Morgunblaðið - 10.02.1980, Side 24

MORGUNBLAÐIÐ, SUNNUDAGUR 10. FEBRUAR 1980
24
Hreiðar Guðlaugs-
son — Minningarorð
Fæddur 22. júní 1922.
Dáinn 1. febrúar 1980.
Hinn 1. þ.m. lést Hreiðar Guð-
laugsson, starfsmaður Bæjarút-
gerðar Reykjavíkur, eftir erfiða
sjúkdómslegu. Hafði hann þá
starfað hjá því fyrirtæki í 25 ár,
en hann réðst til útgerðarinnar 1.
janúar 1955. Hófust þá löng og góð
kynni okkar Hreiðars, ekki aðeins
í starfi, heldur og utan þess, því að
ég tel, að með okkur hafi alla tíð
verið góð vinátta.
Hreiðar fæddist í Reykjavík 22.
6. 1922, sonur hjónanna Ingveldar
Hróbjartsdóttur og Guðlaugs HJ.
Vigfússonar, málara hér í bæ. Eru
þau nú bæði látin. Hreiðar átti
þrjár alsystur, þær Kristínu,
Jenný og Guðrúnu, og hálfsystur,
Rögnu, dóttur Guðlaugs, er var
elst þeirra. Eru þær allar á lífi, og
hefir ávallt verið mjög kært með
systkinunum öllum.
Hreiðar ólst upp í Laugarnes-
hverfi og varð fljótt ljóst í hverf-
inu, að hér var á ferðinni óvenju
fjörmikill drengur, fullur af gáska
og framtakssemi. Segir Gestur
Þorgrímsson mjög skemmtilega
frá bernskubrekum þeirra félaga í
bók sinni „Maður lifandi", „þegar
þeir voru börn og bjuggu til höll
úr hundaþúfu eða fólk úr þvotta-
klemmum, reyttu gras handa
hrútshornum eða sigldu skónum
sínum til annarra landa", eins og
segir í formála bókarinnar. Hugð-
ust þeir smíða „fyrstu svifflugu á
íslandi", og skyldi hún dregin á
loft af Mósa gamla. Það kom í hlut
Hreiðars að vera flugmaðurinn. A
loft komst flugan, en ferðinni lauk
með brotlendingu. Engan sakaði
þó, enda ekki hátt flogið.
Þegar Hreiðar óx upp, gekk
hann að öllum ver.julegum störf-
um. Um skeið vann hann við
afgreiðslu hjá fisksala að Lauga-
vegi 27. Eignaðist hann marga
ágæta vini meðal viðskiptamann-
anna, enda var hann sérlega
röskur við afgreiðsluna, en jafn-
framt glettinn og ljúfur í viðmóti.
Bifreiðaakstur stundaði hann um
tíma. Hann réðst til vinnu í
Baldursstöðinni, sem var saltfisk-
verkunarstöð í vesturbænum. Þar
sem annars staðar gat hann sér
hið besta orð sem ágætur starfs-
maður og fékk hann, er hann
starfaði þar, löggildingu sem salt-
fiskmatsmaður. Einnig stundaði
Hreiðar sjóinn. Var hann nokkuð
á togurum, m.a. á Hvalfellinu með
Snæbirni Olafssyni.
Hinn 28. ágúst 1943 gekk Hreið-
ar að eiga Olínu Kristinsdóttur,
hina ágætustu konu. Varð hjóna-
band þeirra mjög farsælt og
eignuðust þau brátt fallegt heim-
ili. Þau eignuðust tvo syni, Guð-
laug, f. 1943, og Helga Má, f. 1952.
Guðlaugur stundaði nám við Veit-
inga- og hótelskóla íslands og lauk
þaðan prófi með mjög góðum
vitnisburði. Rekur hann nú mat-
stofu að Laugarási með miklum
myndarbrag. Hann kvæntist Kol-
brúnu Guðmundsdóttur og eiga
þau 3 börn.
