Morgunblaðið - 19.02.1980, Blaðsíða 26

26
MORGUNBLAÐIÐ, ÞRIÐJUDAGUR 19. FEBRÚAR 1980
• Páll Björgvinsson og Þorbergur Aðalsteinsson komast lítið áleiðis er þessi mynd
var tekin, það eru Andrés Bridde og Björn Eíríksson sem þjarma að þeim. LjAsm. Emiiía.
Víkingur í kröppum
dansi gegn Fram
VÍKINGAR lentu í kröppum
dansi gegn Fram þegar liðin
mættust í 1. deiid íslandsmótsins
í handknattleik á laugardag.
Víkingar sigruðu 20—18 í hörku-
leik. Hinir ungu leikmenn Fram
sýndu enga minnimáttarkennd.
Börðust af krafti og voru ekki
fjarri því að stela stigi. Þegar sjö
mínútur voru til leiksloka höfðu
Víkingar örugga forustu, 19—14.
en Fram náði að minnka muninn
í eitt mark er 30 sekúndur voru
eftir. Mikill darraðardans var
stiginn í Ilöliinni lokasekúndurn-
ar. Ahorfendur risu úr sætum
sínum. spennan var í algleym-
ingi. Þegar sjö sekúndur voru til
leiksloka braust Sigurður Gunn-
arsson í gegn og vítakast var
dæmt. Ahorfendur þyrptust að
hliðarlínunni og Bogdan Kow-
alczyk, hinn póiski þjálfari
Víkinga rak sina leikmenn til
baka í vörn. Sigurður Gunnars-
son bjó sig undir að taka víta-
kastið — og skoraði af öryggi.
Þar með var sigur Víkings
tryggður — tvö dýrmæt stig í
höfn. Víkingar hafa nú leikið 10
leiki og sigrað í þeim öilum —
það er mikið afrek.
Jafnræði var með liðunum í
fyrri hálfleik, Víkingar þó ávallt
fyrri til að skora, en Fram var
aldrei langt undan. Þorbergur
Aðalsteinsson skoraði fyrsta mark
leiksins en Hannes Leifsson jafn-
aði, 1—1. Páll Björgvinsson skor-
aði næstu þrjú mörk Víkings gegn
einu marki Erlends Davíðssonar,
staðan 4—2. Á 8. mínútu skildu
enn tvö mörk, 5—3. Þá misnotaði
Sigurður Gunnarsson vítakast og
á 14. mínútu náði Fram að jafna
6—6. Víkingar skoruðu tvö næstu
mörk, Páll og Steinar en Eriendur
Davíðsson minnkaði muninn í eitt
mark, 8—7. í kjölfarið var tveimur
Víkingum vísað af velli, Steinari
og Erlendi Hermannssyni en þrátt
fyrir það voru næstu tvö mörk
Víkings, þeir Ólafur Jónsson og
Steinar komu Víking í 10—7.
Leikmenn Fram lögðu ekki árar í
bát, fjarri því — Erlendur Dav-
íðsson, sem átti stórleik í fyrri
hálfleik, skoraði þrjú mörk án
svars Víkinga og jafnaði metin
fyrir leikhlé, 10—10. Þessi ungi
leikmaður átti stórleik fyrir
Fram, vaxandi leikmaður og gott [
efni.
Segja verður að Víkingar voru
-320-18
óvenju daufir í fyrri hálfleik en
verulega lifnaði yfir þeim í síðari
hálfleik. Sigurður Gunnarsson
kom inná í byrjun síðari hálfleiks.
Hann er meiddur og Bogdan vildi
því nota hann eins lítið og kostur
var. Hann breytti sóknarleik
Víkinga mikið til hins betra.
Þorbergur Aðalsteinsson kom
Víkingi í 11—10, Árni Indriðason
skoraði næsta mark eftir sendingu
frá Sigurði, 12—10. En leikmenn
Fram höfðu ekki sagt sitt síðasta
orð. Mikil leikgleði einkenndi leik
þeirra og næstu þrjú mörk voru
Fram, þeir Hannes, Erlendur og
Andrés komu Fram yfir í fyrsta
sinn í leiknum, 13—12 og 7
mínútur af síðari hálfleik.
