Morgunblaðið - 13.11.1979, Blaðsíða 38
46
MORGUNBLAÐIÐ, ÞRIÐJUDAGUR 13. NÓVEMBER 1979
Skoðanakönnun um hugsan
legan arftaka Kekkonens
Mauno Koivisto
Koivisto
með
yfirburði
Helsinki, 12. nóv. —
Frá fréttaritara Mbl.,
Thomas Romantschuk.
EF FINNAR ættu í dag að
kjósa eftirmann Uhros
Kekkonens í embætti
Finnlandsforseta, yrði
Mauno Koivisto forsætis-
ráðherra fyrir valinu, að
því er fram kemur í skoð-
anakönnun á vegum
dagblaðsins Uusi Suomi,
en niðurstöður könnunar-
innar voru birtar í blað-
inu á sunnudag. Hefur
Koivisto algera yfirburði
yfir helztu keppinauta
sína. En tvennt er það,
sem setur strik í reikning-
inn. I fyrsta lagi er ekki
forsetakjör í Finnlandi
fyrr en á árinu 1984, og í
öðru lagi er forsetinn ekki
kjörinn í almennum kosn-
ingum, heldur óbeinum.
Kjósendur kjósa 300 kjör-
menn, sem síðan kjósa
forsetann. Kjörmennirnir
eru óbundnir, jafnvel þótt
þeir hafi fyrir kosn-
ingarnar lýst yfir stuðn-
ingi við einhvern ákveð-
inn frambjóðanda.
Þetta er ekki í fyrsta skipti
sem Koivisto fer með sigur af
hólmi í skoðanakönnun um arf-
taka Kekkonens, því hann hefur
alltaf lent í efsta sæti, ef gengið
er út frá því að Kekkonen verði
ekki sjálfur í framboði.
Skoðanakönnunin er tvíþætt. í
fyrsta lagi eru aðspurðir beðnir
að nafngreina þann, sem þeir
óska að taki við af Kekkonen, og
skýra frá því hvern þeir telji
sigurstranglegastan. í öðru lagi
eru tilgreind nöfn 11 líklegra
frambjóðenda, og aðspurðir
beðnir að tilgreina hvern þeirra
þeir kjósi helzt.
I svörum við fyrri spurning-
unni fær Koivisto 43% fylgi, en
næstur honum kemur flokks-
bróðir hans, Kalevi Sorsa, for-
maður Jafnaðarmannaflokksins,
með 5%. Á eftir Sorsa koma svo
fjórir jafnir með 3% fylgi, þrír
úr Miðflokknum, þeir Johannes
Virolainen flokksformaður, Ahti
Karjalainen ríkisbankastjóri og
Paavo Vayrynen utanríkisráð-
herra, og svo Harri Holkeri
fyrrum formaður Hægriflokks-
ins.
í samanburði við fyrri skoð-
anakannanir fer fylgi Koivistos
vaxandi, en fylgi allra hinna
minnkandi.
Þegar spurt var hver væri
talinn sigurstranglegastur, svör-
uðu 82%: Koivisto.
Yfirburðir Koivistos eru enn
greinilegri þegar aðspurðir eru
látnir velja úr 11 nöfnum. Þá
fær Koivisto 52%. Holkeri skýzt
upp í annað sæti með 8%, þeir
Sorsa og Virolainen fá hvor 7%
og Karjalainen 5%.
En árið 1984 er enn langt
undan, og hver hefur sagt að
Kekkonen fari ekki fram þá?
Engu að síður er margt athyglis-
vert við þessa skoðanakönnun —
og þær fyrri, svo sem hlutfallið
milli borgaraflokka og sósíalista.
í síðustu skoðanakönnuninni
kemur í ljós að 62% þjóðarinnar
óskar eftir forseta úr röðum
jafnaðarmanna, þótt borgara-
flokkarnir hafi hreinan meiri-
hluta á þingi. Það er staðreynd
að Koivisto hefur tekizt að höfða
til kjósenda borgaraflokkanna,
enda hefur hann fengið orð fyrir
að vera „hafinn yfir" flokkadeil-
ur. Þó ber þess að gæta að það
eru flokkarnir sem tefla fram
frambjóðendum til forsetakjörs,
svo varasamt er að vera of hátt
hafinn yfir flokksvélina.
íran — Plakat með myndum af Carter Bandaríkjafor-
seta og Iranskeisara í böndum er komið var fyrir við
bandariska sendiráðið í Teheran eftir að námsmenn
gerðu áhlaup á sendiráðið.
Pólskir andófsmenn á 61.fullveldisdegi Póllands:
„Við viljum
frelsi, rétt-
læti og brauð“
Varsjá, 12. nóvember, AP-Reuter.