Yngri sonur þeirra Hreiðars og
Ólínu, Helgi Már, er loftskeyta-
maður. Starfar hann nú á Kefla-
víkurflugvelli við eftirlit, viðhald
og viðgerðir á fjarskiptatækjum.
Helgi er kvæntur Guðrúnu Sig-
mundsdóttur, sem á eina dóttur.
Gengur Helgi henni í föður stað.
Hreiðar fylgdist vel með sonum
sínum eftir að þeir fóru úr föður-
húsum. Var honum mjög annt um
þá og gladdi það hann mjög,
hversu vel þeir komust til manns.
Veit ég, að hugur hans dvaldi
mjög oft með þeim, fjölskyldum
þeirra og starfi og ríkti með þeim
feðgum og fjölskyldunni allri
gagnkvæm vinátta.
Eins og áður er sagt réðst
Hreiðar til starfa hjá Bæjarútgerð
Reykjavíkur hinn 1. janúar 1955,
þar sem hann starfaði til dauða-
dags. Er skemmst frá því að segja,
að Hreiðar vann sér þar hylli
allra, er með honum störfuðu.
Starfaði Hreiðar við afgreiðslu
togaranna af mestu samvisku-
semi. Hann var þannig gerður, að
hann fann ávallt hjá sér hvöt til
að færa allt í betra horf, ef þess
var kostur, án þess að hann væri,
um það beðinn, því að honum var
mjög annt um hag útgerðarinnar.
Með ráðdeildarsemi sinni hefir
hann vafalaust sparað útgerðinni
mikið fé.
Sjálfur var hann allra manna
sporléttastur, ef því var að skipta,
og þoldi ekki öðrum seinlæti eða
hangs. Það gustaði að honum, því
að hann þoldi enga lognmollu, en
með honum bjó hlýr hugur vel-
vildar í garð allra. Stundum gat
honum runnið í skap, en jafnan
fljótt var honum runnin reiðin.
Hjálpfýsi var honum í blóð borin,
hver sem í hlut átti.
Hreiðar var félagslyndur og
hafði mikinn áhuga á félagsmál-
um. Hann var trúnaðarmaður
fastráðins starfsfólks Bæjarút-
gerðarinnar hjá B.S.R.B. og var í
stjórn þeirra samtaka. Til þess að
kynnast betur félagsstörfum sótti
hann námskeið í félagsmálum.
Hygg ég, að Hreiðar hafi verið
góður fulltrúi starfsfólksins, því
að hann bar jafnan hag þess fyrir
brjósti og leitaðist við að stuðla að
sáttfýsi manna á milli, ef því var
að skipta.
Sérstök vinátta tókst með
Hreiðari og yfirverkstjóranum,
Sigurði Kristjánssyni, og var sam-
vinna þeirra mjög náin. Tók
Hreiðar við störfum Sigurðar í
sumarleyfum hans og leysti þau af
hendi með ágætum. Sigurður
reyndist honum og ætíð mjög vel,
ekki síst í hinum erfiðu veikindum
hans nú undanfarið.
Þegar ég lít yfir horfna tíð, á ég
margar skemmtilegar og fallegar
minningar um Hreiðar úr starfi
og tómstundum. Fórum við Hreið-
ar nokkrum sinnum, ásamt Sig-
urði Kristjánssyni, í veiðiferðir og
í vetrarferðir. Er mér sérstaklega
minnisstæð ein slík ferð, er við
lentum í snjóþyngslum og erfiðri
færð inni í Þjórsárdal. Yfirleitt
var Hreiðar ágætur ferðafélagi,
alltaf kátur og hress og sérstak-
lega úrræðagóður, ef eitthvað
bjátaði á.
Fyrir liðlega ári kenndi Hreiðar
sér þess meins, sem átti eftir að
draga hann til dauða. Þegar hon-
um varð ljóst, að hverju fór, tók
hann því með æðruleysi og virtist
staðráðinn í að beygja sig ekki
fyrir örlögum sínum. Á meðan
hann lá banaleguna, ræddi hann
við Sigurð Kristjánsson, vin sinn,
um það, hvort ekki væru tök á að
fá léttari starfa, þegar honum
skánaði. Að tveim dögum liðnum
var hann allur.