Þá hins vegar tóku Víkingar
verulega við sér. Þeir leku næstu
14 mínútur eins og meistarar —
skoruðu hvorki fleiri né færri en
sex mörk án svars frá Fram.
Sigurður Gunnarsson 3, Árni
Indriðason 2 — eftir sendingar frá
Sigurði og Erlendur Hermannsson
skoraði 18. mark Víkings. Að baki
sterkri vörn Víkinga var frábær
markvörður, Kristján Sigmunds-
son. Hann varði mjög vel og
lokakaflann varði hann tvívegis
vítaköst, hafði áður varið það
þriðja á 15. mínútu frá Erlendi
Davíðssyni.
Staðan breyttist því 18—13
Víkingi í vil og aðeins 10 mínútur
voru til leiksloka. En Fram hafði
ekki sagt sitt síðasta orð. Hannes
Leifsson skoraði 14. mark Fram,
Þorbergur svaraði fyrir Víking,
19—14. Andrés Bridde skoraði 15.
mark Fram úr víti en skömmu
síðar varði Kristján Sigmundsson
vítakast frá honum. Hannes
Leifsson minnkaði muninn í þrjú
mörk, 19—16 og skömmu síða var
Árna Indriðasyni vikið af velli.
Sigurbergur Sigsteinsson minnk-
aði muninn í tvö mörk, 19—17
þegar tæpar tvær mínútur voru til
leiksloka. Þegar rétt mínúta var
til leiksloka fékk Fram víti en enn
varði Kristján snilldarlega. Engu
að síður misstu Víkingar knöttinn
og Hannes Leifsson brunaði upp
og skoraði úr hraðaupphlaupi,
19—18. Spennan í algleymingi,
rétt tæpar 30 sekúndur eftir.
Víkingar héldu knettinum vel og
þegar sjö sekúndur voru til leiks-
loka braust Sigurður í gegn og víti
var dæmt — hann skoraði af
öryggi og innsiglaði sigur Víkings.
Eins og fyrr í vetur unnu
Víkingar sigur á sterkri liðsheild.
Liðið er mjög vel samæft, en á
köflum datt broddurinn úr sókn-
arleik liðsins. Næstu tvéir leikir
verða liðinu mikil prófraun því þá
mæta Víkingar Val og síðan
spútnikliði 1. deildar, FH. Sigurð-
ur Gunnarsson átti mjög góðan
leik með Víkingi. Breytti sóknar-
leik liðsins mjög til hins betra, þó
að hann ætti við meiðsli að stríða.
í markinu varði Kristján Sig-
mundsson snilldarlega, og bezt
þegar mest reið á. Árni Indriðason
var traustur í vörninni, Páll
Björgvinsson var sterkur, sér-
staklega í fyrri hálfleik. Þorberg-
ur tók góðar risjiur en datt niður
þess á milli. Óvenjulítið bar á
hornamönnunum tveimur, þeim
Ólafi Jónssyni og Erlendi Her-
mannssyni.
Fram mætti ofjörlum sínum á
laugardag en leikur liðsins stað-
festi svo ekki verður um villst að
Karl Benediktsson er að skapa
efni í stórlið. Erlendur Davíðsson
var óstöðvandi í fyrri hálfleik og
eins var Hannes Leifsson sterkur.
Sigurbergur Sigsteinsson skoraði
2 mörk en hann átti í mestu
erfiðleikum með að hemja Srgurð
Gunnarsson. Enn skortir breidd í
lið Fram — og því var það mjög
bagalegt fyrir liðið að verða ekki
aðnjótandi krafta Atla Hilmars-
sonar, sem sýnt hefur hvern stór-
leikinn á fætur öðrum undanfarið.
Hann var meiddur. En framfar-
irnar eru augljósar — þær sér
hver sem sjá vill.