PÓLSKIR andófsmenn minntust 61. fullveldisdags
landsins með fjölmennum útifundi þar sem krafist var
frjálsræðis og landsmenn hvattir til að taka ekki þátt í
kosningum sem verða í landinu á næsta ári.
Um það bil 4.000 manns sóttu messu í dómkirkju
heilags Jóhannesar í Varsjá og að henni lokinni fór
mannfjöldinn i kröfugöngu að grafreit hins óþekkta
hermanns á Sigurtorgi.
Á torginu söng mannfjöldinn
hástöfum þjóðernissöngva og
þjóðsönginn og undir sönginn
tók fólk er safnast hafði saman á
torginu meðan andófsmennirnir
héldu fund sinn þar. Að söngn-
um loknum hrópaði mannfjöld-
inn hvað eftir annað í kór: „Við
viljum frelsi, réttlæti og brauð."
Mótmælaaðgerðirnar voru
skipulagðar af samtökum and-
ófsmanna er nefnast Ropco og
stofnuð voru fyrir 2'/2 ári. Að-
gerðirnar fóru fram þrátt fyrir
að lögreglan hefði látið til skar-
ar skríða gegn andófsmönnum í
landinu í síðustu viku er 40
manns voru handteknir í Varsjá,
Kraká, Gdansk og Katovice á
föstudag og laugardag. Mikið
bar á einkennisklæddum lög-
reglumönnum á gönguleið and-
ófsmannanna. Þá var fjöldi óein-
kennisklæddra lögreglumanna á
sveimi á Sigurtorginu.
Furðurhlutur
yf ir Ibiza
Valencia, 12. nóvember, AP.
SPÆNSK Ieiguflugvél er flutti ferðamenn frá Vestur-Þýzkalandi
og Austurríki til Kanaríeyja hélt síðdegis í dag áfram ferð sinni,
en í nótt sá flugstjórinn fljúgandi furðuhlut á lofti yfir Ibiza og
afréð að breyta áætlun sinni og lenda í Valencia.
Spænsk yfirvöld létu málið til sín taka og tóku flugmálayfirvöld
og herinn skýrslur af flugstjóranum. Flugvélin var af gerðinni
Caravelle og voru 119 um borð, farþegar og áhöfn. Hermt var að
einn farþeganna hefði neitað að halda áfram ferðinni frá Valencia.
Lýsing á fyrirbærinu fylgdi ekki í fréttaskeytum.
Egyptar
gisaka
Israels-
menn
Tel Aviv, 12. nóvember. AP
MIKIL ólga ríkir meðal
íbúa Vesturbakka Jórdan-
árinnar eftir að ísraelsk
yfirvöld fyrirskipuðu
handtöku borgarstjórans í
Nablus, Bassam Shakaa, á
sunnudag, en yfirvöldin
krefjast þess að honum
verði vísað úr landi. Ekki
er látið uppi í kröfunni
hverjum sökum Shakaa er
borinn, en hann er einlæg-
ur stuðningsmaður Pal-
estínumanna, og leynir því
ekki í ræðu eða riti að
hann vill að Vesturbakk-
inn lúti yfirráðum Pal-
estínu-Araba.
Þá vekur • það einnig gremju
íbúa svæðisins að ríkisstjórn
ísraels ákvað á sunnudag að taka
ný svæði á Vesturbakkanum undir
byggðarlög ísraela, og reisa þar
alls 31 þorp. Hafa yfirvöld í
Egyptalandi harðlega mótmælt
þessari ákvörðun, og krafizt þess
að ísraelsmenn hætti nú þegar
aðgerðum sínum gegn Aröbum.
Segja Egyptar að með þessu séu
yfirvöld í Israei að brjóta gildandi
friðarsamninga landanna, sem
kenndir eru við Camp David í
Bandaríkjunum.
Kennedy
vinsæl-
astur
WashinKÍon, 12. nóv. AP. Reuter.
SAMKVÆMT skoðana-
könnun á vegum ABC-
útvarpsfélagsins í Banda-
ríkjunum, nýtur Edward
Kennedy öldungadeildar-
þingmaður mestra vin-
sælda allra hugsanlegra
frambjóðenda til forset-
akjörs á næsta ári
ABC-félagið lét hringja í rúm-
lega 1.500 manns víða um Banda-
ríkin dagana 3. og 4. þessa mánað-
ar. 29% aðspurðra kváðust styðja
Kennedy, 17% studdu Jimmy
Carter forseta og næst komu svo
fjórir frambjóðendur repúblikana,
Ronald Reagan með 9%, Howard
Baker með 4%, John Connally með
3% og Gerald Ford einnig með
3%. Demókratinn Jerry Brown
hlaut 1%, og þrír repúblikanar,
þeir John Anderson, George Bush
og Phil Crane, hlutu hver minna
en 1%.
Þess ber að geta, að 33%
aðspurðra kváðust óákveðnir.