Samstarfsfólk Hreiðars á á bak
að sjá góðum félaga þar sem
Hreiðar er, og mun það lengi
minnast hans.
Vil ég að lokum votta konu
Hreiðars og fjölskyldu allri inni-
lega samúð.
Þorsteinn Arnalds.
Á morgun kl. 15 verður til
moldar borinn Hreiðar Guðlaugs-
son, verkstjóri hjá Bæjarútgerð
Reykjavíkur.
Hann var fæddur 22. júní 1922,
sonur hjónanna Guðlaugs H. Vig-
fússonar og Ingveldar Hróbjarts-
dóttur, sem búsett voru í
Reykjavík. Þrjár alsystur átti
Hreiðar og eina hálfsystur.
Snemma fór Hreiðar að vinna
fyrir sér og vann hann alla
algenga vinnu til lands og sjós, svo
sem bifreiðastjórn hjá Olíuversl-
un íslands um nokkura ára skeið
og um tíma hjá Baldursstöðinni
við saltfiskverkun, en þar aflaði
hann sér matsréttinda í þeirri
grein. Þá var hann og um tíma á
togurum.
28. ágúst 1943 kvæntist Hreiðar
eftirlifandi konu sinni, Ólínu
Kristinsdóttur en þau eignuðust 2
syni, Guðlaug matsvein og Helga
Má loftskeytamann.
Um áramótin 1955 hóf hann
störf hjá Bæjarútgerð Reykja-
víkur og var þar til dauðadags.
Við, sem áttum því láni að fagna
að þekkja Hreiðar trúum því vart
að hann skuli nú á besta aldri vera
horfinn sjónum okkar. Það er
huggun í harmi, að minningin um
góðan dreng lifir þótt svona fari.
Við vitum að þetta er sú ferð sem
fyrir öllum liggur og við erum þess
fullvissir, að björt framtíð á
næsta tilverustigi bíður okkar
allra.
Við þökkum fyrir það, að hafa
fengið að þekkja og starfa með
Hreiðari Guðlaugssyni og sendum
konu hans og sonum, systrum og
öðru venslafólki hans okkar inni-
legustu samúðarkveðjur.
Vinnufélagar.
Við eigum bágt með að trúa því
að Hreiðar afi sé látinn. — Við
vissum að hann var veikur, en
gerðum okkur ekki greiri fyrir því
hve alvarlegur sjúkdómur hans
var. — Því alltaf var hann kátur,
glaður og brosandi.
Okkur langar að þakka honum
allt það sem hann gerði fyrir
okkur og allt það sem hann var
okkur. — Ógleymanlegir verða
sunnudags-bíltúrarnir með hon-
um. — Hve gaman var t.d. að fara
með honum um höfnina og út á
hafnargarðana, þar sem hann
sagði okkur frá skipunum, sem
hann virtist þekkja öll, — frá lífi
og starfi sjómannanna. — Já og
ekki munum við gleyma því þegar
við fengum að gista hjá afa og
ömmu í Ásgarðinum. — Og svo
ótal margt annað munum við
geyma í minningu okkar. — Og
þegar litli bróðir er orðinn nógu
stór munum við segja honum frá
hve elskulegur og góður maður afi
okkar var.
Við biðjum góðan Guð að gefa
ömmu styrk í sorg hennar.
Hreiðar, Rósa og ólafur Már.
Af mælis- og
minningar-
greinar
ATHYGLI skal vakin á því, að
afmælis- og minningargrcinar
verða að berast blaðinu með
góðum fyrirvara. Þannig
verður grein, sem birtast á í
miðvikudagsblaði, að berast i
siðasta lagi fyrir hádegi á
mánudag og hliðstætt með
greinar aðra daga. Greinar
mega ekki vera i sendibréfs-
formi. Þess skal einnig getið
af marggefnu tilefni að frum-
ort ljóð um hinn látna eru
ekki birt á minningarorðasið-
um Morgunblaðsins. Handrit
þurfa að vera vélrituð og með
góðu linuhili.