Mörk Víkings skoruðu: Páll
Björgvinsson4, Sigurður Gunn-
arsson 4,1 víti, Árni Indriðason og
Þorbergur Aðalsteinsson 3 hvor,
Steinar Birgisson og Erlendur
Hermannsson 2 hvor og Ólafur
Jónsson 1 mark. Mörk Fram
skoruðu: Erlendur Davíðsson 8, 3
víti, Hannes Leifsson 6 og þeir
Andrés Bridde og Sigurbergur
Sigsteinsson 2 hvor, Andrés 1 víti.
Dómarar voru þeir Karl Jó-
hannsson og Árni Tómasson.
II Halls.
10 ára strit
fyrir gýg unnið
ÞAÐ gengur jafnan á ýmsu á
Ólympíuleikum. Jafnan spretta
upp fáeinar harmsögur á hverj-
um leikum og eru leikarnir í
Lake Placid engin undantekning.
A.m.k. er það ekki saga um
glaum og gleði, hlutskipti þeirra
Tai Babilonia og Randy Gardner.
Þau áttu að keppa fyrir hönd
Bandarikjanna í parakeppni list-
dansins i skautum. Voru þau
talin vera eina parið sem gæti
skákað gömlu sovésku brýnunum
Irenu Rodninu og Alexander
Zeitsev.
En á síðustu stundu varð allur
þeirra undirbúningur að engu.
Fyrir tveimur vikum tognaði karl-
inn Randy Gardner í nára. Hann
taldi sig þó á góðum batavegi, en
fyrir þremur dögum, dáginn fyrir
keppnina, féll hann tvívegis á
æfingu og reif upp meiðslin. Var
sýnt að hann gæti ekki keppt án
þess að lífi og limum Tai Babilonia
væri hætt, en sem kunnugt er, er
það jafnan hlutskipti karlanna í
parakeppninni að rífa kvenmann-
inn upp mörgum sinnum í hverri
grein og þeyta honum með tilþrif-
um frá sér.
Þau skötuhjúin felldu mörg tár,
enda öll þeirra undirbúningsvinna
fyrir gýg unnin. Babilonia er 19
ára og Gardner 21 árs. Engu áð
síður hafa þau skautað saman í 10
ár. Og þegar ljóst var að þau voru
bráðefnileg, var stefnan sett á
þessa Ólympíuleika. Voru þau ein
helsta von Bandaríkjanna um
gullverðlaun, silfur í það minnsta.
Ólympíumet er
Enke tók gullið
KARIN ENKE frá Austur-
Þýskalandi sigraði í 500 metra
skautahlaupi kvenna á Ólympíu-
leikunum í Lake Placid. Ferill
hennar sem skautahlaupari hef-
ur verið stuttur, aðeins 2 ár. Þó
varð hún heimsmeistari í fyrra í
500 og 1000 metrunum. Tími
Enke var 41,78 sekúndur, sem er
nýtt ólympíumet, en alls rufu
fimm fyrstu keppendurnir gamla
metið. Silfurverðlaunin í 500
metra hlaupinu hreppti Lea Miill-
er frá Bandaríkjunum, fékk
tímann 42,26 sekúndur. Bronsið
krækti Natalía Petrusheva frá
Sovétríkjunum sér i á timanum
42,42 sekúndur. Helsta von
Bandaríkjanna, Beth Heiden,
varð að láta sér lynda 7. sætið.
Enn göngugull
til Sovétmanna
RAISA Smetania frá Sovétríkj-
unum sigraði í 5 kilómetra
skiðagöngu i Lake Placid og voru
það önnur gullverðlaunin sem
Rússar hafa hreppt í göngu-
keppnunum til þessa. Tími Smet-
aniu var 15:06,92 mínútur.
Sovéska stúlkan var aðeins 5
sekúndum á undan finnsku stúlk-
unni Hillka Riihivouri, sem varð
önnur. Kveta Jeriova frá Tékkó-
slóvakíu varð í þriðja sæti á
15:23,44 minútum, Barbara Petz-
old írá Austur-Þýskalandi varð
fjórða á 15:23,62 mínútum.
'i^ í'é** ’i'í irt? .HN 44 w 44
bi 4-4 VIfb 44
i U U .44 44 V4* .4* 44