar og Guðbjargar
Sigurðardóttur. Hófu þau búskap í
Rimhúsum undir Eyjafjöllum, en
fluttust upp úr 1920 til
Vestmannaeyja og bjuggu þar upp
frá því. Stundaði Guðjón þar
lengst af sjósókn og ýmis önnur
störf. í Eyjum reistu þau sér
veglegt íbúðarhús, Reyki, og
bjuggu sér vistlegt heimili, ásamt
því að ala önn fyrir stórum barna-
hóp. Á þeim árum þurfti útsjónar-
semi og dugnað til að sjá stóru
heimili farborða. Þau eignuðust
tíu börn. En sjúkdómar og slys
hafa höggvið stórt skarð í Reykja-
fjölskylduna. Guðjón lést 1967 og
fjögur barnanna eru látin. Eftir
lifa sex mannkostabörn.
Guðmundur umsjónarmaður,
kvæntur Ásu Gissurardóttur,
Jóhanna húsmóðir, kvænt Victori
Halldórssyni bifreiðarstjóra, Guð-
björn járnsmiður, kvæntur
Katrínu Valtýsdóttur, Magnús
bifreiðarstjóri, kvæntur Edith
Jóhannesdóttur, Þórhallur verk-
stjóri, kvæntur Svölu Ingólfs-
dóttur og Haukur bifreiðarstjóri,
kvæntur Sigríði Guðmundsdóttur.
Enda þótt Bergþóra hafi í
gegnum árin þurft að þola sitt af
hverju, bæði sjúkdóma sjálfrar sín
og sinna nánustu, þá getur hún í
dag á þessum vegamótum í lífi
sínu, horft stolt yfir farinn veg.
Hún hefur sannarlega lagt sitt af
mörkum og ég hugsa með hlýjum
huga til þessarar lítillátu konu,
sem öllum óskar þess bezta og
mælir aldrei styggðarorð um
nokkurn mann. Ég átti þess kost
að kynnast Bergþóru fyrir fáum
árum og hafa þau kynni verið mér
sönn lífsreynsla og ekki sízt
ánægja.
I dag uppsker hún ríkulega,
enda eins og til var sáð. Hún nýtur
þess að vera samvistum við sína
nánustu og ferðast mikið. Ekkert
sumar finnst henni, nema hún geti
húsvitjað undir Eyjafjöllin. Þaðan
á hún sínar björtu bernsku-
minningar og oft reikar hugurinn
þangað. Nú síðast í sumar fór hún
ásamt eftirlifandi bræðrum og
sínum nánustu austur undir Eyja-
fjöll, til að reisa föður sínum er
þar hvílir veglegan minnisvarða.
Ofarlega er henni í huga Noregs-
ferðin, sem hún fór gosárið 1973,
en sú ferð var skipulögð fyrir eldri
borgara Vestmannaeyja-
kaupstaðar.
Aðalsmerki Bergþóru er að vera
veitandi en ekki þiggjandi, ásamt
hreinni samvisku og heilsteyptum
persónuleika. Brauðstrit áranna
hefur og kennt henni, að láta verk
dagsins í dag ekki bíða morgun-
dagsins. I dag yljar hún sínum
nánustu með því að prjóna
vettlinga og ullarleista fyrir
veturinn. Minni hennar er
óbrigðult og hún man löngu liðna
atburði í smáatriðum, atburði sem
ég og mín kynslóð getum einungis
lesið um.
Um leið og ég þakka fyrir
ánægjulegar samverustundir í
sumar og gestrisnina, óska ég þér
hjartanlega til hamingju með
daginn.
Bergþora er stödd þessa dagana
á heimili dóttur sinnar í Reykja-
vík og tekur þar á móti gestum.
Halldór Frímannsson.
NAMSKEIÐ
Hvernig má verjast streitu?
I aprílmánuði sl. efndi Stjórnunarfélagiö til tveggja daga námskeiðs þar sem
íslenskur fólagssálfræðingur, dr. Pétur Guöjónsson, kenndi aðferðir sem
beita má til að verjast innri spennu.
Gífurleg aösókn var að námskeiöinu í vor og komust færri að en vildu þó efnt
hafi veriö til aukanámskeiös.
Dr. Pétur hefur haldið námskeiö þetta fyrir fjölmörg fyrirtæki vestanhafs og
meðal þeirra má nefna Bank of New York, National Bank of North America,
Uniroyal, N.B.C. útvarpsstööina og Heilbrigðis- og tryggingamálaráðuneyti
Bandaríkjanna.
Dr. Pétur veröur aftur staddur hér á landi nú í október og mun
Stjórnunarfélagiö efna til tveggja daga námskeiös þar sem hann mun kenna
tækni sem einstaklingar geta notað til að forðast streitu, vanlíðan og innri
spennu.
Námskeiöið veröur haldiö aö Hótel Esju dagana 22. og 23. október nk. og
stendur frá kl. 13:30 til 18:30 hvorn dag.
Skráning þátttakenda og nánari upplýsingar fást hjá Stjórnunarfélaginu, sími
82930.

INUNARFELAG
SLANDSH
Sfðumúla 23 — Sími 82930
EF ÞAÐ ER FRÉTT-
NÆMTÞÁERÞAÐÍ
MORGUNBLAÐINU