Morgunblaðið - 14.11.1979, Blaðsíða 15

MORGUNBLAÐIÐ, MIÐVIKUDAGUR 14. NÓVEMBER 1979
15
Týndir snillingar
Endurminningabók Jóns Óskars
FJÖLVI hefur gefið út siðasta
bindið af minningum Jóns ósk-
ars og heitir bókin Týndir snill-
ingar. Fyrra bindið nefndist
Jón óskar
Fundnir snillingar. Bókin er 300
blaðsiður að stærð og stærsta bók
höfundar.
í frétt frá útgáfunni segir svo
um bókina:
„Þar segir hann á skemmtilegan
og sérlega einlægan hátt frá
villuferð sinni um völundarhús
stjórnmálanna. Sem verka-
mannssonur af Akranesi gerðist
hann sósíalisti og einsýnn marx-
isti. Hann rekur það á mjög
hreinskilinn hátt, hvaða hug-
myndir beindu honum inn á þá
braut. Leiðin var vörðuð góðum
ásetningi, en þar kom að lokum að
draumsýnirnar reyndust blekking.
Það er heillandi við sögu Jóns
Óskars, að hann skellir ekki skuld-
inni á aðra, heldur ræðir á ein-
staklega hreinskilinn og drengi-
legan hátt þessa harmsögu. Hann
lítur á sig enn sem sósíalista og
herstöðvaandstæðing, en flettir
ofan af mörgum blekkingum".
„Fjölskyldan” frumflutt á Höfn;
Kraftaverk að þetta
tókst í midri
Höfn, Hornafirði, 13. nóv-
ember.
LEIKFÉLAG Hornafjarðar
frumsýnir n.k. föstudagskvöld
leikritið „Fjölskyldan“ eftir
Claes Andersson, en Heimir
Pálsson þýddi verkið.
Sigrún Vilbergsdóttir í öðru aðal-
hlutverkanna sem móðirin Svava.
Leikstjóri er Ingunn Jensdótt-
ir og er þetta annað verkið sem
hún setur á svið hjá Leikfélagi
Hornafjarðar. Áður setti hún á
svið Kertalog eftir Jökul Jak-
obsson, sem fékk góðar viðtökur.
Með aðalhlutverk fara Ingvar
Þórðarson og Sigrún Vilbergs-
dóttir. Auk þeirra koma fram
Eiríkur Guðmundsson, Ólöf G.
Helgadóttir, Halldóra Sigurðar-
dóttir, Sigurgeir Benediktsson
og Jón Atli Árnason.
Tæknimenn og bjargráðar
leikfélagsins nú eins og mörg
undanfarin ár eru þeir Bragi
Ársælsson og Sigurður Karls-
son. Þetta er tuttugasta og
áttunda verk leikfélagsins en
það sýnir að jafnaði tvö verk á
ári.
Á síðast liðnu vori var sýnt
barnaleikritið Rauðhetta og
fékk það góðar viðtökur bæði
hjá börnum og fullorðnum.
í bígerð er að taka þá
nýbreytni upp hjá leikfélaginu
að hafa eina miðnætursýningu í
viku, en þess má og geta að
„Fjölskyldan" er ekki við hæfi
barna. Að síðustu má segja það,
að þetta framtak leikfélagsins í
miðri síldarvertíð, þar sem allir
eru í vinnu sem vettlingi geta
valdið, er hálfgert kraftaverk.
—Einar.
víða um heim
Akureyri
Amsterdam
Aþena
Barcelona
Berlín
BrUssel
Chicago
Denpasar
Feneyjar
Frankfurt
Genf
Helsinki
Hong Kong
Jerúsalem
5 skýjaö
9 bjart
20 bjart
14 skýjað
5 bjart
8 bjart
6 skýjað
32 bjart
6 alskýjað
4 slydda
10 skýjað
4 skýjað
21 bjart
26 bjart
Jóhannesarborg 21 skýjað
Kaupmannahöfn 5 bjart
Las Palmas
Lissabon
London
Los Angeles
Madríd
Malaga
Mallorca
Miami
Moskva
Nýja Delhi
New York
Ósló
París
Reykjavík
Rio de Janeiro
Rómaborg
San Francisco
Stokkhólmur
Sydney
Tel Aviv
Tókýó
Vancouver
Vínarborg
22 léttskýjað
17 bjart
7 bjart
29 bjart
15 rigning
19 skýjað
13 rigning
28 rigning
1 skýjaö
27 skýjaö
11 rigning
2 skýjað
12 bjart
0 snjókoma
28 skýjaö
11 skýjað
20 bjart
4 skýjað
23 skýjaö
25 bjart
18 bjart
8 skýjað
4 skýjað
Mafíumorð í Mílanó — Lík eins af átta, sem myrtir
voru í Mílanó fyrir skömmu. Fórnarlömbin voru
skotin í höfuðið.
