Morgunblaðið - 03.02.1980, Blaðsíða 3

MORGUNBLAÐIÐ, SUNNUDAGUR 3. FEBRÚAR 1980
3
Gjörnýttu aflann
svo ekki sást fugl
í kjölfari skipanna
Mikill floti skipa
frá A-Evrópu á
kolmunnaveiðum
austur af landinu
allan síðari hluta
síðasta árs
— ÉG HEF komið upplýsingum
og skoðunum mínum á framfæri
við ráðamenn, en því miður
finnst mér alltof mikill sofanda-
háttur í þessu máli og er ugg-
andi ef Rússarnir fá að veiða
þarna án þess að neitt sé gert við
því, sagði Guðmundur Kjærne-
sted skipherra í samtali við
Morgunblaðið í vikunni. Veið-
arnar, sem hann talar um eru
Guðmundur Kjærnested skip-
herra.
veiðar flota Sovétmanna og ann-
arra þjóða Austur-Evrópu aust-
ur af Langanesi við 200 mílna
mörkin.
— Við urðum fyrst varir við
þennan mikla flota 12. júlí í
fyrra og þá voru þarna um 60
skip, segir Guðmundur. — 23.
ágúst voru skiptin orðin rösk-
lega 150 og flest urðu þau um 170
á þessum slóðum. Þarna voru
einhver skip frá A-Evrópu allt
fram til 19. desember, en þá voru
þar 9 skip, en síðan höfum við
ekki orðið varir við þau.
— Þarna voru Rússar, Pól-
verjar, A-Þjóðverjar, Rúmenar
og jafnvel skip frá fleiri þjóðum
A-Evrópu. Þetta voru rann-
sóknaskip, skuttogarar og nóta-
veiðiskip frá 500 tonnum og allt
upp í 3—4.000 lestir á stærð og
ekki skal gleyma verksmiðju-
skipunum, sem vinna allan afl-
ann. Skipin voru þarna á kol-
munnaveiðum, sem þau gjör-
nýttu. Fiskurinn var frystur,
saltaður í tunnur og flakaður.
Aðeins innyflin fóru í bræðslu og
svo gjörsamlega var aflinn nýtt-
ur, að ekki sást fugl í kjölfari
skipanna. Skipulagið var mikið
og t.d. sáu sum skipanna um að
fiska, en losuðu pokann síðan frá
og önnur komu aflanum um borð
í verksmiðjuskipin. Enginn tími
fór til spillis, segir Guðmundur.
Starfsmenn Landhelgisgæzl-
unnar fylgdust með ferðum skip-
anna og einu sinni var farið um
borð til að kanna útbúnað og
afla. Skipin voru á stóru svæði
Ljósm. I.andhulKÍsuH'/lan.
Austur-ovrópsku verksmiðjutogararnir eru geysilega afkastamikil skip. Ilér liggja tvö þeirra hlið við
hlið og annað þeirra hefur nýlega innbyrt pokann fullan. líklega af kolmunna.
enda mörg á ferðinni, en mest
rétt við 200 mílurnar beint
austur af Langanesi, en einnig
munu þau hafa farið inn í
íslenzku landhelgina. Þarna er
alþjóðlegt hafsvæði og myndi
verða áfram þó svo að Norðmenn
færðu út landhelgi við Jan
Mayen.
— Það eru gífurleg verðmæti,
sem synda þarna við og innan
200 mílna landhelgi okkar, held-
ur Guðmundur áfram. — Maður
veltir því ósjálfrátt fyrir sér
hvort við getum ekki nýtt okkur
þessi verðmæti fyrst Rúmenar
sjá sér hag í því að koma alla
þessa leið með fjölda skipa.
— Það er sífellt klifað á því,
að verkefni vanti fyrir loðnuflot-
ann og takmarkanir eru stöðugt
auknar í öllum veiðiskap. í júlí
og ágústmánuði var mest af
þessum erlendu skipum, en þá
vantar einmitt verkefni fyrir
okkar skip. Það er mjög líklegt
að þessi kolmunni fari(í gegnum
okkar hafsvæði og því þyrfti
ekki að elta hann alla þessa leið,
en loðnuflotinn er stór og þó
flest skipanna séu útbúin fyrir
nótaveiði, þá eru sum þeirra
einnig gerð fyrir togveiði. Auk
þess eru Sovétmennirnir einnig
með nótaveiðiskip á þessum
slóðum.
— Þessi mið eru ekki lengra
frá okkur heldur en t.d. gerist á
loðnunni þegar skipin sigla með
afla sinn frá Kolbeinsey og til
Neskaupstaðar eða frá Horni til
Vestmannaeyja. Þarna eru mikil
verðmæti á ferðinni og við erum
í vandræðum með verkefni fyrir
glæsilegan flota. Væri ekki vert
að kanna þetta nánar? spurði
Guðmundur Kjærnested að lok-
um.