Elskulegur sonur okkar,
KETILL AXELSSON,
Sunnubraut 45,
Kópavogi,
er lézt af slysförum þrlöjudaginn 5. febrúar, veröur jarösunginn
miövikudaginn 13. febrúar frá Kópavogskirkju kl. 3.
Axel Ketilsson
Erla Axelsdóttir
Laufey Torfadóttir
Guöbjörg Karen Axeisdóttir
t
Eiginmaöur minn, faöir okkar, tengdafaöir og afi,
KRISTINN OTTASON,
skipasmióur
verður jarösunginn frá Dómkirkjunni, þriöjudaginn 12. febrúar kl.
13.30.
Guólaug Eiríksdóttir
Hanna Kristinsdóttir, Hilmar Gestsson,
Otti Kristinsson, Rannveig ívarsdóttir,
og barnabörn.
t
Eiginmaður minn
ÞORGEIR ÞORSTEINSSON
veröur jarösunginn frá Fossvogskirkju þriöjudaginn 12. febrúar kl.
1.30.
Þeir sem vildu minnast hins látna vinsamlega láti líknarstofnanir
njóta þess.
Fyrir hönd barna, tengdadóttur og barnabarna,
Sigurbjörg Guömundsdóttir.
t
Þökkum innilega auösýnda samúö og hlýhug, við fráfall og útför
mannsins míns, fööur okkar, tengdafööur og afa.
HELGA F. ARNDAL
Sérstakar þakkir færum viö læknum og starfsfólki St. Jósefsspít-
ala Hafnarfiröi fyrir góöa umönnun.
Guölaug M. Arndal
Sigríöur H. Arndal Emil Emilsson
Jónína K. H. Arndal Þorsteinn Hjaltason
Guörún H. Arndal Gestur Eggertsson
Magnús H. Arndal
og barnabörn.
t
Eiginmaður minn og faöir okkar
TÓMAS TÓMASSON
Langholtsvegi 165
veröur jarösettur frá Fossvogskirkju þriöjudaginn 12. febrúar kl.
10.30.
Elísabet Elíasdóttir
Fjóla Tómasdóttir Bjarni Tómasson
Sóley Tómasdóttir Jens Tómasson
Margrét Tómasdóttir Haukur Tómasson
Elías Tómasson
t
Innilega þökkum viö öllum fyrir vinarhug og samúö viö andlát og
útför fööur okkar og tengdafööur
ÁSGRIMS GUÐJÓNSSONAR
fyrrverandi tollvaröar
Arnbjörn Ásgrímsson,
Guöjón Ó. Ásgrímsson,
Ragnheiður Ásgrímsdóttir,
Kristín Guóvaröardóttir,
Svanlaug Magnúsdóttir,
Sigurður Sigurösson.
t
Þökkum auösýnda samúö vlö andlát og útför konu minnar, móöur
og tengdamóöur
ELINBORGAR ÞÓRÐARDÓTTUR,
Rauóalæk 2.
Vigberg Einarsson,
Ásta Anna Vigbergsdóttir,
Axel Björnsson.
t
Maöurinn minn
HREIÐAR GUÐLAUGSSON
Ásgarói 73,
veröur jarðsunginn frá Bústaðakirkju, mánudaginn 11. febrúar kl. 3.
Þeir sem vildu minnast hins látna er bent á krabbameinsfélagiö.
Ólína Kristinsdóttir,
synir, tengdadætur og barnabörn.
Lokaö vegna jarðarfarar
HREIÐARS GUÐLAUGSSONAR
mánudaginn 11. febrúar kl. 14—17.
Veitingahúsið Lauga-As.