Eftir árshlé kom
Times loks út í gær
London, 13. nóvember, Reuter.
EFTIR næstum árshlé fengu
Bretar nú á ný dagblaðið
Times að lesa með morgun-
kaffinu og var sams konar
form á því og það hefur verið
í þau tæpu tvö hundruð ár
sem það hefur komið út.
Blaðið var 32 siður að stærð
og á forsíðu var frásögn af
töku bandariska sendiráðsins
í Teheran, og þar var einnig
talað um nánari tengsl Breta
og Páfagarðs undir fyrirsögn-
inni: „Páfagarður og Hinrik
áttundi brúa bilið í opinber-
um samskiptum sínum".
Inni í blaðinu ritaði verka-
lýðsritstjóri blaðsins um deil-
una sem varð til þess að
útgáfan stöðvaðist, en ástæður
hennar voru deilur um nýjan
vélakost, fækkun starfsmanna
og opinber verkföll. Þá var
einnig að finna í blaðinu hina
frægu Times krossgátu, bréf
til ritstjóra, minningargreinar
og fleira sem að jafnaði er birt
þar.
Til að bæta fyrir allar minn-
ingargreinarnar sem ekki hafa
komizt á þrykk í þann tíma
sem útgáfan hefur legið niðri
er ætlunin að gefa út sérstak-
an minningarkálf á næstunni.
Allir helztu höfundar sem
skrifuðu í blaðið voru á sínum
stað. Blaðið var áður gefið út í
300 þús. eintökum, en blaðið í
dag var gefið út í 400 þús
eintökum.
Thatcher fái vald til að
leysa Ródesíudeiluna
London, 13. nóv. Reuter.
NEÐRI málstofan í brezka þing-
inu samþykkti í dag frumvarp sem
gefur rikisstjórninni vald til að
færa Zimbabwe-Ródesíu til lög-
formlegs sjálfstæðis. Ríkisstjórn
Thatchers lagði fram frumvarpið í
þeirri von að samkomulag næðist
fljótlega um þessa deilu sem nú
hefur staðið i f jórtán ár, eða siðan
Ródesia sagði sig úr lögum við
Bretland. Verkamannafiokkurinn
hefur barizt mjög eindregið gegn
frumvarpinu og talsmaður þess,
Peter Hort, gagnrýndi það mjög
harðlega og sagði að samþykkt
frumvarpsins gæti gert aðilum
erfiðara um vik en áður við að ná
árangri á Lundúnafundinum.
7,5 Samkvæmt frumvarpinu fær
ríkisstjórnin vald til að skipa brezk-
an landstjóra í Sailsbury til að
fylgjast með því að efnt verði til
nýrra kosninga og hafa eftirlit með
þeim. I tólf klukkustunda umræðum
um frumvarpið sögðu ýmsir þing-
menn Verkamannaflokksins, að
þeir óttuðust að ríkisstjórnin myndi
notfæra sér frumvarpið til að af-
henda völdin í hendur Muzorewa
biskups. I Lundúnaviðræðunum
hafa fulltrúar Þjóðernisfylk-
inganna ekki samþykkt brezkar
tillögur um tilhögun stjórnarhátta
fram að kosningum.
Carrington lávarður gaf í dag
skæruliðaforingjunum Nkomo og
Mugabe hvassyrta aðvörun og sagði
að þeir yrðu að komast snarlega að
niðurstöðu um hvort þeir ætluðu að
ganga að tillögum hans um lausn
Ródesíudeilunnar. Sagði Carrington
þetta á fundi með þeim í dag og
sagði að endalaust málþóf af því
tagi sem uppi hefði verið haldið í tíu
vikur þjónaði ekki minnsta tilgangi.
Málshöfðun á
frönsku lögregluna
París 13. nóvember. AP.
FERNANDE og Sabrina Mes-
rine, móðir og dóttir franska
bófans Jacques Mesrine, sem
fimmtíu lögregluþjónar skutu
til bana fyrir fáeinum dögum,
hafa nú formlega höfðað mál á
hendur frönsku lögreglunni
fyrir að skjóta Mesrine niður og
gefa honum hvorki færi á að
gefast upp, hvað þá heldur bera
hönd fyrir höfuð sér.
Móðir hans, Fernande, og
Sabrina, 19 ára gömul dóttir
hans, sögðu að nauðsynlegt væri
að tafarlaus rannsókn færi fram
á dauða Mesrines.
Mesrine, sem nefndur var
óvinur Frakklands númer eitt,
var skotinn fyrir nokkrum dög-
um eftir mikið umsátur af hálfu
lögreglunnar. Hófu lögreglu-
menn ákafa skothríð á bifreið
hans og átján skot munu hafa
lent í Mesrine.